رواية احلام ورديه
الفصل الاول 1
بقلم نوسه حمد
اسمي نوسه عمري 25سنه البت الوحيده عند امي وابوي واخوي عمر درستا صيدله اتخرجتا وم اشتغلت كنت رافضه اشتغل ف صيدليه خاصه وفيها راجل وصراحه م سعيت اني افتش لشغل
ابوي وامي متعلقين بي شديد عمر اخوي مهندس،شغال ف شركه بترول بمش الصباح الشغل بجي المساء
انا دلوعه البيت ابوي مدلعني وامي كذالك م بحملو غيابي ولا ثانيه ؟
عندي صحبتي رسلت وظائف لي صيادله ف دول الخليج وكلهن قالن ماشات وقلتا انا من ضمنهن امشي المهم الموضوع ركب ف راسي شديد وقلت م ح اكلم اي زول
الصباح قلت لي امي ماشه عندي موضوع مع صحبتي سحر قالت لي خلاص م تتاخري عشان عمر بشاكلك قلت ليها تمام
مشيت لميت ورقي كلو عشان اقدم للشغل واستحميت وجيت لبستا
من طبعي بحب الشياكه واللبس والطبعه الفيني غريبه وم جايه مع استايلي اني م عندي حاجه لي ولد وم بحبهم عديل كده وم بصافح
المهم فتحت دولابي وشلت لي عبايه خليجيه بالكحلي عجيبه فاتحه من قدام ولبست جوه بنطلون جنز نفس لون العبايه واسبورت باللون الابيض وشنطه بالابيض
اتمكيجتا مكياخ خفيف وفكيت شعري الحاجه الوحيده النفسي اخليها
اوصف شكلي
متوسطة ف الطول لوني ابيض متوسطه الجمال الحاجه الحلوه فيني عيوني وشعري قوامي متوسط
لبست ع سنقل عشره ولبست فريم اسود وطلعتا
المحل كانت قريبه ركبتا رقشه ووصلتا اتصلت ف رقم عمر بتاع الوكاله
لاني لقيت الوكاله مقفله ردا علي قلت ليهو انا نوسه جاياك من طرف صحبتي كانت رسلت وظيفه لي صيادله ف الخليج
قال لي مرحب حبابك قلت ليهو انا برا الوكاله وعاوزه اقدم بس الوكاله مقفله
قال لي معليش انا قربتا اصل مشيت لوفاه قلت ليهو تمام قال لي عشان ح تكون الوقفه شينه ف مطعم قريب اقعدي فيهو
مشيت المطعم قعدتا قلت ليهو لمن تصل جرس علي وم تتاخر عشان اخوي بشاكلني قعد اضحك قال لي انتي ف الروضه قلت ليهو اي ف مانع قال لي لا بس حبيت امزح قفلت ليهو الخط ف وشو
وبقيت قاعده منتظرا نص ساعه م جا شلت شنطتي وطلعت وزهجانه موووت طالعه كده ومقبله ع بتاع الكاشير قلت ليهو الحساب ف الطربيزه واتحركت طوالي. انصدمنا انا وولد كده الشهاده والعمل الطيب من الله خلقني م شفتا ف جمالو كان لابس اسود ف اسود ولابس فريم اسود قال لي سووووووري قلت ليهو لا عادي ومشيت قلبي ادق فجاه سمعت صوت تلفوني اضرب لقيتو عمر وكاله رديت ليهو بي نهره قلت ليهو معليش انا طلعت وما عاوزه شغل قال لي ي بت الناس فشنو انا ف المطعم وم شايفك قلت ليهو جنب الباب اتلفت عشان اشوف عمر وكاله لقيت الولد الانصدمتا انا وهو واقف وماسك التلفون قرب علي قال لي نوسه قلت ليهو اي قال لي انا عمر 🙈استغفر الله العظيم قلت ليهو نوسه منو وعمر منو قعد اضحك قال لي مالك ي بت قلت ليهو انت عمر وكاله قال لي اي قلت ليهو ياخ بطل م تهظر ورفعت التلفون اتصلت ف الرقم ردا علي هو عاينت ليهو كده قلت ليهومعليش افتكرتك تشبه بت عمك الرسلت لينا الوظائف قعد اضحك قال لي مالا احلي مني بي قلبي قلت ليهو هو ف احلي منك واظني م قلتها بي قلبي قلتها حقيقه لمن قال لي قلتي شنو لمن حيلي مات من الخلعه قلت ليهو لا ولا شي
قلت ليهو معليش انا ح اتاخر ديل الاوراق ودا رقمي لو ف اي شي اتصل علي يلا انا ماشه قال لي الا تشربي حاجه قلت ليهو لا م قاعده اشرب قدام ولد عاين لي كده يعني نظام انتي بالشكل دا وتقولي م بشرب قلت ليهو اي نعم م بشرب ولا ح اشرب ف يوم من الايام يلا فوتك بعافيه ومشيت
بقيت اتشهد واستغفر ولد اسوي كده👋
وصلت البيت مع المغرب كده رسل لي ف الواتس من رقم اريبا هلا
قلت ليهو منو قال لي عمر وكاله
انا م صدقتا قلت ليهو عمر العسل والولد رسل لي الوش دا😧 قلت ليهو بهظر
قال لي نوسه انتي حلوه
قلت ليهو حلو انت والله وحلوات عيونك
الولد رسل لي الوش دا😲
منخلع من ردت فعلي
اتونس معاي كتير ف الواتس