رواية المشردة
الفصل السادس 6 والسابع 7
بقلم مجهول
عزو: خيير ! عايزه شنو ي وش الفقر من الصباح دأ!!!؟ +
نون : انا موافقه امشي اشتغل مع دنيا
عزو عاين لي نون بمكر ودهاء...: انتي اكيد خاته حاجه في راسك الكبير دا!!
نون سكتت ومشت منو ...
طلعت مع آمال عشان يشوفو رزقهم في الشحده والتسول !!
اهانات وزلات ..غايتو بس الحمد لله ..
نون فترت و مشت قعدت تحت يافطه ..
آمال : طيب انتي ارتاحي وانا حألف شويه واشوف لينا أكل...
نون وافقت..آمال فرحت لانو م كانت عايزه نون تمشي معاها ...لانو هي عندها طرق وسخه بتجيب بيها الأكل وم كانت عايزه نون تتعلم..!
غايتو ي حليلك ي آمال!
نون وهي قاعده في عربيه وقفت جمبها ...
نزل منها شاب ...انيق ومهندم...
لو سمحتي ي بت...
نون وقت رفعت راسها اتفاجأت وقت شافت الدكتور الفي المستشفي داك..
نون : انت !!
خالد : اي انا..كيفك!؟
نون اتذكرت موقف الشاب داك يوم كانت عايزه تودي سومه المستشفي...حست بي انو د.خالد مقصدو زي الشاب دأك..
نون : ما عارفه ! م تسألني وغور لي من وشي !
خالد استغرب منها : ي بت مالك علي!
نون : عليك الله ما تكتر حروف واكسب زمنك واقطع وشك...
خالد : حسني الفاظك ي بت !
نون جأتها غصه وقالت بخنقه : شكلك نسيت اني بت شوارع!
خالد : انا هسع م قلت ليك انك بت شوارع ..فااأفهمي..
نون : لو سمحته اتوكل علي ربك وشوف شغلك وين..
خالد دخل يدو في جيبو وطلع قروش ومدأها لي نون..
نون اتغاظت منو شديد : شوف ي دكتور ..قروشك دي لو بقت آخر قروش انا م حأشيلها !
خالد : بس انا م قصدي حاجه ..انا بس عايز اساعدك !
نون الدموع نزلن من عيونها وقالت : لو بالجد عايز تساعدني ..بس رجع لي امي وابوي !
خالد نزل راسو تحت لانو طلبها دأ مستحيل اكيد...
نون ابتسمت و مشت منو ...
خالد : ي نون!
التفتت عليهو لقتو جأي عليها : هاك دي م قروش ..دي ورقه فيها عنوان بيتي ورقم تلفوني..
لو احتجتي لاي حاجه انا تحت تصرفك ...
نون بعط تردد شالت الرقم ...
خالد : انا بوعدك وعد رجأل ..اني حالقي ليك اهلك..
نون بالرغم من كلامو دأ م فرحت...
لانو عارفه انو مستحيل يلقي ت
اهلها...
عشان كده ابتسمت مجأمله ومشت ..
خالد بعد نون مشت منو يادأب حس بالعملو
ما عرف ليشنو عمل كده
ليشنو وعدها وعد صعب كده
ليشنو هو اهتم بيها بالذأت وهي مشرده ما من توبو ...
بس ي خالد
كل شي مقدر ومكتوب عند رب العالمين...
لغاية نتقابل ف الحلقه 7 ...بقول ليكم في آمان الله ..يلا باي......
آمال جأت جأريه وهي غضبانه: شوفتك شوفتك.. +
وما كانت قادرة تاخد نفسها ونص الأكل الشايلاهو اتدفق في الأرض.!
نون : ي بت قولي بسم الله ! شوفتي شنو !
آمال ': د.خالد ادأك قروش رفضتي تشيليها ليشنو !!!!!!
نون : م حأقبل اي قروش منو
آمال : انتي كنتي تشيليها لي ياخ!
كان اشتريت لي حاجه!
نون : كرامتي اهم من الحاجه الحتشتريها..
آمال طبعآ اتحرقت منها عشان كده قالت: شوفتي كرامتك دي انتي فقديها من يوم اهلك جدعوك وما سألو عنك لي هسع..
نون م حست بي نفسها اﻷ وهي بتدي آمال كف : اوعه تجيبي سيرة اهلي بالسوء..ما حأسكت ليك نهائي.
آمال اتفأجأت وبالرغم من تصرف نون معاها الا انها سكتت..
لانها عرفت انو هي ضربت نون في وتر حساس..
نهاية اليوم رجعو لي وكرهم ..نون م اتكلمت مع آمال ولا اكلت ولا شي!
آمال م سألتها نهائي..كانت عايزها تبرد شويه..
وقت وصلو كان في امجأد واقفه ...وشافو دنيا م عزو ..ومما شافوهم قعدو يتوسوسو ..بس امال ونون م اشتغلو بالموضوع.
عزو نادهام ومشو ليهو : تعالو جيبو الايراد يلا!
آمال ادتو الايراد وقالت :نص نون ونص انا
عزو غضب وقال : نعم نعم نعم!
القروش دي حبه ي بت..م تكضبي انتي اكلتي نصها .
أمال : م اكلتها ولا حاجه!
عزو نزل ضرب في آمال بس دنيا مسكتو وهدآتو ...
عزو : يلا جهزن نفسكن حتمشو مع دنيا ..نتلاقي نهاية كل اسبوع عشان تسلموني القروش
عزو كرهم العافيه حياتو كلها قروش قروش قروش
عجب!
نون وآمال طلعو ..وركبو الامجأد بعد ما ودعو اخوانهم المتسولين
نون زعلانه من امال عشان كده ابت تتكلم معاها حتي وهي في العربيه...
في اثناء لحظه الصمت سمعو كلهم صوت بطن نون بتكورك..!
من الجوع!
قامت امال ضحكت.. ونون وراها طوالي...قالت ليها : م عندك حاجه دأساها!؟
آمال طلعت ليها نص عيشه محشيه فلافل زي الحجأر لانها معموله من الصباح...
نون : أكلت بنهم لانها كانت جعانه شديد...
امال فرحت لانو نون بقت م زعلانه منها...
آمال ونون قايلين انهم بأبتعادهم من عزو معناها انهم خلاص حيرتاحو ...
بس كانو مخطئين..لانهم كانو ماشين علي الجحيم بحد زأتو ...
ودنيا الشيطأن الاكبر.....