الفصل الثاني والعشرون 22
بقلم ابراهيم
كده كده يا قلبي يا حته مني يا كل حاجه حلوه فيا
كده
كده هتمشي وتسبني وحدي في الحياه والدنيا دي
يعني اي
يعني خلاص انا مش هشوفك تاني
مش هلمسك مش هحكي ليك عن حاجه تعباني
يعني خلاص انا مش هشوفك تاني
مش هلمسك مش هحكي ليك عن حاجه تعباني
كنت رووووحي لما كان جوايا روووح
عمري ما اتخيلت انك يوم تروح
كنت رووووحي لما كان جوايا روووح
عمري ما اتخيلت انك يوم تروح
مش فاضلي مني غير حبه جروح
مع السلامه يا حبيبي وفي امان عمري ما انسا مهما طال بيا الزمان....
الاغنيه دي للناس الي استعدت لموت اسر ههههه😂😂
توقف النبض عند اسر وحاول الاطباء عمل جلسات كهربيه له لاجل اعاده النبض ولكن لم يفلح هذا فنظر الاطباء لبعضهم بحزن
الطبيب... دونو وقت الوفاه وخدوه للتلاجه يلا
الممرضه ...حاضر
بمجرد ان ازالت الممرضه الادوات عنه وجاءت لتزيل جهاز النبض عنه وممرضه اخره تستعد لتدفعه ودفعته قليلا حتي تشابكت يد اسر وميرا سويا فنظر الجميع باستغراب وسؤعان ما علت الصدمه وجوههم عندما رجع نبض اسر يعمل
الطبيب.. دي معجزه الاتنبن دول ذي ما يكون روحهم متعلقه ببعض
وبدا الاطباء في انهاء العمليه لاسر وميرا
اما في الخارج فكان والد رامي ينظر لابنه بغضب شديد وزوجته تجلس حزينه ودموعها علي خدها فاقترب والد رامي منه وامسكه من قميصه بقوه
والد رامي بغضب.. انطق لي عملت في البنت كده لييي
رامي بتوتر.. اصل اصل
والد رامي بحده.. اصل اي وفصل اي البنت بتموت جوه المفروض دي ليله فرحكم تعمل فيها كده لي
والده رامي بتردد.. رامي هي ميرا يعني مطلعتش بنت
نظر لها زوجها بعدم تصديق ثم نظر لابنه الذي نفي كلام والدته
رامي.. انا ملمستهاش
والد رامي بغضب.. كمان ماشي حق البنت البريئه دي هخده منك وهدخلك السجن يا رامي انا حميتك كتير بس خلاص انتهي
والده رامي بدموع... انت يتقول اي دا ابنك
رامي بحده..محدش هياخد ميرا مني انتو فاهمين محدش هياخدها
قطع شجارهم خروج ميرا من الغرفه وخلفها اسر فاسرعو جميعا لميرا
رامي.. ميرا طمني يا دكتور
الدكتور.. الحمد لله قدرنا نوقف النزيف بس دي حاله اعتداء بالضرب فهنبلغ
والده رامي.. يالهوي تبلغو
رامي.. حصرتك انا وزوجتي كنا مروحين واتعرضنا لهجوم وهما اللي عملو فيها كده وانا انقذتها
الدكتور بشك... بس حضرتك مش باين عليك جروح وبرصو لازم نبلغ
رامي بحده.. مراتي وانا حر وهبلغ انا خلاص بقي
والد رامي.. معلش يا دكتور اهم حاجه صحتها هي بخير
الدكتور.. ايوه والشاب بخير وهيفضلو في العنايه٢٤ ساعه وبعدين يخرجو
فنظرو جميعا لاسر ورامي ينظر له باستغراب.فقال والد رامي.. تمام شكرا ليك
الدكتور.. العفو بعد اذنكم
ورحل الجميع واخذ الممرضات اسر وميرا للعنايه ورامي ينظر لاسر باستغراب وقال لوالده.. مين دا
والد رامي.. دا شاب خبطناه بالعربيه وجينا بيه هنا
رامي.. تمام
والده رامي بقلق.. طب واهل ميرا مش لازم يعرفو
والد رامي بحزن.. نقولهم اي بنتكم ابننا ضربها يوم فرحها لما كانت هتموت ثم نظر لرامي وقال له امشي من قدامي لموتك
ورحل رامي بحزن وظل والده ووالدته جالسون بانتظار ميرا واسر ويدعون لهم بالشفاء
كان سرير ميرا واسر بجانب بعض في العنايه وكان القدر يريد جمعهم مره اخري كلاهما في عالمه الخاص لا يشعر بشي ومرت٢٤ ساعه وهم تحت الملاحظه ودخل الطبيب ليفحصهم ورامي واهله في الخارج بانتظار
وبعد قليل خرج الطبيب وقال لهم.. الشاب كويس الحمد لله بس هيحتاج وقت لحد ما الكسر اللي في رجله وايده يبقي كويس وهننقله لاوضه عاديه انما البنت للاسف دخلت في غيبوبه
رامي بصدمه.. غيبوبه
الدكتور.. ايوه للاسف بس هي العلامات الحيويه بتاعتها كويسه جدا بس تقريبا هي بتهرب من حاجه بتوجعها فدخلت غيبوبه
والد رامي بحزن.. طب وهتفوق امتي
الدكتور.. الغيبوبه ممكن تستمر يوم او شهر او سنه او اكتر حسب المريض ربنا يقومهالكم بالسلامه بعد اذنكم
رحل الطبيب وظل الجميع في حاله صدمه
والد رامي بغضب.. منك لله اقول لابوها اي
رامي بجنون.. ههههه لا ميرا كويسه وهتقوم وتحبني وتكون ليا وحدي هههههه ميرا بتاعتي مش هتمشي ههههههه ميرا حبيبتي انا وبس ودخل بسرعه للعنايه وامسك ميرا وظل يهزها
رامي بجنون.. فوقي يا ميرا فوقي يلا يلا عشان تحبيني فوقي وظل يهزها بجنون
فهرول الجميع اليه والممرضات تحاول ابعاده
والد رامي بغضب.. ابعد عنها وفوق بقي كفايا
كسر رامي الاشياء علي الطاوله وقال بجنون.. هي بتاعتي وبس مفيش غيبوبه هتبعدها عني ميرااااااااااااا هههههههه
وظل يضحك بجنون ويكسر ما حوله حتي اتي طبيب واعطاه مهدي ونقلوه لغرفه ووالدته تبكي ووالده يشعر بالحزن الشديد عليه
والده رامي ببكاء.. ابني
والد رامي... للاسف ابنك مريض واحنا عارفين كويس ودخلنا البنت دي حياته وملهاش ذنب لازم نبلغ اهلها
اومات له زوجته راسها وهي تبكي واخرج والد رامي الهاتف ثم هاتف ادم وطلب منه الحضور للمستشفي ثم قفل وجلس بحزن بجانب زوجته
وبعد قلبل كانت سميه ورؤي وادم يجرون في الطرقه بسرعه يبحثون عن العنايه حتي وجدو والد رامي يجلس بحزن هناك فذهب لدم اليه بغضب وامسكه من قميصه وقال... بنتي فين
والد رامي بحزن.. في العنايه للاسف دخلت غيبوبه
ادم بصدمه.. غيبوبه بنتي اي حصلها انطق
كل هذا وسميه تبكي بشده علي صغيرتها وبجانبها رؤي التي تبكي بشده هي الاخري
والد رامي بحزن.. صدقني معرفش اي حصل لقينا رامي شايلها وجاي
ادم بغضب... بنتي لو حصلها حاجه هدمركم فاهمين وابنك دا همحيه من علي وش الارض
اخفض والد رامي راسه بحزن فهو لديه الحق في غضبه فهي ابنته وابنه السبب في هذا
قاطع كلامهم الممرضه وهي تاتي وتقول.. المريض فاق تقدرو تشوفوه
والد رامي... تمام
ونظر لادم فوجده ينظر له بغضب شديد فاخفض راسه بحزن واخذ زوجته التي تبكي وذهب
اما سميه فكانت تتطلع لابنتها عبر النافذه وهي تراها وجهها ملي بالكدمات والجروح واجهزه موصله بها فنزلت دموعها بشده فانتبهت لادم يضع يده علي كتفها فبكت بشده فاحتضنها ادم
سميه ببكاء... بنتي يا ادم لي يحصلها كده
ادم بحزن.. اهدي يا حبييتي هتكون بخير
سميه ببكاء.. ياااارب وظلت تبكي في حضن زوجها وادم يتطلع بالم علي صغيرته الراقده في الفراش
فتح عينيه ببطي شديد ونظر حوله وجد جدارن باللون الابيض فحاول النهوض ولكن شهر بالم شديد في جسده فنظر لقدمه وزراعه وجدها مكسوره فنظر حوله باستغراب اخر شي يتذكره هو......
سرعان ما تذكر كل شي وبان حبيبته اصبحت لغيره فبلع غصه مريره جاءت في حلقه وشعر بوغزه في قلبه
فانتبه علي الباب يدق فنظر نحوه ووجد شخص وامراءه يدخلون لا يعرفهم
والد رامي.. حمد الله علي سلامتك
اسر.. الله يسلمك انا فين
والد رامي... في المستشفي احنا خبطناك بالعربيه وجبناك هنا انا بجد اسف جدا والله انت اللي ظهرت فجاه قدامي
اسربحزن.. لا انا اللي غلطان متتاسفش
والد رامي.. انت اسمك اي
اسر .. اسمي اسر
والد رامي.. طيب يا اسر فين اهلك نتصل بيهم
نظر له اسر بالم وقال... انا يتيم
والده رامي بحزن.. يا حبيبي اعتبرنا ذي اهلك
اسر.. شكرا
والد رامي.. طب فين بيتك عشان نوصلك حته
اسر.. انا قاعد في فندق
والده رامي.. يبقي خلاص هتيجي تقعد معانا لحد ما تتحسن
اسر برفض.. لا شكرا انا هروح فندق
والد رامي.. لا انت ذي ابني وانا قلت كلمه هتقعد معانا يلا هنسيبك ترتاح شويه
اسر بامتنان.. شكرا
ابتسم له والد رامي وخرج هو وزوجته واغلقو الباب خلفهم فتبدلت ابتسامه اسر لحزن ولمعت الدموع في عينه وقال بصوت حزين.. ميرا ونظر للخاتم الذي في يده وهطلت دموعه بالم
ذهب والد رامي وزوجته للاطمئنان علي ميرل فوجدو الشرطه امام العنايه فقلقو بشده
والده رامي.. الشرطه في اي
والد رامي.. ربنا يستر وتقدمو منهم فوجدو ادم ينظر لهم بغضب وسميه تجلس علي المقعد تبكي ورؤي تحاول ان تهدئها
ادم.. حصرتك ابنهم هو السبب في حاله بنتي وتقدر تاخد التقرير من الدكتور
الشرطي وهو يوجه حديثه لوالد رامي.. ابن حضرتك فين
والد رامي بحزن.. في اوضه جوه واخد مهدئ
والده رامي بصراخ.. بتقول اي هتسبهم يخدو ابني لااا
فنظر لها زوجها بحزن وضمها لحضنه ودخلت الشؤطه الغرفه واخذت رامي الذي كان بدا يفوق وظل بصرخ ولكن لم تتركه الشرطه واخذوه تحت انظار اهله المتالمه وادم الغاضبه......
كانت سوزي تجلس في غرفتها بجانب صديقتها وهي تشرب سجاره بغضب
تيا... اي يا سوزي مالك لي متعصبه
سوزي.. ابني الغبي عملت كل حاجه عشان وفي الاخر رافض يمسك الاملاك وقال اي بيقول بتوع اسر غبي
تيا باستغراب... انتي عملتي اي
سوزي بخبث.. عملت كتير اووي ومن زمان
تيا.... احكيلي
سوزي وهي تخرج دخان من فمها... من فتره كبيره اوووي كنت مجرد بنت عاديه هربت من اهلي بسبب الفقر واشتغلت في كازينو ومع الوقت شوفت مروان بيجي مع صحابه حاولت اغريه معرفتش ومر فتره مكنش بيجي وعرفت انه اتجوز وانا اتعرفت علي واحد وبقيت حامل منه ولما قلتله انكر الجنين كنت هنزله بس في يوم شوفت مروان تاني فقلت لي مخلوش ابوه فحطيت منوم ليه وخدته علي شقتي ولما فاق افتكر انه لمسني وبعد فتره عرفت ان مراته ماتت فرحت وقلتله انا حامل وهو صدقني واتحوزنا وعاملت ابنه اسوء معامله عشان ابني الغبي يبقي صاخب كل حاجه حته اني وديت رساله خديجه لاسر وكرهته في ابوه وخليته يبعد ودمرت علاقتهم وكل دا عشان ابني وفي الاخر هو رافض يمسك الاملاك
تيا .. انتي شريره اوووي
سوزي بخبث.. طبعا دا انا ....
وقبل ان تكمل كلامها فتح الباب بقوه فوقفت سوزي بصدمه وقالت........