رواية عشق مهدور
الفصل التاسع 9والعاشر10
بقلم سعاد محمد سلامه
﷽
ليلًا
بعد مرور ثمانية أشهُر
تبدلت المواسم من الشتاء، وها هو الصيف يقترب على الرحيل يُنذر أحيانًا بنسمات خريفية.
بمنزل أيمن ليلًا
على تلك الحشائش النديه الصغيرة بتلك الحديقه الصغيرة المُلحقه بالمنزل، كان يضجع بظهره على جدار المنزل يرفع رأسه نحو تلك النجوم المُتراصه بالسماء التى مازالت صافيه، شارد بـ سهيله إبنتهُ الرقيقه المسجونه منذ ثمانِ أشهر بين جُدران مُعتمه،يعلم أنها لا تخشى الظلام،لكن لديها رُهاب الأماكن المغلقة، حتى أن ذلك دائمًا ما كان يُسبب شِجار بينها وبين هويدا، كانت سهيله أحيانًا كثيره تترك لها الغرفه وتنام على أحد أرائك غرفة المعيشه، أو تمتثل هويدا غصبًا وتترك باب الغرفه مواربًا،تنهد قويًا يشعر بغم...بنفس اللحظه وضعت سحر أمامه صنيه صغيرة عليها كوبان من الشاي،وقالت بحُزن:
الطقس بدأ يتغير،الخريف راجع تاني،قلبي بيوجعنى أوى يا أيمن،سهيله مش عارفه عملت أيه عشان يبقى جزائها تتحبس فى زنزانه من أربع حيطان مع المجرمين وأرباب السوابق أنا كل ليله بفكر هى حالها أيه ،أنت عارف أنها بتخاف من الأبواب المقفوله،قلبي حاسس إنها مش بخير،ومعرفش ليه النيابه مرضيتش تطلعها بكفاله حتى كانت تتحاكم وهي بره السجن،صحيح خيرًا تعمل شرًا تلقى هى قالت الحقيقة من الأول،والله من كام يوم قابلت صفوانه بالصدفه وأنا راجعه من عند أمى،إتكسفت أبص فى وشها أو أكلمها،بس هى والله هى اللى قربت منى وكلمتني،وكنت عاوزه أسالها عن الحجه شُكران،بس خوفت تفهمني غلط،بس هى لمحت لى إنها مع الوقت بتتقبل وربنا مديها صبر فى قلبها،وكمان هتروح تحج وتاخد معاها صفوانه،ربنا يخفف على قلبها، فُراق الضنا نارهُ فى القلب مش بتبرد،بس ربنا يصبرها،وكمان يصبرنى على غياب بنتِ المسكينه اللى مستقبلها ضاع،ويا عالم هترسى على أيه،أنا خايفه القضيه كانت محجوزه للحُكم وخلاص الجلسة فاضل عليها أربع أيام.
زفر أيمن نفسه يشعر ببؤس من حاا إبنتهُ، لكن رغم مشاعرهُ المُتآثرة، حثها أن تتمسك بأمل يود أن يصدق هذا الأمل:
إن شاء الله خير،المحامى طمني وقالي عنده أمل إن سهيله تاخد حُكم مُده مش كبيره بعد ما النيابه سجلت القضيه دفاع عن النفس.
آمنت سحر على قوله بتمني:
يارب القاضى يكون عنده رآفه فى قلبه.
تنهد أيمن قائلًا:
مفيش قاضى فى قلبه رآفه يا سحر ده مش جلسه عُرفيه،ده جلسة محكمه وليها بالأدله.
قبل أن تتحدث سحر،سمعوا صوت هتاف قوى يمُر من أمام منزلهم،كذالك سمعوا فتح ذلك الباب الحديدي،ودخول طاهر يتشاهد قائلًا براحه:
الحمدلله أخيرًا وصلت لباب البيت،أيه الزحمه دى البلد كلها بره بيوتها.
تبسم له محمود قائلًا:
ده تجمُع لزوم الدعايه الإنتخابيه.
تنهد طاهر قائلًا:
هو مش المفروض أول يوم فى الإنتخابات خلاص بكره، والليله يبقى فى صمت إنتخابي.
رد أيمن بسخريه:
آه ما هو المُرشح بيبقى صامت لكن أتباعهُ وحبايبهُ لازم يجملوه ويشدواة من أذر الأهالى عشان ينزلوا ينتخبوه...ربنا يوفق اللى يصلح حال البلد
ردت هويدا وهى تنزل درجات السلم:
ده تجديد نصفي للإنتخابات وأكيد محسوم إن آسعد شُعيب هو اللى هيفوز،كل اللى بيحصل ده بروباجندا مش أكتر،أنا نفسي هروح بكره لجنة الإنتخابات وأعطي صوتى له.
نظر لها طاهر بآسف قائلًا بلوم:
أنا عن نفسى المفروض لأول مره يحق لى أنتخب،بس مش هروح ولا هنتخب أى مُرشح مش مُقتنع بيه،وبالذات أسعد شعيب،طبعًا إنتِ مشفتهوش فى آخر جلسة محكمه
وهو بيهدد سهيله إنها حتى لو خدت براءة من المحكمه هو مش هيخليها تتهنى بيها،الراجل ده حسيت إنه منافق وعكس الصوره اللى بيحاول يجملها قدام أهل البلد أنه بيدور لهم عالمصلحه وبيجيب لهم الخير، ويستحق يمثلهم عند الحكومه، كفايه أنه متجوز إتنين،معرفش الإتنين قابلين إزاي،طبعًا قادر يسيطر عليهم،مش عارف إزاى بيتعامل مع ولاده من كل واحده فيهم،أنا مكنتش أعرف حد من ولاده غير سامر...وكمان آصف وآيسر غير كده معرفش بقية ولاده التانين،والله بشفق عليهم من أب زى ده يمكن أكيد ميعرفهمش من بعض.
ردت سحر بنفي:
لاء صفوانه مره قالتلى إنه معندوس أغلي من ولاده من نسوانه التلاته وكمان على تواصل مع البنتين اللى أمهم ماتت الاتنين متجوزين إتنين أخوات ولاد عضو مجلس شعب صاحبه، وعايشين فى مصر،وعالدوام واصل الود معاهم.
أخذت هويدا الحديث من سحر وقالت ببساطة:
وفيها أيه لما يكون متجوز إتنين طالما عادل بينهم،كمان أنا شايفه إن الحجه شُكران عالدوام مريضه وهو من حقهُ يلاقى اللى بصحتها تكون واجهه له قدام زُملاؤه بقية أعضاء مجلس الشعب،ومش معنى إنه هدد سهيله فى المحكمه يبقى شخص سيئ،ناسى إن اللى سهيله قتلته ده يبقى إبنه.
نظرا كل من أيمن وسحر لها بضيق وعتاب،بينما قال طاهر بيقين:
سهيله متقلتش سامر،والمفروض إننا أخواتها وندافع عنها اللى يسمعك يقول خلاص صدقتِ إن سهيله مجرمة.
إرتبكت هويدا وشعرت بخزي وقالت بتبرير مُبطن:
آه طبعًا،أنا مقصدش والمثل بيقول أنصر أخاك ظالمً أو مظلوم.
رمقها طاهر بآسف قائلًا:
سهيله مظلومه.
أومأت هويدا رأسها بتوافق دون إقتناع وتهربت قائله:
أنا هروح أنام عندي بكره شغل مهم فى البنك تصبحوا على خير.
أومأ الجميع لها برأسهم وردوا عليها بود، رغم إستيائهم من طريقة حديثها عن سهيله،
بينما جلس طاهر جوار أيمن أرضً ونظر الى أكواب الشاي وجذب كوب وقام بإرتشاف بعض قطرات منه قائلًا:
أنا مدوقتش طعم الزاد طول اليوم.
نهضت سحر تنظر له بعتاب قائله:
إتلهيت فى الشغل طبعًا ونسيت تاكل زى العادة.
أومأ لها طاهر برأسه قائلًا:
هو ده فعلاً اللى حصل، وكمان أنا بحب أكل من إيديكِ الأكل له طعم تاني.
تبسمت له بحنان قائله:
دقايق هروح أجيبلك تاكل.
أومأ طاهر برأسه ونظر فى آثر سحر حتى دلفت الى داخل المنزل، عاد بنظرهُ الى طاهر وأخرج من جيبه مبلغ مالى ومد يدهُ به لـ أيمن قائلًا:
خد يا بابا، أنا قبضت من مركز الصيانه اللى بشتغل فيه، أدي للمحامى أتعابهُ.
نظر أيمن الى ذلك المبلغ وربت على يد طاهر بحنان قائلًا:
خلي فلوسك معاك ياطاهر بكره تحتاجها وأنت فى الدراسه تشتري كُتب ومستلزمات الجامعه، ناسى إنك هتبقى فى آخر سنه فى الكليه، وهتحتاج لمشاريع تخرُج وهتتكلف، يمكن وقتها أكون أنا مش معايا فلوس، النهاردة الحمدلله أنا دفعت للمحامي أتعابهُ،سحر كانت عامله جمعية عشان نبقى نكمل بها بقية جهاز هويدا، والفرح خلاص إتأجل ميعادهُ،أهو كويس نكون عملنا جمعية تانيه ونقدر نتصرف بيها...كفايه إنك شايل مصاريفك عني وبتشتغل جنب دراستك،غير كمان إنت اللى بتشجع رحيم إنه يكمل فى ممارسة البوكس والتايكوندوا فى النادي وبتدفع مصاريفهم الكتير.
تبسم طاهر وهو ينحني يُقبل يد أيمن قائلًا بإمتنان:
بابا إنت اللى فى البدايه وجهتني إنى أتعلم شغل الصيانه لما لقيت عندي هواية تصليح التلفزيونات وكمان الموبيلات حتى إنت اللى كنت بتدفع تمن الكورسات اللى كنت باخدها فى مركز الصيانه، وبسبب شطارتى فى الكورسات دى إشتغلت معاهم فى نفس المركز غير كمان بيجلي شغل تانى بعيد عنهم، أهو بسترزق.
تبسمت له سحر التى آتت بصنية طعام متوسطه وضعتها أمامه وجلست جوار أيمن تنظر له بمحبه قائله:
ربنا يوسع رزقك بالحلال دايمًا.
تبسم طاهر وهو ينظر الى ذلك الذى دلف الى المنزل وقام بإلقاء تلك الحقيبه الرياضيه أرضًا كان يشعر بإنهاك لكن حين وقع بصرهُ على الطعام نسي ذلك وهرول سريعًا نحو صنية الطعام وبدأ يقتات منها بلهفه
حذرهُ بمرح:
كُل بالراحه محدش هيحوش عنك الأكل، إنت جاي من مجاعة المفروض كنت تغسل إيدك قبل ما تاكل.
لم يرد رحيم وإستمر فى تناول الطعام.
رغم غصات قلب سحر لكن تبسمت له بحنان وقالت:
كان قلبي حاسس إن هترجع من مركز الشباب جعان وعملت حسابك وجبت لك أكل مع طاهر.
رفع رحيم رأسه ونظر لـ سحر قائلًا برجاء:
والنبي ياماما خلي قلبك يحس برجوع سهيله تانى للبيت عشان هى وحشتني أوى.
ردت سحر بأمنيه تخرج من قلبها:
إن شاء الله سهيله هترجع للبيت تاني قريب.
ــــــــــــــــــــــــــــــــــ
بـ سرايا شُعيب
بغرفة المكتب
تداول آسعد مع أحد مُساعديه سير الدعايه الإنتخابيه... تنهد بهدوء قائلًا:
تمام كده، بكره خلاص بدأ الجوله النهائيه مش عاوز مفاجأت.
رد مُساعده:
إطمن يا باشا المنافسه سهله الخصم تقريبًا مالوش أى شعبيه قصاد شعبية ساعتك، النجاح مضمون.
أومأ له أسعد برأسه قائلًا:
تمام،إنت عارف إن ده وقت الصمت الإنتخابي،وإنى المفروض كل الدعايه تتوقف.
تبسم المساعد قائلًا:
حضرتك إحنا ساكتين ومُلتزمين بالصمت،الأهالى هما اللى حابين يعبروا عن محبتهم لسيادتك.
نهض أسعد واقفًا بثقه قائلًا:
تمام،نتقابل بكره قدام لجنة الإنتخابات،عاوزك تنبه عالرجاله مش عاوز شغب مع المُرشح المنافس،هو شخص إستفزازي،وعارف مقدمًا إنه مش هيقدر عالمنافسه قصادي وممكن يلجأ للشغب.
رد المُساعد:
متقلقش يا باشا،أنا منبه عالرجاله مهما عمل أو قال هو يطنشوا.
صافح أسعد المساعد الذى غادر المكتب،بنفس الوقت صدح رنين هاتفه،جذبه من فوق المكتب ونظر الى شاشته،وقام بالرد بعد التحيه سمع الآخر يقول له:
بتصل على حضرتك أفكرك إن قضية المرحوم سامر بيه بعد أربع أيام ودى جلسة النُطق بالحُكم،عشان اعرف حضرتك هتحضر الجلسه زى الجلسات اللى فاتت.
سهم أسعد للحظات ثم زفر نفسه بغضب وفكر قائلًا:
لاء أنا مش هحضر الجلسه دى إنت عارف إن اليومين الجاين هبقى مشغول فى الإنتخابات واللف على دواير المركز وكمان نتيجة الإنتخابات، بس طمني ممكن القاضى يحكم ولا يآجل القضيه تاني.
رد المحامى بتوضيح:
معتقدش هيبقى فى تآجيل تاني، القضيه تعتبر مؤجله من الدوره القضائيه اللى فاتت وإحنا فى أول الرول، والقاضى هيبقى عاوز ينهي القضيه عشان لو فى إستئناف.
نفخ آسعد وجنتيه بغضب ثم زفر نفسه سائلًا:
ومتوقع القاضي هيحكم عليها بأيه؟.
إزدرد المحامى ريقهُ قائلًا:
هو فى ثوابت وظوابط قانونيه لنوعية الجرائم دى
بس أحيانًا الحُكم بيختلف من قاضى للتانى، حسب رؤيته للقضيه، بس بناءًا على أقوال المتهمه والحيثيات، بصراحه مش متوقع حكم القاضي، بس أكيد هتاخد حُكم مُخفف،كم سنه فى السجن.
إغتاظ آسعد قائلًا بغضب:
قصدك ايه بحكم مخفف كم سنه؟.
رد المحامى:
ده قوانين يا أفندم،وإحنا ممكن نطعن فى الحُكم بعدها لو مكنش يرضي ساعتك.
زفر آسعد نفسه يشعر بغليل قائلًا:
لو بأيدي عاوز ليها الإعدام فورًا،بس تمام خلينا ورا القانون نشوف هيوصلنا لأيه.
ـــــــــــــــــــــــــــــــــــــــ
بـ شقه خاصه بالقاهرة
زفر آصف دخان تلك السيجاره التى بيده ثم جذب ذلك الملف وقام بفتحه وقراءة محتواه يُدقيق
بكل حرف يقرأوه، أثناء تدقيقه صدح رنين هاتفه، جذبه من أمامه وتبسم حين رأي إسم أيسر، وضع بقايا السيجارة بالمنفضه ثم قام بالرد عليه قائلًا:
الساعه دلوقتى عندك كام فى "ستوكهلم".
تثائب آيسر ونظر الى ساعه موجوده بالغرفه قائلًا:
ياعم فرق التوقيت بين ستوكهلم ومصر هو ساعه يعنى الساعه هنا دلوقتي تسعه ونص عندك فى مصر عشرة ونص،يعنى لسه الليل فى أوله.
تهكم آصف قائلًا:
الليل فى أوله بالنسبه لشخص فاصي زى جنابك مقضيها طيران من بلد لبلد تانيه، أنت مش كنت مكلمني من يومين إنك فى سويسرا، الصبح تبعتلى رساله إنك فى السويد.
تبسم آيسر قائلًا:
الحق عليا بقولك على تحرُكاتي عشان أجيبلك هديه من كل بلد أنا بروحها،معايا ليك علبة شيكولاته سويسري هتنسيك السجاير اللى بتحرقها وتضر صحتك،شيكولاته ماركه أصليه.
تهكم آصف قائلًا:
ومين بقى اللى جابت لك علبة الشيكولاته دى،وأيه كان المُقابل قصادها.
ضحك آيسر قائلًا:
لاء إطمن أخوك عنده حدود،هما بوستين بس،بس والله البت صعبت عليا أوى كان نفسها فى ليله مُميزه وشموع ورقص،بس أنا قلبي حنين رقصتها لحد ما أتهدت ونامت.
ضحك آصف قائلًا:
لاء محترم،يا بني توب عن اللى بتعمله ده،تعرف أنا نفسى تقع فى بنت تعلمك الأدب.
تنهد آيسر بإشتياق قائلًا:
والله أنا كمان نفسي،نفس أشوف بنت وتعلم فى قلبي،بس لحد دلوقتي كلهم مفيش واحده فيهم ملت عيونى،وعلمت فى قلبي،أهو بتسلى،يمكن فى يوم تظهر نجمة حياتي...نفسى أعيش إحساس الحب الشوق واللوعه.
على ذكر "الحب الشوق اللوعة"
شعر آصف بنغرات قويه فى قلبه لكن قاوم ذلك قائلًا:
على فكره بابا كان زعلان منك،وقالي بدل ما كان يسافر يصيع فى أوربا كان وقف جنبي فى الإنتخابات حتى يظهر قدام الناس إن عنده رجاله.
رد آيسر:
هو كده كده ضامن ينجح، مفيش مُرشح يقدر يسد قصاد سطوته، وكمان
أنا ماليش فى لعبة السياسه والإنتخابات، أنا مصدقت خلعت من المدرسه العسكريه اللى كنا فيها، والنظام العسكري اللى كله أوامر،أنا مش زيك مقدرش أتحمل أبقى مُلتزم بقوانين صارمه،أنا بحب الحريه، وبعدين سيبك من موال الإنتخابات، إنت مش مُنتدب السنه دى فى محكمه فى القاهرة، قولى ليه ساكن فى شقه خاصه، ورغم إنك المحكمة اللى مُنتدب فيها قريبه من الڤيلا اللى عايش فيها بابا،مع حرمه المصون شهيره.
تهكم آصف بسخريه قائلًا:
هى المحكمة فعلًا قريبه من الڤيلا،بس أنت عارف إن أنا والليدى شهيره مش بنطيق كلمة لبعض،وأنا بكره سماجتها،ومقدرش أتحملها عاوز الهدوء عشان أركز فى القضايا،والشقه بالنسبه لى مُريحه جدًا وفى منطقه هاديه.
تبسم آيسر قائلًا:
فعلًا البُعد عن الليدي شهيره غنيمه،يلا بقي كفايه رغى عندي راندڤوا مع موزه سويديه ومحتاج أبقى دماغي رايقه،أشوفك بعد يومين فى مصر يكون موال الإنتخابات ده خلص.
تبسم آصف وهو يُغلق الهاتف وقام بوضعه أمامه على المكتب،ونهض للحظات ثم عاد يضع كوبً من القهوه الداكنه على الطاوله أمامه وجذب علبة السجائر وأشعل إحداها،نفث دخانها،وجذب ذلك الملف مره أخري عاد يُدقق به،حتى إنتهي وأخذ القرار مع نهاية إحتساؤهُ لكوب القهوة،جذب تلك الحقيبه الصغيره الخاصه بالملفات وقام بفتحها وجذب الملف وكاد يضعه بالحقيبة لكن توقف حين وقع بصرهُ،على ذاك الملف الموجود بالحقيبة،،قام بجذبه ووضعه على المكتب أمامه ثم ترك الحقيبة والملف الآخر،للحظات تردد فى فتح ذاك الملف لكن مُرغمً من قلبه،شعور جعله يفتح الملف،شعر بوخزات قويه فى قلبه حين وقع بصرهُ على تلك الصورة الملصوقه بأعلى أول صفحة بالملف
بتلقائيه وضع يدهُ على تلك الصورة كاد يتلمسها،لكن شعر بمشاعر مُتخبطه ومتناقضة
بين إشتياق ولوم
لكن غلبت مشاعر الغضب لديه وتحجرت عيناه وهو يحاول تغاضي النظر لتلك الصورة البريئه عكس حقيقة صاحبتها،طوى الصفحه وبدأ بقراءة الملف الى أن إنتهى أغلقهُ مباشرةً،يشعر بغضب يتوغل الى قلبه،بخبرته القضائيه توقع حكم القاضي فى تلك القضية بناءً على ما هو أمامه من أدله وحيثيات،لكن إتخذ قرار آخر برآسه لن يدع تلك الجلسة القضائيه تفوته.
ـــــــــــــــــــــــــــــــــــــــــ
باليوم التالى داخل إحد لجان الإنتخابات بالبلده كانت هويدا
تقف بمكان قريب تستطيع منه رؤية القادمين للإدلاء بأصواتهم،بترقُب منها تتمنى أن يتحقق ما تود الوصول إليه
شعرت بإنشراح حين تحقق ما أرادته ها هو آسعد يقترب للدخول الى مقر الإنتخابات... حسمت أمرها وإستجمعت ذكائها مع نِفاقها، ورفعت صوتها تُجاهر بالقول تحاول إقناع الواقفين للإدلاء بأصواتهم:
يا جماعه إنتخبوا'"المهندس آسعد شُعيب"هو أفضل شخص يمثلنا فى البرلمان،كلنا شايفين إنجازاته فى البلد،وتطويرها، مش بس مساهمته فى تطوير البنك الزراعي،لاء وكمان طور فى مدارس البلد حتى المدرسه دى اللى بتتم فيها الإنتخابات هو اللى طورها،عشانكم وعشان أولادكم يلاقوا رفاهيه،هو قلبه دايمًا على مصلحة البلد،أقل شئ نقدمه له ونشكره بيه إننا نعطي له صوتنا الإنتخابي.
هلل بعض الموجودين بالمكان بإسم
آسعد الذى دلف الى المقر وسمع حديث هويدا التى كانت تقصد ان تُعطي لها ظهرها حتى لا يظن أنها تعمدت قول ذلك حين رأته،لكن سُرعان ما أدارت وجهها له،بعد تهليل الناخبين له،إقترب أسعد منهم بود ظاهري،لكن عيناه كانت مُنصبه على هويدا التى يعلم كنيتها جيدًا هى أخت قاتلة أحد أبناؤه،لكن فكر عقلانيًا،حتى إن كانت أخت القاتله فهو لن يأخذها بذنب غيرها،إقترب منها وإنحني قليلًا وهمس لها:
مُتشكر جدًا،ممكن تستنيني بره اللجنه خمس دقايق بس على ما أحط أنا كمان صوتى الإنتخابي.
أومأت رأسها تدعي الإهتمام قائله:
بالتوفيق.
بعد عدة دقائق،بزاويه قريبه من فناء أمام ذاك المقر الإنتخابى،إقترب أسعد من مكان وقوف هويدا التى كانت ترتدي نظارة شمسيه،
وقف آسعد صامتً للحظات،إدعت البراءة وقالت:
أنا عارفه إنى أختي تستحق العقاب،أنا مش عارفه إزاي جالها قلب تقتل إنسان حتى لو كلامها صحيح إنه حاول يعتدي عليها...كان أبسط شئ صوتت وهو وقتها مكنش هيغصبها،بس أختى يظهر دراستها للطب حجرت قلبها وخلتها تسفك دم إنسان.
لم يهتم أسعد بقولها،كان رده نظرة إعجاب منه لها،يري بها صورة أخرى لفتاة بالماضى عشقها،لكن سُلبت منه مرتين.
توقف الإثنين يتحدثان دون ملاحظة عادل الذي رأهما أثناء دخوله للإدلاء بصوته... تهكم بسخريه، رغم شعورهُ البغيض إتجاهما الإثنين.
ــــــــــــــــــــــــــــــــــــــ
القاهرة
بـ آتلييه خاص بالأزياء
كانت شهيره تجلس برفقة أخيها "رامز"
يتحدثان حول الترتيبات النهائيه لذلك العرض الخاص بمجموعة الأزياء الجديدة
سمع الإثنين طرقً على باب المكتب سمح له بالدخول
دلفت فتاة ليست صاحبهة جمال فائق، مقبولة الملامح لكن تمتلك جسد طويل ورشيق كما ينبغي مثل عارضات الأزياء... نظر لها رامز بنظرة وقحه
شعرت الفتاة بتلك النظره لكن لم تُبالي فهى هنا من أجل أن تنال العمل كـ عارضة أزياء
بينما نظرت لها شهيرة بتمعُن سائله:
إنتِ "نوران"
أومأت الفتاة برأسها قائله:
أيوه أنا مدام أمل كلمتك عني.
نظرت لها شهيرة سائله:
تمام، مدام أمل قالتلى إن عندك خبرة فى عروض الأزياء.
أومأت الفتاة برأسها...بينما قال رامز:
تمام تعرفى طبعًا إن فى ماشيه خاصه لعارضات الأزياء عالبيست
" Cat walk "
ياريت تمشيها دلوقتي قدمنا.
إستجابت الفتاة لذالك سارت بالمكتب ذهابً وإيابً بغنج مثل العارضات
كانت عيناه تفترس كل ذره بجسدها،قام بالتصفيق لها بتشجيع قائلًا بحماس:
لاء واضح فعلًا إنك مش مبتدأه،لاء مُتمرسه.
إبتسمت الفتاة قائله:
من صُغري بحب أتفرج على عروض الأزياء وكمان كنت بركز فى مشية العارضات عالبيست.
غمز رامز لها بوقاحه قائلًا:
تمام كده بس لازمك شوية فنيات بسيطه وأنا هعلمهالك وإن شاء الله هتبقى سوبر موديلز.
تبسمت الفتاة بإنشراح تنظر الى شهيره سائله:
أفهم من كده إن حضرتكِ وافقتِ إنى أكون من ضمن الموديلز اللى بيشتغلوا تبع الآتلييه.
تضايق رامز من سؤال الفتاة لـ شهيره كآنها تُلغي وجوده،تعصب قائلًا:
أنا هنا المسؤول عن العارضات،ولو مش شايف فيكِ مميزات العارضة
صدقني بعد الموقف ده كنت أبسط شئ طردتك،بس عشان شايف الموهبه زائد كمان جسمك مليكان،هتغاضي عن قلة الذوق دى.
إرتبكت الفتاة قائله:
متآسفه حضرتك بس.
تنرفزت شهيره قائله:
خلاص محصلش حاجه،شغلك مع مستر رامز،العرض فاضل عليها فتره بسيطه،ومش عاوزه أى أخطاء،دلوقتي إتفضلى روحى لمكتب الإستعلامات الموظفه اللى فيه هتديكى مواعيد تدريبات العارضات.
وافقت الفتاة وغادرت المكتب بينما عيني رامز مازالت تنظر لها،إستهجنت شهيره على رامز قائله:
رامز بحذرك بلاش حركاتك دى مع العارضه دى بالذات،أمل ليا معاها شُغل كتير وأهم زبونه تقريبًا للآتلييه والبت دى تقريبًا قريبتها،وكمان مش جميلة أوى ولا جذابه،ولا إنت خلاص نظرك راح من البص عالبنات.
توتر رامز قائلًا بتبرير:
أنا أكتر واحد فاهم فى شعل العارضات كويس وبعرف اتعامل معاهم،وإطمني النوعيه دي بتبقى مركزه على هدف معين ومش فى دماغى أوصل للهدف ده دلوقتي.
تهكمت شهيره سائله:
وأيه هو الهدف ده؟.
رد رامز:
نفس هدفك زمان مع آسعد،النوعيه دى مش بتفكر غير بعقلها وبس إزاي توصل لهدفها مش مهم الطريقه،حتى لو تخلت عن حلمها كـ عارضه عالميه مقابل إن يبقى لها إسم تانى فى مجال الشُهرة والنجوميه...وتبقى سيدة مجتمع راقيه،لأنها عارفه إن شغلها كـ عارضه مرهون بفترة قصيرة،وهتيجي غيرها تاخد نفس الشهره ويمكن أكتر،فتعوض ده بإنها توقع اللى يوصلها لهدفها وتفضل ايقونه مشهورة علطول فى الصدارة.
ــــــــــــــــــــــــــــ
بعد مرور يومين
ليلًا
بظلام تلك الزنزانه
كانت سهيله تجلس القرفصاء تدفن وجهها بين ساقيها تشعر بأنها مثل التائهه بالغد لديها جلسة بالمحكمه لا تعلم ماذا سيكون مصيرها
هل سيستمر بقاؤها سجينه لمدة أطول من ذالك، هل ستبقى بهذه الزنزانه ام سيتم تحويلها لسجن آخر أكبر، تقضي فيه بقية عقوبتها على ماذا لا تعرف لما هذا حدث لها ذلك، مستقبلها ضاع، هل سيضيع شبابها أيضًا فى زنزانه بين مُعتادِ الإجرام...
بأوج أفكارها المُعتمه كان هنالك صوت ربما أعطي لها جزءً كبير من الأمل، هو صوت المذياع الخاص بإحدي السجينات معها، كان يقرأ آيات من "القرآن الكريم"
شعرت بهدوء وراحه فى قلبها،تمددت فوق الفراش،تشعر بوجود أمل قد يُنقذها من براثن ذالك اليآس...حاولت إغماض عينيها
لوقت قليل لم تنعس،لكن تشعر براحه نفسيه،لكن فجأة شعرت كآن هنالك من تمددت جوارها على الفراش،ليس هذا فقط بل كادت أن تلمس جسدها،إنتفضت سهيله سريعًا من فوق الفراش، وذهبت نحو ذر الإناره ونظرت لتلك الراقده فوق فراشها قائله بإستهجان:
فى أيه.
لم تخجل الأخري وجاوبت بفجاجه:
فى أيه يا حلوه إحنا بنتسلى.
نظرت سهيله بذهول قائله:
بنتسلي،بنتسلى بأيه،إنتِ إزاي تفكرى فيا بالشكل ده،وكمان إزاي مش مكسوفه من نفسك،ولا هتنكسفِ ليه أساسًا وإنتِ بتشتغلي فى الدعارة فمش فارق معاكى لا أى أخلاق ولا دين،ولا ستات من رجاله.
تعصبت تلك المراه ونهض من فوق الفراش تقترب منه تنظر لها بسخط وقالت بإستقلال:
مفكره نفسك ست يا بت،أنت مش شايفه جسمك مفيش فى ريحة الانوثه،إنتِ شبه عود الحديد.
رغم رجفة قلب سهيله لكن إدعت القوه كي تُرهب تلك القذره وتبتعد عنها قائله بغضب:
ولما أنا شبه عود الحديد ليه جايه لى لعند سريري،إبعد عني،إنت مفكرة إنى جايه فى قضية شيكات بدون رصيد،أنا هنا فى قضية قتل،وكمان زيادة معرفه أنا دكتوره وسهل أشوف الدم قدامى ولا يتهز فيا شعره،لمي نفسك وعندك فى الزنزانه اللى قابلين بقذارتك يبقى تبعدي عني أفضلك.
للحظه إرتجفت تلك المرأة وشعرت بالرهبه،لكن قالت بوقاحه:
يعني بتعترفي إنك قتلتِ،طب ليه يا حلوة تلوثى إيدك بالدم،وبعدين أنا غلطانه الحق عليا كنت هسليكِ وهخليكِ تنسي الواطي اللى كل ليله تهمسي بإسمه وإنتِ نايمه،مالكيش فى الطيب خليكِ كده عايشه فى بؤس وإحلمِ باللى باعك ويمكن هو السبب إنك هنا فى السجن.
نظرت سهيله لتلك المرأه بسُحق لكن حاولت السيطرة على غضبها،وعادت تجلس على فراشها تضم ساقيها لصدرها،تسيل دموعها تحاول كتم صوتها تترجي أن يرفق بها القدر بالغد وتخرج من ذالك المكان البائس قبل يؤد بداخلها إنسانيتها. ـــــــــــــــــــــــــــــــــــــــــــ
صباح اليوم التالى
بالمحكمه
وسط تجمع إعلامى لبعض القنوات الفضائية وبعض المواقع الالكترونيه،مثلما يحدث،لكل جلسة من جلسات تلك المُحاكمه الخاصه بالطبيبه التى قتلت زميلها،بين مؤيد ومعارض،كذالك ذُكر أن القتيل كان إبن أحد أعضاء مجلس الشعب،الذى لم يستخدم سطوته وترك القصاص للقانون،كذالك ذُكر أن القتيل كان زميل دراستها،وهى غدرت به
بفناء المحكمه
دلف آصف بسيارته وصفها بمكان خاص بالسيارات، رأى دخول سيارة الترحيلات الآتيه ببعض السيجينات، إنتظر ينظر لتلك السياره وهي يترجل منها نساء واحده خلف أخرى مُقيدة أيديهن بأصفاد حديديه، لم يهتم لرؤيتهن فهذا ليست أول مرة يرى ذالك، لكن شعر كآن سيخ مُلتهب أصابه فى قلبه مباشرةً حين ترجلت من تلك السيارة سهيله،
رأى دفع إحدى المُرافقات لها بقوه وكادت تسقط أرضًا لولا أن أمسك بيدها أحد العساكر الموجودين بالمكان، يحاول إبعاد مراسلين تلك القنوات من الوصول لها ، رغم أسئلتهم الفجه بعض الشئ لها، إلتزمت الصمت غُصبانيه.
طغي علي آصف شعور بالغِيره من مسك ذلك العسكري ليدها،ود أن يترجل من السيارة ويلكمه كيف سمح لنفسه بلمس يدها، كذالك شعر بغضب من تلك المرأة التى دفعتها،وهؤلاء المراسلين وفضولهم وأسىئلتهم الحمقى دون مُرعاة شعور البشر، لكن عاد عقله يتحكم به وقام بوئد تلك الشفقه والمشاعر التى مازالت تتحكم بها إتجاهها، يلوم قلبه الذى يضعف كلما إقترب منها، تحمل أن يظل دقائق جالسًا بالسيارة عيناه تُراقب دخول سهيله الى داخل المحكمه،كذالك تلك الكاميرات التى تتبعها،وتلتقط لها الصور، تنفس بغضب، أخرج علبة سجائره وأشعل إحداها يُنفثها بغضب، عله يحاول تهدئة شعور الذى إنتابه بالرآفه إتجاه سهيله.
بينما دلفت سهيله خلف ذالك القُضبان الموضوع بقاعة المحكمة
تبسمت بغصة قويه حين إقترب كل من أيمن والمحامى ومعهم آسميه التى تدمعت عينيها وهى تمسك بيدي سهيله من خلف أسياخ ذالك القُضبان ودت أن تستطيع تحطيمها وتُخرجها من خلف القُضبان، بينما سهيلة إنحنت وقبلت يديها قائله:
وحشتيني أوي يا تيتا، ليه تعبتِ نفسك وجيتِ النهارده.
سالت دموع آسميه قائله:
قلبي حاسس إن ربنا هيفُك كربك والقاضى هيبقى فى قلبه رحمه ويحكم بالحق.
نظرت سهيله بغصه تحاول كبت دموعها،بينما تحدث المحامي معها ببعض النقاط سريعًا قبل دخول القُضاه كذالك أيمن لكن كانت لحظات فقط
قبل أن يقول حاجب المحكمه كلمته الشهيره:
محكمه.
وقف الجميع، الى أن جلس أعضاء لجنة المحكمه
بدأت مدولات القضيه بين الإتهام وسماع الدفاع كذالك بعض التساؤلات الخاصه.
لكن شعرت سهيله كآن كل شئ حولها توقف حين رأت دخول آصف الى قاعة المحكمه،راقبته بعينيها الى أن جلس بمقعد بعيد عنها،ظلت تشعر بالصمت حولها رغم صخب القاعه،فاقت من ذالك على قول أحد القُضاه:
إستراحه نص ساعه للمداولة بين القضاة وبعدها هنصدر قرار الحُكم.
لم تعرف سهيله كيف إنقضت تلك النصف ساعه عليها،كآنها عِقد من الزمن، كانت ترتقب ليس قرار القاضي،بل رد فعل آصف حين
سمعت أحد القُضاة يقول:
النُطق بالحُكم بناءً على حيثيات القضه وأقوال المُتهمه...
لم تكُن تنصت الى قرار القاضى كانت تختلس النظر ناحية آصف الواقف مثل البقيه
كانت تود أن يخلع عن عينيه تلك النظارة المُعتمه علها تستطيع معرفة رد فعله على قرار القاضي من نظرة عيناه.
بينما أسفل عدسات تلك النظارة أغمض آصف عيناه بقسوة، كما توقع قرار القاضي لم يكُن عكس توقعهُ... والآن لا يوجد طريق ثالث للقصاص منها.
«يتبع»
﷽
الفصل_العاشر
عشق_مهدور💔
ــــــــــــــــــــــــ
بالكافيه القريب من الجامعه
ترك طاهر ذلك النادل الذى كان يتحدث معه حين رأى دخول يارا الى الكافيه،توجه ناحية إحد الطاولات وظل واقفًا ينتظر ببسمه على وجهه،يشعر بزيادة خفقان فى قلبه ، تبسمت هى الأخرى بتلقائيه يخفق قلبها بشده، بكل خطوه تقترب من طاولته ، شعور مختلف لأول مره بحياتها تتخلى عن غرورها وتكذب كي تلتقى بشخص شعور يتمكن من قلبها مع الوقت يجعلها تود أن يتوقف الوقت ويبقى الإثنين هنا، توجهت الى تلك الطاوله تبسمت له قائله:
إتأخرت عليك.
أشار لها للجلوس وجلس هو الآخر قائلًا:
مش كتير أنا يادوب واصل من دقايق.
جلست تشعر بتوتر وإرتباك لا تعلم كيف تبدأ حديث معه كآنها نسيت كل ما كانت تُفكر به طوال الطريق، بينما شعر طاهر بإستغراب من صمتها، للحظات، تنحنح يقطع الصمت قائلًا:
تشربي أيه؟.
إرتبكت أكثر وقالت بتسرُع:
أى حاجه.
اشار بيدهُ للنادل الذى إقترب منه قائلًا بمزح مع النادل:
إتنين عصير فريش، فريش مش مُعلبات.
تبسم له النادل وغادر، بينما مازالت يارا متوتره، كآنها لاول مره تجلس معه بهذا الكافيه، حاولت ان تتغلب على هذا التوتر وأرجعت ذالك ان سابقًا كانت اللقاءات بينهم مجرد صُدف وحتى إن كانت مقصودة منها لكن لم تكُن هى من تطلب اللقاء... ظلت صامته لدقيقه الى أن عاد النادل بكآسين من العصير وضعهم أمامهم، ثم غادر، لاحظ طاهر صمتها كذالك ملامحها المتوتره التى زادت وجهها ببعض الإحمرار البسيط، قرب كآس العصير الخاص بها امامها قائلًا:
إتفضلي.
تبسمت بتوتر تشعر أن الحديث الآن مجازفه، وقالت بهدوء:
شكرًا
تبسم لها.
لفت نظرها نظره للهاتف الخاص بها، ظنت انه تضايق من صمتها، جلت صوتها وقالت بهدوء:
أنا آسفه إن كنت معطلاك، بصراحه انت عارف إنى أتصلت عليك النهارده، عشان الفون بتاعى وقع منى فى الميه وهو نفس الفون اللى كنت أخدته صلحته قبل كده فى مركز الصيانه اللي سبق وصلحت لى الفون فيه ، أنا لو اعرف مكان مركز الصيانه مكنتش طلبتك، واضح إنى عطلتك.
تآسف منها قائلًا:
أبدًا مش معطلاني،بالعكس.
تبسمت له وهى تُخرج هاتفها من حقيبة يدها،ومدت يدها نحوه قائله:
الفون أهو.
مد يدهُ هو الآخر يآخذ منها الهاتف تلامست أناملهم معًا،رفع عينيهم ونظرا الى بعضهما ثوانى كانت تُرسل إشارات الى قلب كل منها
كل منهما لديه شعور خفي لا يعلمه
أهو مجرد إرتياح صداقه،أم مشاعر أخري عابرة غير مفهومه،لكن قطع تلك النظرات والإشارات رنين هاتف
طاهر،إنتبهت يارا وسحبت يدها وتركت الهاتف لـ طاهر الذى نظر لشاشة الهاتف،وقرأ إسم المُتصل،لقطت يارا شاشه الهاتف دون قصد منها،علمت ان والداته هى من تُهاتفهُ،بينما طاهر شعر برجفه فى قلبه ان تُخبرهُ والدته بخبر سيئ،اليوم مُحاكمة سهيله كان سيذهب للمحكمه،لكن أرجأ ذلك بسبب مُهاتفة يارا له وطلبها منه اللقاء من أجل تصليح هاتفها،وافق بسبب إشتياقهُ للقائها منذ عدة أشهر بعد نهاية أمتحانات الجامعه لم يلتقى بها فقط يُتبعان بعض عبر وسائل التواصل الأجتماعي عبر الهواتف،مجرد تعليقات كل منهم للآخر على بعض المنشورات التى يضعها على حسابه الخاص،كآنها كانت مُتنفس لهما لمجرد المُتابعه فقط،كذالك هى كانت نفس الشئ،لكن إتخذت خطوة،وأسقطت هاتفها عنوه بالماء كى تستطيع اللقاء به.
تنحنحت بإرتباك وقالت له:
مش هترد على اللى بيتصل عليك.
نظر لها ثم جذب هاتفه وقام بالرد يشعر برهبه أن يسمع خبر عن سهيله يجعله يحزن،لكن مجرد أن قام بالرد سمع والداته تتحدث بصوت يبدوا سعيد،إنشرح قلبه قليلًا،لكن سُرعان ما سأم وجهه ،للحظات وهو يسمع باقى قولها :
سهيله القاضي حكم عليها بتلات سنين سجن مع إيقاف التنفيذ،يعنى هتخرج من السجن.
إنبسطت ملامحه،وقال بإنشراح:
بجد يا ماما،بابا قالك كده أخيرًا،يعني سهيله هترجع البيت.
أجابته سحر بفرحه عارمه:
أيوا،باباك قالى المحامي هيحاول يخلص الإجراءات النهارده،وإن شاء الله ترجع للبيت النهارده.
تبسم طاهر قائلًا:
إن شاء الله هرجع المسا والقاه فى البيت، عندي شوية شغل فى مركز الصيانه هخلصهم وأرجع عالمسا مش هتأخر، سهيله وحشتني أوي.
أغلق طاهر الهاتف ونظر الى وجه يارا التى لا تعلم سبب لشعورها بغصه فى قلبها، بعد ان سمعت إسم سهيله، ماذا تعني له ليفرح كل هذه الفرحه الظاهره على وجهه، كذالك بداخلها ترقُب ودت سؤاله لكن هو نظر لها قائلًا:
تعرفي إن وشك حلو عليا أوي... ياريتك كنتِ كلمتني من زمان.
تبسمت له بترقُب وسالت بإستفسار:
مش فاهمه.
تبسم لها قائلًا:
جالي خبر كنت مستنيه من فتره طويله.
شعرت بفضول وسألت:
وياترا بقى خبر حلو ولا...؟.
تبسم لها قائلًا:
خبر حلو جدًا، سهيله دى تبقى أختي وكانت....
توقف للحظه قبل ان يزلف لسانه ويُخبرها انها كانت محبوسه، بالسجن، ثم أكمل:
كانت غايبه من فتره وهترجع للبيت النهارده.
إنشرح قلبها بإرتياخ، إذن "سهيله" هى أختهُ...تبسمت له بموده قائله:
ترجع بالسلامه،واضح إن ليها عندك مكانه كبيره أوي.
تبسم طاهر قائلًا:
فعلًا...سهيله أختى قريبه رغم إنها أكبر مني، بس بحس أوقات إن أنها بتبقى ضعيفه، وهى اللى محتاجه لأخ كبير.
ظلت يارا تسمع له عن مدحهُ، بأخته، شعرت بغصه، رغم أن لديها أخوات أكبر منها لكن لم تشعر بأن لهم وجود طاغي بحياتها لا يتشاركون سوا إسم الأب فقط
دخل لقلبها شعور لاول مره تتمناه أن يكون أحد أخويها مثل طاهر ويتحدث عنها بهذه الطريقه المُقربه...ظل بينهم حديث دون شعور منهم مر وقت طويل تحدثا بمواضيع كثيره،لكن لم تستطيع ان تتحدث عن اخواتها أمامه فماذا تقول له عنهم هم مجرد أخوه بالكِنيه فقط...لكن ولدت تلك الساعات مشاعر ربما مع الوقت تنكشف حقيقتها.
ـــــــــــــــــــــــــــــــــــــــــــــــــــــــ
فى المحكمه
قبل دقائق
نطق القاضي الحُكم
«بعد المدولات والإستجوابات، كذالك أقوال المتهمه وإستنادًا الى الأدله الخاصه بالجنايه، قررنا لجنة المحكمه، الحُكم على المتهمه
" سهيله أيمن الدسوقى "
بالسجن ثلاث سنوات مع إيقاف التنفيذ»
فى البداية كادت آسميه أن ترفع صوتها وتصيح بأن هذا ظُلم، لكن تحكمت فى غضبها حين إستدار لها المحامى مُبتسمً ، عقدت حاجبيها بإستغراب من بسمته، ولت نظرها
لـ أيمن تفاجئت بأنبساط على ملامحه هو الآخر، لحظات لم تفهم سبب لإبتسامتهم ولا مغزى الحُكم، وجهت بصرها نحو سهيله الواقفه خلف قفص الإتهام ترى رد فعلها هى الأخرى على قرار القاضى،لم تندهش حين رأت ملامحها لا تُعطى أى ردة فعل، تبدوا عينيها تنظر نحو مكان آخر بالقاعه، بتلقائيه منها نظرت الى ما تنظر إليه، سريعًا تعرفت على هاويتهُ من تنظر له سهيله، إنه الأبن الأكبر لـ أسعد شُعيب، شقيق القتيل، تسأل عقلها هل أرسله والده مكانه كي يقوم بذم وتهديد سهيله كما كان يفعل هو بعد كل جلسة قضائية، يقترب من قفص الإتهام ويتوعد لها أنها لن تفلت دون عقاب يشفى حسرته على فُقدان ولده... لكن ذلك لم يحدُث حين إبتعد آصف، وأعطى ظهره لـ سهيله وبدأ بالسير نحو باب الخروج من القاعه،زفرت نفسها بإرتياح،
بينما قبل لحظات من مغادرة آصف من أسفل تلك النظاره تحاشى النظر نحو سهيله الى أن قال القاضي قراره،الذى كان يتوقعه،نظر نحوها توقع أن يرى الفرحه على وجهها فهي بهذا الحكم المُخفف أصبحت حُره وستخرج من السجن،لكن تفاجئ بملامحها التى لا تُعطي أى رد فعل،رمقها بنظره ناريه غاضبه، فسر عقله ذلك أنه ثقه منها بعدما برأت نفسها بكذبه قذرة،بنفس اللحظه إمتلأ قلبه شعور بالحقد والجمود، حسمه عقله لو بقيت أكثر بالقاعه ربما شفقت عليها،بالفعل توجه نحو باب الخروج من القاعه.
بينما سهيله كانت تنظر له بأمل أن يقترب من قفص الإتهام وينظر لها دون تلك النظارة،ودت أن يتحدث لها ويقول أى شئ حتى إن قال أنه على يقين أنها قاتله،لكن كان صمته قاتل بالنسبه لها،كذالك رؤيته وهى يكاد يخرج من باب القاعه،أغمضت عينيها بقوه وآسف،تشعر كآن قلبها ينزف...
لوهله همس قلبها إسمه آصف
للحظه توقف آصف عن السير كآنه سمع همسها بإسمه
لوهله هى الأخرى ظنت أنه لم يكُن قلبها هو ما همس بإسمه بل نطقها لسانها..
لكن إنتهت تلك اللحظه حين نفض آصف عن رأسه تملكه الجمود وشعر أنه فقط توهم همسها بإسمه، أخذ نفس عميق يشعر بالإختناق ثم أكمل سير وخرج من القاعه.
بينما بدأ كل من بالقاعه بالخروج منها،كذالك كاميرات التصوير،التى تهافت البعض منها نحو قفص الإتهام،يسألون سهيله عن شعورها بهذا الحُكم المُخفف،وهى لا تشعر بهم،فقط تشعر بإنسحاب فى قلبها قبل أن يسحبها أحد العساكر ويخرج بها من ذلك القفص.
.............
بعد قليل بأحد ممرات المحكمه،لم تستطيع آسميه التحكم فى دموعها وهى تقول:
وشكم ليه بيضحك والقاضي حكم على سهيله بالسجن تلات سنين.
تبسم أيمن لها وقبل أن يُفسر لها،صدح رنين هاتفه،أخرجه من جيبه ونظر للمحامى مُبتسمً يقول:
دى سحر اللى بتتصل أكيد. قلبها ملهوف تعرف قرار القاضي... أنا هرد عليها أطمنها وإنت فهم عمتي قرار القاضي.
تنهد المحامي بإرتياح وفسر لها:
بصى يا حجه،قرار المحكمه صحيح تلات سنين سجن بس مع إيقاف التنفيذ،يعنى سهيله هتخرج من السجن خلاص،لأن الحكم ده يعتبر لاغي، زي إفراج بس يتنفذ لو هى إرتكبت جريمه تانيه وخدت حُكم تانى وقتها هتنفذ الحُكمين،دلوقتي هندفع للمحكمه مبلغ زى كفالة، كمان هنقدم إستئناف عالحُكم وإن شاء الله ربنا يسهل.
شعرت آسمية بإنشراح فى قلبها وآمنت على حديث المحامى وقالت بلهفه:
اى كفاله إدفعها لها،من جنيه لـ ميت ألف وأنا اللى هجيبهالك حالًا،المهم أنها تطلع من السجن،كفايه كده.
تبسم المحامى،مع أغلاق أيمن الهاتف وهو يبتسم قائلًا:
سحر مش مصدقه،وبتقول مش هتصدق غير لما تشوف سهيله قدامها... تدمعت عين آسميه، لكن إستأذن المحامي منهم قائلًا:
هستاذن أنا هروح أكمل إجراءات خروج سهيله، وكمان أعرف مبلغ الكفاله اللى حدده القاضي.
أومأت له آسميه قائله:
على ما تخلص الإجراءات هروح أنا وأيمن نسحب فلوس من البنك ونرجع بسرعه.
ــــــــــــــــــــــــــــ
بمقر خاص لـ أسعد بالبلده يُدير منه بعض الشؤون الخاصه
جذب ذالك الملف وقام بفتحه تلمس بآنامله تلك الصورة، القريبه الشبه من المرأة الوحيدة الذى خفق لها قلبه لكن عثر عليها متأخرًا كانت مرتبطة برجُل آخر، كما أنها توفت بريعان شبابها، همس إسمها"إبتهال"
طوى الصفحه وبدأ بقراءة باقى محتويات الملف،لفت نظره تاريخ ميلادها،كذالك شهادتها الجامعيه، لكن توقف للحظه غير متوقع قائلًا:
مكتوب كتابها!.
عبس وجهه وأغلق الملف يزفر نفسه بغضب، قطع تفكيره رنين هاتفهُ الجوال، ترك الملف وقام بالرد يسمع للمتصل، فجأة نهض مُتعصبًا يقول بغضب:
مستحيل أقبل بقرار المحكمه ده، دى مستحيل كان يحصل الا لو إنها إشترت لجنة القُضاه... كمان بتقول إن آصف حضر جلسة المحكمه ومكنش له أى رد فعل، تمام إقفل دلوقتي.
أغلق أسعد الهاتف وألقاه بغضب فوق المكتب، وبعصبيه منه أزاح تلك الأوراق التى كانت فوق المكتب، نهض واقفًا يسير بغضب لم ينتبه أنه دهس بحذاؤه على ذالك الملف يشعر بغضب ساحق، بنظره أن قرار المحكمة قرارًا مُخيب، ليته ما ترك للمحكمه حق القصاص وأخذهُ من البدايه كما يليق به وأخذ حق غدرها بإبنه، لكن الآن فات الوقت، زفر نفسه بعُمق وغضب سحيق، وهسهس بجحود:
لاء مفتش الوقت، مش هتفلت من عقابي ولا هتتهني بحريتها.
ــــــــــــــــــــــــــــــــــــ
عصرًا
بحديقة سرايا شُعيب
طوى آصف صفحات تلك الجريدة الذى لم ينتبةحتى لحرف سقطت عيناه عليه، كل ما يجول برأسه ملامح سهيله نظرة عينيها له، لأول مره لم يكُن يرغب النظر الى عينيها ولا لملامحها حتى لا يسقُط ببراثنها ويصفح عن إدعائها الكاذب مُتأثرًا بصفو عينيها وبراءة ملامحها.
وضعت أمامه إحدى الخادمات
كوبً من القهوة وآخر من المياه قائله بإحترام:
قهوتك يا آصف بيه تؤمرنى بحاجه تانيه؟.
هز رأسه بنفي،قائلًا:
لاء مُتشكر.
إنصرفت الخادمه، طوى الجريده للحظات،وأشعل سيجاره،نفث دخانها، وعاود يتصفح تلك الجريدة، حاول نفض سهيله عن رأسه، لكن هيهات هى أصبحت محور هام بحياة من بالمنزل
وبالأخص والده الذى دلف الى السرايا وترجل من السياره يسير نحوه بغضب سُرعان ما قال له:
قولت لى أمشي قانونى مع الحقيرة اللى قتلت سامر، وفى الآخر القانون عمل أيه، أهو القانون اللى قولت عليه،هيخرجها من السجن خلاص،ولا كآنها مش بس قتلته لاء وكمان شوهت صورته قدام الناس وطلعت هى الشريفه اللى دافعت عن شرفها،ومش بعيد كمان تاخد براءه،وترجع تاني دكتورة،أنا لازم أطعن فى الحُكم ده،ظُلم دى تستحق مش بس الشنق،لاء كمان يتمثل جتتها قدام الناس.
شعر آصف بغضب من حديث والده المتهجم على سهيله، وقال له بحِده:
بلاش تخلي غضبك،يخرج عصبيتك وتغلط، أيً كانت مجرمه أو لاء أنا اطلعت على القضيه وبصفتِ قاضى كنت هحكم نفس الحُكم ده بناءً على الدلائل والاقوال اللى إتقدمت للمحكمه،وكمان بصفتِ قاضى أحب أقولك إن سهل لو قدمت طعن عالحُكم يترفض،القضيه فيها أركان كتير ناقصه،وأي قاضي هيحكم عالادله اللى قدامه بنفس الحكم.
أنهي آصف قوله وهو يطوي تلك الجريده ووضعها فوق الطاوله وأشعل سيجاره أخري
أخذ أسعد السيجاره من يد آصف بغضب وسحقها بالمنفضه قائلًا بإستغراب:
بطل حرق سجاير،وقولى قصدك أيه،ولما إنت كنت عارف بكده ليه مسبتنيش أتصرف معاها من البدايه،كنت هخليها تتمني الموت ومطلوش،بعد ما أفضح حقيقتها وإنها مش شريفه.
تهجم وجه آصف يشعر بغضب قائلًا:
بابا بلاش أسلوب الهمج والمجرمين ده.
تهجم أسعد ورفع صوته بغضب قائلًا:
أسلوب الهمج ده اللى ينفع مع نوعية المجرمه اللى قتلت وشوهت صورة أخوك،أيه يا سيادة القاضى نسيت إن سامر يبقى شقيقك.
رد آصف:
مش ناسى ولا قادر أنسي،بس أسلوبك ده...
قاطعه أسعد قائلًا:
أسلوبى ده هو اللى هيرجع حق أخوك لما البنت دى تتفضح إنها مُدعيه كدابه وإن معندهاش شرف
وأنا هعرف أثبت ده.
تهجم أصف قائلًا بغضب:
وده هتعمله إزاي، هتبعت لها اللى يغتصبها، زى ما بعت لها عاهره فى السجن، ولا بالتهديد زى ما كنت بتهددها بعد كل جلسه فى المحكمه.
ذُهل أسعد من قول آصف وقال له ببجاحه:
إنت متابع بقى، هى البت دى كانت داخله مزاجك ولا أيه؟.
تعصب آصف قائلًا:
كل عصبيتك دى مش هتجيب نتيجه، القضيه خلاص شبه إنتهت، بس أنا هقدر أرجع حق إدعائها على سامر بالكدب.
تهكم أسعد قائلًا بإستهزاء:
وده إزاى بقى، بالقانون اللى فى الآخر خرجها شبة براءة كآنها بيكافأها.
نهض آصف واقفًا بسخط ونظر له بثقه قائلًا بحسم:
هقولك إزاي فى الوقت المناسب، أنا صدعت من الشمس هنا، كمان علبة السجاير خلصت هروح أجيب غيرها كمان عندى قضيه بعد يومين ولازم أدرسها كويس.
تهكم أسعد بغضب يذم نفسه ليته ما ترك الأمر للقانون كما طلب منه آصف.
بينما آصف خرج من السرايا سيرًا على قدميه، اللتان أخذاه الى منزل والد سهيله، ليراها وهى تدلف مع والداها وجدتها كذالك المحامى الخاص بها، شعر بغضب وإبتعد عن المنزل، تجول بالطريق دون هدف قبل أن يعود للسرايا.
ــــــــــــــــــــــــــــــــــ
بمنزل أيمن مساءً
دلف طاهر بإشتياق سائلًا:
فين سهيله.
تبسمت له سحر قائله:
سهيله قاعده فى أوضة الجلوس جدتك آسميه مش مكلبشه فيها.
تبسم طاهر وهو يتوجه الى غرفة الجلوس، وقف يشعر بغبطه وهو ينظر الى سهيله التى كانت ملامحها شاحبه، كذالك نحفت أكثر، لكن كل هذا مع الأيام سينتهي، إقترب منها حين نهضت تنظر له بدمعه تلألأت بعينيها، شعر بغصه فى قلبه سُرعان ما جذبها وضمها الى حضنه هامسًا بأخوه:
حمدالله عالسلامه.
ضمته ببسمه وأخوه قائله بمزح:
فى الحاله دى بيقولوا "كفاره"
أو تتذكر ومتتعادش.
ضمها قويًا يقول:
"كفارة" دى للمجرمين مش للمظلومين.
جذبت آسميه سهيله من يدي طاهر،لتجلس بحضنها قائله بحنان:
ربنا ظهر الحق، وإن شاء الله فى الإستئناف تاخد البراءه.
تبسم طاهر لها كذالك سهيله، وسحر التى قالت بتمني:
وكمان ترجع من تانى تمارس الطب.
شعرت سهيله بغصه، وكادت تتحدث بيأس لكن دلف أيمن يقول:
إن شاء الله هترجع وتبقى أشهر دكتورة أطفال فى كفر الشيخ، المحامى قالى ممكن نقدم إلتماس فى وزارة الصحه، ونقدم حيثيات الحكم وإنه كان دفاع عن النفس وقتها أكيد هترجعى تمارسي الطب من تانى.
تبسمت سهيله بأمل بينما تهكمت هويدا التى دخلت تشعر بالبُغض من إحتواء وفرحة الجميع بخروج سهيله من تلك القضيه، هذا الحكم وخروج سهيله الآن من السجن،بالتأكيد أفسد عليها بعد ان كانت تقدمت خطوه نحو الوصول الى إمتيازات من "اسعد شعيب"
بهذا الحُكم تراجعت فرصتها لديه...
شعرت بغضب وقالت بإستهزاء:
وإزاي بقى هيقبلوا يشغلوا دكتوره وهى ليها صحيفة سوابق،وكمان قتل.
نظرت لها آسميه بغضب وقالت:
سهيله مقتلتش، وكفايه رغى فارغ فى الموضوع ده، وخلونا نفرح المهم إنها رجعت تانى للدار.
أنهت آسميه حديثها وضمت سهيله لصدرها تُقبل وجنتها.
شعرت هويدا بالبُغض وقالت:
طبعًا، فرحتك بيها متتوصفش مش أول حفيدة تشيليها بين إيديك،ليها مَعَزة.
نظرت سحر لـ هويدا وقالت بضيق:
وشالتك إنتِ كمان،ومعزتكم كلكم واحده فى قلبها .
تهكمت هويدا قائله:
لاء طبعًا، سهيله نصيبها كبير، دى إتولدت على إيديها... إنما أنا اتولدت وهى كانت في وقتها بتعمل عُمره
المَعَزه تختلف.
نظرت آسميه لـ هويدا، وقالت:
كلكم معزتكم عندى فى قلبي واحده، إن كان إنتم ولا ولاد خالكم.
تهكمت هويدا قائله:
خالى وولاده عايشين فى السعوديه مش بينزلوا مصر غير فى أجازة الصيف.
نظرت آسميه لها بلا مبالاة وضمت سهيله بمحبه، بينما جلس أيمن جوارهم قائلًا:
والله يا عمتي مش عارف أودى جمايلك فين، إنتِ اللى دفعتي الكفاله اللى حددها القاضي.
ضمت آسميه سهيله وقالت:
كفالة أيه اللى بتتكلم عنها ده ولا كنوز الدنيا تكفي لحظة وجود سهيله وسطنا.
إزداد البُغض فى قلب سهيله وهمست لنفسها وقالت بغيظ:
كنتِ وفرتى فلوسك الكتير لحاجه تنفع... فلوسك مظهرتش غير عشان الغبيه دى، لكن طبعًا لو كانت ليا أو مساهمه فى جوازي مكنتش ظهرت... طبعًا الملاك البريئه لها حظ، بس نفسى أعرف رد فعل آصف أيه، وإزاي الشهور اللى فاتت دى كلها مستخدمش سُلطته وجابلك إعدام، ولا يكون...
توقفت هويدا تُفكر، وأكملت بغضب!
لا يكون هو كمان لسه مخدوع فى براءتها، ولا يمكن هو اللى طلب من القاضي، يحكم بالحكم ده، عشان تخرج من السجن.
تراجعت هويدا عن ذالك قائله:
مستحيل ده يحصل، أسعد لما كلمته عن قضية سهيله من كام يوم حسيت أنه محروق ومغلول أوى، وأكد لها إن آصف كمان زيه،بس أيه اللى حصل وخلى القضية ترسى على حُكم زى ده،مش معقول يعنى آصف كان بيتلاعب بـ أسعد عشان يخرج حبيبة القلب من السجن.
ـــــــــــــــــــــــــــــــــــــــــــــــــ
بعد مرور شهران
بمحكمة الإستئناف
خلف قفص الإتهام كانت سهيله تشعر بإختناق بسبب أنها عادت مره أخري لذلك القفص مره أخرى غصبًا من أجل الحُكم بقرار إستئناف الحُكم السابق
لكن قرار القاضي جعلها تنسى ذلك الرهاب قليلًا، حين قال
بعد مداولات من لجنة القُضاه فى قضية الإستئناف
قررنا منح البراءة لـ
"سهيله أيمن الدسوقى" من قضية القتل الخطأ الى الدفاع عن النفس.
أصبح هنالك تهليل بعدالة القضاء من ناحية، لكن هنالك ناحيه أخرى إزداد الغضب لديها.
ــــــــــــــــــــــــــــــــــــ
بعد مرور أكثر من ثلاث أشهر.
صباحً، أمام المشفى التى كانت تعمل بها سهيله.
توقفت تستنشق الهواء بعُمق قبل أن تدلف الى المشفى بخطوات ثابته، تشعر بأنظار بعض العاملين بالمشفى تخترق جسدها يتهامسون، قبل عِدة أشهر تقترب على عام خرجت من هنا يُقيد يديها أصفاد معدنيه، بتهمة قتل حدث مُعجزه وتبرأت منها، وها هى تعود مره أخرى تستأنف حياتها مره أخرى، لن تنهزم لكبوة حدثت بحياتها، تشعر من عيون البعض بالإتهام أنها قاتله، لكن أدلة القانون برأتها، والبعض الآخر تعامل معها سابقًا ولديه شبه يقين أنها ليست قاتله، وهنالك من يستهزؤن منها كيف لا تستحي أن تعود للعمل كـ طبيبه بعد إتهامها بقضية قتل، لكن الخطأ ليس عليها بل على من قبلوا ذلك ووافقوا على عودتها لممارسة، ربما قامت برشوتهم.
تغاضت بكبرياء وثقه عن كل تلك النظرات وتوجهت الى غرفة مدير المشفى مباشرةً دلفت بعد أن طرقت على باب مكتبه وسمح لها بالدخول، بمجرد أن رفع وجهه عن تلك الأوراق الذى كان يُطالعها ونظر لمن دخل، سأم وجهه ونظر لها بمقت.
شعرت سهيله بنظرته لكن حاولت الثبات، هى تعلم انها بريئه لن تهتز ثقتها ببرائتهت، حتى لو كان مازال البعض يُشكك فى إرتكابها للجريمه، تحدثت بثبات بعد أن ألقت عليه السلام:
أكيد وصل لحضرتك قرار من وزارة الصحه إن أرجع أمارس الطب.
جذب مدير المشفى ملف خاص وفتحه قائلًا:
أيوه وصلنا قرار وزارة الصحه بموافقتها أنك ترجعى لممارسة عملك كـ طبيبة أطفال بالمستشفى، رغم إن ليا تحفُظات عالقرار، لو القرار كان فى أيدي أكيد كنت رفضت تنفيذهُ بس مُرغم إنى أنفذ القرار حتى لو مش مُقتنع ببرائتك يا دكتورة.
ــــــــــــــــــــــــــــــ
بـ سرايا شُعيب.
بالصالون كان يجلس آصف برفقة
أسعد وشُكران
نظر له أسعد قائلًا:
كنت بتقول عندك حاجه مهمه عاوز تقول لينا عليها.
نظر آصف لـ أسعد بترقب قائلًا:
أنا قررت إنى أتجوز.
رغم غصة قلب شُكران لكن تبسمت له، بينما تبسم أسعد سألًا بلهفه: ويا ترى عندك عروسه خاصه حاطط عينك عليها، ولا عاوزني أرشح لك عروسه، بنت...
قاطعه آصف قائلًا:
لاء فى عروسة خاصه.
تبسم أسعد سألًا:
ويا ترى مين العروسه، أكيد بنت قاضى ولا شخصيه مهمه.
نظر له آصف بإستهزاء
بينما قالت شُكران:
مش مهم هى بنت مين، الواضح إن ليها مكانه خاصه عند آصف بدليل إنه أخيرًا أقتنع وهيتجوز.
سخر أسعد من حديث شُكران، لكن نظر لـ آصف بتساؤل:
ومين بقى العروسه اللى أقنعتك أنك تتجوز.
نظر له آصف بترقب قائلًا:
"سهيله أيمن الدسوقى".