رواية بين قلبي واختيار أبي الفصل العشرون 20 بقلم الاء فائز

رواية بين قلبي واختيار أبي

الفصل العشرون 20

بقلم الاء فائز

رغم انو طولت الغياب

وبي بسمتك ما دار تبين

بترغبك ... امكن تعود

مهما الغياب تم السنين

عارفني دايما في انتظار

والشوق رفيق المخلصين..

اه علي الم البعد اه علي ايام يتطول لليلها في غياب الاحباب ايعقل ان اشتاق وهو في البعد يتألم ...

...

ي بتي الله يرضي عليك قومي كفايه البتعملي فيه د 

..ي امي والله العظيم م قادره اقوم جسم مكسر وراسي واجعني وبطني وكلو والله 

.. خلاص ي اماني ارح الدكتور 

.. ما ماشه الدكتور يا امي خليني هنا احسن لي بس كلمي احمد يجيب لي مسكن 

.. ي اماني المسكن د بقتتلك ..

..المهم انا م ماشه عليك  الله ي امي خليني 

* امي طلعت وانا متاكده ميه الميه بتكون اتصلت على ابوي وطبعا ذي م اتوقعت م تم ربع ساعه وابوي جاء ..

.. يا ام عيون عسليه 

.. سندي 

.. ارح انا عازمك 

.. خلي يوم تاني م الليله 

..لا ارح قومي شوفي نقابك وين وعبايتك ولا اقول لك انا بجيبهم لك 

.. اتقدرت مشيت استحميت ولبست وطلعت مع ابوي ونسبه لانو ابوي عارفين بخاف من الدكاتره غشاني بالعزومه وصلنا المستشفي ، د شنو ي ابوي ، نفحص لك اول وبعدين العزومه ، بقيت امام الامر الواقع ماف حل دخلت وانا بالجد خايفه دخلنا لدكتوره وتاني دخلنا افحص خفت شديده من الحقنه اتزكرت كلام خالد اخر مره لمن كنت عيانه كان قال لي : ( لمن تحسي انك خايفه من الحقن اتخيلي اني انا الماسك يدك م ح تحسي بحاجه تانيه ) وانا بتزكر في كلامو ابوي قال لي يلا بعد د ارح العزومه قلت ليو الحقنه قال لي من زمان شالو العينه انتي سرحانه وين قعدت اتبسم ومشين فطرنا بره وجينا استلمنا النتيجه ودخلنا على الدكتوره لمن شافت النتيجه قالت ( اشهد ان لا اله الله ) ابوي بخلعه في شنو ي دكتوره ، ي بت انتي قاعده وين ، قلت ليها مالي ي دكتوره قربت ابكي والله ، قالت لي عندك.تايفويت عالى شديد والحمدلله انك جيتي لحقتي روحك ،الحمدلله * كتبت لي حقن وعلاجات ومشيت طوالى ركبو لي فراشه ورجعنا البيت وانا من وصلت من سريري م قادره اقوم عبايتي م غيرتها اها زهجت قلت كدي افتح الشبكه وخشيت الواتس طوالي رسلت لي الاء 

.. امونه الريد 

.. قلب امونه انتي 

..اخبارك وصحتك 

.. والله ي الاء الحمدلله بس 

.. في شنو ي بتنا 

.. ماف شئ عيانه بس 

.. ماف شئ وعيانه بس عندك شنو 

.. تايفويت 

* الاء عشان بتحب المجال الطبي متعلقه شديد بالامراض اها حكت لي تفاصيل المرض كده طبعا انا اول مره يجيني * 

..امونتي 

..زكرتني خالد يااخ 

.. انا عرفه سبب المرض شنو 

.. م قلتهم لي تاني في سبب

.. اي وسبب مهم خلاص 

.. شنو طيب 

.. سبب مرضك الشوق 

.. فعلا والله انا مشتاقه ليو شديد 

.. وعلاجك عندي

.. شنو 

.. مش مشتاقه ليو ادعي بس وكل م تكوني زعلانه راجعي شاتك انتي هو اي صاح بتحسي بالم ويمكن تبكي عديل بس احلى احساس انك بتحسي بتكلم معاك او قاعد جمبك ..

.. والله يااخ كلامك صاح واحلي في القصه انو مسجله كل مكالمتنا 

..والله يااخ مع انو سماع صوتو في المكالمه ح يعزبك وتحسي ب بعدو بس برضو ح يخدرك من الانتي عايشه فيوو 

.. عارفه ي الاء 

.. شنو 

..لا تلاقي يروي شوقي ..

 لا حديث يجبر بخاطر ..

.. والله الشوق بتبلي بالتلاقي والحديث ذي م قلتي بجبر بالخاطر بس ربك كريم واصبري بس وكل بهون  .

.. ان شاء الله 

.. يلا ي اماني امشي ارتاحي معاك سلامهو

.. الله يسلمك..

* في الحقيقه لمن تكون فاقد زول بجد بتتالم في غيابو بتحس انو في حاجه ناقصه فيك بتكون اشتقت لي كل تفاصيلو كلامو ، رسائلو ، هظارو ، وبسمتو وكل حاجه والله احساس الانتظار احساس صعب بس عايز صبر ومرات تصبر وانت في الانتظار وتلاقي غايبك المنتظرو ركب قطار الغياب تاني بدل العوده ومرات الغائب يكون هو زاتو منتظر لشوفتك ومتلهف للقياءك بس لمن يرجع يلقاك الظروف اجبرتك انت على الغياب ، لكن في النهايه كل شئ بيد الله وكل شئ مسطر ودائما للقدر راي اخر *

.. 

عند خالد ..

فتحت تلفوني حاولت كتير اني اصل ليها بس ماف شبكه بجد حالاتي النفسيه اتزمت وكنت م طبيعي حاسي اننو اماني في حاجه حصل ليها يشهد الله انو قلبي كان غابضني شديد طوالى مشيت اتؤضيت وصليت ركعتين وبقيت بدعي انو اماني تكون بصحه وخير  ،*حتى في اسوأ حالاتي كنت أدعو لك معي ,كان قلبي لا يغفل عنك 🥺🩵🩵.* م عارف الاحساس الجواي د احساس شنو يمكن احساس بالالم العيشتو ليها في غيابي وانا هنا عايش اضعافو والله في بعاده (   "وليس لنا في الحنين يد, وفي البعد كان لنا ألف يد."🖇️♥️)  بجد انا فقدتها وفقدت قهوتها يمكن اكون عدت شهر وحاجه من غبت عنهم وفي الشهر د انا قهوه تاني ما شرب م عايز اخرب اخر طعم شربتو من يد امانيي . والله والحاجه المخوفاني اكتر اني خايف ولسه خايف خايف انو يحصل الماعيزو يحصل ..

وفي يوم كنت قاعد حاولت اتصل م خش قلت ارسل ليها رساله وتاني على الله لو وصلتها خلاص فطوالي( رسلت ليها سلام لو من بعيد يسعدني حبة ..❤️

 عدت كم يوم حتى وصلت ليها الرساله حستني كنها سلاحف ماشه في الصحراء وما قادره تمش فالحمدلله انها وصلت وردها كان رغم انو طولت الغياب

وبي بسمتك ما دار تبين

بترغبك ... امكن تعود

مهما الغياب تم السنين

عارفني دايما في انتظار

والشوق رفيق المخلصين

.. 

عند اماني

كنت زهجانه شديد م فضل لي الا اصرخ جاني اشعار رساله فتحتو لقيتها من خالد اقسم بالله من الفرحه لمن بكيت طوالي رديت عليو وكنت منتظره الرده ومنتظره ومره اسبوع وانا منتظره ( اه من الانتظار ) 

الدنيا فرقتنا.. وخلتنا نتباكى

بفتش لي عيونك وبحلم بي لقاك💔

      الفصل الواحد والعشرون من هنا 

     لقراءة جميع فصول الرواية من هنا

تعديل المقال