رواية بين قلبي واختيار أبي
الفصل الواحد والعشرون 21
بقلم الاء فائز
*"لكِني مشتاقَ ليك، شديدَ وتعبت رآجي المستحيل، وكاني بجري وراء السَراب، معا انو كل الناسَ سواء، خلقوها من مويه وتراب، لكين عيونك ياجميل، مخلوقه من طين العزاب🥺💗💐*
بلسان خالد ..
بعد وصلتني رساله اماني حسيت بفرحه شديد حاولت اتصل ليها يمكن اتصلت اكتر ٤٣ مره وفي الاخير ردت على
امونه : *وربي مشتاقين* 🥹🤭
خالد : والله ان الشوق فاق تحملي
امونه : خالد
خالد : ي كل حاجه سمح في حياه خالد
امونه : تسلم لي ، فقداك انا جاي متين
خالد : والله م عارف ي امونتي بس قريب ان شاء الله
امونه : ان شاء الله ترجع لينا بالسلامه
خالد : ان شاء الله ، اها كيف حالك واحوالك وصحتك وامورك
امونه : حائره لم انتبه لحالى حينما وردتني مكالمتك
خالد : وهسي كيف بعد مكالمتي
امونه : والله بعد سماع صوتك لو م تمام تمام
خالد : امونه انتي كويسه
امونه : والله يخالد كنت عيانه لكن هسي الحمدلله، انتي كيف
خالد : يمكن م تصدقي لكن انا من سمعت نفسك ساي وقبل صوتك ترتحت وبعد صوتك بقيت احسن م تمام زاتو
امونه : خلى الطلس ي ولدنا
خالد : والله جادي انا قاعد اكضب عليك؟
امونه : لا * مع ضحكه كده *
خالد : امونه عليك الله اضحكي تاني م عارفه انو ضحكتك دي بضمد كل حراحي والله وبتديني امل لبكره وبتأثر فيني شديد
امونه : ي ولد انت جادي بس ضحكتي بتعمل فيك كل د
خالد : اي والله العظيم ، اها يالسمحه ، ولد عمك م يكون تاني جاء وابوك م قال لك حاجه
*سكتت مسافه م عرفت ارد بشنو هو ادريس كان قبل فتره معانا وابوي م ادهو رد مقنع كده *
خالد : ي بت مشيتي وين الوووو
امونه : معاك الشبكه بس
خالد : اها م جاوبتيني
امونه : والله ي خالد ادريس قبل فتره كان قاعد معانا وابوي م ادهو جواب مقنع وقال لي نشوف زولك د ونديو فرصه شهر كده لو م جاء خلاص . خالد عليك الله تعال
خالد : والله يخ ربنا يسهل بس داير اقول لك حاجه ي امونه ابوك حتى لو م وافق على اكدي انو هو بختار لك الاحسن اي أب في الدنيا بحلم انو بتو تكون سعيده ومبسوطه ومرتاحه فما بالك انتي بت وحده عندو
امونه : قصدك شنو ي خالد
خالد : اماني م تقاطعي كلامي خليني اتم ، شوفي البختارو لك ابوك ارضي بيو سواء كنت انا او غيرو في النهايه نحن بنقول قول وربنا بقول قول تاني كل شئ مسطر ومكتوب وبالنسبه لي حتى لو م كنتي نصيبي يمكن ازعل اجن عديل والله بس الحلو في الموضوع انو انتي اجمل لحظات عشتها في حياتي خليك عارفه انو انتي اول وحده دخلت قلبي واول وحده حبيتها ومن بعدك يحرم على قلبي الحب تاني
خالد : بس انت قلت انو ابوي ح يختار لي الصح والبسعدني وكل الصفات القلتها دي متوفره فيك في نظري انت احسن زول
خالد : يمكن انا في نظرك احسن زول بس في نظر ابوك لا وزي م قلت لك اي حاجه قضاء وقدر ونحاول نرضي بالمقسوم سواء كنا سوي ولا لا وبعدين يعني كل في يد الله وزي م بقالو نحن بنقول قول وربنا بقول قول تاني
امونه : اي صاح واي حاجه قسمه داير تقول لي كده صح انت مستغني عني ي خالد
خالد : ي بت انتي مجنونه صح استغني عنك كيف ي هبله انا قلت لك من بعدك يحرم لي الحب تقولي مستغني عني في زول بستغنو عن رحو وقلبو اكيد لا انا عايز اوضح لك انو اي حاجه في الدنيا دي قضاء وقدر صح ونحن نرضي بالمقسوم ويمكن القدر يكون كاتبنا لبعض ويمكن القدر يكون مسطرك وكاتبك لزول تاني في النهايه كل لخير ..
* قبل م ارد انقطع الاتصال * بجد كنت عايزه اقول لخالد كلام كتير بس زعلت منو (الا باكر لم ترجع انا بحكي عن الحصل، وعن بعد المسافه وقربها 🥺🥺💜💜💜)
* بجد احساس انك تسمع صوت زول بتريدو شديد وطول منك احساس كده م بتوصف مزيج بين فرح وحزن بتكون فرحان عشان سمعته صوتو وفي نفس اللحظه بتكون زعلان عشان طولت م شوفتو يعني الفرح والحزن توامان لا يترك احداهما صاحبه ، الواحد يكون ملهوف لسماع صوتو زول غالى عالي ويكون حاول بكل الطرق وفي النهايه يستهل ليو واتكلم معاه برغم مرات بحصل خلاف بس دي نتيجه طبيعيه لشوق لمن يكون م بتوصف ، انا شخصيا بقت كل م اشتاق بعاين في صرتو كل م احن بجري بتوضاء بصلي وادعي ليو مرات كتيرره بنسي نفسي وانا بدعي ليو ، بامانه احساس انك تحب وتتعود عليو احساس حلو شديد كل يوم تشوفو تلاقي تسمع صوتو والله العظيم احساس م بتوصف بتحس بالامانه ساي بس لو سمعت صوتو والاحساس القاسي لمن انت تتعود على وجودو وفجاءه يغيب يلا د هو البوجع القلب مرات بكون غائب عشانك ومرات غائب من غير سبب ، بس نرجع لانو سمعان صوت زول بتحبو برد الروح وحقيقه تعشق الاذن قبل ان ترى العين ،،*
..
بلسان اماني
*اصبحت الهواتف لا تفارق ايدينا؛؛؛ لاننا نشعر ان كل من نحب في قبضة يدنا*🍁❄️
رفعت استيو على الواتس * وكم من انتظار جفت فيه دموعي وكم من من امل ربط خيوط ود لمن تكون في حياتي اهل انا اعتدت علي الانتظار ام ان الانتظار اعتاد عليه وعلى دموعي اما ان دموعي اعتادت علي عذابي وانتظاري ..
قد عشت كالاسير في انتظارك ك سجين ينتظر شهاده براته ك طفل ينتظر امه وهي تحت التراب انا في انتظارك اموت كل يوم وتشهد جدران غرفتي علي مراسم جنازتي من قال انا العين هي فقط من تبكي فانا قلبي تفطر من البكاء علي غائب حبيب اه كم احبك ي غائبي ... طبعا د مقتبس من روايه الى ذاك الغائب اكتب ،للكاتبة العصفوره الجريحه )
وكل الناس شافتو وكميه من التعليقات العايزه تعرف د منو وفي شنو بامانه كده م قدرت ارد عليهم ، وسبحان الله من الناس الشافو كان الاء طوالى رسلت لي
الاء : زكرتني بالزمن الجميل
امونه : الى ذاك الغائب اكتب
الاء : قريتها يعني
امونه : قريت اي وعجبتني شديد والله تعرفي ي الاء انو انا بحب العصفوره الجربحه دي ب غم من اني م شفتها وقريت ليها روايتين بس وكان نفسي تتكب لي روايه
* بعد قلت لي الاء كده اتصلت لي مكالمه واتس طوالى *
الاء : امونه السمحه صحتك واخبارك
امونه : تمام والله الحمدلله كيف انتي
الاء : والله الحمدلله جديدك
امونه : سماع صوت خالد
الاء : اتصل لك يااخ الف مبروك
امونه : اي والله
الاء : اها قلت لي بتحبي العصفوره الجريحه
امونه : بحبها شديد
الاء : طيب ي السمحه لو قلت لك انا العصفوره الجريحه زاتها
امونه : م فاهمه
الاء : انا الكتبت روايه الى ذاك الغائب اكتب
امونه : قولي والله
الاء : والله العظيم
امونه : وكتبتي حقت القاصره والعجوز
الاء : ايوووه
امونه : طيب لي م كنتي ناشرهم باسمك الاء :لانو م كنت عايزه زول يعرفني لكن حبه حبه نشرت باسمي والعصفوره الجريحه د اسم الشهره ي بتنا
امونه : واوووو
الاء : وكان نفسك تكتب فيكطالعصفوره الجريحه روايه صح وهد اتحقق
امونه : يااخ تسلمي كتير
* م كنت متخيله انو الاء تطلع هي زاتها العصفوره الجريحه .
....
عند خالد
*`- إنَّ المرء حين يعاني حزنًا كبيرًا، حين يُكابد كربًا هائلًا، لا يشتهي الاَّ أن ينام.`*🥂💔
بجد يااخ بعد م سمعت صوت اماني اتلخبط الشعور جواي م كنت فاهم حاجه شعور كده زاتو. غريب بين فرح وحزن يعني احساس انو كانت على طوالى معاي وبتجهجي بعيونه وهسي اتمني اني بس اسمع صوته د احساس حار واحلي احساس لمن سمعت صوت وعي بتقول لي وربي مشتاقين يااخ والله احساس حلو خلاص. بس زعلت شديد لمن قالت لي انو ابوها قال فتره شهر ويحصل الماعيزنوو يحصل والله فتره ئهر م بسيطه بس خايف من الظروف الح تفرقنا انا م مستغني عنها بالعكس انا متمسك بيها باسناني وايداني لكن لمن الواحد يختو في فتره زمنيه كده الوضع بخوف ح تحس باحساس العجز او انك م انجزت لو مرت الفتره دي بقت بشتغل دوامين صباح ومساء المساء بخلص الساعه ١٢ ليل بجي اقول انوم بغلبني م بقدر انو قدر م احاول حتى زملائى علقو على بقولو لي انت مالك بتساهر كده وهي اساسا دايره ود عمها تاعب روحك على الفاضي اصلا الاولويه لود عمها "وَيَلُومُنِي بَعْضُ الأَنَامِ لِحُبِّهَا
أَيُلَامُ مَرْزُوقٌ عَلَى الأَرْزَاقِ؟"
فهمتني قلت لمن قلت ليها اي حاجه قضاء وقدر وكل مسطر واي زول المقسوم ليو بلقي فهمت اني كده مستغني عنها وهي م عارفه انو غيره حرمنا على كل بنات حواء ، لو كانت القسمه او النصيب رجل لقتلته ) بس كمان الواحد بحاول تاني يرضي بالمقسوم ليو صح انا عارف انو اماني بنحبني ويمكن انا بموت فيها بس كمان معافر عشانها مرات بحس كانو انا الحزن والحزن انا نفسي بس في يوم تكتمل فرحتي ..
انا الحزن والحزن انا 💔💔عندما تتلاشا الامال وتنتهي الاماني وتضيق الصدور وتعتصر القلوب .. تتساقط الدموع كتساقط حمم البراكين الثائره لتحرق كل اخضر وجميل وتقتلع جزور الفرح من اصولها وتزيل بساتين السعاده من مكانها عندها تعرف انه قد حل الحزن وقد حضر بهندامه المعروف واقام قلعته عاليه السقوف عندها اجد نفسي اجد نفسي لانني انا الحزن والحزن انا اتصفت به .. فلم يجد الا ان يتصف بي سألني غااااالى .. لم انت حزين..؟؟ فأردت ان اجيبه فسبقت دموعي كلماتي فسكت واخترت الصمت نغماتي .. نغمات ألم غير معقول ولم استطيع ان اقول غير انا الحزن والحزن انا .. اصبح حالى شين باكي النجم واساني لا طيفها ظهر لا أتبردن نيراني قاطعتا المنام انا شوقي م بيعفاني قمحان لى لقاهوو الليو وهب وجداني راجياهو النفس كان طيفو يصبح داني جاء وقال السلام حرم صبقتو حصانيى.. لو بعرف انه الدمعات بتردني لك. ي المنتظراني كنت بخلي الدنيا تغرق لتعود لحضني تاني .....
لقراءة جميع فصول الرواية من هنا