رواية بين قلبي واختيار أبي
الفصل الثاني والعشرون 22
بقلم الاء فائز
هل من الممكن ان يقتلنا الحب احياء ؟!
هل من الممكن ان نموت به كما كنا نعيش لاجله 💔🥺
بلسان اماني :
مره اسبوعبن على الشهر القالو ابوي لخالد وفجاءه جانا ادريس م عارفه قال شنو ل ابوي وقعد مسافه اليوم كان يوم اربع بعد فات ابوي جاء قال لي خطوبتك من ود عمك يوم الجمعه ،، كلام ابوي نزل على قلبي زي الصاقعه معقول ابوي ياخاد قرار عني طيب د قرار مصيري د حياتي ح اعيش كيف طيب لي ابوي عمل كده ( دايما كنت سندا لي ي سندي واليوم كسرت ذاك الكتف الذي كان ينسد عليك قل لي ما هو زنبي ) ، بقيت ببكي بطريقه خيالي م قادره اصفها حاسه كاني جاريه اسادهو من يتخذو القرار بدل عنها ( لقد صدر الحكم النهائي بالنفي لتلك المذنبه ولم يبق إلا التنفيذ ) بقيت مسجونه في سجن افكاري يعني خلاص حبنا كده انا وخالد انتهي لا م بصدق طيب واحلامنا باتت هبا منثوره اه فعلا ليس اسواء من التفكير ، ومرو اليومين بالعافيه وانا من غرفتي م طلعت وجاء يوم الجمعه وكنت زهجانه شديد ودموعي م قصرت والبيت مليانا ساعدت ناس امي حبه وانا بعمل في الكيك كنت بتخيل اني عاملو لخالد ولمن مواعدهم جات وجو مشيت ناس عمتي حاولت اتصل ليو كتير بس م بخش معاي وقعدت ٥ ساعات براي راودتني افكار كتيره غريبه بس برضو استغفرت بعد فاتو رجعت البيت بعد شويه ناس داخلين مارقين مبروك زهجت من الوضع فحت الشبكه لقيت الاء مرسله لي قلت ليها الاء اليله خطوبتي قالت لي شنو قلت ليها والله قالت ي زول كل شئ مسطر ومقسوم والخير في م اختاره الله ، الاء بقت تحكي لي في مواقف حصلت ليها اليله عشان تطلعني من الجوه الانا فيو لكن برضو قالت لي نحن عندنا في الخطوبه بجيبو دهب قلت ليها نحن زاتنا ونسبه لانو ناس ادريس وضعهم مشاء الله قال لي ابوي اماني تتوزن بالدهب عديل ، قالت لي تساهلي ، طبعا خالتو فاطمه ام خالد جات الخطوبه ، اها احكي لي حصل شنو ، طيب ي الاء
بلسان اماني..
يوم رجعت من الخطوبه هي ومعاها بت معانا اسمها اسراء نفس عمري كدا وعارفه حب خالد لي
خالتو فاطمه قالت ليها الليله عايزة اتصل لي خالد أوري حبيبتو خطبوها
واسراء تحمس فيها أي وري
إسراء كلمتني قالت لي خالتو فاطمه اتصلت لي خالد كلمتو انا كنتا قاعده جنبها
وقال ليها خطبوها ي امي
قالت ليهو والله بت كويسه وما فيها كلام بس انت ما شديت حيلك وخطبتها
هو سكت ما قال ليها شي لانو كلامها صح
خالد ما ختا الكلام في قلبو لامن انا وريتو انو ممكن يجي زول ويخطب قال لي بس انتي ارفضي
وانا كلمتو ورفضا وأحد بي سببو
وهو اتعود ان انا كل ما يجي أرفض وانا تاني ما بقدر أرفض ما عندي سبب مقنع أرفض بيهو ي الويه انتي فاهمه علي يعني امو شاكلتو قالت ليهو الكلام منك هي ما عندها زنب انت الما شديت نفسك..
عليك الله ي الويه انا بحزر في والله كل مره بزكرو وانا خاته الموضوع في قلبي لانو بعرف ناس البلد وأهل ابوي ترفضي واحد ما عندهم مشكله لكن اتنين وتلاته وما يكون عندك سبب والعريس يكون زول كويس وسمعتو معروفه ونظيفه ماف سبب بخليك ترفضي
وانا والله ليااا رضيت بالمقسوم لانو انا عملت بالاسباب والله انا عملت سبب بالقرايه وعملتا سبب خالي كان ماسكنو الدعم السريع هو شغال مع الجيش وقريب سنه ما عارفين هو حي ولا ميت عشان كدا عملت سبب بيهو ورفضت العريس الأول
دا كلو انا عملتو لي خالد ي الاء وهو عارف مفروض يشد حيلو ويسمع مني انو ما عارفه دا كلو انا سويتو لي خالد واقفه معاي يخ خالد خلي الشغل هنا قبل يسافر
قعد قريب شهر ولا اكتر خلي الشغل
امو ليها حق تشاكلو
واسي قعد قبلو
انا عن نفسي راضيا بالمكتوب لانو انا عملتا العلي واكتر وخالد عارف عشان كدا سكت لمن امو قالت لى هي ما عندها زنب انت الما ضربتا صدرك وخطبتها..
* ليتهم قبل ان يختارو لها زوجها علموها ..!!علموها كيف تقهر قلبها الذي يترنح ذبيحا بين ضلوعها لتكتوي بالم روحها قبل جسدها ليتهم علموها كيف تقاوم شوقا يعتصر لحبيبها .. وغيره تخنقها من امراه ستملكه دونها. ليتهم علموها قبل ان يحاسبوها ليتهم *
عند خالد :
بعد ما امي اتصلت لي وقالت اماني خطبوها حسيت احساس غريب وكانو سلبو مني روحي لي د طيب ابوها ادني مهل شهر لي الكلام د ومن غير م اشعر وانا غرقان في محيط افكاري م وعيت على نفسي الا وانا في المستشفي والسوال الذي يطرح نفسو انا جيت هنا كيف ود كلو. لشنو وحصل شنو وفجاءه اتزكرت خطوبه اماني دمعه حاره نزلت على خدي لى كل د بعد بديت وخلاص كونت نفسي وفجاءه امي تقول خطوبها امي شاكلتني وكلامها صاح فعلا انا لو من البدايه شديت حالى د كل م كان حصل ل انا ضيعتك من بين يديني في الوقت. الكنتي انتي فيو قريبه شديد مني ، وفجاءه جاء الدكتور واداني حقن تاني م صحيت ...
بلسان اماني ....
وانا خلاص ببكي وماسكه تلفوني وبعاين في صوره خالد امي جات وقالت لي عرسك بعد اسبوعين ولمن شافت صوره خالد قالت خلي لعب الاطفال البتعملى فيو د و بكره بتنسي ..
اي غدا هذا الذي انتظره بعد غروب شمس خالد عني اي لعب اطفال هذا الذي تكتوي به ضلوعي ...