رواية بين قلبي واختيار أبي
الفصل الثالث والعشرون 23
بقلم الاء فائز
عيوني انا .. عيون ترحل تسافر لك .. عيون مسكونه بي زاتك .. بتتمناك وتفرح بيك ..
اشتقت لك ، اشتقت للحظه البتسرق عمري كلو تجيبو لك اشتقت للنجم البسافر في الخيال يرحل يجيك .. اشتقت والشوق مستحيل في دربو يتمرد عليك ... اشتقت لك...
.....
بلسان اماني ..
في منتصف اليل يحكى ان وجع حن على وجع فابي قلبيي ان ينام 💔
د حياتي بقت كده بس احاول انوم اغمض عيوني يظهر لي طيف خالد اقوم اقعد افكر فيو. اغمض تاني يظهر لى طيف ادريس ، بستبدل طيف خالد ب طيف ادريس لصراحه طيف خالد بشعرني بالامان عكس طيف ادريس ، افكر في خالد وفي الوجع العاشينو وبعد شويه يجين طيف ادريس ارجع افكر حياتي ح تكون كيف معاو بجد انا خايفه اساسا م حصل مره اتكلمت مع ادريس وبكرهو. موت وغير انو خططنا احلامنا انا وخالد سوى حتى اصغر التفاصيل رسمنها وفي لحظه كسى لوحتنا اللون الاسود م عارفه الحصل شنو بالظبط بس اللوحه اصبحت زي الجنين المشوه يمكن سبب تشويها ادريس ، بقيت بفكر لحدي الصبح اذن قمت صليت وقريت قران ودعيت لخالد * حتى في الوقت الانا بقيت فيو ضمن اختيار أبي م قاعده انساه في النهايه خالد كان اختيار قلبي ، نمته حبه الشمس طلعت امي جات صحتني قالت لي اليله ناس الفريق. وصحباتك عملين لك لمه قومي عشان تجهزي * بالله عليك ي امي هسي انتي شايفاني مبسوطه ل لمات وكلام فارق * استقفرت سرا ومشيت اسوكت واستحميت وخشيت على امي في المطبخ اساعدها ، وزي الساعه ١٢ كده جو الضيوف وانا اصلا م عندي اخلاق ولا نفس احضر لمتهم دي * الناس بتلميي لم يكون في فرحه بس انا موجوعه * امي قالت لي الا تلبسي التوب ، المهم سرحت شعري بالنص ولبست توب بالاسود ويديني كانو محننات وقايتو منظري كان بوحي اني ارمله مات زوجها ولكن لست ارمله مات زوجها بل ارمله تفتقد حبيب قلبها ،، طلعت ليهم وقعد يتونسو وكده امي قالت لي اتصلي لي عمتك شوفيها اتاخرت لي قلت ليها حاضر اها وانا بتصل اتفاجاءت لمن امي قالت لي خشي عاينت لرقم لقيت روحي بتصل ل خالد ، د جن عديل كده دي المره الخامسه تحصل معاي الحاجه دي اكون عايزه اتصل لزول القى روحي اتصلت على خالد ، المهم انتهت اللمى وانا كنت قاعده عباره عن صخره بسالوني برد بكلمه كلمتين. وخلاص ، بعد الناس طلعو مشيت طلعت توبي وغسلت العده جات جارتنا قالت لي اجي ي بنات امي في عروس بتغسل. عده عاد ي فاطمه حرام عليك قعدت اضحك قلت ليها ي خالتو في حاله تكون عروس طبيعيه ممكن م تغسل العده اما انا هسي ممكن فطومه السمحه تطلع لي هدوم تقول لي غسليهم ، جارتنا قعدت تضحك شكلها فهمت انا كنت بهظر معاها و م عارفه انا موجوعه من جوه ؛؛ مره كم يوم وجاء يوم الثلاثه المفروض يكون يوم حنتي بس انا رفضت وقلت ليهم نعمل قعده خفيفه بس اها واثنا م دخلت الغرفه اجهز لمراسم جنازاتي بعتابرو لانو بالنسبه لي د م فرح د موت وانا م حمش لبيت السعد ح امش للمقابر حتى لو كانت جنه في النهايه ح تكون وحيد ، وانا بسرح في شعري بقيت ببكي جات حبوبه داخله وشافتني قالت عرسونا مالها قلت ليها ماف حاجه ي ستهم قالت لي عارفاك مابيها ولد ولدي بس ي بتي ( البت لولد عمها ) بجد يعني مقولتها دي خلتني ازيد في البكاء سكت حبه لولد عمها صاح وهدي انا ماشه ليو عشان كده خليني اجهز عشان م تتحرجو مع ضيوفكم حبوبه طلعت شلت تلفوني رسلت لخالد رساله وكان محتواها ( يقولون ان دروبنا متوازيه لا تتلقي .. ونغماتنا شاذه لا تتفق ، ي سيدا تمنيت ان يكون نصيبي سيدي وملكي وحدي كنت ستوج اميرتك بتاج الحب والعزه والفخر لكنك توجتها بكاس. الانتظار فالقسمه حكمت بحكمها وانا غبلت العقوبه على كلينا ان يرضي بالنصيب على كل حال لا اعلم متي ستصلك رسالتي ولكن اريد اخبارك ان مراسم دفني اقصد زواجي يوم الجمعه بعد يومين ) ..
رسلت الرساله ليو ورجعت تاني للبكاء ، خفيت اثر البكاء بي شويه ميكب. ولبست توب اسود ساده اساسا حياتي ح تبدأبالون الاسود بعد خالد وطلعت ، برغم اني كنت زعلانه وببكي واتمكيجت في البيت بس طلعت حلوه يعني اساسا م كنت محتاجه ميكاب بس اعمل شنو اول مره اشوف زول محكوم عليو بالاعدام بتزين ...
لم يكُن لي نصيبٌ من الأشياء التي أحببتُها سِوى النظر من بَعِيد😴🖤
بلسان خالد
ذهب الكيان وظل الظل.. هَجرت الروح وظل الجسد🖤 .
كنت مشتاق ل اماني شديد وبفكر فيها جاتني رساله انصدمت والله كيف د ومتين حصل د معقول اماني خلاص ح تسيني ح يعرسها واحد غيري ح يمسك يدها غيري م فاهمه حاجه انا الرساله وصلتني بعد يوم هسي م فضل زمن لازم امش امنع العرس ب لي طريقه اماني حقتي انا وبس ، الزمن داك لساعه كانت. ٣ ظهر لمن وصلتني رساله اماني جريت طوالي على الناس الشغال معاهم وكلمتهم اني مطرر اسافر هسي كسلا بعد تحنيس حتى خلوني م لقيت حاجه اركبه ماشي بس برجليني مسافه بعيده شديد وانا ماش حتى لقيت لي بتاع عربيه وركبت معاو ...
يا قليب اصبر شويه يادموع العين كفايه كم حبيب فارق حبايبو ومر بي نفس الحكايه وكم حزين كاتم اساه وبسمتو في عيونو ايه اصلو بحر الحزن شاسع لا سواحل لا نهايه ياعيوني كفاك أصبري مالصبر في دنيا سنه والبيصبر في عذابو تبقي بكره حياتو جنة وبرضو اصبر ياقليبي مهما لك الفرقه جن مالمسطر لى فراقنا من قلوبنا علينا احن مهمااصبرر لك عيوني حكم الدموع برضو الاباحه واه بتطلع من قليبي وفي طلوعا بيلقي راحه اصلي متذبذب وخايف دي الحقيقه ودي الصراحه وياحزن ارجوك خلاص ادي للافراح مساحة .. زاتا تعكرا وتكتل الافراح كمان ودموع عيوني تهدرا واناكنت راجيك بإشتياق تبقالي زي غيم الثرا تدفق غرامك لي مطر يبل مشاعري ويعطرا ويفرهد الريد في دماي تصبح فروعو مخدرا لكنو كان وعدك سراب غازل دواخلي وحسرا...