رواية بين قلبي واختيار أبي
الفصل التاسع عشر 19
بقلم الاء فائز
ارجوك تعال ارجوك تعال ..انا جد هويتك والله عالم وحالى حال ..ليه تصبح الاحلام خيال ليه يصبح الاحساس محال .. وان شان عيونك ي جميل .. طرزت ليك الليل جفون واخترت انت عشان اكون وانا دونك وانت بلا زمن وانا دونك انت بلا قلم وانا دونك انت المستحيل .. وليه يصبح الاحساس محال ليه يصبح الحب مستحيل .. والمستحيل انك تشوف الليل نهار ان تحسب الشوق انكسار ان يقبل القلب الدمار ان تنبت الدوحه الصبار وما مستحيل ان تصبح الصحراء عمار .. لو انبت هي من الاساس ..بخطز تماس بين القلوب .. بس مستحيل يصبح الحب مستحيل وانا ي جميل ليك اتوجدت عشان قليبك لي يميل وعشان نسطر بالهوى اجمل قصائد عن قلوبنا الساهره ليل .. وعشان نحيل كل الحزن كل الظروف كل المحن هذا الزمن حتي الوطن لسكن جميل ... واسال قليبك ي جميل هل مستحيل ؟!
...
مر اسوعين على غياب خالد بجد يااخ فقدتو شديد وفي الاسبوعين ديل اتكلمت معها مرتين بس لانو الشبكه عندهم ضعيفه او ماف عديل ، بقيت قاطعه موضوع حايمه من فيس ل واتس ل انستا ماسنجر ومرات يومين بكون تلفوني قافل تلفوني زاتو. شكلو فقد خالد بقي يعمل حركات مره يشتغل ومره م يشتغل وقايتو ياني صابره علي البعاد وفي يوم رفعت استيو علي الواتس ( *_والله إن الشوقَ فاقَ تحمُلي يا شوقُ رفقًا بالفؤادِ ألا تعي .🥺❤🩹*) شافتو الاء وكان تعليقها. بتنا اشتقتي لي انا ولا منو ف رديت لها والله ي الويه اشتقت لك بس كمان اشتقت لخالد شوق م بتوصف قالت لي احكي لي من مواقفك مع خالد ، حاضر ي ستي وانا لاقيه احكي عنو ..طيب
انحنا اصلا لمن بنقعد مع بعض بنكون قصاد بعض
يلا هو كل ما داير يتونس معاي بتلبش وما بعاين لي في عيوني
بقول لي عليك الله ما تعايني لي والله بتلبش
دايما بتفاده انو يعاين لي في عيوني وانا بكون قاصده ما ارمش عشان اشوف ردت فعلو بتعجبني
هو عندو مكان بقعد فيها يلا الحتا دي فيها شباك باتجاه راسو
انا كل ما اجي فايتا بجرو من شعرو
وهو والله ما برضا زول يهبش سبيبا من راسو
لكن انا كل شويه اجرو و ما بسالني 🥹🥹🩷✨
بقول لي ي قلبي لو ما دي انتي والله زول تاني ما بخلي،
وتاني ي بت ، اصبري ي الاء ،طيب ،انتي عارفه انا لمن اجي ماشه اتخيلي تقول بحس بي والله بقول احم بس
غير احم ما بقول وبغير نبرت صوتي
بقول لي قلبي 😂
تاني اختبرو تاني بعرفني وهو بكون ما شايفني بقول لي حياتي جيتي 🤔😂
بقول لي انت شايفني قال بعرفك الحركات زول غيرك بعمله ماف 😂
امونه وتاني ، وكدي لبعدين ي الاء تلفوني دايرين يتكلمو بيو ، طيب ي السمحه ، لكن وعد ي الويه بحكي لك ، اتفقنا ...
....
عند خالد
يا ضحكه في الزمن الصعب يا واحه في عز الهجير يا راحه من بعد التعب يا نسمه هبت في الدغيش .. عزفت على وترا صعب يا رحمه من رب العباد مكبوبه فوق خلق الله كب ..
هنالك اشخاص يعزفون على اوتارا احساسنا الحانا رائعه.. ويخلدون فينا ذكرى لا تمحى .. نهفو الى رؤياهم ويزدان الوجود بهم لنا الفخر بمعرفتهم فليحفظ الله الوود بينا وليحفظك الله ي اماني .. انا جد وحات عينك اشتقت لك شوق م بتوصف اشتقت للحظه قعدنا وقعدت قهوتنا وسلامك لي من الصبح ولمن تقولي دعيت لك معاي يااخ اشتقت لك تفاصيل ي منيتي بس م كنت فاكرالغياب حار نارو زي الجمر وانتي في الانتظار انا واثقه قلبك بكون اتقطع ظنون بس برضو يالسمحه لك. وعشان خاطر عينك انا غبت شان يوم نكون سوى اقدر اسعدك وحاتك كل يوم بتزكر ولا ثانيه مرت علي في يوم ما افتكرتك بس خايفه كمان اجي القياك ي السمحه في يد غيري خايف من يوم اشوفك فيو لا م قادر اصف كل البعرف انو انتي لي وانا ليك باذن الله م بختاك خلي معاي ...
وعدت اماني اني كل م اتزكر اكتب في الدفتر كانت جابتو لي ويشهد الله انا بكتب وبنزف دم اي صاح فاقد اماني شديد بس برضو داير اجتهد عشانه وعشان احقق مناهاونكون سوي ..
..
مره شهر على بعاد خالد وانا لمن بقي م عندي موضوع ونادر اطلع من البيت او امشي المدرسه جات بت جيرانه قالت لي اماني رايك شنو نقراء كورس الاسعافات الاوليه ( الهلال الاحمر ) فكرت في الموضوع لقيت نفسي بصراحه انا لازم اطلع من الجوه الانا فيو د قلت ليها اشوف اها وهي فاتت في اليوم داك جاءنا ادريس ود عمي * تتزكرو * ( شكلو الزول د ناووي يرحل معانا كل يوم ناطي لينا قلت في سري طبعا ) اها ابوي ناداني مشيت جبت ليو مويه وشاي وانا طالعه سامعه ابوي قالو ليو اماني عايزه تم دراسته قال لبو والله ي عمي نحن م عندنا مره دخلت بيتنا تطلع لقرايه تاني ، انا هنا بعد سمعت الكلام جريت جري حبووبه بتقول لي مالك ي بت انتي في شنو قلت ليها ماف حاجه جات حضنتي وبكيت * م قلت ليكم الدموع م ناويه تفارفني * بعد م هديت حبه وكاني م سمعت قلت ل ابوي انا عايزه اقراء كورس اسعافات اوليه في البدايه رفض نزلت كم دمعه كده قال لي الا دموعك ي اماني خلاص ي بتي اقرا فرحت شديد بقرار ابوي ومشيت طوالي وريت بت جيرانه قالت لي ظابط ي السمحه ونمش بكره الساعه ١١ فلت ليها تمام بصراحه كنت متحمسه شديد واليوم التاني مشينا وكان يوم ظابط خلاص * احساس انك تطلع من جوه حزين لهواء نظيف د احساس م بتوصف * عده اليوم الاول والثاني وجاء اخر يوم طبعا ١٥ يوم كان في الاخير استلمنا شهدتنا وكده ورجعنا البيت طوالى اها بعد العصر كده جات بت جيرانه قالت لي ارح معاي المركز الصحي الجمبنا د قلت ليها لي قالت لي عايزه اقدم هناك قلت ليها ارح شلنا شهاداتنا ومشينا طبعا قابلنا المدير وعلى حس الهلال الاحمر طوالى قبلونا وطوالي دخلنا لمرضى وكده وجينا راجعين البيت بعد العشاء ونسبه ل انو امي كانت في المدرسه وحبوبه عند جيرانها وابوي واخواني ماف اطريت امش من غير م اكلم زول اها لمن وصلت البيت لقيت الناس دي كلها قلقانه وامي بتبكي جريت عليه مالك جاء محمد اخوي انا زاتي م عارفه جاء متين من السفر طاخ اداني كف وقال لي كنتي وين انتي م بتعرف تستاذني قلت ليو ماف زوول كان وانا في قمه ضعفي ودموعي اصلا قريبه وغير انو ماف زول بدقني من كنت صغيره وجاء اليله محمد وعمله ، جاوبي ي زفت انتي ، قلت ليو شغاله في المركز الصحي استلمت شهادتي ومشيت قدمت وإعتمدوني قال لي ويني شهادتك جراها مني وشرطه وقال لي ماف مرقه تاني من البيت .. طوالي جريت غرفه حبوبه وقفلت علي الباب وبقيت ابكي بكاء مش قلت لكم دموعي اقرب منها الله م خلق ..
ما اشد مراره الخذلان !!
عندما يخذلك كل من حولك حتى من ظننت بانهم اقرب اليك ....
لقراءة جميع فصول الرواية من هنا