رواية بين قلبي واختيار أبي
الفصل الثامن 8
بقلم الاء فائز
مرات الدنيا بتكون عكس ما داير انت 💕🌸✨ ومرات تسبح معاك في نفس الموجة💕🌸✨ مرة بتكون زي الإعصار البتعرج كل ملامح قلبك 💕🌸✨ بس رغم كل الحاصل ده مافي أحلى من إنك تبتسم😊🌸✨ الضحكة بتنور الدروب 💕🌸✨ بتنسيك الزكريات المؤلمة العشتها في كل حياتك بتورد ملامحك 💕🌸✨
والدنيا لو كترت عليكم صارعوها بالرضى💕🌸✨ وإنو الحاجة المقسومة ليك ما بتختاك💕🌸✨ دايما الصبر طيب بس حلاوتو ف نارو 🌸💕✨ والداير طعم العسل ما يخاف من النحل لسة في الحياة امل💕🌸✨
صباح الخير .. صباح الخير ي ست الكل .. اصبحتي كيف الليله من الصداع ي بتي ... والله ي امي تمام الحمدلله احمد اخوي جاب لي مسكن وبلعت منه .. الحمدلله م تساهري في التلفون د تاني سامعه .. والله ي امي م قاعده اساهر هو اساهر مع منو انا .. م عارفه بس زي م قلت لك ماف سهر تاني .. حاضر يالغاليه ..
صباح الخير ي شباب طبعا د الحديث الجر بيني وبين امي لانو امس كنت مصدعه شديد م قدرت انوم قدر م حولت م قدرت امي قرت لي قران ارتحت حبه واحمد اخوي جاء جاب لي مسكن .. امي بتقول لي م تساهري في التلفون م عارفه انو انا اساسا م عندي زول اساهر معه يمكن بساهر بفكر في الحيحصل و الماحصل ولو حصل حيصل شنو عقلي مشوش ونفسيات في الواطه بصراحه كده اشتقت لصحباتي ولمتنا قعدتنا قهوتنا بيتنا كل تفاصيلي اشتقت ليها بقيت بحلم بيها عديل من شده الشوق والزاد الطين بله قرار ابوي انو عايزني اتزوج د خلاص لخبت كل افكاري هو انا حياتي اتقلبت 360درجه ويجي ابوي يقول لي جاءك عريس وياتو عريس ادريس ود عمو تتزكرو انا بكره الا عرس القرايب وابوي يجبو لي لحدي عندي اساسا انا فكره زواج م خاتها ومن منو من ادريس ي ربي د شنو البحصل لي د يااخ انا المفروض مش يجيني صداع بس تجيني جلطه عديل ... وخلاص انا من التفكير راسي لف م وعيت الا وانا في المستشفي مركبين لي درب وسلوك كده م فهمت .. بعد شويه جاء داخل الدكتور قال لي حمدلله علي السلامه ي اماني .. قلت ليو الله يسلمك مالي انا ي دكتور الجابني هنا شنو وعندي شنو ... قال لي.والله م عندك حاجه هبوط بس ود من الارهاق والتفكير الزايد كتبت لك ادويه اتناوليها في المواعيد ... وبعد شويه جات جاريه امي مالك ي امونه الحصل عليك شنو خوفتينا ي بت انا جيت بالصدفه لقيتك واقعه في الواطه في شنو ... ماف شي انا كويسه ي امي .. وين سندي .. ابوك ي بتي طلع مع احمد يجيبو لك العلاج هسي بجو. بعد شويه جاء ابوي واحمد داخلين
احمد : ي ام عيون عسليه خوفتنا عليك
انا : اعفو لي
ابوي : ي بتي مالك انتي والحاصل شنو عليك انا ابوك احكي لي ..
امي قالت ليوو خليها بعد تطلع من المستشفي ونشوف البحصل شنو .. بعد نص ساعه طلعوني احمد قال الا نقيف في بتاع الاسكريم .. وقفنا واشتر لينا اسكريم واشتري لي شكولاته وحلاوه سيما .. امي وابوي قالو راجعين البيت عشان حبوبه م تقللق علينا ونحن نتم باقي مشاورينا ..
احمد : عارفاك ي ام عيون عسليه عيانه وتعبانه من الوضع د وعارف المزهجك شنو عشان كده انا عازمك اليله ي حلوتي
قعدت اضحك قلت ليو احمد د انا اماني اختك م المزه حقتك .. قال لي ويعني وانا لاقي مزه زيك وقعدنا نضحك لفينا لف بعربيه جارنا اشترينا اسكريم تاني وتسالي وطعميه وحاجات كتيره واحمد قال بعد ده نرجع البيت قلت ليو احمد خليني حبه بس هنا الجو هادي .. قال لي ي اماني انتي اليومين ديل مالك في شنو والحاصل عليك شنو انا م احمد اخوك وصاحبك وريني .. قلت ليو ي احمد ماف حاجه بس تعبت انا ونفسي ارجع الخرطوم قال لي بنرجع ان شاء الله اصبري بس ي امونه .. قال لي خلاص بعد ي مزه ارح نرجع ورجعنا لقينا امي مجهزه لي خدره طبيخ دي اكتر حاجه انا بحبها وسلطه اسود وحاجات تانيه اساسا انا كنت شبعانه بعد الاكل الاكلنا انا واحمد لكن اكلت تاني امي تحنسي فيني وحبوبه
وقايتو اليوم عده وانا م فكرته في حاجه وقلت لحبوبه انا عايزه انوم في حضنك بس حبوبه قالت لي حاضر وانا لاقيه بعد شربنا الشاي شلت تلفوني وفتحت الفيس علي طول نزلت استوري *آلَآخـــــــوُهِ اجنحه فحين تسقط لن ينتشلك سوى اخيك!.*♥️🏌️
م عده ٥ دقايق احمد اخوي شافو. طوالي رسل لي قال لي * وبغض النظر انك صعبه وعليكي حاجات زي النيله وطبيخك طعمو ماليو معني وبناكله عشان م عندنا حيله مع انك رغايه ودوشه وصباح الفل مافيش تميز بس انتي في عيني اعز الناس والبنت اللي تملي جميله .. الواحد لما يكون زعلان يزعله من زعلو. عشانه الواحد م بيفرح صحيح غير لمن اشوفك فرحانه وبحب استظرف واديقك كل ما اشوفك قرفانه وبحب كلامك وسلامك والضحكه اللي بتطلع منك وخناقك مع امي دايما لما طلعك الغلطانه البيت من غير الاخت كئيب وكانو مالو طعم وتفاصيل اليوم من غير ضرب وخناقات علي ادي م هادي دمو تقيل العمر من دون ناس تحبك ولا له ولا طعم ولا طله وتعيشي ي حلوه وتهنيي ويديكي الخير ابو فرح طويل كل لما اشوفك فرحانه لخروجه خرجناها في حته او لما اجيب حاجه اكلها فتقول جيب حته او لما الاندومي بيغلي من خمسه جنيه يبقى بسته فتحنني صوتك وتجيني بربح جيوبك جيبي لي الجنيه ي انت ... ربنا حرمني من اختي الصغيره بس برضو الحمدلله انك موجوده ح تكوني كبيرتي ودلعوتي وشافعتي برضو ي امونه ..*
بعد كلام احمد د انا خلاص بقيت ببكي هو انا المفروض اقوي عشان اخواني عشان امي وابوي بس محمد اخوي وين طولتو منو انا ولا حتي سال تاني مني محمد برغم انو. عصبي شديد بس عارفو برضو بريدني . رسلت ل احمد قلت ليو احمد
.... عجبتك صح
.. د شنو المعلقه دي
... يعني م قريتها
.. لا لقيت طويله
... اقريها طيب
.. تعال انت ي احمد اقراها لي
... انا طلعت ي امونه
...احمد
... عيونو
.. قريت
..اها
.. م حلوه
.... قلبك قاسي انتي ي ام عيون عسليه
... دي روعه عديل كده دي لي انا معقوله
... ويعني ل مين في غيرك ي السمحه
... احمد انا بريدك يااخ
.. اماني هوووي انا اخوك الناس ح تفهمنا غلط وبعدين يعني المزه الجمبي دي شكلها فهمت حاجه تاني
... خلي حركاتك دي وقعدنا نضحك حبوبه قالت لي خلاص جنيتي
.. وانا بريدك ي اختي وربنا م يحرمني منك ي رب
... وما يحرمني منك ي اخووي
...انا جاي البيت
.. قايلاني م عارفاك انت وين
... اها وين
... واقف جمب باب غرفتنا انا وحبوبه
... وعرفتي كيف
... من ضلك ي فهمان
... خلاص ي السمحه امش نومي بكره عندنا مشوار
.. مشوار وين
....اوريك مزتي
... جادي انت
... وانا قاعده اكذب عليك
.. حاضر طيب
* كنت مبسوطه شديد بعد كلام احمد بعد شويه. احمد جاء داخل شايل لي كوبايه للبن .. د شنو ي احمد عارف انا م ببحب اللبن .. ي بت هوووي م داير كلام كتير الليه انا اكبر منك فاهمه م تعملي حركات الكبيره وكده تشربي من سكات احمد لكن اماني ادني الكوبايه دي فاضيه سامعه حاضر اي اسمعي الكلام ..
وعلي كده شربت اللبن ونمت في حضن حبوبه وفعلا صاح *الاخ هوا رفيق الدرب هوا الروح الحياة والحياة من غير اخ لا طعم لها ولا لون*🏌️♥️...
لقراءة جميع فصول الرواية من هنا