رواية بين قلبي واختيار أبي
الفصل السابع عشر 17
بقلم الاء فائز
" مُحاولة نوم
أخرى فاشلة ..
تعثرت أحلامي
بصوتك
مُجددًا .....💙".
بعد م قلت ل خالد امس انا حلمت بيك هو زاتو قال لي " مُحاولة نوم
أخرى فاشلة ..
تعثرت أحلامي
بصوتك
مُجددًا .....💙". وانا زاتي حلمت بيك ونفسي انوم مره وحده من غير م طيفك يجيني ولا سجي صوتك يصدح م عارف ي امونه د كل حب ولا عشق وذي م قلتي كنا في اللاوعي نشتاق ...
* اليوم في المدرسه عده علي خير وخالد كان كل م ليوه ببعد مني لمن زهجت منو سالتو قال لي عشان لمن باكر اسافر م تحسي بغيابي ، طبعا انا من غير م اشعر لقيت دموعي سالت سالني قال لي ليه الدموع ي ام عيون عسليه عيونك دي م شبه الدموع اضحكي يخا مع انو م بشوف بسمتك لكن اقسم بالله بحس بيها ، والله ي خالد انا خايفه من يوم م اشوفك فيو ولا ابدا صباحي بيك اخشي عليك من يوم لا ابدها بدعاء قلبي لك ومن يوم لا اوزن الزنجيبل في كاس قهوتك اخاف عليك مني ومنك عليه كنت ومازلت نبض قلبي ارجوك ي خالد كن معي ، امانيى انا معك حتي لو طالت بيننا المسافات ساكون بقربك في قلبك ساكون روحي ستكون في جسدك وجسدي ينبع من روحك بالله قولي من سيستطيع نسيان من كان نبض لقلبه قولي لي حبيبتي باني ساظل في قلبك ، ستظل اعدك حتي وان حدث م نريد حدوث في امان الله * يمكن د اخر كلام قلت ليو في المدرسه ومن زعلي علي سفرو قعدت ابكي ومشيت البيت بكيت بكي بكاء اما علي ابنها الشهيد لم يكن شهيد ولم اكن امه كان قلبي هو وبعد المغرب سامعه صوت جوطه بره طلعت لقيت خالد والزمن داك انا كنت م لابسه نقاب خالد شاف وشي سرح فيني مسافه وانا ل روحي م انتبهت اها بعد فات مشيت علي ابوي وقلت ليو سندي في شنو قال لي ولا حاجه وطلع دخلت جوه لقيت خالد بتصل علي رديت قال لي : ي بت انتي شارده من الجنه ولا انتي ملاك نازل من السماء لا ها مستحيل تكوني بشر انتي ..
.. خالد يعني انت شفتني وانا م لابسه نقاب
.. اعف لي يا امونه م كان قصدي والله لكن اعتبريها نظره شريعيه ..- *`إن كان النظر اليك من بعد المسافات راحة فكيف يكون العناق••🫂♥️`*
.. العناق سيحضن قلبينا بالامان العناق سيكون راحه لكلينا ..
.. اعف لي والله م كان قصدي اشوفك لكن بعد شفتك وسرحت فيك صديقني اول مره شفتك فيها اغرمه بعيونك وهسي بعد شفت وشك اقسم للك انا افتتنت بك وعشقت كل تفاصيلك ..
.. خالد ؟
.. روح ونبضو لخالد
.. ابوي قال لك شنو .
.. م اداني جواب كده وسكتت مش بقول السكوت علامه الرضا
.. لكن ي خالد ام كلثوم بتقول الصمت علامه التخلي ، وابوي معنها م وافق
.. م تشغلي بالك يالسحمه ربك كريم .
.. ونعمه بالله
.. ارح
.. وين
..احكي لي
.. - *`لا أعلم ما الذي يميزك عنهم ؛ ولكني : أراكِ عشقاً لا أراه بالأخرين••🫂♥️`*
.. *🎵من حور الجنان ام انتا انسان الكمال هل انت الملاك جيت توري الناس الجمال سبحان من نشاك حسنة وفي غاية الجمال يهوك الجنوب واليك ينقااد الشمال🎶🫂*
.. خالد انا والله ح افقدك كلام الحلو د
.. كل م تزكريني ادعي انو ربنا يجمعنا بالحلال وانا راجع لك ان شاء الله .
.. كأني حداك ظل مشتول على دروب الزمن بتطول.. أشوف معناك في كل زول شرب من طعمك المعسول.. ودا الخلاني فيك أقول قدر ما يرجي عمري الحول.. كلاماً بالغزل مغزول ولحناً في البعاد موصول.. وكيف ما أشيل هواك فصول وقلبي برؤيتك مأهول..💜
.. خالد يااااخ انا بريدك
.. وانا بموت في عيونك
.. خالد انت بتحب عيوني اكتر مني
.. عويره انتي انا بحب عيونك لكن بعشقك انتي .
.. احلف
... م مصدقه يعني ، امونه اعف لي لو في يوم زعلتك لو في يوم نزلت دمعه من عينك بسبي اعف لي لو لو.زعلتك بكلمه واعف لي عشان مسافر ويمكن م ح اعيش تفاصيل يومك لكن ح اكون معاك في قلبك كل م تزكريني اكتبي لي في دفترك الكنتي دايره تجيبي لي ولمن اجي راجع خلي دي هديتي امونه انا بريدك ..
.. خالد انا عافيه لك اصلك م قصرت معاي من يوم حبيتك م ضغت الزعل صح فتره شهر كانت بسيطه انو نتعرف فيها بس صدقيني في الفتره البسيطه دي انا حبيتك واعف لي انت وخلي بالك لنفسك
.. ونتي برضو يالغاليه خلي بالك من نفسك ، اها م ح تجي تودعيني بكره
.. يعني انت مسافر بكره عليك الله خلي السفر ليوم بعد بكره
.. اماني بكره وبعد بكره فرقو شنو
.. عليك الله عشاني
.. خلاص ي السمحه عشان خاطر عيونك بقعد يوم بكره ..
* يا يوم بكره م تسرع *
في الصباح قمت بدري واليله اخر ل خالد يوم في المدرسه اها قمت بدري نظفت وطلعت قبل امي وانا داخله علي المدرسه لاقيت خالد جمب باب المدرسه اديتو كيس ..
.. د شنو ي اماني الكيس د
.. بعد تفتحو بتعرفو ماشي وين هسي انت
.. جاي انتظريني
.. حاضر منتظراك ، خالد طلع وانا دخلت وصبحت علي الناس ومبسوطه وزعلانه في نفس الوقت ..
.. صبحت علي وشكلو صباح حلو بشوفتها ادتني كيس بصراحه اتشوقت اشوف فيو شنو فتحتو في الشارع لقيت فيو قميص بجي وبنطلون اسود وشبط بجي وساعه وريحه وفي ورقه م قريت قلت بعدين اقراها بمزاج بصراحه يمكن اول مره زول يجيب لي هديه كنت مبسوطه شديد م عارف هي عرفت كيف انا بحب اللون البيجي اها طوالي اساسا كنت ماشي السوق امي وصتني قالت يجيلو ليها حاجات للقهوه نظام وداع لي وكده
.. بعد م اديتو الكيس وانا اصلا اشتريتو ليو يوم الجمعه لمن مشيت مع بت جيرانه السوق اها خفت امي تشوفهم خلتهم عند بت جيرانها اليله شلتهم منها ، لقيت امو زعلانه شديد قلت ليها ي خالتو مالك م عاش اليزعل قالت لي م تدعي عليو هو بحبك قلت ليها قصدك خالد قالت اي انا زعلانه عشان هو مسافر و ح يخلينا خالد ي اماني بالنسبه لي يد اليمن انا م بنوم الا بعد اشوف نام بعرف لمن اكون مهمه حتي تصدقي اول امس جاء وصاني عليك وقال لي ي امي خلي بالك من اماني وكلمني بحبو لك وحكي لي كل التفاصيل خالد بحبك شديد ي امونه ربنا م يحرمكم من بعض ..
* اها خالتو عملت لينا الفطور وخالد م جاء خفت اتصلت عليو قال لي عارفك خفتي علي انا جمب باب المدرسه قلت ليو لمن جمب باب المدرسه مخسر في رصيد لي م كان تفتح فيني الخط ، يعني ي اماني الرصيد كتير علي ، بري ي يمه عمر القرش م كان كتير عليك ، قال لي خلاص اقفلي ،
بعد م جاء وقعدتنا اتونسنا قام خالد دخل القصل وجاب كيس قال لي اماني انا عايز اشرب اخر قهوه من تحت يديك هو بقول لي كده والناس كلها قاعده قلت ليو عيوني لك هسي القهوه تجهز لك طوالي قمت جهزت حاجات ويدي كانت مجروحه هو دق لي البن والمره دي شربنا القهوه بالفناجين خالد قال لي قهوتك حلو لكن خفيفه قلت ليو يعني م عجبتك قال لي انتي اي حاجه من تحت يديك عسل ومحلوه وبس ، اها شربنا وغسلت العده جاني جوه الفصل وانا بغسل في العده قال لي اليدين ديل خلقا م عشان تشاقه وتغسل عده قلت ليو خالد اختاني يااخ الفنجاين دي بتكسر هسي قال لي عليك الله م تعايني لي كده عيونك بجهجوهني ..
اها خالد طلع يقضي امور وزي المغرب د بقيت ماشه لبيت قال لي م تمشي براك انا بقدمك قلت لي طيب اها طلعنا الشارع ولمن قربنا علي البيت اداني كيس لون وردي وقف لحدي م دخلت البيت ..
*الأيام ونحنُ معًا ، عميقة و رقيقّة ودافئة♥️💐!.
لقراءة جميع فصول الرواية من هنا