رواية بين قلبي واختيار أبي
الفصل الثامن عشر 18
بقلم الاء فائز
*وإذا مالت أغصان صبري فـ أصنع لها معجزة الإستقامة يا الله🥺🖤
بعد صليت المغرب طوالي مشيت فتحت الكيس ولقيت فيو عبايه بجيه ونقاب بيجي وشنطه وشبط بالون الاسود * طبعا ديل الواني المفضله * ولقيت رساله قلت خلاص بعد اتغدا ح اجي اقراء الرساله ..
.....
بلسان خالد ..
كنت متشوق شديد اشوف الرساله مكتوب فيها شنو طوالي شلت لي كرسي وسخنت باقي القهوه العملت لي امونه وانعزلت عن الناس بعيد وشلت معاي الكيس الجابتو لي وفتحت الورقه كان مكتوب فيها ( عزيزي كيف حالك ؟ اتعلم كنت اكتب لك هذه الرساله بحبر دمي وربما ستجد بواقي دموعي مسطره علي سطور الغياب ، ارجوك فانا لا احتمل البعد ولا احتمل غيابك عني اقسم لك اني تعودت علي كل تفصيله صغير من تفاصيلك اعدت علي ان ابدا صباحي بوجهك كنت لا اضبط مذاق الزنجبيل في القهوه ولكن بعد انا احببتك اصبحت اضبطها من اجلك ، اتعلم فكره انك ستساقر غدا وتتركني وحدي مخيفه. جدا فكره الغياب وحدها تزبحني لكن علي ان اعتاد كل هذا الغياب الفراق البعد الا لم والشجن الحنين وكذالك الحب الحزن كل هذه المشاعر يجب ان اعتادها لكن صدقني لا اكيد لك اعتياد الشوق فقلبي في كل ثانيه يشتاق وعقلي في كل لحظه يفكر بيك ، اعلم انك مطر لسفر واظنك مسافر من اجلي لكن ارجوك لا تتاخر لك لا تجد شئ يحزنك يحدث معي انا لا اعدك بان اكون معك لان الخيار خيار ابي ولكن اعدك سانتظرك لان الخيار هنا خيار قلبي اعتقد انك تعلم اني في دائره محاطه بالالم في وسطها انا وفي قطريها قلبي واختيار ابي ، لا تتاخر اعدك حتي وان لم تقرا سارسل لك الرسائل حتي وان لم تصل شعوري سيصلك ، اخاف عليك من صباح لا تبداه بدعاء قلبي لك ، من شروق شمس لا تمر عليه قبلك فاوصيها عليك اخاف عليك من يوم لا يساوي اربعا وعشرين ساعه من سوالى علي تفاصيلك ، من عقارب ساعه تفتقد مكالماتي الطويله ورسائلي الاطول ،اخاف عليك من عمر تعيشه من دوني فتشبه ايامه بعضها كتوائم مشوهة، لذا ارجوك انتبه لنفسك وارجع لي سالما غانما ، احبك ) .. بعد قريت كلام اماني م عرفت اعمل شنو ساعات بقول اخلي السفر وساعات تانيه اقول انا اصلا مسافر عشان منو عشان اماني اي صح يمكن نحن الانتين ح نحس بالالم بالفراق والغياب بس برضو ح نحاول نتعايش مع الوضع عشان نصل لمراد ..
...
بلسان اماني ..
لمن لقيت اني في لحظه صفاء طلعت ورقه خالد وبديت اقراء وكان مكتوب فيها ( انا هنا حين تقسو عليك الحياه وتتلاشئ بك الايام حين تبعثرك افكارك .السيئه بداخلك حين تريدي كتف تستندي عليه لكي تستقيمي انا هنا حين يهاجرك الاصدقاء البيوت الشوارع تزكري فقط اني هنا ، صحيح اني ساغيب لكن ساعود اعدك، شاركني كل تفاصيلك في غيابي حتي وان لم اتمكن انا من الوصول اليه ارسل لي كل هموك حتي وان لم تصلني فقلوبنا مترابطه وشعورنا متبادل ، اتعلمي ؟ انتي اول شخص افتح له قلبي بالكامل اول شخص اعطيه كل مشاعر الحب والصداقه في نفس الوقت اول شخص اتزكره في كل اغنيه حلوه اول شخص م اقدر اصد قلبي عنه اول شخص اغفي وانا افكر به وانام وانا متاكد تماما باني ساحلم به انتي اول شخص احبه ي عسليتي ، لذا ارجوك انتبهي لنفسك في غيابي اعدك لن يطول الغياب ، ي ام عيون عسليه احبك ).. بعد قريت كلام خالد الكتوب يمكن بكيت شديد م عارفه الدموع دي اصلا شكلها م ح تفارقني ي انا اتعودت عليها ي هي اتعودت علي وانا سارحه في تفكيري سرحت بعيد من اول يوم اتلقيتو فيو مع خالد ليوم د ي ربي هديتي بتكون عجبتو وقطع حبل افكاري اتصال خالد .. وبقيت اتكلم معه بجد كلام زول حسيتو م ح يرجع لي تاني و لو رجع م ح يلقاني اتكلمنا قرابه الساعتين وطبعا اليله حبوبه عشان نايمه عند ناس عمتي انا اخدت راحتي بالكامل اتكلمت معه حكينا ب اي حاجه كل تفصيله كبيره وصغيره حكينها ، ي ام عيون عسليه ، عيوني العسليه انت.، يسلمو لي وتسلمي كتير علي هديه م كان في داعي ليها ، والله ي خالد م بينا وانت تساهل وكمان انت زاتك م قصرت تسلم كتير، د الواجب ي بتنا وبعدين يعني عرفتي كيف انا بحب اللون البجي ، عشان انا بحبو شديد ، عرفتك والله وانا زاتي بموت في اللون البيجي ، عرفتك من شفت العباييه تسلم لي يااخ ،، الله يخليك لي .
اتونسنا مسافه في النهايه قلتو ليو خالد بعده النوم راجيك بكره سافره قال لي لا انا اعيز اقعد معاك خليني اتراسل حبه بس معاك قلت ليو لا ي خالد السكه طويله وكده بتمرض رد لي انتي تامري ي حبيبي وتلقي كل الدايرو حاضر ، قلت ليو الامر لله ويلا انخمد نوم قال لي م ح تجي تودعيني. م عرفت ارد في النهايه قلت ليو لا م بقدر علي الوداع انا قال لي تمام وتصبحي علي خير .
..
في الصباح ..
كنت زهجانه شديد لانو خالد ح يسافر وهو قال متحرك الساعه ٩ اتوكلت علي الله ومشيت من بعيد بعاين خالد كان لابس القميص والبنطلون الجبتهم ليو بجد تقول هو المديهم حلاه كان طالع جميل شديد في سري حصنتو طبعا هو شافني من بعيد وجاء علي وانا كل م يقرب خطوه قلبي بدق بسرعه لمن وصلني خلاص قال لي عارفك ح تجي كنت عارفه قلت لبو درب السلامه وياريتو سفرا كان معاك قال لي المره الجايه جهزي نفسك لانك ح تكوني معاي قلت ان شاء الله ويلا الحق زمنك قال لي حاضر والعفو قلت ليو عافيه لك ..
* يا حليله قال ناوى السفر ناح الغروب .. جمره استعر .. وآغربه الفل والزهر .. وآغربه النيل والفمر .. و آغربه الطير والشجر واغربه النسمه الرقيقه وشوقه لعناق الشعر .. وآشواقي لى رعشه شفايفه الحلوه لما اقول شعر وآشواقي للخدر اللذيذ لما العيون تملانى بي شحنات خدر وآغربتي م كان صباحي ودنيتي واغلى الكنوز .. اغلى الدرر يا حليله .. قال سايب البلد ناوي السفر خلاني العن في القدر مالو القدر ؟ اهديته اضمامه زهر داس الزهور جرعني كاسات الكدر ما راعى للقلب الحزين والفيه عايش ستين جوه الضلوع فرهد كبر !:...