رواية بين قلبي واختيار أبي
الفصل السابع 7
بقلم الاء فائز
♡" لا شيء يستحق في هذه الحياة "♡
فجميعنا سنذهب إلى مكان ما دون رجعة أو بالأحرى سنعود من حيث جئنا أو خلقنا يوما ما سننسى كل شيء و نتأكد أن لا شيء سيدوم و أن هنالك نهاية حتمية لكل شيء موجود 🩷🫧
مره شهريين ونحن في بيتنا الاجرنا طبعا كل يوم جمعه بنمش نفطر مع حبوبه ومرتين نمته معاها ويوم كنا قاعدين نشرب في شاي المغرب دخلت غرفتي جوه لقيت ملاك بتبكي بصوت عاليي وتشنق ومحمومه شديد كوركت ل امي جات وجرينه كلنا المستشفى وكنا خايفين شديد وفجاءه الدكتور جاء طالع وشو حزين امي جرت ونحن جيرنها عليو دكتور ملاك كيف كويسه صح
...ملاك ادتكم عمره
كيف د ي دكتور ملاك اختي كويسه دايره اشوفه انا جبت ليها لعبه جديده واشتريت ليها فستان دكتور خليني اشوفها
.. الدوام لله ربنا يصبركم
ابوي .. انا لله وانا اليه راجعون
.. ابوي م تصدق الكلام د ملاك كويس
... ي اماني ملاك خلاص ضاعت ي بتي
وفجاءه ...
امي وقعت في الارض
دكتور دكتور دكتور جريت انادي علي الدكاتره تعالو شوفو امي دكتور ... جاء الدكتور جاري معاي. وشالو امي ودخلوها غرفه وبعد نص ساعه جانا الدكتور وقال لينا امكم كويس الحمدلله بس اغمي عليها من الصدمه الحصل شنو ليها او سمعت شنو قبل شويه
ابوي .. والله ي دكتور بتنا اتوفت هسي
الدكتور .. لا حوله ولا قوه الا بالله
طبعا نحن الخبر نزل علينا زي الصاقعه وناس حبوبه عرفو واهلنا كلهم عرفو رجعنا البيت لقيناه ملان ناس وبقينا نبكي وكانو. زول كبير اي صاح ملاك اصغر مني بكتير واصغر وحده في بيتنا وعمره كان ٧ سنه وكان حركته تقيله بس كمان كنت لمن اقول عندي اخت معنها اختي لمن تكبر ح بئر اسراري واحتوائي وهسي انا غرقانه في البئر ... ملاك وجعتنا شديد رغم كل الفرح الكنا عايشينو. في بيتنا الجديد ورغم كل الاحتواء والامان بس كل انقلب وماتت اختي وروحي ملاك ربنا يرحمك ي ملاك فعلا انتي كنتي ملاكنا بس ان شاء الله نتلاقي في جنان الخلد ...
ومرت الايام وامي بقيت حزينه شديد وقالت نرحل من البيت وحلفت كان تطلع حاجه من حاجات من البيت حتي العاب ملاك دخلتها غرفته وبصراحه نحن خوفنا علي امي شديد وبقينا نحاول بقدر الامكان نطلعها من جوء الحزن
... فاطمه السمحه
..نعم ي سند
....فطموتي
..نعم ي احمد
..... فاطم
.. اها ي امونه
وكلنا بصوت واحد قلنا ليها كل سنه ونتي طيبه ي احلي فاطمه في الدنيا ... وتاني امي رجعت لدموع ونتو طيبين ربنا م يحرمني منكم .. وما يحرمنا منك ي احلي فطومه .. امين .. اليله عيج ميلادك ي ام محمد ناسيه .. م نسيت بس فاقد ملاك ومحمد ... يمه ملاك الله يرحمه ومحمد في بورتسودان ح يتكلم معانا فيديو ..
حبه حبه طلعنا امي من الجو العايشها وعزمتنا حبوبه فطور وكان يوم حلو شديد وظابط وتقريبا امي بدت تنسى او تناسى الموضوع والحمدلله بعد كم يوم رجعت فاطمتنا البنعرفه وابتسامتها المحليه علينا الدنيا والحمدلله ...
في ليل دامس ظلامه :
بعد صليت العشاء دعيت لي ملاك اختي وشالني بالي بعيد واتزكرت لمن كانت صغيره وانا بلعب معها واتزكرت لمن اول مرخ سرحت ليها شعر ولمن اول مره جبتها ليها لعبه.. اه ي ملوكه قطعتي قلبي علي فراقك يدوب كده ممكن يقولو علي انسانه وحيده بعد فقدتك ي اختي حياتي اتغيرت واتقلبت 360درجه مع انو بظهر اني بضحك ومبسوطه بس قلبي متقطع عليك كنت راجياك ب فارغ الصبر تكبري واحكي ليك واسوقكك معاي لصحباتي ونطلع السوق نتختار لبعض ود كلو والله كنت بحلم بيو. بس كلو انتهي ي ملاك انا تاني ح اسرح ل منو ي ربي تصبرني علي فراقك ي بت امي وابوي ..
مره تقريبا زي ست شهور ونحن في بيتنا د وامي قالت الا نرحل قلنا خلاص نمش نغير جوه نسافر بورتسودان ..
في البورت ... كان مبالغه اتفسحنا كترت فسح واظنو يدوب امي رجعت ليها البسمه بعد وفات ملاك لكن في مل دقيقه بتزكره والحمدلله بس عديا. زي شهر في بورتسودان مع اعمي زول يعني كده م قاسب و م حنين لكن بريدنا والفتره العدت دي كلها انا كنت سنغل ( انجاز ولا 🤣 هو المرتبطين عملو شنو ) م علينا المهم تمينا شهرنا لحلو داك وراجعين كسلا لكن ح نرجع نقعد مع حبوبه
وبرغم الحصل د سوى كان مشاكل او غيرو بقيت صابره الحمدلله وبصبر في باقي ناس بيتنا ...
عرفتُ أخيرًا معنى أن يَنكسر قلبُك،
يحترق فعلًا، وجلدك هادئًا للغاية..!🖤 🥀..