رواية علمني الحلال
الفصل التاسع 9
بقلم ريان فخر العرب
*(وحش كاسر في هيئة انثي)* 😈
*فظاظة انسان 💔اسلوب تعامل عنيف في كل الاحيان 💔هذا سبب كافي ليجعلني وحش كاسر او نمر جريح مستعد للمعارك💔 هذه القوة اتقمصها لكي احمي نفسي لكي اصبح قوية* 💔
#
لانو ببساطة هاشم متزوج 😊طبعا الاتنين نططنا عيونا😳😱 وانا صراحة اتصدمت لانو لابس دبلة وسالتو وحدة من البنات قالت ليهو انت متزوج قاليها شكلي دا شكل ناس متزوجين هسي😂 ضحكت البت وكمان ماف زول متزوج بشتغل قدر دا يعني هو بقعد في بيتو ساعات بالعدد 😒والباقي الشركة وبعد دا تلميحاتو لي وكمان ضحكو وونستو ومشاغلتو للبنات 😒معقول يكون متزوج مستحيل طيب لي بعمل كدا 😡طبعا عاينت لي فلة بي برود وقلت ليها طيب كدا انا لازم اوقفو في حدودو😏 وقمت علي حيلي وماشة عفاف مسكتني قامت انفال قالت ليها خليها 😌قالت ليها بتمشي تدق ولد الناس انتي قنعانة منو😂😁 قالت ليها بالله ريري الصغيرة دي تقدر علي هاشم الطول وعرض 😒طبعا انفال ماعارفة انو ممكن اشيل الطربيزة عادي وارميها فيهو 😂💔وماحصل ضربت زول قدامها بس عارفاني شفتة😌❤️ عفاف قالت لي ريان اقعدي ساي مالك ومالو بهمك كتير 🤨قلت ليها بتهمني مرتو المسكينة الماخاتي ليها اعتبار دي😒 قالت لي انت بتعلمي الغيب😒 قلت ليها لا قالت لي طيب ابردي 😁قلت ليها طيب فكيني ماشة اشرب عصير وجاية😊 قالت لي وعد🤨 عاينت ليها قلت ليها ياتو يوم قلت ليك حاجة وعملت خلافها ✋🤨مرقت وطبعا شميت ليك هاشم دا شمة وكل مااتبادر لي ذهني انو تافه ومابستاهل 😑وكل الكنت شايلة همو مرتو امكن بقيت حساسة شديد للمواضيع حقت الناس الزي دي لانو بصراحة المريت بيو ماعايزة اي بت تمر بيو تاني😔💔 من كسرة النفس وعدم السند انا اتعلمت الفنون القتالية لانو عماعندي سند يحميني💔 وماعندي حيطة اتكل عليها متكلة علي روحي😊💔 بس الاقي ليك في وشي قالي الملف حق ال........😁قاطعتو قلت ليه ارزعو في مكتبي😏 ومشيت شربت العصير واتجولت في الشركة حبة وجيت مكتبي😊
ضربت لي زول قلت ليه رسلت ليك رسالة عايزة معلومات😊 قالي تمام بس انا مشغول لو بتقدري تاجلي موعد الاستلام 😞قلت ليه طيب خد راحتك قالي شكرا قلت ليه عفوا😊 وقفلت عفاف عاينت لي قالت لي ريان قلتليها نعم دايرة تسالني😁 قلت ليها اعتقد انو استراحتك انتهت وعاينت لي ساعتي😊 قالت لي تمام بس ماحاتهربي 😊 قلتليها اقفلي الباب وراك 😊عارفة اسلوبي فظ معاهم لكن عفاف دي متحملاني بطريقة بتحير طول الوقت بتزهج وبحرج يوم واحد ماشكو بس انا مابعرف اتعامل كويس مع اي زول عشان كدا بفضل ابقا وحيدة عشان مااذي الناس البحبوني 💔😔ومستحيل زول يعرف شي عني ابدا😊 المهم كان عندي عقد مع شركة صينية لازم يكتمل وبقينا شغالين لمدة اسبوعين اذا نجحت الصفقة دي حانكسب اموال ضخمة وشركتي حاتبقي الاولى في مجالها😍 عشان كدا كنا شغالين بي تفاني وموظفين اصلو ماقصرو وجا يوم الصفقة والحمدلله نجحت نجاح باهر❤️💋 وطوالي عملو احتفال وباقي الارباح كلمتهم انو يجو يشلوها بعد ستة شهور 😊وكلهم اتفقو علي واحد حيجي يشيلها وعرفوني عليو انا😒 بفهم كل اللغات 🙈❤️ومن بينها اللغة الصينية😁
المهم جا الولد الصيني دا واكيد مامحتاجة اشرح ليكم اشكالهم😊 الولد جا قالي😒 (الكلام بالصيني بس حاترجمو بالعربية الفصحى😁)قالي شركتك جميلة جدا وجذابة وملفتة للانظار😍❤️ طبعا انا تقريبا فهمت عايز شنو فعملت رايحة وقلت ليه شكرا😊 قالي مثل صاحبتها😍 وغمز لي 😉يلا انتو عارفين مالي😂 قلت ليه ماذا قلت وكوركت😡 قام هاشم قالي ماليك ومااشتغلت بيهو 😒قام قال للمترجم ترجم كلامو دا والمترجم باعلي صوت عندو الشركة كلها سمعت 💔قام الولد قالي انتن السوديات لااعلم الاسم الصحيح😁 جميلات عكس مايشاع عنكم وانتي وطاقمك احدثتما فيني نوبة.........😍قاطعتو بي بنية في وشو لمن تخرتو كبت دم😂 وقعدت في الواطة شنكلتو وقبل مايقع اديتو شلوت في بطنو 😌ولمن وقع ختيت كراعي جنب رقبتو 😒(عارفة روحي حقارة وقليلة ادب ومستبدة😊)قلت ليه انت ضيف عندنا واذا لم تكن كذلك لكان تشييعك بعد قليل😒 انا لااحب تفاهات امثالك هل فهمت 😒وقعدت في الواطة عاينت ليه قلت ليه قد ابدو لك جميلة خارجيا ولكن الذي يسكن داخلي وحش كاسر لايستطيع امثالك السيطرة عليه😒💔 قامت بت منهم قالت لي انت شريرة ماهذا اهكذا تعاملين ضيوفك😡 قلت ليها هكذا اعامل الغير محترمين منهم 😊😏والمترجم خشمو وجعو من الترجمة قام المدير قالي هذه اساءة لنا قلت ليه تلك الاساءة جلبها لكم مساعدك الاخرق 😒هذا يجب ان تعلموه اسلوب التعامل وايضا لا تقل لي انك ستنسحب من الصفقة لانك الخاسر وبدل ان تلومني علم تابعك هذا الادب😊😒 قالي انا اسف بالنيابة عنه 😔عاينت ليه ببرود ومشيت قام الولد قالي انتي من تجلبينه الي نفسك لو لم تريدي ان يمدح جمالك لماذا ترتدين هذه الملابس😉 مع انها كانت ملابسي المعتادة بنطلون وقميص وجاكيت بس قمت ماشة عليهو😡 عفاف نادت الحرص يمسكني لانو عارفاهو ماحيطلع من تحت يديني حي😡 قالت لي المترجم قليهم امشو حاتكتلو المترجم قاليهم شالوهو ومشو وانا واقفين لي اربعة بوتغارد😒 المهم وكالعادة اتفشيت فيهو ضربتهم ضرب العيش 😡ومشيت مكتبي ماعارفة الخلفية الاخدوها الموظفين عني بس يمكن قالو انا وحش حاجة بالشكل دا😊😂
قعدت وقلعت النظارة بقيت بحاول اهدي نفسي😔💔 دخلت الحمام غسلت وشي وجيت لقيت عفاف في وشي😌 قالت لي ريان😊 قلت ليها عفاف انا ماناقصة 😡قامت انفال جات قالت ليها ارح ارح تقوم تنفشنا نفش القطن هسي😂😂 ابتسمت وهم قعدو يضحكو😂 بالجد الصحبات نعمة 💞المهم بقو بتكلمو معاي عشان انسي😁 تلفوني ضرب لقيته دا الولد حق المعلومات قالي السلام عليكم قلت ليه اهلين قالي رسلتها ليك في رسالة قلت ليه تمام قروشك حاتصلك هسي قالي تمام 😊❤️قفلت الخط فتحت الرسالة شلت الرقم سجلتو عاينت للشخصية وضربت في الرقم 😊زحيت من ناس انفال شوية المجهول الو قلت الو مرحبا المجهول اهلا معاي منو 😊قلت انا عندي معاك موضوع مهم ولازم الاقيك في مطعم ......الساعة 4ونص😊 وانا اكيد ماعندي هدف سئ عشان اضرب ليك واجيبك اوكي 😂وقفلت الخط وكانت الساعة 3 ركبت عربيتي ومشيت الاقي المجهول هو منو وانا ضربت ليو لي😊😉
صلو علي الحبيب💞