رواية علمني الحلال
الفصل العاشر 10
بقلم ريان فخر العرب
*(سوء تفاهم)*😒
*ليس لك الحق الحكم علي شخص لم تتعرف اليه ولا الي اسبابه ✋بعد فالعلاقات كقضية في محكمة يجب عليك ان تكون القاضي وتسمع الطرف المدعي والمدعا عليه* 😊✋
#
منو المجهول😊 وانا ضربت ليو لي🤔 المهم وصلت المطعم كانت الساعة4وربع قعدت في التربيزة ومسكت تلفوني وطبعا الانظار كلها بقت علي مع انو انا ماالبت الوحيدة الابسة بنطلون😤 بس ناس متخلفين😠 قمت رسلت لي عفاف قلت ليها تعالي لي في مطعم .......🥺بعد ساعة الا ربع بالظبط🙂 رسلت لي ظابط وقفلت بعد شوية اشوف بت واقفة وبتتلفت عاينت لي الصورة المرسلنها ياها زاتها رفعت ليها يدي 😊جات قعدت قلت ليها انا الضربت ليك 😊قالت لي انتي مش مديرة هاشم😡 عرفتوها ايو دي زوجة هاشم قالت لي جيتي لي شنو وضربت عشان شنو😡 لو دايرة تعرفي هو بحبك هو اليوم كلو بكون مافي مما يجي ريان عملت انتي ماذي ريان 😒انا بكرهك دا العايزا تعرفيهو😔😭 قلت ليها ابردي انا لو عايزة اشيلو منك ماكان جيت هاشم دا صديقي وانا شايفاهو زي اخوي لا اكتر ولا اقل 😊هو عندو حماقة قالت لي لابس انتي عايزة تشلبيهو 😔😭قلت ليها بصوت عالي يازفت الطين انتي انا اقوليك دايرة اتوصل معاك لي حل عشان الامور بينكم تتصلح انتي تقولي انتي دايرة تشلبيهو😡 وعاملة فيها الضحية طيب ممكن توريني السبب الخلا عينو طايرة وما مكتفي😡 طبعا سكتت ولقيت الناس بعاينو وقفت علي حيلي صفقت قلت ليهم في شنو اي زول يتزفت يشوف شغلو بي وين 😒😡هنا في معرض 😒قبلو واكيد القطيعة بس مااشتغلت بيهم قلت ليها اها عايني انا جيتك لحد هنا لانو خايفة عليك ماتقوي راسك وما تتناقشي معاي نقاش ماليهو لازمة 😒لانو اخلاقي دي بتمشي بي ورا عديل 😡(ريونتنا كعبة وماعندها اخلاق😔😂بس برضو بنحبها😂❤️)ابدي احكلي اول مابديتو تشاكلو ولي 😊وماتقولي عن هاشم بهمني كتير بس انا بحل كل مشاكل موظفيني وعارفاها وهاشم زي ماقلت ليك اخوي😊 بس لمن جيت السودان جنا ولحدي اخر مكالمة معاهو وانا في امريكا بقولي يااختي فهمتيني😊 قالت لي اي قلت ليها اول شي متزوجين ليكم كم سنة😊 قالت لي4😳قلت ليها الله وداشنو المشاكل الفجاة دي كدي احكي لي 😕قالت لي انحنا اصلا زواجنا عشان ابائنا لكن بعد تلاتة شهور حبينا بعض وهو صراحة مامقصر معاي 😍💔وبهتم بي فبعد تمينا تلاتة سنة هو جاتو سفرة لي امريكا تلاتة شهور😔💔 مما قالت كدا انا طوالي اتبادر لي زهني جيتو في الشركة واحترامو 😊واستغباؤ لي هنا وعامل فيها مابعرفني 😒قلت ليها واصلي قالت لي في الايام ديك انا كنت وحيدة وهو انشغل شديد فكان صحبو بضرب لي كتير وكل يوم تقريبا لمن بقينا بنعرف كل شي عن بعض😔💔 طبعا عاينت ليها كدا نظرة 😒لمن عيونا دمعو قالت لي انا عارفة روحي غلطانة بس هو بعد جا ماعارفة الكلمو منو المهم جا وبقا بتهمني بي حاجات تانية 😭💔ماعارفة الملا راسو منو وانا سفهتو واتشاكلنا تاني قام عرف انو كان غلطان بس مااعتذر مني😭💔 وانا كمان مااعتذرت ومشا شركة الاتصالات وسمع مكالمانتا لي تلاتة شهور تخيلي يعني مابثق فيني ابدا 😭💔وانا كنت غضبانة منو قام اعتذر لي وانا مارضيت الكلام دا قبل شهرين ولي يوم الليلة كرهت الدنيا 😭والحب 😭والزواج😭 وهاشم زاتو يااخ انا حبيتو😭😔 وقعدت تبكي اديتا موية غسلت وشها وشربت😊
قلت ليها طيب انتي عاجبك الوضع دا كدا😊 قالت لي اكيد ماعاجبني😔 قلت ليها ماحاقول ليك انتي غلطانة لانو انتي سلفا عارفة روحك غلطانة😊 انتي اصلا تتكلمي مع صاحبو لي 😒قالت لي هو ماكان شغال بي 😭قلت ليها طيب اذا انتي حاليا ماشغالة بيهو وبتكلم مع بت الليل والنهار حتسامحيهو 😒دنقرت راسا قالت لي بقتلها وبقتلو😡 قلت ليها طيب دا شعورك انتي البت فما بالك هو😡 المهم نبطل نتكلم في الماضي انتي كدا حتضيعيهو منك😒 المهم عفاف جات داخلة واستغربت عرفتها عليها ولمن كانت رآفة بتتكلم كنت فاتحة المكالمة😊 ❤️سمعت الكلام كلو المهم عفاف بقت بتتكلم معاها ❤️وانا ساكتة وبتنصح فيها بالجد عفاف زولة عاقلة 😍❤️اما انا ماكنت عايزة اتعب روحي بالكلام الكتير واصلا ماعايزة ابين اني بعرف ماهية العلاقات الزي دي 💔او انا عارفة بس مستحيل اقدر اطبقو في نفسي مستحيل❤️😂 المهم قمت قلت ليها اول شي قدري ذاتك❤️💋 واهتمي بي نفسك😊 ماعشانو عشانك انتي😊 لمن تقدري ذاتك هو حيقدرك اوك 😊عفاف قالت ليها اعتذري منو وانا قلت ليها لا المهم بقينا نتشاكل انا وفوف تتعتذر ولا 😂قلت ليها طيب غيري مودك بعدين اعتذري😊 المهم شكرتنا وشالت ارقامنا وقالت لي ريان بالجد من شكلك ظاهر عليك حنينة بس انتي بتبيني انك قاسية😊😍 قلتليها المظاهر خداعة يابيبي😊 لمن مرقنا من المطعم لقينا الساعة8 ياخ انا لمن اتهجمت😳😱 ماحسيت بالزمن معا حل المشكلة المهم قلت لي عفاف ارح الشركة سوقي انتي انا لي اسبوع كامل مانمت💔 قالت لي تمام وصلنا الشركة وصراحة ماقدرت انوم مع انو كنت مرهقة انتهينا ورجعنا البيت💔 لقيتهم كالعادة بتنونسو 😂(بقولو في شنو ماعارفاهم😂)حبوبة قالت لي دمار يابت روحك انسلت الاسبوع دا بكرة ماتمشي 😢قلتليها الصفقة نجحت😊 وحبوبة قامت تزغرت وقام عدي قالي بالمناسبة دي ارح نرقص🤪 وشغلو الراديو ويرقصو غايتو كنت مبتسمة طوال الوقت😊 قامت جات المغضوبة اهلة😒
قامت قالت لي يعني عاملة فيها بتحبي شغلك 😒انتي عايزة تلفتي نظر يابيبي عاملة فيها واو 😒عاينت ليها بطرف عيني😂 قام فهد قاليها انتي هسي دمار دي سالتك براك دايرة تعملي معاها موضوع 😒💔طبعا البيت كلو بقا يقول لي دمار😂 (ياحليل اسمي😂) قامت اهلة قالت ليه بدافع ليها لي اصلا مالك ومالها تدافع لي اختك ولا ليها😡 فهد اداها حميرة واحدة طوالي طلعت فوق😂(عجبني ليها تستاهل😌💔)فهد قالي بعتذر بالنيابة عنا 😊قلت ليه ماف داعي وطلعت مشيت السطوح فوق لحقتني عفاف😍 قالت لي مالك يادمار قلت ليها ماعارفة مالي كل ما في الموضوع حاسة نفسي زهجانة شديد😊 قالت لي ريان طيب انتي انا عارفاك مابتحبي تبيني للناس ضعيفة 💔بس انا صحبتك وبت عمك واختك 😊حاساك شايلة هم كبير بس مابتحبي تشكي عايني انت كابحة مشاعرك ياريان 😔ابكي كوركي صرخي وارجعي قوية من جديد انتي بت عندك قلب ماحيطة اسمنت😔💔 انا اكيد ماحاحس بالمك بس خليني اشيلو معاك ماتشيلي براك 💔😭عن الاحساس الشعرت بيهو في اللحظة ديك ماحتتخيلوه احساس انو انا جد في زول واقف معاي😍❤️ انا عندي سند ياخواني 😭❤️عندي سند❤️ حضنتا ولاول مرة دمعتي تنزل بعد سنين😭💔 قلت ليها انتي عارفة دمعتي دي نزلت مامن العايشاهو من كلامك انا اول مرة في حياتي انزل دمعة فرح 💔انتي بس خليكي معاي تاني ماحا...........😭.ووقعت في الارض بدون حركة 😳😱
صلو علي الحبيب💞