رواية علمني الحلال
الفصل التاسع عشر 19
بقلم ريان فخر العرب
*(مشنقة جديدة)* 😂😒
*أدور وأدور حول دائرة مفرغة ...لا اعلم الي اي اتجاه سامشي او الي اي مسار ستتحرك هي .....انا فقط اذهب معها لاني بداخلها ....وتلك الدائرة تمثل واقعي الذي اعيشه... اخبروني اين المفر ....من اين اخرج.... ومن اين اذهب ....لا اعلم ياإلهي اعطني القوة لاكمل*❤️
#
هي اقيفي وين بالسرعة دي😡😒 اتلفت لقيتو دا الولد الاول مرة اتقدم لي😒 قلت ليه لو انت حيوان قول لي😡 قالي اي وين انتي ماشة غشيتيهو ببرائتك المزيفة دي 😊😒انتي قايلاني ماعارف بلاويك انتي واحدة ماعندك زرة ........😒وقبل مايتم كلامو اتفاجات بهشام بديهو بوكس في وشو لمن وقع😳😱 وبس وقع ليك فيهو ضرب وبقو بضاربو😱 الولد قاليهو مايغرك جمالها دا دي واحدة........😡واداهو بنية قبل مايتم قاليه اول حاجة دي مرتي فاهم 😡ماليك الحق تهبشها😡قاليه انت ماعارف ماضيها الوسخ 😡بقا بضرب فيهو زيادة قاليهو ماضيها بشرفني 😡معرسا انت 😡وتاني وقع يعني هشام الماباشفتو يوم بتعامل باسلوب كعب خبت الولد خبت العيش😳😂 لمن جرجروهو جرجير😂 وانا طبعا الزفت الفستان لو ما كدا كان قتلتو 😡😂وطبعا اخلاقي جات في نخرتي جافهد مسكو قاليهو دا خلي علي بادبو انت امشي 😊قالي براحة اركبي😊 وركب هو طبعا زهجت يعني لي درجة فظيعة وخلاص فاض بي السكوت 😡فجاة العربية وقفت هشام قالي اتفضلي😊 لمن عايزة افتح الباب فتحو لي هو😊❤️ لقيتها عمارة كبيرة وفيها سوبر ماركت تحت😳😂 قالي اتفضلي جو اولاد بعربية قعدو يصفرو في واحد قال مبروك ياعرسان😍❤️عقبالنا كدا😘هشام رفع ليهو يدو انا قلت ليه يعرس ركبيك يابعيد 😡هشام قعد يضحك 😒قلت ليه في شنو بضحك اسي😒 قالي لا ولاحاجة ارح😊 شال الشنط ومشيت معاهو لمن وصلنا فتح باب شقة كدا بي مفتاح هم اربعة شقق في الطابق دا😊 فتح الباب قالي اتفضلي خشي برجلك اليمين😊 حقارة بس خشيت بالشمال😂 ضحك قالي مااشكال😊 اتفضلي دي غرفتك ودي غرفتي وداك المطبخ قبل مايكمل لزيت شنطتي ومشيت غرفتي😌😂(اي مالكم غرفتي في اي اعتراض😌😂)مشيت غيرت الخيمة الكنت لابساها دي😒😁 وقعدت مرقت مشيت المطبخ اشرب موية الباب دق فتحو جات داخلة رافة وهاشم 😊قلت ليها رافة😳 قالت لي اقسم مشتاقين 😍هشام كيفك ومبروك😘😌 قاليها الله يبارك فيك😊 قالت لي واحييا ياخ سكنتي جمبي انا الشقة الجمبك بي جاي 😘قلت ليها بجد 😊قالت لي اي وهاشم قالي اقوليك مرة اخوي ولا استاذة ريان😁 قلت ليه استاذة ريان😒 عاين لي هشام وضحك 😂قالي مبروك ياخ قلت ليه تسلم 😊طبعا ياداب اتزكرت اني ماشفت ولا واحد فيهم في العرس بس مااشتغلت بالموضوع😒 سلمو ومرقو دخلت غرفتي وقفلت الباب😒😌 طبعا نسيت اقوليكم انها كلها بالرمادي حبيت ياخ😍❤️ المهم حلوة شديد مسكت تلفوني بعد نص ساعة هشام دقا لي الباب قالي الاكل هنا في الدرج ومعاهو موية 😊تعالي شيليهو 😊طبعا اداغلت اظنو مشا المهم نمت او غفيت لقيت الساعة2😊فتحت الباب كنت جعانة جوع 😫لقيت الصينية فيها سندوتشات😍 وعصير 😍وموية😍 شلت الموية بس😊 بعد شوية كدا سمعت لي تلاوة قران ❤️😭وايي من الصوت رهيب💞💋 والتجويد حاجة مبالغة كدا 😍❤️😭مديت راسي لقيتو هشام بصلي وبقرا بي صوت😍 طبعا اتضايقت دخلت جوة انا مااضايقت عشان عندي حاجة في الوقت دا كنت خجلانة زاتو اسمع قران💔 اصلا كلي غلط في غلط او شيطاني كان كبير😭😔💔 عشان كدا دخلت طوالي 💔
المهم صحيت الصباح اتجهزت ومارقة😊 لقيت هشام بتمر في الشاشة😳 واو بالجد والبيت دا يلمع عديل😳😱 سمع صوت الباب ولا اتلفت علي زاتو قالي صباح الخير 😊مارديت عليهو دخل المطبخ وجا مارق قالي انا ماشي السوبر ماركت وجاي عايزة حاجة😊 قلت ليه noقام مرق وانا عايزة امرق جنب الباب لقاني هاشم قالي تستاذة ريان ماشة وين 😱قلت ليه شغلي وين يعني😒 قالي يااستاذة ماتمشي شغلك ممكن😢 قلت ليه شنو كمان😒 قالي اسف بس يعني باعتبارك عروس 😔..قلت ليه هاشم عايز شنو انت😡 قالي بصراحة يااستاذة في ناس شمتانين في عرس هشام دا ولو انتي الليلة مشيتي حايشمتو فيهو اكتر😔 ممكن ماتمشي 😔قلت ليه وانا الدخلني شنو😊 قالي استاذةريان عليك الله بس عشرة يوم ياخ 😔وحاواصل الشغل واوريك اول باول بس عليك الله ماتعملي اخوي مضحكة 😔💔عاينت ليهو كدا قلت ليه اوك طيب بس لو قصرت في الشغل حتلقاني في الشركة😒حسيت اذا مشيت حاينكسر 💔 قالي بالجد شكرا استا.....😍قلت ليه ريان😊 ابتسم قالي واخيرا تسلمي يااختي😍❤️ المهم دخلت جوا لبست ملابسي العادية فتحت تلفوني لقيت رسالة من بت اتعرفت عليها بالفيس😊 كانت معجبة بتصويري وطوالي بترسل لي 💞وانا شبه اتعودتا عليها ظريفة وعسل💞 رسلت لي قالت لي بالجد اتزوجتي 😍طبعا انفال صورت يدينا وختتها في الفيس وكتبت كلام عن زواجي😒 وعملت لي تاق 😒المهم اتونست معاي قالت لي عاوزة الاقيك قريب ياخ اشوفك عديل 😍قلت ليها الايام دي ماف طريقة والله بعديها يمكن😊 قالت لي بس انتي حددي انا طوالي حاجي😘 المهم اتونست معاي سمعت الباب دقا قلت يمكن دا هشام مالو مابعرف يفتح الباب كمان 😒وامكن تكون رآفة 😊المهم مشيت فتحت لقيتها هي سلمت علي قالت لي هشام وين😳😌 قلت ليها مشا السوبر ماركت😒 قالت لي والله ياريان الله اداك ولد هدي ورضي واخلاقو عالية😍 قلت ليه عليك الله يارافة ماتجيبي لي سيرتو بنختلف 😒قالت لي خلاص سكتا يااستاذة ريان😒😂 ابتسمت قلت ليها ممكن اسالك قالت لي طوالي قلت ليها هو اصلا بدنقر كدا ولا قدامي ساي بنافق 😒 ضحكت ضحك قالت لي لا اصلو بكون مدنقر طبيعي 😂انا لمن عرست هاشم يادوب 😂انا سنة كاملة قايلاهو اعمي والله لانو لابتلفت لابدي ردود افعال 😂بس مدنقر 😂لمن قلتليه اعفي لي 😂قلت ليها دا ضعيف الثقة بنفسو وإلا شنو زي الحمامة الرقبتها مكسورة😒 رافة بقت بتضحك قالت لي واي انتي فظيعة ياخ مالك ومال الولد 😒😂ياريان ملتزم وسماحة الدنيا عليهو 😊😍قلت ليها تاني كمان قالت لي بيتكم دا انضف من ضميري 😍ابتسمت قلتليها بتكون جات حبشية نضفتو وسوت الاكل 😊طبعا قعدت تضحك لمن نفسها كتم😒 قالت لي حبشية ياكلبة قصدك هشام حبشية🌚 قلت ليها يعني هو النضف😳 قالت لي ريان ماتستغربي ياخ هشام بنضف وبطبخ😌 وحاجة تانية جنو وجن البشتنة😂 محل وسخان مابقدر يقعد فيها عديل 😂انا وهاشم مسمنو الكاشف 🤭ابتسمت قلت ليها غايتو غريبة😒 قالت لي ماغريب الا الشيطان😂 هشام جا داخل قامت رافة قالت ليه هشوم خبرك😊❤️ قاليها وعليكم السلام اهلين😊 انا عاينت لقيت واحد لابس اسود داير يدخل قبل هشام يقفل الباب ومدسي😳😱 وهشام كان شايل اكياس كتيرة ماشي يختها ويقفل الباب😊 قام دخل وشايل مسدس في يدو وووووو😱😳😱😱
صلو علي الحبيب💞