رواية ملك قلبي ذاك المغرور
الفصل الثالث والثلاثون 33
بقلم مجهول
*#كيف مرت هذه السنين بهذه السرعه ايعقل إني لن اذهب إلى الكليه مثل كل مره وارى اصدقائي هل حقا انتهت هذه المرحله من حياتي 💔لا أستطيع التصديق هل سنفترق وننسى بعضنا أم سنظل كما نحن☺..*
زيزو:لا احلى شئ لمن لبسك الخاتم أقسم بلاي دي أغرب واحلى خطوبه شفتها في حياتي😂😂😂
انا:مراد ده أتوقع أي شئ منو😂😂😂
زيزو:اااي😂😂
وكملنا ونستنا 🌚💔بين ضحك وهباله ودخلنا في الكول سبيلا وننس واحمد وجطناها ليك ونحنا قريب الساعتين بنتونس عن كمية الذكريات القلناها ضحكنا ضحك يعني حتى وانا بضحك بفكر هل فعلا خلاص كده تاني م حنتلاقى في الجامعه واي زول يشوف حياتو 😔💔
انا:متذكر ي زيزو لمن كتا بندك المحاضرات
زيزو:أي ولمن نحضر م بننقش شئ ونعديها نقه
سبيلا:وتعليقات على الدكاتره في آخر بنش
احمد:وخلط😂😂😂
انا:أي بس ده الفالح لي😂😹👊
زيزو:واحلى شئ لمن أنا وبوحه نشاغل الخالطين 😂😂
انا:أي آي متذكر مريم وفارس😹😹👊
زيزو:أي ياخ ديل كرهناهم الكليه😂😂
سبيلا:أي ولمن اتشكلنا أنا وبوحه مع السنير لمن كنا برالمه😂😂
انا:أي آي سليم بتذكرو احلى شئ انو انا الاتشاكلت معاهو وسبيلا جات تردح بدون م تفهم شئ😂😂😂
سبيلا:معقوله افوت شكله زي دي😂😂
كلنا قعدنا نضحك وأي زول يحكي عن ذكرياتو وبي كده انتهى الكول وانتهت معاهو مرحلة الجامعه احلى مرحله في حياتي المرحله الخلتني اجتماعيه بدل م كنت منطويه وبس بصاحب في السوشيال أكتر المرحله الخلت عندي شخصيه قويه وشخصيه محبوبه عند الناس المرحله العمري م حنساها ولا حنسى تفاصيلها☺💔وأهم شئ لقيت حب حياتي 💙
سموره:البت دي حتجلطني ي ننس اخخه منها😒😒
ننس:أنا انجلط وانتهيت ي حليلك ي مراد شايله همك من اسي😕
انا:هوي م تنقو
سموره: ي بت انتي دمك بارد كده لي عرسك بعد أقل من شهرين وانتي زي م انتي😑
انا:so🌚
سموره :ي خالتوووووو تعالي شوفي بتك دي غلبني
امي:أنا زاتي معذباني أساسا من بكره حبدى ليها الحبس ولا ع كيفها 😑😑
انا:مام م دايره😑😑
امي:م طلبته رأيك ومشت خلتني مع الجوز دي شغالين يمعطو فيني في النهايه طردتهم😹👊
انا:تااام أنت ي عواليق
تامر :مالك ي زفته
انا:تعال نلعب كوره في السطوح ...جاده طبعا تخيلو بلاي دي حالة عروس😂😂
تامر:أنا م عارف انتي حتعرسي كيف المهم ارح عارفك حتنقي لي😂😂
وفعلا مشينا أنا لبسته تشيرت بتاع ريال وتامر لبس برشا ويلا شوت شوت دخل فيني تلاته وانا ي دوب وبس شت الكوره وقعت في بيت الجيران الليله وووب علينا 😱
تامر:مش كان احسن نلعب في الحديقه
انا:عشان ماما تسمعني محاضره ارح جيبها
تامر :ي زوله مش شتيها انتي يلا بس جيبيها
وأنا اعجبكم وقفت في حافة السطوح وشغاله بكورك يمكن الحله كلها سمعتني😂😂
انا: ي شيموووو شيماء انتي ي رمه🐸👊
شيماء:الكوره مش ي مجنونه أنا م عارفه حتعقلي متين😂😂
انا:م حعقل ابدا يلا اجدعيها قامت جدعتها وقعت في الحديقه مشيت اخدت دش لانو تعبت ونمتتته النومه الياها 😴بليل كده اصريت ع تام نلعب بلستيشن
انا:أنا ريال
تامر:اوكي وانا برشا
انا:نتشارط المره دي
تامر:اها عايزه شنو
انا:التشيرت الأسود الفيهو الجمجمه داك
تامر:موووستحيل ده جابو لي عمو من سويسرا م تحلمي😒
انا:وأنا بديك رقم منال بت الجيران المكسراك🌚
تامر:طووالي موافق😂😂
انا:😂😂😂😂يلا ارح نبدا
وفعلا بدينا في اللحظه دي مراد اتصل طبعا م رديت تاني شغال يتصل برضو م رديت شغاله العب والز في تام لمن شماني شغال لي م تغشي قام تلفون تام اتصل طوالي تنشن م عرف يركز وطبعا م رد
انا:قوووووون ي سلاااام فزت عليك اخيراااا😍😍
تامر:لا لا م بصدق كيف😭😭
انا:ي زول م بعرف بس وين التشيرت
تامر :انتي غشاشه 😒
انا:شوووكرن ...وشلت التشيرت ومرقت طوالي لبستو 😹😹
رجعت لي مراد طبعا شاكلني قلت ليهو الحصل وأني حاليا لابسه التشيرت😂😂
مراد:😂😂😂شكلي حعرس واحد صحبي
انا:بري أنا كلي انوثه ورقه 😌...الحاله 🐸😹
مراد:بحبك ي مجنونه...اها يلا أنا هنا كالعاده ي ساده فصلللته🐸🌚💔
قعدنا نتونس كده الوقت اتاخر طوالي قال لي تصبحي ع خير وقفل
صباااح يوم جديد وأمي جاتني من الصباح وبدت ليك هبالات الحبس وأنا بكرره قعدت البيت 😑ياخ ده عذاب ده😭
زيزو:والله ي بوحه أنا م قادر اتخيلك متزوجه حنه وتوب والله م قادر اصدق أنك حتمسكي بيت😂😂😂
انا:رممه عواليق مالي قال والله مره والرجال ورا😌
زيزو:😂😂😂
انا:بلا سنون🐸👊
زيزو:بالمناسبه أنا مسافر السعوديه اشتغل هناك
انا:كيف لا لا م تقول كده يعني م حتحضر عرسي😭😭😭
زيزو:مع الاسف أسف والله سامحيني كان نفسي اشوفك انتي ومراد مع بعض بس م بقدر ابوي أصر علي اجيهو هناك💔😔
يمكن ده كان اكعب خبر ممكن اسمعو في الفتره دي عن كمية الزعل وعدم التصديق الكنت فيها يعني صحبي واخوي م حيحضر عرسي😢
انتو متخيلين معاي😭💔
*#لن تكتمل فرحتي وأنت غير موجود معي لتشاركني فيها الم تعدني أنك ستكون معي دوما إذا لماذا ستذهب ي صديقي وأخي الذي لم تلده امي*