رواية نتيجة اغتصاب
الفصل الثالث 3
بقلم مجهول
بقيت اتململ م عرفت أقول شنو. . قلت : بصراحة انا م فاهمة منك شي قال : ي هند انا لما أجي العيادة واتكلم معاك في حاجة م بعاين ليك في عيونك عارفه ليه . قلت :ليه؟ قال : لانوا عيونك دي تخليني أفقد تركيزي في اي شي بصراحة ي بت الناس انا معجب بيك وتقريبا بحبك وبحب تفاصيلك كلها .. بقيت اعاين يمين وشمال ي ربي انا في حلم ولا علم .. سرحت وفكرت وقلت : بس اول حاجة انت متزوج وتاني شي شكلك واقع غلط انا م بنا عن علاقات والامور دي انا زولة دورية ..قال : هو ال عايز يعمل معاك علاقة منو . قلت :😕 وانت هسي بتقول في شنو ؟ قال : انا برضوا م بتاع علاقات والامور دي انا عايزك ع سنة الله ورسوله ولو قلتي هسي امشي معاك بيت ابوك م عندي مشكله.والشرع حلل أربعة . طبعا كلامي انتهى م عرفت اقول شنو. . قال : سارحة وين ي السمحة م قلتي لي .. 😌 شلت نفس وقلت : طيب اديني زمن افكر .. قال : بس كده. . قلت : ايواه .. قال : حاضر ي ستي في انتظارك بس م تطول الفترة .. قمت مشيت وانا مرتبكة وم عارفة اعمل شنو .. دكتور علي بحالها معقولة ي عالم .. لا لا انا م حاقدر أوافق لانوا هو متزوج وثانيا هو لو عرف الحاصل علي م بصدق وافتكر انوا انا زولة م كويسة و كده .. تاني يوم مشيت الشغل وانا بتهرب منو ويتعامل في حدود الشغل لما الدوام انتهى انتظرني .. طوالي قاطعتوا وقلت : معليش ي دكتور نحنا م مناسبين وانا انا م عايزة راجل مرأة. . قال : آخر كلامك ي ستهم .قلت : ايوان آخر كلام ..
وع كده مشيت خليتوا واختنع بكلامي .. مرت الأيام الكتيرة وانا بقيت عندي ستة شهور ونص .. ولسه مافي زول عارف غيري انا وأختي الكبيرة .. ميادة حتى اماني صحبتي مفتكرة اني اجهض 😔 وبقيت ألبس واسع وأعمل الف حساب في البيت عشان م يحسوا وبقيت اربط بطني كمان في يوم من الايام وانا قاعدة مع ناس البيت حسيت برفسة كده يعنى بحركة الجنين .. لمن نطيت قلت : ولأي بتحرك .. كلهم استغلوا وققالوا: شنو البتحرك؟ قلت : في حاجة ماشة في ضهري ..