رواية نتيجة اغتصاب
الفصل الرابع 4
بقلم مجهول
مودة اختي اختنعت بالكلام بس امي حسيت بيها الكلام م مطمئنة طوالي دخلت خليتهم .. مروا اسبوعين وانا بقيت في حالي م عندي حاجة لي زول أما دكتور علي اصلا م ختاه في رأسي هو ناسوا كتار ومكسر الممرضات وباقي الجماعة وبقوا لما يشوفوا حرتوا معاي يشموني ويعاملوني كيف كيف .. هم ساي حارقين بصلتهم انا والله لو عايزاه البسوا خاتم في يدي بس انا م شايلاه وم عندي ليه شي انا في مشاكلي الغيني .. في يوم كده وانا في الشغل اتصلت لي أماني وقالت : انا طالعة من الجامعة ومسخنة اطلعي راح نشرب لينا حاجه ونروح شوية. . قلت : باقي الدوام نص ساعة تعاليني مسافة الدوام ينتهى .. أماني جات والزوار انتهى وطلعنا مشينا الكافتريا الجن بنا دي وآخر ونسة وورق عاد أماني صوتها عالي لما تضحك الناس كلها بتعليم لينا .. وأنا شائعات تلفونها بفتش فيه .. يوسف حبيب قلبها اتصل رديت وقلت : الو .. قال : ي عيون يوسف وين انتي ؟ .. ضحكت وقلت : ي مجنون معاك هند .. حتى اتكلم معاي عديل قال مدام عندكم زمن وقاعدين القعدة الحلوة دي خلوني اجركم .. وسريع طبعا مسك الشارع وجاء وطبعا هو زول وناس .. وعد أماني يتزوجها وهو عسكري من أسرة بسيطه والحمدلله شادي حيلوا ود ناس وود حلال .. المهم في عز الونسة كده جاني اتصال والرقم طبعا غريب رديت .. قال : عليكم السلام معاي هند.. قلت : ايواه هند منو معاي ؟ قال : انا زول معجب بشخصيتك وبفتش عليك من زمن م مصدق اني لقيتك .. قلت : طيب انت منو م عندك اسم انت ؟ قال : من بعد إذنك انا عايز اقابلك ضروري .. قلت : ي ود الناس انا م بعرفك ثم ثانيا اقابلك ليه ؟ قال : عندك دين كبير انا شلتوا منك .. قلت :دين شنو كمان😨