رواية نتيجة اغتصاب
الفصل الخامس 5
بقلم مجهول
طبعا م قصرت نبذتوا وفصلت الخط اكيد ده واحد من اولاد الحلة عايز يختبرني ومشيت واصلنا قعدتنا مع أماني و يوسف وبعد خلصنا مشينا البيت وانا تعبانة ومسخنة جاية ع البيت سامعة صوت ابوي جايط دخلت ألقى ابوي بتكلم مع عمر اخوي ( عمر اخوي الأصغر مني مراهق عمروا بكون 19 او 20 سنة قبل فترة خلى الدراسة ومشى الدهب وهسي رجع بخفى حنين يعنى قاعد يركب رأس بس ) دخلت عاينت ليهم ولقيت شنطتوا جمبوا شكلوا يداب جاء من السفر .. سلمت ليهم قلت : خير انشالله مالكم ؟ ابوي قال : بتكلم مع العاطل ده عشان يفهم ويعرف مصلحتو ؛ قلت : خير ي ابوي انت م تتكلم معاه كتير و ده يحاصر ع صحتك تمام .. قال : اعمل شنو ي هند ي بتي انا عايزها يفهم ويعرف مصلحتوا. . قلت : خير ي ابوي انا حاتكلم معاه م تشيل هم .. قال : الله يحفظك ي هند انتي الوحيدة البتفهمني في البيت ده .. كلام ابوي أثر فيني و دخلت الاوضة وبقيت متأثرة شديد طبعا ابوي يثق فيني للدرجة دي ي ربي لما يعرف اني ... حي عمل شنو ؟ ي رب تسترني .. قمت صليت العصر وقريت قرآن شوية حسيت بالطمأنينة واليوم انتهى مع شغل البيت و كده. .
مر اسبوع وما في جديد. . وانا في البيت مع المساء جاتني أماني طائرة من الفرح لمن حسن اني .. قلت : مالك ي بت 😕؟ قالت : وأخيرا ي هند يوسف حيجي يتقدم لي .. حسيت برعشة كده و قلت : جد كده. . قالت : وحياة غلاوتك .. كانت لحظة حلوة وخبر مفرح .. حسناتها وقلت : مبروك حبيبتي انا بالجد فرحت ليكم .. قالت : وعقبال ي روح أماني .. نزلت رأسي وقلت : انشالله بس م ظنيت سمعتي تسمح لي .. ضربتني وقالت : ي بت المانع شنو يمين بالله حيجي ود الحلال اليسعدك ويعيشك ملكة .. تمينا الكلام وطلعت مشت .. أماني تستاهل كل السمح والله بس شوفوا انا وين وهي وين 😔.. مر اسبوع تاني ويوسف جاء أتقدم لناس بيتهم وافقوا عليهو لانوا هو ماشي عسكري وماشي السعودية و كده. . وهو خلص التدريب بس جاء عشان يخطب ويرجع طوالي .. الأيام بتزيد وانا عملت 8 شهور وبقيت تحركاتي صعبة مع البطن يعني الزول لو زكي يلاحظ طوالي بس الحاجة السمحة انا صحتي من أولها كويسة ولكن البكرية م كبيرة فالناس تفتكر صحتي زائدة .. بس باقي شهر وهاضع ي ربي انا اعمل شنو وناس البيت يعرفوا الحقيقة خلاص في يوم كده وانا في الشغل اتصل لي رقم غريب رديت. . وطبعا لقيتوا الود الكان عامل لي جن في رأسي ..؟