رواية نتيجة اغتصاب
الفصل السادس 6
بقلم مجهول
رديت لقيت ده الشاب الكان عامل لي جن داك..لمن زهقت من الكلام قلت : اسمعني ي ود الناس انت من الآخر كده عايز مني شنو؟ قال : انا ال عايزوا منك بسيط .. قلت : عايز شنو؟ قال : عايز اقابلك ولو مرة واحدة لانوا انا مسافر .. سكت مسافة وبعد فكرت قلت : طيب تمام بس بعد يومين. . قال : خير . فصلت الخط وانا مستغربة ي ربي بكون ده منو و عايز مني شنو؟
اليوم مرا والمساء كده أماني كانت عندها قعدة صغيرة كده بمناسبة الخطوبه المهم بعد رجعت البيت طلعت انا و اختي مودة مشينا ليهم وكانت قعدة بالجد ظريفة بس كنت متحسسة من من الموضوع شديد يعنى ليه يعني انا م يستاهل زول يتعب عشان و كده. . بس م مشكلة دي قسمتي وانت راضية بيها .. اليوم انتهى وبعد يومين زي م قلت لود الناس داك .. وأنا طالعة من الشغل وناسية هو اتصل لي .. وقال : انا منتظرة . قلت : طيب تمام وين انت ؟ قال : انتي ال وين وصفي لي مكانك وانا حاجي اسوقك ونقعد في مكان هادئ ونتكلم في الموضوع. . قلت تمام ووصفت ليهو مكاني وجاء ومن جاء .. انا بطبعي م بحب ادقق في النظر بالذات الشباب م بحب اركز في تفاصيل وجوهم المهم نزل من العربية سلم لي انا طبعا بس لمحت وشوا حسيت كأني بعرفوا يعني م غريب علي بس سكت .. ركبت في العربية وانا خايفة م تنسوا انا عندي مواقف مع ركوب العربات عارفين بعد ال حصل لي و دمر حياتي .. المهم هو سائق وبدردش معاي عادي ناس البيت كيفهم و كده لما وصلنا مكان هادئ كده ركن العربية ع جنب واتجه علي وقال : طيب ي بت الناس م حننزل لأننا حاتكلم في موضوع حساس . قلت : طيب سامعاك؟! سكت مسافة وجر نفس يعنى زي الزول الخائف كده و قال : من الآخر كده قبل 7 او 8 شهور كده انتي حصل ليك موقف معاي وكنتي راجعة من الشغل مستعجلة. . وو .. قاطعتوا وقلت : شنو .. يعنى ده انت ال😭 . وبقيت أبكي .. قال : افهميني بس انا والله. . و طوالي مسكتوا من لياقة قميصوا وبقيت خانقاه وقلت : م عايزة كلام حرام عليك انت دمرتني و دمرت مستقبلي انا م بخليك انا حتمشي اشتكيك . وهو منزل يدينوا وانا ببهدل فيه . قال : اي اشتكيني ع الأقل اطلع من احساس الذنب الأنا فيهو ده 😔 قلت : م تعمل لي فيها زول كويس انت م عندك أخوات .. وبقيت اضربوا كفوف .. طوالي مسك يدي وقال : عايني ي هند العايزاهو انا بعملوا انتي بس قولي ولو عايز اني حاوصللي ابوك واتزوجك. . 😨 قلت :