رواية نتيجة اغت*صاب
الفصل الثاني والثلاثون 32
بقلم مجهول
يوم ورا يوم حكاية اسبوع كده والموضوع زايد وفي يوم صحيت ولقيت الموضوع زاد عن حدوا وعمل قشور كده ومدمم لمن عاينت لجسمي صرخت شديد وبقيت ابكي اسماعيل صحى مخلوع .. قال : مالك ي هند ؟ بقيت م قادرة ارد من الخوف والبكاء .. قلت : عاين جسمي مالوا ؟ اسماعيل ذاتوا استغرب وبقى يعاين لي قال : بسم الله الرحمن الرحيم ده شنو ده ؟ سريع قومي ارح نقابل اخصاءي جلد . وانا قمت سريع غيرت وطلعنا مشينا لمختص امراض جلدية وقابلنا وحاول يتعرف ع الموضوع ودرس الحالة .. بعد الدراسة قال لي : دي مجرد حالة التهابية م اكتر وهي سطحية والشي الخلاها تتلتهب اكتر وتتازم هي الحكة ودخول الجراثيم قد يكون سبب الحالة استخدام مفرط في الكريمات او كده لانوا في تاكل في سطح الخارجي .. انا طبعا الكلام م دخل راسي كل الوقع لي انوا الكريم استخدمتوا ايام محبوسة كتير وهسي عمل رد فعل مع الدخان م اكتر من كده ..خلاص كتب لي مرهم ومضاد حيوي مع استخدام صابون مطهر ع اساس اجي المقابلة بعد اسبوعين خلاص مشينا البيت وانا حالتي بالبلاء وجسمي شبه اتشوه كده وانا متحسرة وحاسة بنفسياتي تعبانة شديد وبعد رجعنا جونا اهل اسماعيل و سلموا لي اما رباب حسيت بتعابير وشها مبسوطة للحصل لي .. وكمان ناس امي جوني .. بتمر الايام وانا بستخدم العلاج وحاسة بتحسن والزمن كلوا ببعد في نون خايفة تتعدي ولا حاجة .. بعد اسبوعين رجعت المقابلة وجسمي بقى افضل والدكتور طمني حسيت بروحي انبسطت وطبعا الفترة المضت دي كلها ام اسماعيل قاعدة معانا ..ولما رجعنا البيت لقينا يوسف واماني جوا قاعدين واماني كانها ست البيت رتبت وعملت الفطور عاد لمن ام اسماعيل شكرتها لينا وفرحنا بجيتهم واماني عملت الجبنة وللمساء كده بقوا مارقين .. خلاص خليت نون مع حبوبتها ودخلت الاوضة ارتاح اسماعيل حصلني ولقاني بتفرج في جسمي ساي رفعت راسي لقيتوا بحمر لي .
قال : الحصل ده كلوا بسبب الكريم .
قلت : ايواه
قال : انتي الكريم بتعملي عشان منو ؟
قلت : م بعملوا عشان زول .
قال : خلاص من يوم الليلة م اشوف زفت كريم في جسمك ي بت الناس انا مختنع بيك كده تمام ..
انا طبعا م بحب زول ينهرني طوالي دموعي نزلت جاء قعد جمبي وحضني قال : هند حبيبي معليش بس ده كلوا عشان مصلحتك بس ..