رواية نتيجة اغتصاب
الفصل الثالث والعشرون 23
بقلم مجهول
طبعا اتجمدت وبقيت اتمم واقول في كلام م مفهموم اصلا .. طبعا اتحسس من طريقتي وقال : مالك م عجبك وصولي او المفاجاة م عجبتك ؟
قلت : لا طبعا انبسطت بوصولك والف حمدلله ع سلامتك ..
قال: بس كنت بتمنى اشوفك اول واحدة كده .
قلت : م مشكلة كده كده انا اصلا موجودة .
المهم هو وصل وانا نهيت المكالمة ومتوترة وصلت البيت وانا قلبي بضرب ي ربي هدا ود الناس جاء ي ربي حاقابلوا كيف ؟او اسلم ليه كيف ؟ ي رب انا اتصرف كيف وطبعا م كلمت ناس بيتنا بس عملت رايح.. اليوم مرا وبعد المغرب اتصل علي وقال جاي يسلم ع ابوي و كده المهم جاء وسلم لناس امي وابوي وكسير التلج الماخمج وده كلوا وانا طبعا م طلعت قاعدة في الاوضة بعد شويه جاتني مودة اختي وقالت :هند خطيبك جاء وانتي م طالعة تسلمي ليه
قلت: خلاص امشي انا بحصلك .. مودة شالت نون وطلعت وانا طلعت ورجليني بطاقشوا طبعا سلمت ليه عادي وقلت : حمدلله ع سلامتك .. وقعدت شويه ودخلت طوالي وهو شال نون وبقى يعاين ليها ساي وضاميها عليه ..
بلسان اسماعيل قال: اول م شلت بتي حنت راساا لحضني زي م بقولوا الدم بجر حسيتها قطعة كده من امها بس بتشبهني لدرجة والعجب اهل هند امها وابوها تحسهم ناس بسيطين كده وجميلين في روحهم يعني بفتحوا نفسك للحياة وكمان متواضعين ..
بلسان هند : انا طبعا قاعدة جوا براي بس وعملت ليهم العصير وجات مودة شالتوا ونون بتلعب ساي بعد شويه بكت طبعا بكون عايزة تنوم .. امي نادتني عشان اشيلهاا طلعت اشيلها اسماعيل قام ع حيلوا عشان يديني ليهاا شلتها وعاينت ليه كده حسيت بروحي قزمة تحتوا طبعا هو اطول مني .. شلتها ودخلت نومتهاا بعد شويه اسماعيل استاذن وقال مااشي
بلسان اسماعيل: مشيت البيت وناس امي بسالوا مني قلت ليهم كنت عندي مشوار ضروري وخلصتوا بس.. وطبعا البيت معجوق ضيوف كده واهلناا وانا علي تعب السفر وكده وكمان مشتاق لهند عايز اتكلم معاها والزمن فات لما جيت عايز انوم اتصلت ليها في زمن متاخر وردت بصوت مبحوح شكلها نامت .. قلت: هند حبيبتي نمتي ؟
قالت : ايواه نمت
قلت : كان تتصلي لي قبل م تنومي
قالت : انا عارفاك مضيوف وم حبيت ازعجك
قلت : معقولة انتي اتصالك ازعاج ي شيخة انتي دنيا بحد ذاتها انا ربنا اكرمني بيك والله يعني بوجودك انا بمشي في الدنيا دي مغمض ..
قالت : استخير م تثق للدرجة دي .. انا عرفت عايزة تختبرني بالكلمة دي ..