رواية نتيجة اغتصاب
الفصل التاسع عشر 19
بقلم مجهول
وما زلنا مواصلين بلسان اسماعيل بقول : المهم خلونا من الاوصاف اهم حاجة انها حتبقى لي انا ومعاها بتي الحتة الشايلة تفاصيل امها .. بلسان هند: رجعت البيت وانا شبه مبسوطة ولقيت ابوي بتجرجر مع امي في الموضوع انوا العريس ده منو وبنعرفوا من وين وكده المهم قعدت مع ابوي واتكلمت معاه بصعوبة و كده شويتين اتقبل الموضوع انوا ده ابو اماني بتي بس بعد ده كلوا هو م عارف انوا بتي دي كانت نتيجة اغتصاب م اكتر من كده ..المهم اليوم مرا وبالليل كنت فاتحة الشبكة والواتس دخل علي حساب كده برقم عالمي رديت ولما عاينت الصورة في البرو .لقيتوا ده اسماعيل رديت بتنشنة كده المهم اتفقد احوالي وناس البيت و كده بعد شويه رسل لي صوروا وقال: دي صور زوجك المستقبلي عشان م تقولي م بتعرفيه . قلت : اي بعرفك . قال : انا م عايزك تعرفيني انا عايزك تحفظي تفاصيلي زي ما انا حافظ تفاصيلك .. سكت وم قلت ليه حاجة . قال: هند وينك ؟ قلت: ايواه موجودة . قال: بتخجلي مني يعني . قلت: اممم قال: طيب صوري لي بتنا . كانت نايمة صورتها ورسلت ليه الصورة . قال: وانتي كمان معاها . قلت: على م اظن اماني م خلت صورة حقتي وما رسلتها ليك تمام .وقفلت الواتس خليتوا .. بس بالجد كنت مبسوطة من تصرفاتوا ..بس م قادرة اظهر ليه .. انتهى اليوم وتاني يوم ده اليوم المنتظر قمنا مع مودة اختي من الصباح رتبنا البيت و كده وجهزنا الضيافة واليوم مرا الساعه بقت ٤ الا ربع انا طوالي مشيت بيت ناس اماني عشان م عايزة اسمع التفاصيل ديك ومودة تتصل لي كل دقيقه تنقل الانباء وحصل الحصل وهم ادوا كلمتم لابوي وابوي قال ليهم طيب خير يومين ونرد ليكم خبر انا م رجعت البيت الا بعد المغرب ومن جات مودة نطت فيني وقالت: اهل راجلك ديل ما مستوانا .قلت: مالهم . قالت: يخ ديل ناس برجوازين والجاءوا كلهم رجال بس وقالوا النسوان حيجوا يوم ويتعرفوا براهم كده يخ ناس قيافة وناس عربات وكده يعني ناس عندهم الشي بتكلموا بلغة انحنا .. و كده . قلت: يعني شنو برجوازين نحنا زاتنا الحمدلله وضعنا عاجبنا ومالي عينا مالنا ومالهم بس عليهم .. بعد شويه قعدنا انا وامي وابوي بتناقش في الموضوع ده وبعد كلام كتير ومغالطات وافقنا كلنا وابوي قال حيديهم الموافقة بتاعتنا .. جيت عايزة انوم لقيت مكالمة من اسماعيل دخلت ليه في الواتس وبقينا ندردش قال: انا م عايز رسايل انا عايزاسمع ع