رواية نتيجة اغتصاب
الفصل العشرون 20
بقلم مجهول
قال: انا عايز اسمع صوتك واتعود عليه .. بعد جرجرة واقفت انوا يتصل لي و كده وكانت المكالمة في حدود .. و بالجد يعني اسماعيل ود ناس وصارحني وحكى لي عن حاجات كتيرة والشي الخلاه يتعاطى وبحصل كده في الاخير قال :والله ي هند انا حاسي ربنا جابك في حياتي عشان تكوني لي سبب توبة .. المهم مروا يومين واهل اسماعيل في انتظار الرد وراشد اخوه اتصل لابوي وابواي وراه اننا موافقين طبعا اسماعيل طاير من الفرح بس الشي المحزن انوا حيكون ٣ ايام خارج الشبكه .. وانا برنامجي بس من الشغل للبيت و كده والليلة اموا واخواتوا حيجوا يجيبوا حاجات الخطوبة او م يسمى ب..قولةخير ويتعرفوا علينا و كده وبالفعل جوا واستقبلناهم احسن استقبال وجيت سلمت عليهم واتعرفوا علي وطبعا م مصدقين يشيلوا ويبوسوا في حفيدتهم .. انا م كنت بامن بمفهوم البنات عمات بس بتي بتشبه عماتها لدرجة قف واصلا اخواتوا ٢ رفيدة ودي برلومة و رماح متزوجه ومطلقة م عندها اولاد .. المهم بعد مشوا امي تشيل وتشكر فيهم عاد ي هند بتي عندك نسابة الهناا والسرور حتى بتك م قصروا منها .. واماني كمان تشيل وتشكر مع امي انا بالجد كنت مبسوطة .. خلاص مرت ال٣ ايام واسماعيل رجع مكان الشبكه اتصل لي م رديت الا بعد ساعتين قال: ليه م بتردي
-والله جيت من الشغل ولقيت نون بتبكي وكنت بحنس فيها.
=طيب انتي مفترض تسوقيها معاك
- م بقدر اسوقها معاي
=شغل شنو ي هند يخليك تهملي في بتك وانا جيت راجع ومشتاق اسمع صوتك واطمن عليك م لقيتك وده كلوا من تحت راس الشغل ..
-اعمل شنو ي اسماعيل ..
=خلي الشغل ..
-اخليه كيف يعني ؟
= اي خليه واعتبرك مرتبك ماشي وتلات اضعافوا كمان
-كيف يعني ماشي
=الموضوع ده خليه علي اناا ..
-لا لا م بقدر اخليه
= هند م تعانديني تمام .. سكت خليتوا وقلت خير بس في قلبي انا م عايزة اتقل عليه من هسي ويفهمني غلط و كده وسالني لو الحاجات الجابوها عجبتني وكده وقال لي اتصلت لناس امي واخواتي والله شكروك وقالوا لي عرفت تختار .. قلت: وهم كمان ماشاء الله طيبين و كده.. المهم اليوم انتهى وتاني يوم اتصلت لدكتور علي وقلت ليه انا حاخلي الشغل شوف ليكم واحدة غيري طبعا سالني عن السبب م كلمتوا قلت بس كده وهو حاول يجرجرني في الكلام قمت اختصرتوا ..
مروا ٥ شهور والامور موازينها انقلبت ١٩٠ درجة تلقاءيا وبدون م اشعر حصل الكنت م متوقعاه اني احب اسماعيل