رواية نتيجة اغتصاب
الفصل الثاني والعشرون 22
بقلم مجهول
قلت : اصبر ي اسماعيل فترة وبتعدي تمام
قال : بس انا م قادر ..
- اسماعيل خلي الأمور
هند حبيبي والله انا م مصدق متين اشوفك قدامي كده واضمك وأكون جمبك وبتي في حضنا كده والله م اخليك تقومي من جمبي ذاتوا ..
لما بدأ يجيب كلا مات انا طوالي سكت وفصلت طبعا خجلت . وسكت ..
قال : هند حبيبي
= اها
- مالك ساكتة شكلك خجلتي مني وبعدين كيف .
قلت : ااي خجلت .. و طوالي اختصرتوا واتخارجت من المكالمة .. وانا مبسوطة يوم بعد يوم إسماعيل ببقى في نظري كبير وقريب لقلبي . اليوم انتهى وشكلها مودة حست اني زعلانة منها وم عندي ليها شي حبت تفتح معاي مواضيع .. اختصرتها المهم تاني يوم مشيت لأهل إسماعيل انا وميادة اختي وما شاء الله معاملتهم راقية لدرجة بعيدة و كده وكمان عايدة زوجة أخوه راشد زولة ماشاء الله عليها ظريفة وقلبي انفتح ليها شديد ..اليوم انتهى ورجعنا البيت
🔹 مرت 3 شهور والامور ماشة للأفضل وإسماعيل طاير من الفرح وجهزنا بيتنا ومشيت اخترت الاثاثات و كده يعنى كل شي أصبح جاهز و واماني كمان طايرة أكتر مني .. ونسيت كمان مودة اختي انخطبت لي واحد قريبنا ..إسماعيل م مصدق والشهر ده احر ليه من الجمر ومشى حج وكده وبي كده توبوا تمت ربنا يثبتوا ي رب.. والأيام بتمر و يوم ورا يوم وإسماعيل وصل السودان بس لسه م وصلنا😅 يعنى 4 يوم وسيكون معانا .. واماني مجنناني وقالت لي : انتي مفروض تتحبسي عديل يعنى يرضيك إسماعيل يجي يلقاك كده .
قلت : وانا مالي كده؟ قالت : ي بت ما فيك قول والله لكن اتمزمزي شوية اعملي ماسكات نعومة ونضارة و كده قلت :اممم طيب تمام .. والزمن كلوا مكالمات ورسائل م عارفة نحنا حاسين بشنو .. 😂 ونون مجنناني جن وعمرها سنة وشهر وبقت غلباوية لدرجة الزمن كلوا ماما .. يعني براها بالدنيا كلمة ماما .. خلاص في يوم وانا جاية من السوق لقاني مصعب في الشارع مصعب حبيبي الجبان طبعا .. ناداني وقال : والله لكن دوقونا قروش اليمني دي معاكم ؟ قلت : شنو شنو ؟ قال : أي القروش الرطبتي بيهم دي لمن ظهرت فيك .. قلت :هه .. أنت ابقى راجل وامشي مكان الرجال جيبهم ..
ومشيت خليتوا وفي أثناء انا ماشة كده اسماعيل اتصل لي وقال : ي هند ؟ قلت : عيونها . قال : انا وصلت .. قلت : وصلت وين ؟ قال : البيت يعني قريب منك.. طبعا اتبشتنت شديد اتفاجءت قلت : انت مش قلت جاي بكرة ؟قال : حبيت اعمل ليك مفاجأة