رواية نتيجة اغتصاب
الفصل الثالث عشر 13
بقلم مجهول
المهم بقوا اصحاب مع يوسف بطريقتهم واسماعيل طلب مني ما اجيب سيرة لي هند وهسي انا اتوترت لانوا شكلها حست .. واسماعيل مقرر بعد يخلص ويجي السودان يمشي يخطبها من اهلهاا..
بلسان هند : انا حاسة انوا في شي بس محتارة اثبت كيف خلاص في يوم كده وكان مافي شغل كتير في العيادة بس منتظرة الدوام ينتهي واقوم اتفكفك امشي لبتي .. بعد شويه كده اشوف ليك واحدة كده اش عليها لابسة عباية كده وشايلة شنطة يد وسايقة معاها بت عمرها ٥ سنوات كده وما خاته حنة .. جات سلمت وقالت: دكتور علي موجود .. وطبعا قالتها بميااعة كده لمن غاظتني رفعت حاجب حتى رديت ليها وقلت: ايواه موجود عندك حجز ولا حاجة .. قالت : حجز شنو انا عايزاه شخصياا .. وبدون م اقول ليها شي طوالي توش دخلت ليهو .. انا طبعا الشماار قتلني قتل ي ربي بتكون دي منو وعايزة منو شنو ي ربي ؟ بعد شويه اشوفها ليك جات طالعة وصارة وشها وخلت ليهو البت .. بعد شويه ناداني دخلت ليهو قال: بس عندي حاجه عايز اخلصا ممكن تسوقي معاك سمسمة دقاءق بس .. قلت: ماشاء الله دي بتك ؟ قال: اي دي سلوان بتي والجابتها هسي دي امهاا .. قلت: خير انشالله .. قال : انا وامها انفصلنا وكل اسبوع بتكون مع واحد فيناا .. طبعا حسيت بروحي اطفلت لما سالت .. قلت: اسفة ي دكتور ع الاسءلة دي مع انوا دي اسرار بيوت م بحكوها لزول .. رفع راسوا عاين لي وقال : بس انتي ما اي زول ي هند .. وبقى مبحلق فيني وانا اعاين ليه قطعت البحلقة بتو بمناداتها ليهو .. خلاص شلتها وطلعت بيها برا شوية كده مسافة هو خلص وجاء ساقها وانا مشيت البيت .. واليوم ده كنت تعبانة ..ونمت بالمساء وصحيت مخلوعة ع صوت التلفون واتصل لي دكتور علي رديت بصوت مبحوح وسلم علي عادي و كده بعد شويه سمع صوت بتي بتبكي قلت: معليش ع الازعاج . قال: عادي ولا يهمك في النهاية دي قطعة منك .. قال: طيب ما اطول عليك اكتر انا اصلا اتصلت ليك عشان الموضوع البيناا ؟ قلت: بينا؟ بيناا في شنو ؟ قال: هند انا عايزك ع سنة ربنا انتي مالك معارضة ؟ قلت: انا معارضة لانوا ما مؤهلة لحاجة زي دي وانتي عارف الحصل لي وحادثتي .. قال: ههه يعني شنو! قلت: دي شنو ضحكة الاستهتار دي .. قال: م استهتار لكن انا راضي بيك كده ومختنع بكل شي فيك .. سكت مساافة وم عرفت اقول شنو. قال: ساكتة مالك قولي لي وردي ي هند ي بت الناس انا بحبك والله وعايزك ...