رواية نتيجة اغتصاب
الفصل الرابع عشر 14
بقلم مجهول
قال: انا بحبك وعايزك ع سنة ربنا ي بت الناس عليك الله اتقى فيني الله وفكري برواقة تمام و.. خلاص بقى يتكلم لي ويشرح لي وانا شكلي الكلام لامس قلبي قلت : طيب اديني يومين افكر واديك خبر .. طبعا فرح شديد وقال : خير ي ستي .. خلصت المكالمة وانا محتارة استشير منو وافكر كيف قمت طوالي اتصلت لاماني وكلمتها بالموضوع بعد م سمعتني كويس جاطت فيني وقالت : انتي جنيتي عشان توافقي بيه قلت : مالوا عيبوا شنو ؟ قالت : اول حاجة هو مطلق وعندو بت ..قمت ضحكت وقلت : الطلاق م عيب العيب فيني انا الوالدة لي بت وم معروف ابوها منو ولا وين ؟ قالت : شوفي ي شيخة انتي عايزة راي وانا راي انوا الزول ده م ركب راسي وشايفه م مناسب ليكي اطلاقا .. قلت : خير ي اماني . فصلت المكالمة وانا خاطري مكسور انوا اماني م ساعدتني في التفكير ..
بلسان اماني : مكالمة هند دي عكرت لي مزاجي وكده بتخرب لي الانا بعمل فيهو وانا ع حسب اتفاقي مع اسماعيل انوا اخبروا بكل شي بحصل لهند خلاص لقيتوا منشط قمت كلمتوا طبعا زهج شديد وقال : انا يداب عملت ٣ شهور ع بال ارجع معناها حالقاها اتزوجت اصلا ..وانا اتوترت وبقيت اطمنوا وقلت: روق ي اسماعيل والموضوع ده خليه علي اناا ..
بلسان اسماعيل: انا طبعا كلام اماني ده حطمني شديد بعد ما كنت فرحان ومتفاءل وبعد م عشمت روحي انوا هند حتكون حلالي في يوم من الايام وبتي في حضنها ..المشكله انا بقيت الزمن كلوا اشوف في صورها واسرح فيها يعني حبيت كل تفاصيلها حسيت بيها نسخة عن صورة المراة الرسمها عقلي وبعد الانا عملتوا فيهاا تاني اخليها تروح من يدي بالطريقة دي وانا طالع برا الشبكه ٣ يوم . طلعت وال٣ ايام دي مرت علي زي الجمر والله الزمن كلوا متوتر خلاص قررت بعد ارجع اوصل لي هند باي طريقة واصارحها بكل شي والرهيفة التنقد .بلسان هند: في يوم بعد المغرب كده وانا قاعدة في الاوضة وناس امي في الحوش اسمع ليك باب الشارع كرف فتح وعمر اخوي يجوط باعلى صوتوا ويقول : وينها هند الليلة بقتلها . امي قالت : مالها عملت ليك شنو قال : هي وينها بس . انا جيت طالعة عايز يضربني امي مسكتوا قال: عايني ي هند تطلعي من البيت ده هسي انتي وبتك اللقطيها دي . ابوي قال: اتكلم عديل بتها شنو؟ قال: اي ي ابوي دي بتها هي .. وهنا ابوي جاء واقع وانا انخلعت وصرخت ابووي .. صرخنا بصوت واحد ونادينا ود جيرانا رفعناه