رواية نتيجة اغتصاب
الفصل الخامس عشر 15
بقلم مجهول
نادينا ولد جيرانا رفعوا معانا وجرينا المستشفى وعمر اخوي يصرخ فيني قدام الناس ويقول م تمشي معانا وانتي السبب انتي بت م كويسة وكده لحدي لفت انتباه الناس في المستشفى المهم وصلنا ابوي والدكتور عمل ليهو الفحوصات وقال لينا انو السكري ارتفع ودي كومة سكري م اكتر من كده انا لمن حمدت الله لاني كنت خايفة عليهو شديد لو كان حصلت ليهو حاجه اكيد حاكون السبب انا لمن اطمنت ع صحة ابوي رجعت البيت وم قدرت اقعد معاهم بسبب عمر رجعت البيت وكانت بتي عند اماني مشيت شلتها وكان المغرب داخل خلاص بس اتصلت لي مودة اختي وقالت لي : امي هسي استفسرت من عمر وقال انوا اتشاكل مع مصعب ومصعب اساء ليه وقال ليهو لو عندك رجالة اعملها في اختك الولدت وجابت ليكم البت في بيتكم .. انا لما سمعت الكلام ده لمن الدم في عروقي فار طبعا مصعب ده حبيبي السابق الاتخلى عني لما صارحتوا .. كلمت اماني وطوالي مشينا ليهو في الدكان بتاعوا وكان الكلام ده بعد المغرب طوالي من شافنا جينا قال: اووو مرحب بالزوار . اماني قالت: بلا زوار بلا بطيخ . قلت: اسمعني هنا ي مصعب لو عندك مشكلة مع عمر اخوي مافي داعي تدخلني فيها تمام دي م حركة رجال تمام . قال: اها يعني بتوريني الرجالة انتي عندك عين تتكلمي بيها يعني ؟ طوالي ابوه سمع الجوطة وجاء طالع قال: خير في شنو ؟ قمت طوالي حكيت ليه المشكله . قال: طيب ي بتي مافي داعي للجوطة . قالت : خلاص تمام م بجوط لكن بمشي بشتكي وخلي مصعب يثبت الكلام القالوا وانا م بخليه طوالي بعمل " رضّ شرف" واتوقع امر القبض يجي في اي لحظة وطوالي مشيت خليتو خشموا ملح ملح ومصعب منطط عيونوا .. وحسيت بنفسي قويت مشيت البيت وناس امي جوا شالوا حاجات وبيتوا في المستشفى وتاني يوم ابوي بقى كويس وجوا البيت وانا من سمعت صوتهم دخلت وقفلت الاوضة علي لما جيرانا مشوا ابوي فقدني وقال: هند وين ؟ امي جات نادتني انا قلت: م طالعة ي امي. قالت: م تخافي انا وضحت ليهو كل شي. طلعت و برجف ومن جيت بركت في الارض ومسكت ايديه وقلت: سامحني ي ابوي واعفي لي انا غلطت في حقك كتير بس انا م صارحتك عشان كنت ضعيفة وخايفة وبقيت ابرر ليه . طوالي رفعني جمبوا وقال: كل شي قسمة ي هند بس توبي وارجعي لربك تمام وهند بتي البعرفها ب١٠٠ راجل الضعف الجابوا شنو ؟ قلت: اعفي لي ي ابوي ! سكت ودنقر شكلوا لسه زعلان مني ..
قلت: م تسكت رد لي . قال