رواية نتيجة اغتصاب
الفصل السادس عشر 16
بقلم مجهول
قال: اقول شنو ؟ قلت: قول اي شي بس م تسكت . جر نفس وقال: الله ي هند انتي غالية علي واقرب واحدة في اخوانك لي وم برضي بيك نهاءي لانك قوية ي بتي وضحيتي بتعليمك عشان تقيفي مع امك واخوانك بس في دي غلطتي و... هز راسوا مسكت يدوا وقلت: لا ي ابوي وحضنتوا وقلت: عليك الله اعفي لي عشان ربنا يرضي علي .. بعد صعوبة ابوي رضى عني وما من قلبوا ذاتوا اما عمر اخوي مخاصمني لا سلام لا كلام .. اليوم انتهى وانا كنت بخجل اشيل بتي قدام ابوي بقيت اتحسس من الموضوع ده ابوي قام سال منها وقال : وين هند الصغيرة .. جبتها وانا خجلانة قال : هي م عندها ذنب اكيد ربنا جابها لحكمة وانا تاني م بيدي شي البقى بقى .. وبقى يتكلم .. صراحة انا كل م اشوف ابوي بحس بالذنب تجاهوا ابوي لانوا زول مسكين ومتدين م بعرف الكلمة الشينة وم برضي بينا نهاءي ولا بعرف يزعل مننا بس انا غلطت في حقوا كتير بس بالنية ..
بلسان اسماعيل : انا طبعا م قدرت اتحمل انوا في واحد عايز هند والحاجة الثانية اماني حكت لي عن المشكله الحصلت ليهم في البيت قمت كوالي بعد دخلت مكان الشبكة اتصلت لاخوي راشد وانا اصلا مخبروا بكل شي من البداية بس قلت ليه انوا ده الوقت المناسب ولازم يمشي يخطب لي هند ومحل تجي تجي وهو وافق ..
بلسان اماني : انا طباعا مبسوطة للخطوة العايز يعملها اسماعيل وطايرة من الفرح لانوا واخيرا هند صحبتي حتنخطب واماني الصغيرة او سميتي حتقرب لابوها طبعا عاملين الموضوع مفاجاة لي هند وانا مشيت ليها في البيت شاربة معاهم ااجبنة وفاتحة الشبكه ادردش مع اسماعيل ساي واحكي ليه الاوضاع ورسلت ليه صور بتو وصور هند .. وهند ولا ع بالها متبشتنة مع شغل البيت .. اسماعيل قال لي : اهلي بجوهم بكرة الساعة ٤ تمام .. ممكن بعد كده تخبريها وم حتقدر تعمل شي غير تجهز لاستقبالهم وتخبر ناس البيت لانوا م ظريفة اخوي يجي بدون موعد ... خلاص قمت ناديتها في الاوضة وقلت اصارحها بس م عارفة ردة فعلها حتكون شنو..