رواية سراج الثريا
الفصل الواحد والعشرون 21 والثاني والعشرون 22
بقلم سعاد محمد سلامة
«قُبلة بمذاق الحياة»
ذهول عقلي
ما سمعه مستحيل أن يتخيله عقله والأصعب كيف ثريا مرت بكل هذا ، تذكر تبلُدها معه منذ بداية زواجهم، كان يظن أن هذا دلال، بل كان جفاف مشاعر بداخلها كآنها إنسحقت... عاود ينظر الى سعديه وسؤال برأسه قبل أن يسأله أجابته سعديه:
مكنش ينفع نبلغ الشرطة الدكتورة نفسها خافت من سطوة عيلة العوامري
تفهم ذلك لكن سؤال آخر سأله:
وليه ثريا وافقت ترجع تاني مع غيث وتعيش معاه...
توقف للخظات قبل أن يستطرد سؤاله بترقب بقلب يشعر بالغِيره:
ثريا كانت بتحب غيث؟.
ضحكة مؤلمة فى وجه سعديه تغص فى قلبها:
ثريا بعد ما فاقت كانت عاوزه ترجع لدار أمها وأنا وممدوح كنا مرخبين بكده، بس نجيه خافت عليها من حديت الناي الفارغ، ومحاولتش تضغط عليها، بس فجأة لقينها هي اللى غيرت قرارها وقبلت ترجع تاني معاه لداره، وقعدت حوالي تلات أسابيع مكنش حد بيزورها، حتي كان حديتها مع نجيه قليل، وانا كنت زعلانه منها ومكنتش بكلمها، لحد يوم ما عرفنا إن غيث إتجتل... روحت أنا ونجيه نجدم واجب العزا، بس طردونا ومحدش رضي يدخلنا وتانى يوم طردوا ثريا كمان من الدار، وفضلت راقدة فى السرير حوالي شهر ونص كانت طول الوقت شبه نايمه او يمكن كانت بتدعي النوم.
إستغرب سراج يغص قلبه وهو يسأل بترقُب :
كانت بتحبه للدرجه دي؟.
تهكمت سعديه بسخريه وإستهزاء قائله:
ثريا جلبها معرفش الحُب، ثريا كانت زي اللى بتداري مش عاوزه تقابل حد ولا حد يشوفها، زي اللى كانت بتتواري من وصمة عار،كنت بحس أنها بتعاقب نفسها على غلط وخايفه حد يعرفه،لحد ما وصل لينا المحامي بتاع أبو غيث إن لازم ثريا تعمل إعلام وراثه عشان يقدروا طبعًا يتصرفوا فى الاملاك اللى كانت بإسم غيث وثريا كانت من ضمن الورثه ولازم غصب عنهم يعترفوا بده،وقتها ثريا إتبدلت تاني وحسيت إنها عاوزه تستقوي،وفعلًا إستقوت،وغصب عن عينهم خدت حتة الارض اللي متساويش واحد على ميه من ميراثها فى غيث،وإتنازلت عن بقية ميراثها،معرفش سبب ليه إتنازلت،وإسمعنا حتة الأرض دي بالذات،وهما وافقوا غصب،لان لو ثريا إتمسكت ووجفت جصادهم كانت هتنول أكتر منيها، بس هما وافجوا فكروا أنها مسألة وجت والأرض هترجع لهم تاني، بس ثريا رفضت، حتى إنت كمان رفضت تبيع لك الأرض.
كل ما يسمعه يُثير بعقله تساؤلات أكثر وترقُب لإجابه واحدة يود معرفتها
"هل ثريا كانت مُغرمة بـ غيث"
والإجابه بالتأكيد ستكون غير مُقنعة ولا مؤكدة.
تنهدت سعديه بآسف ربما هذا جزء من جواب على سؤال عقل سراج:
ثريا طول عمرها بدور عالسند اللى تتسند عليه وتحس بأمان، ولغاية دلوقتي السند ده مش حاسه موجود حتى معاك يا سراج، ثريا زمان قبل موت أبوها كانت بتخاف تعدي من قدام شارع التُرب(المقابر)،بس لما مات أبوها الخوف ده راح وبقت تروح كتير،ولما تتوه كنا ندور عليها ونلاقيها قاعدة جنب قبر أبوها،ولما كنا نمنعها كانت تقول إنها بتحس بالامان لما بتسند ضهرها على جدار القبر أن إيد أبوها بطبطب عليها،ولما كبرت بجت تقول أنها بتحس أن ده المكان الوحيد اللى مفيش فيه لا لمكانه ولا لفلوس
هنا الأماكن كلها شبه بعض بعيد عن الصخب الصمت له حالة خاصة...
إنفزع قلب سراج لوهله، ثريا تعتقد أن الموت هو الراحة، لكن لن يسمح بذلك تلك المحتالة مازال هنالك من ينتظر عودتها ليس لهدف سوا أن وجودها ذات أهمية كبيرة وخاصة
بدأ فى سؤال خلف آخر يسأله لـ سعديه وهي تِجييب حسب معرفتها، لكن ذُهل حين شعر بحياء وهو يسأل سعديه عن ذاك الآثر الذى بفخذ ثريا:
وإيه السبب فى علامة الحرق اللى فى فخد ثريا؟.
ضيقت سعديه عينيها بعدم فهم قائله:
حرق إيه ده؟.
إستغرب سراج عدم معرفتها، وفسر ذلك:
ثريا عندها علامة كبيرة بفخدها الشمال ومتهيألي إنها آثر لحرق واضح كده.
إستغربت ذلك وبتلقائية قالت:
بعد موت غيث كانت بتعرج ولما سألتها قالت إن وقعت على رجلها ويمكن مجزوعه، يمكن ده السبب، بس لا إيه اللى هيحرقـ...
نظرت سعديه وسراج لبعضهما فمن يفعل وينتهك عِرض سهل عليه الحرق...
خفق قلب سراج، هنالك أسرار مازالت إجابتها لدى ثريا.
❈-❈-❈
إنتهى ظلام الليل وأعلنت الجوناء عن يوم جديد
بمنزل قابيل
لم يهتم بمرض زوجته هكذا، مثلما يشعر الآن بإنشقاق فى قلبه منذ أن علم بإصابة ثريا، وهو مثل الممسوس عقله... يقف بحقد بشقته يهزي:
أكيد سراج هناك لازم أشوف طريقه أعرف بها حالة ثريا إيه بالظبط، لو وصلت أخطفها من المستشفي،مستحيل؟.
لم يستوعب عقله فقط يهزي كآن له الحق بذلك،فكر وفكر،يزداد غلول قلبه وشيطان عقله... يهزي بإسمها
"ثريا، ثريا"
يتنفس كآنه يدخل الى صدرة دخانًا يزفره لهبًا
كيف أصيبت لابد أن يبيد تلك العائله... تتلاعب به الظنون وهو يحاول ان يصل الى أحد ويسأله عن حالتها دون الشك فىسبب سؤاله، لا يود أن يعلم أحد بمكانة ثريا فى قلبه، لكن لا لن يهتم، توجه نحو باب شقته لكن توقف يلوم نفسه:
بلاش تتسرع وتكشف نفسك يا قابيل، سراج مش زي غيث، غيث كنت بتعرف تسيطر عليه بحتة بِت من بنات الليل تركع تحت رجليه،تنفذ رغباته ويتوه معاها، سراج مالوش فى كده.
جلس بإنهاك فكري وقلبي على مقعد بالردهه
بلوم نفسه:
فضلت مستني فرصه عشان تقرب من ثريا وفى لحظه خطفها سراج، زي ما عمل غيث قبله، دلوقتي لازم أفكر فى طريقة أتخلص بيها من سراج مش لازم أنتظر كتير
تلاعب شيطانه به وهو يُفكر حتى رسم له بداية الخِطة التى بنهايتها سينهي سراج.
❈-❈-❈
بـدار عمران العوامري
رغم أنه للتو قد عاد الى الدار، صعد مباشرةً الى شقته، دلف الى غرفة النوم يشعر ليس بإرهاق بدنى بل أيضًا آلم فى ساقه يشتد، تفاجئ حين وجد
حنان مُستيقظة ونهضت من فوق الفراش حين جلس على ذاك المقعد إقتربت منه بقلق سائله:
آدم ثريا أخبارها إيه؟.
أجابها وهو يخلع نعليه:
لسه فى مرحلة الخطر، ربنا يُلطف، أنا جاي أغير هدومي وأخد هدوم تانيه عشان سراج،إسماعيل هناك معاه فى المستشفى مش هينفع نسيبه لوحدك فى الحاله اللى هو فيها،أول مره أشوفه بالشكل المهزوز ده.
وضعت حنان يديها على كتفي آدم تمسد عليهم برتابه وتبسمت قائله:
عشان بيحبها،رغم إنى الكام يوم اللى عشتهم هنا كنت بحس ثريا بتحاول تبعد عن الدار أكتر وقت،ولاحظت معاملة عمتك ولاء ليها فيها نوع من التكبر عليها،يمكن ثريا اللى مش من النوع الإجتماعي واللى بتاخد عالناس بسرعه،بس حاسه قلبها نضيف.
رفع آدم يديه وجذب حنان لتجلس على ساقيه وضمها مُبتسمًا وهو يُقبل وجنتها قائلًا:
فعلًا بحس إن ثريا عندها شوية إنطواء من اللى حواليها،حتى من سراج نفسه رغم أنهم متجوزين،بحس أنها من النوعيه اللى بتخاف تظهر مشاعرها فتتصدم،او تتخذل،كمان بتحاول تبان قويه وهي هشه جدًا.
لمعت عين حنان ببسمه وهي ترفع يدها تضعها فوق وجنة آدم تتحدث بإعجاب:
حبيبي واضح إن هواية الكتابه مآثره عليه،عنده فضول زايد يعرف دواخل الشخصيات ويحلل نفسياتها.
إبتسم وهو يُقبل يدها يضمها أكثر له قائلًا:
مش فضول زايد،أنا أتعودت متسرعش فى الحكم على أفعال الناس،يمكن تكون دي مَلكه ربنا عطاها لى من صغري،أو يمكن تكون موهبة مُكتسبه بعد اللى مريت بيه،كان لازم يكون عندي طولة بال قبل الإرادة.
غص قلب حنان وضمت آدم وهمست جوار أذنه بنعومه:
أنا بحبك يا آدم،وبحب قلبك الطيب.
إبتسم وضمها مُستمتعًا قبل عُنقها،وكاد ينهض وهو يحملها،لكن شعر بآلم فى ساقه،ظل جالسًا،شعرت حنان بآه خافته خرجت من فم آدم،نظر لوجهه قائله:
آدم أنا حاسه إنك بتتآلم من رجلك،المفروض تعمل عليها إشاعه،كمان بتاخد مُسكنات كتير فى الفترة اللى فاتت.
إبتسم وهو يضم وجهها بين يديه قائلًا:
أنا بخير صدقيني،هما شوية وجع بسيط فترة وهيروح.
تدللت ببسمه:
وماله برضوا عشان خاطري إعمل.آشعه وفحوصات حتى لو روتيني.
إبتسم وهو يضمها قائلًا:
تمام،بس نطمن على ثريا وهعمل الفحوصات عشان قلب سيادتك يطمن.
تبسمت وهي تضمه بحب...لكن فجأة شعرت بغصه وهي تعلم أن بعودة حفظي للوعي سيكون هنالك عواقب،تنهدت بتمني أن لا يحصل شئ يفسد عشقها لـ ذاك الآدمي الذي يغمرها بعشق ومحبه ودلال لم تشعر به سابقًا.
❈-❈-❈
بالمشفي
غصبً واقف كل من سعديه ونجيه المكوث بغرفه قام سراج بحجزها لهن،وتركهن كي لا يشعرن بالحرج منه،ذهب الى مكان غرفة ثريا،لكن
لاحظ حركة غريبه أمام الغرفة.. خروج الممرضه وعودتها ببعض الادويه كذالك دخول أكثر من طبيب ومكثوا لوقت سبب هاجس له وحسم امره سيدخل الى الغرفه لن يهتم بمنع الأطباء، لكن فتح باب الغرفه كان هنالك باب آخر زُجاجي مُعتم، قبل أن يفتحه تفاجئ بفتح أحد الأطباء للباب، نظر له قائلًا:
أنا مقدر حالة قلقك عالمريضة، بس ممنوع الدخول، والمريضة نقدر نقول عدت مرحلة الخطر، وان شاء الله ولو محصلش لها إنتكاسة
ممكن بكره تتنقل غرفة مجهزة بس عشان الأوكسجين،لآن إصابة الرئه هيبقى لها تأثير عالتنفس الطبيعي هياخد وقت على ما ينتظم بشكل طبيعي، فمن فضلك بلاش عدم إنصياع، وبس الحالة تستقر بشكل أفضل اوعدك اسمحلك تدخل لها وده هيبقى لوقت صغير.
أومأ سراج له متفهمًا رغم قلقه وشعوره بالإشتياق.
بدار عمران العوامري ظهرًا
وقفت زوجته تطلب منه بإستحياء:
مش المفروض إنى أروح أنا وإيمان نزور ثريا عشان خاطر سراج.
كاد ان يسمح له بالموافقه، لكن تلك الخبيثه ولاء قد جائت وسمعت قولها تهكمت بسخط قائله:
مش بيجولوا الدكاترة مانعه الزيارات، لازمتها إيه، وبعدين ليه نتشحطط كلها كام يوم وترجع لإهنه، عن نفسي بمرض لما بروح المستشفى، كفايه الأيام اللى فاتت كنت شبه مرافقة لـ إيناس، وجولت للدكتور تكمل علاجها بره المستشفى،وسمح بإكده،هترجع النهاردة،مش عارفه إيه النحس اللى فجأه صابنا،هي أعتاب وأقدام،كنا بخير،بس هجول إيه على رأي المرحومه أمى
كترة النسوان فى الدار ببجيب الخراب.
عن قصد كانت تتحدث ولاء حين رأت حنان تقترب من مكانهم،لم تُبالى حنان بحديثها الماسخ،وذهبت نحو عمران وتبسمت له ثم قالت:
آدم من شويه وصل المستشفى وقالى إن حالة ثريا شبه مُستقرة.
تبسم عمران كذالك زوجته التى تمنت:
ربنا يكمل شفاها يااارب.
بينما همست ولاء بحقد:
عامله كيف البِسس (القطط) بسبع أرواح...
ثم نظرت الى حنان قائله بتصريح:
وإنتِ لابسه أسود كده ورايحه فين؟.
أجابتها:
رايحه دار أبوي.
إعترضت ولاء قائله:
لاه، إنتِ لساكِ عروسه والمفروض مكونتيش تروحي دار أبوكِ قبل من شهر عالاقل، كفايه لبسك الاسود ده فال شوم.
نظرت لها حنان بتحدي قائله:
ماله لبسي الاسود، ده حتى الاسود موضه، وكمان انا خدت الإذن من آدم جوزي وهو وافق، وهو اللى كلمته تمشي عليا، عن إذن حضرتك، لازم أفوت على دار مرات عمي الاوا عشان أعرف هنطلع المقابر أمتى نزور عمي ونقرا له الفاتحة وندعي له بالرحمه،الرحمة تجوز عالحي والميت.
لم تنتظر حنان وغادرت وتركت ولاء تشتعل،بينما فهيمه كانت تُخفي بسمتها،وعمران لم يُبالى،الا حين نظرت له ولاء وقالت بإستهجان:
الدار مربطها ساب،بقى كل واحد بيعمل اللى هو عاوزه،إمبارح ثريا عاندت وراحت الفرح اللى إتصابت فيه،والتانيه رايحه عشان تطلع المقابر،إنت لازمن يكون لك كلمه فى الدار دي،كفايه چلع(دلع) فاضي...الحريم لازمن تتحكم بجبضة جويه إكده هيتمرعوا ومحدش هيعرف يمشى عليهم كلمه.
صمتت فهيمه،بينما تفوه عمران قائلًا:
تمام هتحدت ويا آدم ىقول لمرته تخف زيارات لدار أهلها،دلوك عندي ميعاد فى مصنع الكتان ولازمن الحقه،والمسا هروح المستشفى عشان سراج... جهزي نفسك يا فهيمه إنتِ وإيمان هبعتلكم السواق ياخدكم.
اومات فهيمه بقبول، بينما شعرت ولاء بالكيد لكن ضمرته فى قلبها بعد مغادرة عمران نظرت لـ فهيمه التى تبدلت ملامحها شعرت بغيظ قائله:
حلو دور الحِنيه اللى بترسميه ده، بس متنسيش، سراج مش ولدك، ده إبن جوزك، ومفيش مرات أب بتتمني خير لولاد جوزها.
لم ترد فهيمه وتركتها وغادرت بعد أن نادت عليها عدلات التى لاحظت حديث ولاء معها، ذهبت نحو عدلات وسيرن الى داخل المطبخ تفوهت عدلات:
بتحدف طوب ومس حاسه بنفسها دي إتجوزت من هنا ابن جوزها اللى كان شاب زي الورد فجأة مات.
تفوهت فهيمه:
بلاش نبقي زيها يا عدلات ومتنسيش لها ودان فى كل مكان مش عاوزاهم تتكلم.
تنهدت عدلات:
والله يا فهيمه إنتِ طيبه ومنكسره،دي مينفعش معاها الطيب.
نظرت لها فهيمه نظرة تحذيريه،فصمتت لثواني ثم قالت:
الحج عمران سمح لك تزوري ثريا فى المستشفى.
أومأت لها بموافقة،تنهدت عدلات قائله:
هاجي معاكِ ثريا غاليه عندي والله ما تستاهل،اللى گانت تستاهل رصاصه فى نص دماغها هي وباء على رأي الغلبانه ثريا.
عاودت فهيمه نفس النظره التحذيريه فصمتت حيت دخلت إحد الخادمات عليهن.
❈-❈-❈
بالمشفى مساءًا
سمح الطبيب لـ سراج بخمس دقائق فقط يدخل الى غرفة العنايه
تعقم وإرتدى كمامه ثم ذهب نحوها... وقف يتأمل ملامحها للحظات، لم ينكر جمالها سابقًا لكن اليوم كانت شاحبة الوجه، كذالك تلك الانابيب الطبيه الموصوله بفمها وأنفها... خفق قلبه بآلم، وهو يقترب أكثر الى أن أصبح جوارها إنحني على يدها غص قلبه من كم الإبر المغروسه بها، قبل راحة يدها ونظر لها قائلًا:
تعرفي يا ثريا إنتِ فعلًا محتالة، عرفتي تحتلي قلبي، قلبي اللى كنت مفكر أنه من فولاذ وقادر أتحكم فيه، من أول مره شوفتك، شئ كان بيجذبني ليكِ، تحديكي، عنادك
مش عارف، بس كنت ببقى عاوز دايمًا أبقي قريب منك، فاكرة يوم لما قولت لـ عصران يومهك بالإغتصاب حسيت بندم وغِيره، أيوه غيرت عليكِ منه،رغم إني كنت متأكد أنه مش هيقدر يقرب منك، لما دخلت ولقيتك بتنزفي قلبي إتخلع مني، أنتِ محتالة يا ثريا، في لحظه إتغلغلتي مني وبقيت مش عارف إيه بيجذبني ليكِ، دلوقتي عرفت إيه اللى كان بيجذبني تمردك وعِصيانك
السراج الغاضب فى لحظة حنين وقع فى غرام الأرض.
❈-❈-❈
بمركز الشباب
بوقت راحة مُستقطع بين التمرين جلست إيمان على إحد المقاعد كذالك جسار بينما الاشبال يتهامسون فيما بينهم حول من الافضل فيهم بإشادة المدربين
تبسم جسار وهو ينظر الى إيمان وبفضول لا يعلم سبب له:
تعرفي إنى بستغرب إن بنت هنا فى الصعيد تهوا رياضة الكارتيه.
إعتدلت فى جلستها ونظرت له قائله:
وإيه الغربب فى ده؟.
لمعت عيناه بوميض خاص وهو يجيب عليها:
معروف بنات الصعيد بتتجوز بدري، حتى لو الزمن اتغير وبقوا يتعلموا بس مش إهتمام برياضه، ورياضه عنيفه زي الكارتيه... اللى أعرفه إن الاهالي عندهم شوية تحفُظ عالبنات.
تنهدت حقًا كان هنالك إعتراض من والدها، لكنها لجأت لـ آدم صاحب القلب النقي، والذي لديه تأثير على.. والداها وافق مُرغمًا على أنها لفترة لن تطول فقط بضع اشهر وستمل، لكن تلك الرياضه رغم عُنفها لكن شغلت عقلها وأدمنتها وأصبحت هي ملاذها،كى لا تفتعل المشاكل مع عمتها ولاء بسبب تحكُماتها،رغم أنها حاولت كثيرًا أن تتلاعب بعقل والدها،لكنها لن تكون صورة أخري من والدتها وتتقبل وتقبل أن تكون لها سطوة على قرارتها بشآن حياتها...
لمعت عين جسار بإعجاب
جلسة صفو بين ايمان وجسار وأحاديث مرحة تنساق بينهم دون شعور، لكن قطع تلك الجلسه صوت رنين هاتف، ايمان
نهضت وتوجهت الى ذاك الركن التى تضع به متعلقاتها الخاصة،جذبت هاتفها وقامت بالنظر له خفق قلبها لوهله حين رات رقم والدتها، لكن حاولت تمالك قلقها وبامت بالرد سرعان ما تنهدت براحه حين أخبرتها والدتها قائله:
ألحج عمران وافق نروح المستشفى لـ ثريا وقال هيبعت لينا العربيه كمان ساعه كده، بلاش تتأخري عشان ميتعصبش علينا.
اجابتها:
تمام يا ماما، انا مسافة السكه وهكون عندك فى الدار.
أغلقت الهاتف ثم ضبت متعلقاتها الخاصة بتلك الحقيبه وذهبت نحو مكان جلوس جسار قائله:
أنا مضطره أمشي دلوقتي كمل انت بقيه تمرين الاشبال سلام.
لم تنتظر وغادرت،ود ان يسألها عن سبب مغادرتها،لكن وقف ينظر فى إثرها بمشاعر تنساق وتتبدد النظرات وتزداد الخفقات.
❈-❈-❈
بعد مرور يومين
تحسنت حالة ثريا خرجت من غرفة العنايه الخاصة، الى غرفة عاديه، لكن مازالت تسبح بتلك الغيبوبه،
تنهد الطبيب ونظر الى سراج قائلًا:
المفروض إن إحنا وقفنا المخدر من الفجر ودلوقتي قربنا عالعصر، والمفروض كانت تفوق،لو مفاقتش لوحدها لبكره الصبح هنلجأ للإفاقه الخاصه.
شعر سراج بالآسي قائلًا:
وإيه السبب لعدم إفاقتها.
اجابه الطبيب:
مفيش سبب طبي، ده ممكن رد فعل من المريض اوقات كتير بتحصل، إن العقل يتسبب فى غيبوبه للجسم كله، بس طبيًا مفيش تفسير الحاله أصبحت مستقرة وزي ما قولت هننتظر لبكره يوم فات اربعه وعشرين ساعه كامله على وقف المخدر.
اومأ سراج برأسه قائلًا:
تمام، بس ليا رجاء عندك، أكيد والدة المريضه او خالتها هيسألوا عن حالتها، بلاش تقول لهم الكلام اللى قولته ليا دلوقتي، بس عشان منزودش قلقهم، إنت شايف حالتهم عامله إزاي.
أومأ الطبيب موافقًا، ثم غادر الغرفة
ظل سراج ينظر الى ثريا وتنهد وهو يقترب منها وإنحني يقبل رأسها، ثم قبل وجنتيها وإقترب من أذنها هامسًا:
مش كفايه نوم يا محتاله، إصحي بقى وحشتني عيونك.
❈-❈-❈
باليوم التالى
بمنزل عم حنان
ظهرًا
كانت تشعر بنظرات زوجة عمها التي تحتقرها، هي ووالدتها... نهضت قائله:
مش يلا يا ماما زمان أبوي راجع عشان يتغدا.
نهضت سناء بموافقه، وودعن تلك السيدة التى تنظر لهن بغلول حتى أنها لم تتمسك ببقائهن لوقت قليل، لكن تفاجئن قبل أن يفتحن باب المنزل، بفتح الباب، وقفن مثل الصنم للحظات الى أن تحدث ذاك الذي دخل يستند على أخيه قائلًا بنبرة شبة إستهزاء وتقليل من شآن آدم:
حنان بِت عمي إهنه فى دارنا، جصدي دارها، أمال المحروس آدم فينه دلوك، لا يكون فى الإستطبل نايم جنب الأحصنه بينش العصافير عنهم.
كادت ان ترد لكن نكزتها سناء تعلم أن ذاك الوغد مُستفز، صمتت حنان لوهله ثم أغاظته قائله:
حمدالله على سلامتك نورت دارك، يلا يا أمي.
كدن ان يُعادرن لكن قبل خروجهن تفوه حفظي:
سلميلي على أبونسب.
أجابته بهدوء:
يوصل، يا حفظي.
❈-❈-❈
بالمشفى
خرج الطبيب مُبتسمًا يقول:
الحمد لله المريضه إستجابت وفاقت،بس رجاءًا يا جماعه بلاش إجهاد للمريضة.
تبسموا له وهم يندفعون الى الغرفه
شعروا بسعادة حين وجدوا ثريا قد فاقت من غفوتها،بحذر أقتربوا منها وظلوا يمرحون جوارها،وهي فقط تنظر لهم ولافعالهم
لم تستغرب من قُبلة والدتها ولا خالتها لها،لكن شعرت بغرابه ممزوجه بسعادة حين إقترب ممدوح منها وقبل جبينها مُبتسمًا،يقول:
حمدالله على سلامتك يا ثريا.
بخفوت أجابته تشعر بسعادة:
الله يسلمك يا ممدوح.
تقابلت عيناهم بحديث صامت،فقط مشاعر أخويه لأول مره يشعر بها الإثنين،ودمعه تلألأ،لكن سرعان ما إبتسم ممدوح وقبل جبينها مره أخري مُبتسمًا،ثم تنحي،ظهر سراج الذي يخفق قلبه بسعادة وتبسم وإقترب منها فقط قائلًا:
حمدالله على سلامتك يا ثريا.
أومأت براسها صامته،مازال هنالك جزء من ذاكرتها لم يستوعب ما تراه،من لهفة وسعادة لعودتها
❈-❈-❈
بعد مرور عِدة أيام
بالمشفى ظهرًا
حاولت إدعاء القوة قائلة:
البتاعه اللى على وشي دي خنقاني أساسًا مش عارفة أتنفس.
تنهد بسؤال:
تقصدي إيه بالبتاعة اللى على وشك دي؟.
اشارت بيدها الى تلك الأنابيب على أنفها الخاصة بالتنفس الاصطناعيّ.
تبسم بخفاء قائلًا:
دي آنابيب عشان تظبط التنفُس عندك.
تذمرت قائله:
لاء دى خنقاني، مش كفاية الإبر المغروسه فى إيديا دي، حاسه إنى زي اللى متقيدة.
أغمض عيناه وسحب نفس عميق ثم فتحهما ونظر لها قائلًا:
ثريا، بلاش دلع، وإفتحي شفايفك لازم تاكلي... والا الدكتور هيلجأ للمحاليل.
لم تُبالى ثريا، تنهد سراج قائلًا:
ثريا بلاش تبقي زي الأطفال... اللى أمهم بتتحايل عليهم عشان ياكلوا.
نظرت لذاك الطبق بإمتعاض قائله:
أولا انا مش طفله ومش بعند، وفعلا جهاز الاوكسجين ده مضايقني وأقدر أتنفس من غيره
ثانيًا مش هاكل من أكل العيانين ده هستني لما خالتي تجي أنا قولت لها على كام صنف وقالت هتجيبهم بس هى إتأخرت،يمكن الطريق زحمه.
تنهد سراج باسمًا:
على فكره خالتك جت وإنتِ كنتِ نايمة والأكل ده هي اللى جابته ثريا إنسي الأكل اللى طلبتيه منها، مستحيل.
زفرت ثريا بضجر قائله:
يعني خالتي جابت الاكل ده ومشيت،ومجبتش اللى قولت لها عليه ليه، وأيه اللى مستحيل أنا نفسي موعت وبطني نشقت من أكل المستشفى والمسلوق.
تبسم سراج قائلًا:
للآسف مفيش اكل غير كده، وكفاية دلع.
تنهدت بضجر قائله:
مش بدلع، خلاص هشيل جهاز الأوكسجين، وهاكل بإيدي.
تنهد سراج بإستسلام قائلًا:
تمام هشيلك أنابيب الأوكسجين لحد ما تاكلي وبعدها...
قطعت حديثه بضجر:
بعدها إيه أنا أتخنقت من الانابيب دي حاسه إن عيني إحولت وإنها بضيق نفسي.
ضحك سراج... نظرت له بضجر قائله بإستياء:
بتضحك على إيه، أكيد كان نفسك أموت، وتلاقى إنت اللى بتقول لخالتي تستخسر فيا الأكل اللى طلبته منها.
إبتسم وهو يقوم بإزاحة تلك الانابيب عن أنفها،شعر بأنفاسها فوق ساعديه نظر لوجهها وبلا إنتظار وضع قُبله ناعمة خاطفه فوق شفتيها، شعر كآن تلك القُبله
🔥🔥🔥
بـ مقهي مُطل على النيل،
نهض إسماعيل واقفًا يقترب من سياج حديدي فاصل عن تلك الحديقه الصغيرة الخاصة بالمقهي، نهضت قسمت هى الاخري وإقتربت منه وقفت لجواره تنظر له وهو صامت عكس صخب بداخله، تعمدت السؤال كآنه عتاب:
بقالك كام يوم غايب عن المستشفى، لعل السبب خير،وكل ما أتصل عليك ترد كلمتين وتقفل .
قطع صمته وتأمله لمجري تلك المياة التى تهتز بموجات هادئه:
كنت مداوم فى مستشفى تانيه، مرات سراج أخويا، إتصابت برصاصتين.
إنخضت لوهله سائله:
رصاصتين ليه.
أجابها ببساطة:
كانت فى فرح عندنا فى البلد وإتصابت بالغلط.
تنهدت قسمت براحه قائله:
طب الحمد لله وأخبارها إيه دلوقتي؟
أجابها بإيجاز:
الحمدلله حالتها إتحسنت.
-يعني إيه؟.
هكذا سألت قسمت التى تشعر أن إسماعيل به شئ مختلف فى طريقة رده على أسألتها بإيجاز.
بنفس الإيجار:
يعني حالتها بقت كويسه وخرجت لأوضة عادية.
زفرت نفسها وشعرت بآسف قائله:
مالك يا إسماعيل،حاسه إنك متغير معايا.
نظر نحوها،شعر بشعور غريب،كآن قلبه تبلد...أو ربما شعور آخر من الامبالاة فى عقله،،بينما لمعت دمعة بعين قسمت،بسببها عاد قلب إسماعيل، يخفق وإزدادت تلك الخفقات حين أخفضت وجهها تقول بنبرة
عارفه إنك مضايق من اللى عمله بابا، بس بابا والله قد ما هو شخص عصبي بس سهل والله هو طيب جدًا.
غصبًا تذكر نعته له بـ "سليل البرجوازي" فضحك سائلًا:
هو يعني إيه برجوازي اللى زي النغمه فى لسانه.
إبتسمت قسمت قائله:
أنا مكنتش أعرف يعني إيه برجوازي زيك كده، بس بابا فسرها لى وفهمت إنه الشخص اللى عنده مصانع وبيشغل عمال تحت إيديه.
ضحك إسماعيل قائلًا:
طب وده فيه إيه بقي.
فسرت قسمت:
ما هو البرجوازي اللى بيستغل إحتياج العمال ويتحكم فى أجورهم وكمان وقت شغلهم ممكن يجبرهم يشتغلوا ساعات أكتر بأجور قليله.
ضحك إسماعيل قائلًا:
إستغلالي يعني، وهو باباكِ مش إستغلالي وطمع فى الشيكولاته.
ضحكت قسمت، فعقب إسماعيل:
وإنتِ كمان طمعتي فى بوكيه الورد.
نظرت له بسخط قائله بإستقلال:
تلات وردات هتحسبهم عليا بوكيه، دول حتى كانوا دبلانين، إنت كنت جايبهم منين؟.
تذكر قائلًا:
الدبلانين دول وقفوا عليا بربع مرتبي من المستشفى، كنت ماشي بالعربيه أدور على محل ورد، أو حتى مشتل، لقيت بيت مزروع فيه ورد فى البلكونه، كان فى عيل غتت واقف وساومني على حق الوردة، وعشان أرضيكي وافقت، لقيت أمه وأبوه كمان أستغلوا الموقف، كان ناقص يساوموني عالبدله، عالم إستغلاليه..وفى الاخر باباكِ يقولى برجوازي.
ضحكت قسمت وهي تشعر بإمتنان قائله:
إستغلاليه عشان طلبت ورد شيكولاته؟.
اومأ رأسه مُبتسمًا ثم تنهد قائلًا:
هو ينفع نتجوز من ورا أبوكِ أصله شكله كده مش طايقني.
أجابته برفض:
طبعًا لاء مستحيل،وبعدين إنت هتستسلم من أول لقاء بينك وبين بابا،إنت لو شاريني هتحاول معاه تاني،وعلى فكره بابا مش ديكتاتوري...سهل يقتنع ويوافق على جوازنا،إنت اللى شكلك عاوز تتلكك و...
قاطعها بذهول قائلًا:
لو كنت عاوز أتلكك مكنتش فكرت فى الجواز من أساسه وأنتِ عارفه إن فكرة الجواز دي مكنتش فى بالي أساسًا.
إبتسمت بدلال قائله:
خلاص بلاش تستسلم وحاول مره تانيه مع بابا ومتاكده لما يلاقيك شاريني هيوافق بابا شخص مُتفهم وعمره ما كان ديكتاتوري معايا أنا أو واحده من أخواتي، هو بس بيخاف علينا أوي عشان بنات.
غمز إسماعيل بعينه قائلًا:
هو بصراحه عنده حق فى حكاية خوفه دي، بس نسيت أسألك هو باباكِ بيشتغل إيه.
إبتسمت واجابته:
بابا طلع عالمعاش، كان بيشتغل مدرس "لغة فرنسيه" دلوقتي بقى بيشتغل فى مدرسه خاصه.
ذُهل إسماعيل قائلًا:
مدرس فرنساوي وبيتكلم باللغه العربية الفُصحي آخر شئ كنت أتوقعه.
ضحكت قسمت قائله:
بابا عنده عشق خاص للغه العربيه بيقول عليها لغة لها "مفردات بديعية"... والحديث بها له مُتعة خاصة.
نظر لها بسخط قائلًا:
مُتعة خاصة، أبوكِ ده محتاج....
توقف للحظات ثم عاود الحديث:
أنا عرفت مين اللى تقدر على غتاتة أبوكِ وهيوافق عالحوازة غصب عن ديكتاتوريته.
❈-❈-❈
بالمشفى
ليلًا
آنت ثريا بآلم طفيف، سمعتها سعديه التى كانت تمكُث معها بالغرفة، نهضت سريعًا وأشعلت ضوء الغرفه كاملًا وذهبت نحوها سائله بلهفة:
ثريا مالك سمعت صوت تأوهك.
إبتسمت ثريا قائله:
أنا بخير، بس كنت بتحرك وإيدي شدت عليا شويه بسبب الإبر اللى فيها.
إبتسمت سعديه براحه وجلست على طرف الفراش جوارها أمسكت يدها بحنو قائله بمرح:
وشك نور والدموية زادت فيه، صحتك جايه عالمستشفى.
ضحكت ثريا قائله بغرور:
طول عمري حلوة وموردة يا خالتي.
ضحكت سعديه قائله:
لاء يا بت المحاليل هي اللى نفخت وشك وردت الدمويه فى وشك، غير كده كنتِ سودة من نقرتك فى الشمس طول اليوم.
ضحكت ثريا قائله:
كويس إن أمي اخيرًا رضيت وراحت تنام فى الدار، هنا مش بتنام طول الليل بحس بها، كل شويه تقرب مني.
تدمعت عين سعديه ببسمه قائله بمرح:
هي نجية أختي دايمًا إكده جلبها رهيف، عكسي تمامًً.
تبسمت ثريا قائله:
عارفه إنتِ جامدة ومفتريه يا خالتي.
تنهدت سعديه ببسمه قائله:
لاء يا بت انا مش مفترية، بس ايوه جامده
أم الصبيان لازم تكون جامدة، كفاية هو وعياله ضيعوا أنوثتي.
-أنوثتك
قالتها ثريا ثم ضحكت فـ توجعت قائله:
لما بضحك صدري بيوجعني.
نغزتها فى كف يدها بخفه قائله بمرح:
أحسن ببتريقي عليا يا بت، مشوفتنيش وأنا صبيه بنت خمستاشر سنه كان عودي فاير وابان أكبر من سني كان أبوي يجول للعرسان دي لساها صغار هى اللى خراط البنات خرطها بدري.
ضحكت ثريا فتوجعت قائله:
صادقة يا خالتي، ماهما بيقولوا إنى فيا شبه كبير منك، بس أنا على أحلى.
نغزتها سعديه مره أخرى قائله:
أحلى من مين يا بت، أنا طول عمري مربربه كده مش زيك مسلوعه، زي اللى عندهم السُل.
ضحكت ثريا قائله:
مسمهاش مسلوعه، إسمها جسمي سمبتيك.
-سمبتيك
قالتها بحُنق وسخط وأكملت:
ده حديت العيال بتوع اليومين دول، على أيامي كانت البنات بنات مش زي دلوق مفيش اي معالم للأنوثه الطبيعيه، كله نفخ إشي
شفايف وخدود وحاجات فوق وتحت ونحت وسط، تحسي حاجات مش راكبه على بعضها.
ضحكت ثريا قائله:
كفايه يا خالتي، إنتِ جايه تباتي معاي عشان تاخدي بالك مني ولا جايه تضحكيني عشان اتوجع.
تبسمت سعديه بحنان قائله:
إضحكي يا بت خلى وشك ينور، مش بيقولوا إضحك لها تضحك لك.
تبسمت ثريا بضحكه موجعه قائله بحنق:
والله ضحكت لها كتير هي اللى مش عاوزه تضحك لى.
تنهدت سعديه بآسي لكن حاولت بث الامل فيها قائله:
وماله إفضلي أضحكى برضك يمكن تتكسف على دمها وتضحلك.
نهضت سعديه تتثائب قائله:
وكفايه رغي أنا منعوسه وعاوزه أنام، لكن إنتِ مجضياها نوم بمزاچك.
ضحكت ثريا قائله:
والله انا زهجت من النوم عالسرير ده وعاوزه أطلع من هنا...كفايه إكده أنا بجيت زينه.
تبسمت سعديه قائله:
أهو جلبك الحامي ده هو اللي هيضيع عافيتك بدري،خلي زيي إكده بشتغل عالهادي،وبعدين إنتِ زعج(زعق)لك نبي نفدتى من الموت بأعجوبه بلاها شوية الحماسه دول...هقوم أمدد چتتي عالسرير التاني،إياكِ تئني تاني بلاش إزعاج كتير.
إبتسمت ثريا قائله بكيد مرح :
ياريت أمي اللى باتت معاي... عالاقل مكنتش هتسخسر فيا الوكل،اللى كنتِ بعتاه لى،هو ده اللى طلبته منك،خليتي سراج إتمسخر عليا.
ضحكت سعديه وغمزت بعينيها قائله:
آه صحيح يا بت فكرتيني من اللى وكلك بيده...بالتوكيد الوكل كان طعمة يشهي.
تهكمت ثريا بإستهزاء:
وكل ماسخ ومالوش طعم.
ضحكت سعديه قائله:
على خالتك يا بت،يلا كفايه رغي انا صدعت هنام بقى،تصبحي على خير،ووش سراج اللى يادوب بيسيبك مسافة الليل،لو مش مستحي مني انا وأمك كان بات إهنه.
تهكمت ثريا بسخط وأغمضت عينيها مُستسلمه وهي تتذكر معاملة سراج لها مؤخرًا بعد أن فاقت من الغيبوبه، رغم أنه مازال محتفظًا ببعض من جموده وتسلُطه، لكن هنالك شئ آخر تشعر به لا تفهمه... لم تفكر كثيرًا وإستسلمت لغفوة إجبارًا بسبب تأثير بعض أنواع الادويه.
بـ دار العوامري
تمدد سراج على الفراش يعقد يديه أسفل رأسه،ينظر الى جواره تلك الوسادة التى كانت تضع ثريا رأسها عليها أثناء نومها، زفر نفسه يشعر بإشتياق، تلك المُحتالة إستحوزت على جزء كبير من مشاعره، من كان يظن أنه بلا قلب أو وئد مشاعر قلبه، طغت عليه عاطفة قلبه،وضع إحد يديه على موضع قلبه الذي الآن رغم إشتياقه لكن يشعر براحه وهدوء وسكينه عكس قبل أيام فقط
عاش لحظات كآنها دهور من الزمن قبل أن تفتح ثريا عينيها
بالعود الى قبل أيام،حين إضطر الأطباء لمحاولة إفاقة ثريا طبيًا بعد عدم أستجابتها طبيعيًا،بالغرفه التي كانت بها،بالتأكيد لن تتحمل والدتها رؤيتها بذاك الاثناء،كذالك قد لا تستجيب للإفاقه،فضل الطبيب ذلك وإستسلمت نجيه غصبًا تنتظر بشارة بالخارج،بينما سراج ظل مع الأطباء،ينظر الى ثريا يُراقب كل جزء بجسدها...
"يديها،قدميها،وجهها"ينتظر إشارة من أي منهم تدل على إستجابتها للإفاقة،لم يطول الوقت،لكن مع ذلك الثانيه تمُر كآنها ساعات،لاحظ أحد الأطباء رمشة عين من ثريا،فأخبر الطبيب الآخر،تبسم فهذا أمل...مازالوا يحاولون،لاحظ سراج حركة يد ثريا التى تحرك أحد أصابعها ثم إرتخي مره أخري،كانت مؤشرات جيدة بدايتًا،ثم نهايتًا فتحت عينيها،أزعجها الضوء الذي تسلط عليها فجأة فأغمضت عينيها ثم فتحتها تدريجيًا ،ترا بغشاوة فى البداية الى أن إتضحت الرؤية، لم تتعرف على تلك الوشوش، لكن إبتسامة الطبيب حين قال لها:.
أهلًا برجوعك تاني يا مدام، ياريت تقرب يا سيد سراج... بالفعل إقترب سراج من وجهها وأصبحت تراه فى البدايه كان مازال عقلها غافيًا، بصعوبه نطقت:
إنت مين؟.
إستغرب سراج ونظر للطبيب، الذي تفهم، فـ ثريا ظلت لأيام بغيبوبه مازال عقلها لم يعود لإستيعابه الكامل... أومأ لـ سراج مُبتسمّا يقول:
متقلقش ده رد فعل طبيعي، عقل المدام لسه بيفوق من الغيبوبه، وعالعموم هننتظر لوقت لو إستمرت الحالة كده هنعمل آشعه عالمخ...
من حسن حظ سراج لم تستمر حالتها كذالك حين خرج الطبيب وبشر بقية عائلة ثريا أنها قد إستجابت وعادت للوعي، وسمح لهم برؤيتها، وبالفعل
دخلت نجيه ومعها سعديه ومعهن ممدوح التى تبسمت له ثريا، هو الآخر تبسم لها، تعرفت عليهم جميعًا مما سبب لـ سراج إحساس بالضجر، لكن تغاضي عن ذلك يكفي أنها عادت للوعي أخيرًا... مر يوم وفى اليوم الثاني تذكرت ثريا سراج.
عاود من تلك الذكري مُبتسمًا وهو يتذكر مشاغبته مع ثريا على إقناعها بأن تتناول الطعام مثل الأطفال، تنهد مُبتسمًا، ثريا بداخلها طفله تود بعض من الدلال.
❈-❈-❈
باليوم التالي
بالمشفى
بغرفة ثريا
تبسمت نجيه لـ رغد ورحبت بها بإمتنان لسبب زيارتها لـ ثريا بالمشفى، جلست معهن تبتسم وتحدثت بود... الى أن دخل عليهن ممدوح الذي جاء صدفة، أو ربما كان من حُسن قدرهما...
جلس قليلًا، بعد وقت وقفت رغد وتبسمت قائله:
الحمد لله إطمنت على ثريا، ربنا يكمل شفاها على خير، لما قولت لابوي أنى هزورك قالى متأخرش عشان الموصلات، هستأذن أنا، ومره تانيه حمدالله على سلامتك يا ثريا.
تبسمت لها ثريا بود، بينما نهضت نجيه قائله:
قربنا عالمغرب صحيح والموصلات هتبقى قليله، إنت كمان يا ممدوح إرجع للدار وفوت على خالتك أقول لها بلاش تتعب نفسها أنا هبات الليله مع ثريا.
تبسم وهو ينهض قائلًا:
تمام يا أمى.
تبسمت له بحنان:.
روح مع رغد أهو ونس لها فى الطريق.
أومأ موافقًا
غادر الإثنين بينما نظرت نجيه لـ ثريا قائله:
رغد بنت حلال.
اومأت لها مُبتسمه قائله:
فعلًا.
لمعت عين نجيه بأمنيه لاحظت ثريا تلك اللمعه وفهمتها وتبسمت ثريا، ثريا علمت أن ممدوح لم يُفكر للحظه ودخل خلفها يُعطيها من دمائه ما يجعلها تعاود الحياة، ممدوح مثلها هُزم، وهزيمته كانت أقسي من هزيمتها، فهزيمة الرجُل معناها إنكسار وإندثار، وهذا ما حدث معه لكن مازال لم يندثر، ربما هنالك معركه آخري فى إنتظاره وقد ينتصر بها.
سارت رغد جوار ممدوح بينهم مسافة لكن عقلها كان مشغولًا، لم تنتبة لسيارة الاسعاف الخاصه بالمشفى والتى كادت تصتطدم بها لولا أنه إنتبه ونظر نحوها صدفه فجذبها بعيدًا عن السيارة...
إنتبهت وبوله إنخضت لكن سرعان ما تبسمت لـ ممدوح الذي قال لها:
مش تاخدي بالك.
شعرت بحرج وكذالك رعشه بجسدها من لمسة يده... سُرعان ما سحبت يدها منه وتبرجل عقلها بخجل صامته واكملا سيرهما معًا الى أن وصلا الى مكان تلك الحافلات وصعدا معًا الى إحد سيارات الأجره جلس هو بالداخل، لكن لاحظ أن هنالك آخر صعد للسيارة وإحتك بـ رغد التى تضايقت منه بسبب ذلك،فهم أنها متضايقه،فنهض قائلًا:
رغد تغالى اقعدي إنتِ جنب الشباك.
وافقت ببسمه وإعتدلت جالسه مكانه وهو مكانها جوار ذاك السخيف...شعرت بنسمة هواء خريفيه مُنعشه تدخل الى روحها تزيدها أنشراحً،مشاعر تخشي لو اباحت بها لنفسها قد يُدمرها القدر.
❈-❈-❈
بعد مرور عِدة أيام
صباحً بـ دار عمران العوامري
نهض سراج من خلف طاولة الطعام مُبتسمًا بعدما سأله آدم:
هي ثريا هتخرج النهارده من المستشفى.
تبسم قائلًا:
أيوه الدكتور قال حالتها بقت كويسه وتقدر تخرج من المستشفى وإن إحتاجت لأوكسچين وممكن نجيب لها أنوبه هنا.
إبتسم آدم كذالك حنان التى قالت بمحبه:
ربنا يكمل شفاها على خير.
إبتسم سراج لها وهو يغادر لكن توقف مع عدلات بردهة الدار وسألها:
كل حاجه بقت جاهزه.
إبتسمت له قائله:
تمام يا سراج بيه، وفرحانه إن ربنا خد بيد ثريا وربنا كتب لها عمر جديد، ربنا يسعد جلبها وجلبك يارب وتتهنوا سوا.شراء الكتب الأكثر مبيعًا على الإنترنت
أومأ لها مُبتسمًا...وغادر
بينما بغرفة السفره تفوهت ولاء عن عمد:
وإنتِ يا حنان مش ناويه بقى تقلعي لبسك للعبايات السوده ده، إنتِ المفروض لسه عروسه، معرفش ايه فجأة اللى حصل فى الدار ده، نحس وصابنا، من بداية جواز سراج وبعدها آدم، يظهر الناس حسدونا مفكرين إننا الفرح عندنا زايد.
كادت أن ترد عليها حنان، لكن نظرة آدم منعتها حتى هو الآخر ظل صامتًا، لكن قطع صمته صوت رنين هاتفه، أخرجه من جيبه ونهض قائلًا:
دي خالتي رحيمه هطلع أكلمها من الجنينه لو خلصتي فطورك تعالى معايا يا حنان.
إبتسمت حنان ووضعت يدها بيده المُمدوة ونهضت معه وغادرا، مما سبب ضيق لـ ولاء التى التزمت الصمت فيكفي ما تشعر به من غِل وحقد.
بينما خرجا آدم وحنان الى حديقة المنزل وتحدثا مع رحيمة التى صدفة علمت بإصابة ثريا من حنان لامت عليهما أنهما أخفوا عنها ذلك فـ ثريا لديها مكانه بقلب رحيمه وطلبت من آدم إرسال سيارة خاصه كي تأتي بها، أغلق آدم الهاتف ونظر الى حنان التى تبسمت له قائله:
هتتأخر بالليل.
إبتسم مجاوبًا:
معرفش.
إبتسمت بدلال قائله:
لاء متتأخرش وأرجع بدري عشان أنا بقلق عليك لما تتأخر... ومش بعرف أنام غير لما ترجع الدار قلبي بيطمن.
إبتسم لها قائلًا:
تمام، هحاول، إنت هتروحي بيت أبوكِ النهاردة.
هزت حنان رأسها بـ لا قائله:
لاء، هفضل فى إستقبال ثريا.
إبتسم آدم وهو يُغادر، ربعت حنان يديها حول صدرها تتنهد بعشق تنظر فى آثر آدم، لكن قطع نظاراتها صوت هاتفها... أخرجته من جيبها ببسمه لكن سُرعان ما إنسأم وجهها وهي ترا هوية مُرسل تلك الرساله، فى البدايه كادت تتجاهل الرساله، لكن بالخطأ فتحت الرساله وقرات فحواها وإرتجف قلبها... تخشي على سعادتها مع آدم أن تنتهي سريعًا، بل الاسوء تخشي على آدم نفسه.
مساءً
بمنزل قابيل
بشقته مع إيناس دخل وجدها تجلس أرضًا تقوم بتوبيخ صغيرتها بسبب أنها قامت بسكب محتوي كآس العصير، تضايق منها وجذب صغيرته التى تبكى وحاول تهدئتها،بينما إيناس نهضت بغضب تخفي احساسها بالنقص أمام قابيل، ذهبت الى غرفة النوم وتمددت على الفراش، بعد دقائق دخل خلفها وجدها مازالت مُستيقظه، فقام بعتابها قائلًا:
على فكره دي بنت صغيرة والمعامله القاسيه دي معاها ممكن....
نهضت إيناس من فوق الفراش بتعسف قائله:
عارفه إنها بنت صغيره بس لازم تتربي مظبوط مش كل شويه تغضب وترمي أي حاجة فى ايديها أنا زهقت من دلعها الزايد.
إستغرب قابيل ذلك ولم يتحدث وذهب نحو شُرفة موحودة بالشقه،ليته ما خرج الا يكفي غباء تلك الجاحده،ليرا ما يجعلع يشعر بغضب زائد
خين رأي تلك السيارة التى توقفت وترجل منها سراج أولًا ثم خلفه
والدة ثريا وخالتها،ثم هي ليزداد غضبه وهو يرا سراج يحمل ثريا يدخل بها الى الدار...دلف الى الداخل وأغلق باب الشرفه الزجاجي،كم ود تكسير ذاك الزجاج،لكن حاول تمالك غضبه الذي هدأ بعدما نظر الى شاشة هاتفه وتبسم،وكاد يغادر الشقه،لكن أوقفته ايناس بسؤال:
إنت خارج؟.
أجابها وهو بعطيها ظهره:
أيوه،وخفي شويه من القسوة على بنتك.
غادر وتركها تشعر بجحود،وهي تسمع عن إهتمام سراج الفترة الماضيه بتلك الحمقاء المُتسلقة ثريا التى لا تقارن بها فهي ذات أصل ونسب عالي عنها،بينما هي تجاهل قابيل مرضها منذ أن كانت بالمشفي قام بزيارتها مره واحدة كآنها بلا أهميه،خسارتها لرحمها الذي معه فقدت فرصة أن تكون أم مره أخرى وتُنجب أطفال أكثر قد توطد علاقتها بـ قابيل
قابيل التى عشقته منذ أن وعت على الحياه أصبح لها هوسًا ظنت بالزواج منه أنها وصلت الى مُبتغي السعادة،لكن...
لكن ماذا؟
لن يتخلي عنها هو فقد حزين على ما أصابها وجفاؤه هذا مجرد وقت فقط.
❈-❈-❈
قبل دقائق
توقفت سيارة سراج هرول منها سريعًا ذهب نحو الباب الخلفي فتح باب السيارة لـ ثريا التى تحاملت على نفسها وترجلت هي الأخري
نظرت لها نجيه قائله:
الدكتور قال بلاش توقفي كتير على رٌجليكِ.
جائت من الخلف سعديه هي الاخري موافقه نفس حديث نجيه،إستسلمت لهن ثريا قائله:
تمام أنا يادوب نزلت من العربيه،والمسافه من إهنه للاوضة مش كبيرة وهقدر...
نظر لها سراج قائلًا:
مش هتقدري تمشيها يا ثريا،بلحظه كان يحملها رغم إعتراضها،لكن هي حقًا لن تستطيع السير حتى لبعض خطوات،كما أنها آنت بآلم بسبب حمل سراج لها،لكن لم تُظهر ذلك لسببين
السبب الأول عنادًا وأنها اصبحت بخير...
والثاني مراعاةً لخوف والدتها قد تفزع وتطلب من سراج إعادتها للمشفي وهو لن يعترض ليس حبًا فيها بل لانه يعلم انها مثل المُقيدة بتلك المشفى...صمتت دون إعتراض بينما أخفى سراج بسمته حتى لا تضجر ثريا،كذالك يترقب رد فعلها بعد لحظات
صعد سراج بـ ثريا وخلفه سعديه ونجيه،لكن إستغربت ثريا حين تخطي سراج مكان غرفتهما وصعد الى أعلى وكادت تسأل لكن تفاجئت بـ رحيمه تقف أمام باب تلك الشقة المفتوح تقول بحِنيه ممزوجة مع عتاب:
إكده يا سراج تخفي عليا اللى حصل لـ ثريا،أنا كنت بسألك عنها تجولي إنها بخير،تقول عليا إيه دلوق إني معبرتهاش.
تبسم سراج قائلًا:
معليشي يا خالتي حقك عليا،وسعي خليني أدخل ثريا ونتعاتب بعدين.
إبتسمت له رحيمه،مع ذلك ثريا مازالت غير مُتفهمه،حتى دخل سراج بها الى تلك الشقه التى أصبحت مُجهزة بأثاث كامل،تجولت عينيها دون فهم،حتى حين دخل سراج الى إحد الغرف التى كانت مجهزه بأثاث غرفة نوم جديده،وضعها على الفراش بهدوء وحذر،نظر الى عينيها التى تضخ بسؤال،لم تنتظر وسألته:
إيه اللى جابنا هنا،ليه مروحناش الأوضة اللى تحت.
تبسم مُجيبًا:
دي شقتنا وأخيرًا جهزت،الاوضه كانت وضع إحتياطي بسبب إن جوازنا تم بسرعه.
تهكمت ثريا بسخط قائله بإعتراض:
شقتنا...
أومأ سراج مؤكدًا:
أيوه وخلاص إنتهت من التشطيب وكمان الفرش.
إتسعت عين ثريا بغباء وهي تنظر الى بسمة سراج،لكن بداخلها إندهاش،قبل إصابتها لم تدخل تلك الشقه وكانت تعلم أنها شبه مُنتهية التشطبيات الاساسيه،وبها بعض الأثاث،لم تهتم رغم معرفتها ان تلك الشقه خاصه بـ سراج حتى ليالى حين كان يتشاجران كان يبيت بها ليلًا،ما الذي تغير...
سؤال إجابته لدى سراج،لكن بسبب بعض الآلم صمتت حين دخلن والدتها مع سعديه ورحيمه،التى تبسمت لـ ثريا وجلست جوارها على الفراش بهدوء تتحدث لها بحنو،وثريا تطمئنها انها أصبحت بخير وانها ليست عاتبه ولا أخذه بخاطرها من تجاهل رحيمه بل إلتمست لها المحبه التى دائمًا كانت تراها منها.
بينما غادر سراج الشقه وتركهن مع ثريا لا تعلم الى أين ذهب وتركهن معها لتلك الاسئله برأسها، لماذا الآن جاء بها الى هنا... ما الذي تغير عن السابق.
❈-❈-❈
باليوم التالي قبل سطوع الشمس
باحد دهاليز سفح الجبل، كان الظلام، دخل قابيل الى ذاك المكان، لكن سُرعان ما إنخض حين أشهر ذاك المتوحش سلاحه نحوه، شعر بهلع قائلًا:
أنا قابيل.
أشعل الآخر ضوء هاتف خلوي وسلطه نحو سراج، فأخفض سلاحه، آلتقط قابيل نفسه الغائب قائلًا:
قطعت خلفي يا أخي، هو فى حد يعرف إنك إهنه غيري.
تحدث الآخر بغلظه:
عاوز إيه يا قابيل.
جلس قابيل الى جواره قائلًا:
جايلك فى شغلانه مفيش حدا هيعرف يعملها غيرك.
سأله:
وإيه هي الشغلانه الل. تخليك تتسحب لإهنه دلوق؟.
أجابه ببساطة:
إغتيال سراج العوامري... اللى لك طار حداه هو اللى صفي عدد كبير من رجالتك وخلاك تبجي مذعور إكده ومتسخبي كيف الولايا.
لمعت عين الآخر فهو يشتهي دائمًا الإجرام، فكر للحظات ثم قال له:
تمام سيبني كام يوم أفكر فى طريقه وكمان أجمع رجاله معايا من اللى هربوا يوم مداهمة البوليس، تعرف لو أنا مش شايف سراج العوامري نفسه بين قوات الأمن مكنتش صدقتك، أنا بصعوبه هربت منيه.. دلوق لازمن أفكر كيف أخد طار رجالتي منه.
❈-❈-❈
ظهرًا
بشقة ثريا، مازال بعقلها سؤال لماذا جاء بها سراج الى تلك الشقه،
كانت نائمه فوق الفراش، حين صدح رنين هاتفها، جذبته وتبسمت، حين رات رقم خالتها،تذكرت إتفاقهن صباحً بان تقوم بتجهيز قطعة أرضها لزراعة القمح فلقد تأخر الوقت،وكل ذلك كان بسبب إصابتها،أصبح لابد من تجهيز الأرض،إتفقن ان تقوم هي وزوج خالتها بحرث الأرض وتجهيزها،ربما هنالك شئ تود إخبارها به،بالفعل قامت بالرد لتسمع خالتها تقول:
ثريا إنتِ كنتِ متفقه مع أُجريه يحرتوا الأرض ويجهزوها، أنا فى الأرض وفى راجلين معاهم محرات بيحرتوا الارض.
استغربت ثريا قائله:
كنت هتفق معاهم كيف يا خالتي وانا فى المستشفى، قربي منهم كده بس بحذر وأسأليهم إيه اللى نزلهم أرضي،وخليكِ معاي عالموبايل متقفليش، جوز خالتي معاكِ.
أجابتها وهي تسير نحو ذاك الذي يحرث الأرض قائله:
أه معاي متقلقيش، ده هما إتنين وشكلهم مش شرانين، إنتظرت ثريا معها على الهاتف حتى سمعتها وهي تسأل أحدهم:
يا ريس جولى مين اللى إتحدت وياك وجالك تحرت الارض.
أجابها ببساطة:
سراج بيه العوامري.
سمعت ثريا قول العامل،كزت على أسنانها بغيظ،تقول:
ما شآنه ولما يفعل ذلك هل يظن أن يستغل مرضها ويسطوا على الأرض لكن واهم،
أغلقت الهاتف تشعر بغيظ مُستعر وحسمت امرها وتحاملت على آلم جسدها،وبدلت ثيابها بأخري مناسبه لابد أن تذهب الى أرضها لن تتركها له،فالبتأكيد أفعاله الحسنه معها بالايام الماضيه كانت خداعً
خرجت من غرفة النوم بغضب تتراقص الشياطين أمامها لعدم إنتباهها تصادمت فى سراج الذى جاء للتو، شعرت بآلم بجسدها بسبب ذاك إلاصتطدام، إنخض سراج حين رأها تآن بآلم طفيف، هلع وضع يده فوق كتفها سائلًا:
ثريا مالك،إيه اللى بيوجعك أتصل عالدكتور يجي يشوفك.
نظرت لـ سراج تشعر بإندهاش من لهفته عليها وطريقة حديثه الهادئه معها مؤخُرت ، فكرت أحقًا يخاف عليها أم هذا رياء... ثواني وأجابت نفسها
بالتأكيد رياء، نفضت يده عنها بضعف وكزت على أسنانها تتحمل ذاك الآلم ثم نظرت لـ سراج بغضب قائله:
إنت بعتت أُجريه يشتغلوا فى أرضي.
أجابها ببساطه:
أيوه، هو ده السبب اللى قومك من السرير.. فيها إيه؟.
صقكت أسنانها بغضب قائله:
إنت مين عطاك الحق تبعت أُجريه يشتغلوا فى أرضي
سراج بلاش تلعب معايا دور الحِنية ده مش لايق عليك إحنا عارفين بعض كويس، وإبعد عن أرضي مالكش دعوة بها،وأهو إنت شوفت فى لحظة كان ممكن أموت وبرضوا مكنتش هتورث الأرض لوحدك.
إبتلع حديثها الجاف وهو ينظر لها وإرتسمت بسمه على شِفاها قائلًا بعبث:
مش أرض مراتي وجنب أرضي، قولت لهم يجهزوها عشان زراعة القمح والارض متبقاش متأخره عن جيرانها.
شعرت بغيظ من رده البارد وكادت تتحدث لكن سراج ضمها بين يديه قائلًا:
على فكره الدكتور قال بلاش تتعصبي عشان نفسك ميضقش، وكمان لازم تفضلي راقدة فى السرير لأن الجرحين اللى فى جسمك لساهم ملتئموش، وممكن ده يأدي لمضاعفات تاني.
جذب يدها للسير معه، لكن هى شعرت بعصبيه وحاولت نفض يده لكن تألمت، رجف قلب سراج لكن إمتثل بالهدوء قائلًا:
العصبيه مش هتفيدك، وبلاش عناد يا ثريا، عنادك ده كلفك خسارة كبيره قبل كده.
نظرت له بغيظ وسأل عقلها:
وهل تعلم شئ عن خساراتي السابقة، حين غصب ذاك المُجرم غيث بالعودة الى براثن إجرامه... لكن لا هي ليست تلك الفتاة الضعيفه التى كانت تُشبه الرمال الهشه التى أقل عاصفة هواء تجرفها، هى أصبحت صخرًا فى
«صحراء جرداء»
يتبع....
🔥دمتم سالمين🔥
الفصل الثالث والعشرون والرابع والعشرون من هنا
لقراءة جميع فصول الرواية من هنا