رواية ولنا في الحلال لقاء
الفصل الخامس عشر 15 الجزء الثاني
بقلم منى الهادي
*(في البلد )*
اهلن يا يونس اتفضل علي الراكوبه ديك خلي انادي ليك ابرار
لا يا سندس انا مستعجل والله نادي لي ابرار هنا بس اديها الفاتحه و اطلع امشي على الدكان خليته فاتح قاعد فيهو الا اخوي الصغير
سندس قالت ليهو متتفضل من الوقفه بس قال ليها الله يكرمك بس نادي لي ابرار
سندس قالت ليهو طيب دقائق بس ودخلت جوه لقت ابرار كانت تبكي قالت ليهي يا ابرار اطلعى برا منتظر عايز يديك الفاتحه
ابرار قالت لها ما تخلي يتفضل جوي سندس قالت ليها لا قال مستعجل اطلعي ليهو
ابرار عدلت توبها وطلعت لقت يونس بقت تبكي
قال ليها الفاتحه لي امك يا ابرار
ابرار فتحت الفاتحه
يونس قال ليها الله يرحمها ان شاءلله الدنيا دي اصلآ كده كلنا بنمشي ومافي زول ببقي فيها الله يقويك ويجبر كسرك
ابرار قالت ليهو شكراً يا يونس
يونس قال ليها الواجب يا ابرار وقام ماشي لحقتو ابرار كم خطوه قدام قالت ليهو
يونس يا يونس
يونس اتلفت عليها قال ليها خير يا ابرار عايزه حاجه؟!
قال ليها عايزه شنو اتفضلي!
ابرار:_عايزه اتشكركك يا يونس برغم من كل حاجه انت جيت وعزيتني وانا ظلمتك وغلطت في حقك كتير الله يستر علي عرضك ان شاءلله
يونس:_مهما كان ده الواجب يا ابرار يلا اشوف وشك بخير
ومشي وخلها ممتنة ليهو شديد
(تفتكرو ابرار اتغيرت فعلاً)
(الحاجه دي بنعرفها بس برضو موت عشه كسر ابرار شديد وخلها تفهم حاجات كتيره)
*(في غرفه منى)*
من اتلبكت من سؤال متوكل بس برضو قالت هسه ما بدخل متوكل في الموضوع لحد ما اعرف نهايه الكلام ال قالو الولد واعرف كيف انتقم منو انو سمح لي نفسه يشتغلني كده
(ويمكن دي اكبر غلط غلطه ارتكبته منى انها م صارحت متوكل بالموضوع من البدايه)
منى:_لا بس شكلو الرقم غلط وانت شايف انو الرقم م مسجل
متوكل:_اي م مسجل بس حسيت الولد متلبك وكان قاصد بت بس من سمع كلامي غير كلامه وقفل السكه
منى:_قاصد شنو يا متوكل؟!
متوكل:_لا م قاصد حاجه بس عايز اقول ليك لو في رقم ضايقك كلميني عشان انتي م عارفه في ناس كعبه شديد وإلا نديهم العين الحمرا
منى:'طيب يا متوكل
متوكل:_جا حضنها قال ليها هسي طالع لكن بعدين بجي عازمك علي عشاء ظابط برانا
منى:_طيب ☺️
سوزان قالت لي امها سديم قالت اخدت اول خطوه في الموضوع 😂
امل:_اتاري شايفه منى مهمومه وجيت بي جنبها م انتبهت لي ناديت ليها بس م حست بي 🤭
سوزان:_بس تفتكري بتكون ورت متوكل؟!
منى الموضوع بمشي عليها بس متوكل لا مستحيل موضوع زي دا يمشي عليهو
امل:_لا مستحيل تقول ليهو انتي م بتعرفي بنات القري جديدات النعمه
سوزان:_كان كده ظابط شكلنا ح نشوف نتيجه قريب
امل:_بس سديم م ورتنا البعمل معاها في الخطه منو وانا نفسي اعرف والله
سوزان:_تصدقي يا امي انا برضو م ورتني سالتها كتير شديد بس بتقول لي اعرفي انتي وامك لحدي هنا وتاني خلاص
م علينا سديم بتشغل معاها منو المهم نشوف نتيجه
امل:_الصراحه في حاجه قلقانه منها بس م عارفه اقولها ليك كيف
سوزان:_حاجة شنو يا امي
امل:_سديم دي عندها مرض نفسي بعد مرات بحسها مجنونه عديل خايفه لو الموضوع م ظبط تقلب الطاوله علينا ويكون زي الزول الحفر حفره ووقع فيها هو
سوزان:_لا يااااخ م تقولي كده يا امي بزعل منك سديم المرض شبه اتعالجت منو وبعدين مش احسن ليك سديم وم تزعليها من القروية دي؟!
امل:_والله صح احسن لي سديم
اولا بت شيك وفاهمه وم بخجل بيها قدام الناس
ثانيآ بتتكلم بطريقه شيك شديد
ثالثآ عايزه انتقم من منى
رابعاً عايزه اعلم علي ابوك بحاجه لمن اثبت ليهو اختيارو لي منى غلط
و
و
و
و
سوزان:_حلو اذآ خلينا مع سديم وبنكسب حاجات كتيره
*(عند سديم)*
م تكون وضحت ليهو حاجه؟!
الصوت:_لا ادارتك الموضوع سريع وعرفت م هي البتتكلم عشان كده عملت حكايه انو الرقم غلط بس حاسي متوكل بكون شك
سوزان:_لا م تخت في بالك مستحيل يكون شكك فيها بسهوله كده
الصوت: طيب طيب اواصل ولا اقيف؟!
سديم:_لا م تقيف ولا تقيف بس بوريك كيف تتسلسل في القصه دي لحدي م نصل لي العايزنو بسهوله
*(عند منى)*
الو كيفك يا تالين؟!
تالين:_اهلين يا مزه عافيه والله انتي كيفك؟!
منى:_الحمد لله بقولك شنو؟!
تالين:_اتفضلي
منى:_انتي الليله وراك شغل كتير!!
تالين:_لا م شغاله قولي لي عايزه حاجه؟!
منى:_اي متوكل عازمني عشى وعايزه اعمل ميكب حلو انتي عارفه م لي فيهو
تالين:_اشي اشي
حالآ يامزه اصلآ انا الليله م شغاله بجيك بعدين
منى:_طيب شكراً منتظراك ياجميله 😘
تالين:_العفو يا عسل