رواية ولنا في الحلال لقاء
الفصل السادس عشر 16 الجزء الثاني
بقلم منى الهادي
سندس كانت بتتكلم مع ابرار
قالت ليها مالك يا ابرار من طلعتي لي يونس وجيتي حالك اتغير كده؟!
ابرار:_كلووو كوم وجية يونس لي دي كوم تاني صاح انا وامي ناس الحله ديل اي زول عندنا معاه موقف ابشع من التاني بس يونس دا عندي معاه كمية مواقف كعبه لا تحصي ولا تعد ومع ذلك جا وعمل الواجب وعزاني في امي 😭💔
سندس:_يونس زول كويس يا ابرار وانا نفسي م كنتا موافقه علي العملتيهو فيهو بس برضو م حبيت اتدخل وقلتا انتي ادرا
ابرار:_الظاهر اني ظلمتا نفسي والناس كتير يا سندس بسبب جهلي الله يغفر لي بس
(الدنيا دي غريبه عجيبه بتخليك تطمع فيها لمن تخسر كل الحوليك وبعدين تزيح ليك الغشاوه عن عيونك وفجأة تلقي نفسك خسرت كل الحوليك ونفسك في المقام الأول)
الجرس ضرب
ماريا فتحت الباب
جات داخلهه تالين
لقت امل في الباب سلمت ليها وقالت ليها اتفضلي اقعدي معاي سوزان مافي
تالين:_لا معليش يا خالتو انا ح اطلع لي منى فوق
امل:_منى؟!
تالين:_اي يا خاله منى انا وهي متوكل عرفنا علي بعض وبقينا اصحاب شديد
امل:_اتضايقت قالت ليها انا م عايزه اقول ليك كده ولا كده بس انتي زي بتي وبقول ليك البت دي اخطيها
تالين:_ليه بتقولي كده يا خاله؟!
وقبل م امل تفتح خشمها جات منى قالت لي تالين انا بقول ليك ليه؟!
عشان عمتي م بتحبني
عشان كان نفسها تزوج لي ولدها بت تكون بت مدن وقرت جامعات وبتعرف لغات
تالين:_بس انتي احسن من ناس كتير يا منى علي الاقل دواخلك نقية اياك تكرهي حاجه في نفسك بسبب حاجه او كلمه
منى:_اطمئني يا تالين انا الحياه العشتها خلتني انفض لي الناس وم اشتغل بكلمهم
تالين:_وانا فخوره جدآ جدآ جدآ انك صحبتي وانا صاحبت ناس شرق وغرب بس زي منى وتلقائيتها العرفتها من يومين دي م لقيت زيها نهائي
امل:_هو انا قلتا ليكي شكريهااا لي انا نصحتك وبعدين راسك خلاصك اعملي العايزه انا حزرتك بس
تالين:_وانا عارفه مصلحتي يلا يا منى خلي اعمل ليك الميكب قلتا ليها يلا سقتها وطلعنا فوق وانا بغمز لي نسيبتي عشان زول تاني زي تالين لي قائمتي 😉🤭
*(عند يونس)*
كان بتكلم مع متوكل
يونس:_لا والله يا متوكل كنت جااااي بس حصلت لي بعض المواقف وعطلتني بس بجي ان شاءلله
متوكل:_عطلتك شنو يا زول مش انت قبل كم يوم قلت لي م عندك حاجه بتفكر تجي بس انا بقول ليك كده عشان مجهز ليك وظيفتك وانت م جيت
يونس:_معليش حصلت بعض الأمور بس يا متوكل
متوكل:_امور شنو بس يا يونس خير يا اخوي قول لي
يونس:_لا بس لسه وضع اسرتي م استقر وبرضو عندي ليك خبر شين
متوكل:_خبر شنو؟!
يونس:_عشه خالة منى اتوفت يااااخ
متوكل:_لا حوله ولا قوه إلا بالله العلي العظيم الله يرحمها ان شاءلله متين بس
يونس:_قبل اسبوع كده
متوكل:_لا حول الله وليه م قلت لي
يونس:_الصراحه عشان افتكرتكم م عايزين تتذكروها تاني
متوكل:'طيب يازول الله معاك حاول تجي بسرعه ماشي؟
يونس:_ان شاءلله
متوكل زعل علي عشه وعلي منى م عارف رد فعلها ح يكون شنو بس هو ح يوريها
تالين:_انتي عايشه مع الناس ديل كيف وهم كلهم بكرهوك كده م خايفه ينتقمو منك؟!
منى:_والله م عارفه اقول ليك شنو يا تالين ورب الكون م عملت ليهم حاجه تزعلهم مني من يوم شفتهم بس عمتي قالت ليك م عايزه لا عمي ولا متوكل يحبوني وعايزه متوكل يطلقني ويوديني البلد
تالين:_صدقني انا بعرف خالتي امل دي لو ختت زول في راسها م بتخلي م عايزه اخوفك بس لازم اقول ليك اعملي حسابك منها
منى:_لا م هو انا م زي اي زول اصبري لي ليها يا حبتني يا كمان انتهينا من حاجات كتيره
تالين:_الله يستر
اثناء م تالين بتتكلم مع منى الرقم المجهول جا داخل بمكالمه ومنى بقت تعاين بتوتر لي التلفون مره ولي تالين مره........
*لم تكُن أُنثى كانت زهرة مُلونة كـأجنحة فراشة ،تملكُ روح نَجْمَة ربيعية؛ كما لو إنها خليط لكُل البهجة في العالم..*