رواية ولنا في الحلال لقاء
الفصل السابع عشر 17 الجزء الثاني
بقلم منى الهادي
_مالك يا منى متوتره قولي لي دا منو؟!
منى:_شوفي يا تالين انا ح اقول ليك حاجهبس اوعديني م تقولي لي زول وتشوفي حل معااااي
تالين:_خير يا بت خوفتيني الحاصل شنو؟!
وعد مافي زول ح يعرف اي حاجه اطمئني
منى:_في ولد من امس بتصل لي وقال لي بحبني وم عارفه شنو وعامل فيها بهددني وانو ح يطلقني من متوكل عشان يتزوجني هو
تالين:_نططت عيونها 😳😳😳 وم تكوني صدقتيهو بس يا منى
منى:_اصدقو شنو يا تالين ياخ انا خايفه اقول لي متوكل يفهمني خطأ عشان كده فضلتا محتفظه بي الكلام دا وم عارفه اقول ليهو شنو بس انا خايفه بيتي يتخرب يا تالين لو متوكل عرف في ولد اتصل لي ويفتكرني انا الاديتو الرقم ومتفقه معاهو
تالين:_فعلاً مشكله يااااخ طيب خلينا نشوف حل لي القصه دي بس شوفي انتي متوكل م تجيبي ليهو سيره لحدي م نعرف الموضوع منبعه الأساسي وين؟
قولي لي يا منى انتي م عرفتي اسمه منو ما اقدرتي توقعيهو بي الكلام؟!
منى:_ يا اخ هو ذاته م بديني فرصه عشان اقدر اوقعه بالكلام يا اخي اقسم بالله انا خايفه شديد من امبارح مهمومه المهم هسه اتصرفي شوفي لي حل
تالين:_ طيب ما تخافي انا بلقى ليكي حل يرضيك ويكشف لينا الولد ده ونشوف الزول الوراهو
غير كده نحن نقول لمتوكل في الوقت المناسب عشان يساعدنا لكن هسه في البدايه خلينا نتصرف انا وانتي خلينا نساير الولد ده و نشوفه عايز يصلي لي شنو؟!
منى:_ المهم انا اتخلص من الموضوع ده بدون ما يأثر على علاقتي بي متوكل م ممكن بعد السنين دي كلها ربنا يكتب لي السعاده و يجي واحد انا ذاتي م عارفه هو منو يجي يخرب عليا
تالين:_مافي حاجه بتخرب قولي بسم الله
منى:_عايزه تتكلم تاني الرقم دخل ليها بي مكالمه مدت التلفون بي لبكه لي تالين تالين قالت ليها طيب افتحي السماعه وخليني اعرف لو بقدر اعرف الصوت وغير كده احتمال اقدر اعرف هو عايز يصل لي شنو
منى قالت ليها حاضر وفتحت الاسبيكر وبقت تتكلم معاه
_في البلد
فاطمه جات تتكلم مع ابرار قالت ليها شوفي يا ابرار امك لمن وصتني وصتني بحاجه تانيه بس م قلتها ليك قلتا لمن تطلعي من حاله البكاء الكنتي فيها ديك
ابرار:_قالت ليها بلهفه قولي لي يا خالتي فاطمه امي قالت ليك شنو عليك الله م تنقصي علي ولا كلمه 😭💔
فاطمه والله يا ابرار ما عارف اقول ليكي شنو؟!
لكن امك قالت انك لو عرفت طريقه تمشي تفتش على منى اعتذري منها ووصتني شديد قالت ليكي لو لقيتي منى قولي ليها قالت ليك خالتي عشه هي بتعتزر منك شديد وكلمة اسفه م كافيه في حقك امك قالت نفسها الناس الاتعدت عليهم كلهم يسامحوها واولهم منى
ابرار:_بكت قالت ليها لو قلتا ليك علي حاجه بتصدقيني يا خاله؟!
فاطمه:_قولي يابتي فضي كل الجواك
ابرار:_عارفه انو الناس ممكن م تصدقني بس بجد انا موت امي كسرني
اتخيلي يا خاله م كان باقي لي غيرها وخلاص فاتت وخلتني كنتا دايما بعاملها كعب مع أنه هي كانت بتحاول جهدها عشان تسعدني حتي لو علي حساب نفسها او حساب منى انا م عرفت قيمتها غير لمن فقدتها يا خاله
انا خلاص م باقي لي غيرها ربنا ابتلاني بي نفس الحاجه الكنتا بقولها لي منى كنتا بقول ليها هي شقيه وقتلت امها وابوها يعني انا نفسي برضو شقيه عشان م باقي لي زول 😭🥺💔
الحياة دي فعلآ دواره والله والله لا وراك يا خاله احساس م يكون فاضل ليك في الدنيا غير بت خالتك وبت خالتك نفسها اتبرت منك عشان حاولتي تقتليها 💔🥺
منى مستحيل تسامحني او تسامح امي يا خاله
فاطمه:_لا بتسامحك يا ابرار انتي بس اتغيري اهم حاجه تتغيري وبعدين منى قلبها طيب شديد م تخافي لو عرفت ح تزعل انا عارفه هي بت اصول كيف!
ابرار:_يشهد علي الله يا خاله اتغيرت ورحمة الغالية امي 😭
فاطمه حضنتها قالت ليها الله يفتح عنك يا بتي ويبعد عنك كل كعب وانا من اليوم بتعهد ابقي ليك ام واعاملك زي سندس بتي واحد
ابرار بكت وحضنتها قالت ليها عارفاك م بتقصري يا خاله
_منى اتكلمت مع الولد شويه بس عشان تخلي تالين تسمع الصوت وقفلت منو علي كده
منى:_اها رايك شنو فهمتي حاجه من الولد دا يا تالين باين عليهو حويط شديد م بفرط في كلمه نهائي الزول يقدر يكشفه بيها
يا تالين
يا تالين
(تالين كانت سارحه)
تالين:_هاااااااااااا معليش سرحت شويه
منى:_سرحتي في شنو يا تالين م حرام عليك ياااخ انا بتكلم معاك وعايزاك تشوفي لي حل تقولي لي سرحتي؟! 🥺
تالين:_هس ياخ قايله سرحت وين م في قصتك يا غبيه
منى:_اها قولي لي طلعتي شنو من الحكايه؟!
تالين:_فعلآ زي م قلتي الود حويط بس ورب العرش الصوت ده حاسه اني سامعه قبل كده
لقراءة جميع فصول الرواية من هنا