رواية ولنا في الحلال لقاء
الفصل الثامن عشر 18 الجزء الثاني
بقلم منى الهادي
منى لمن تالين قالت حاسه اني سمعت الصوت كبست فيها قالت ليها منو يا تالين وريني دا منو العايز يشتغلني دا؟!
تالين:_م بعرف يا منى عقلي م قادر يجمع صاحب الصوت بس بجد الصوت مالوف علي شديد وحاسه اني سمعته اكتر من مره
منى:_وااااي م طمنتيني اصلك يعني معقول يكون زول قريب مننا؟!
تالين:_ م تستبعدي اي حاجه واتوقعي القدر من الناس ديل
منى:_م علينا بي الصوت اتذكريهو علي راحتك بس خلينا في الحاجه الفهمتيها من خلال المكالمه
قولي لي فهمتي شنو من السمعتيهو انا م شايفه في حاجه مهمه ممكن تفيدنا!
تالين:_بلعكس كلام الولد دا واضح يا غبيه والحاجه العايز يصل ليها واضحه جدآ معروف عايز يوقعك لكن عشان شنو دي الحاجه المجهوله
منى:_واااااااي يوقعني كيف انا خلاص قصتي بتنتهي مع متوكل قبل م تبدي عديل ولاشنو
تالين:_يازوله خلي الحاجه دي علي هو مش عايز يصيدك نحنا بنصيدو
منى:_طيب م اختصر الموضوع واحظرو بس بدل وجع الراس ده
تالين:_ولا تفكري ح يجيب شريحه تانيه وتلاته وعشره والمره دي احتمال يدخل عليك من باب تاني خليك معاه لحدي م نكشف الحقيقه نحنا
منى:_طيب الله يستر من البحصل بس 🥺
*(عند سديم)*
كانت بتتكلم بتلفون من شافت امها جات قالت برجع ليك وقفلت التلفون
عزة:_مالك قفلتي سريع كده م عايزاني اسمع كنتي بتقولي في شنو ولا شنو؟!
سديم:_لا لا م كده يا امي بس عشان انتهيت من كلامي وقفلت التلفون مع جيتك انتي افتكراني داسه منك حاجه
عزة:_م علينا مصره م عايزه تدخليني في خطتك الجديده مش؟!
سديم:_اصلآ م دخلت فيها زول خليها تمشي كتير وبعدين بحكي ليكي
عزة:_يعني ناس امل وبتها حكيتي ليهم بيها من البدايه وانا لا مش؟!
عايزه تثبتي شنو يا سديم؟!
سديم:_ولا حاجه بس زي م قلت ليك الحكايه تظبط بعدين بجي اقول ليك
عزة:_طيب براحتك شديد وطلعت خلتها
(طبعآ كلكم مفتكرين عزة خلاص بقت معاهم صح؟!
لا م بقت معاهم بس عايزه تعرف الخطه عشان سديم تخرب وهي تصلح من وراها وهي بتقول اي حاجه ولا خراب بيت الحلال وبرضو عشان م عايزه تخلي بتها ترتكب حاجه بشكل ده وتحاول تعالجها في نفس الوقت)
فرح لقت م عندها موضوع قالت تمشي تشغلها لي امل شويه اصلآ كده كده عارفه تمامآ امل بسكوتها كم يوم دي بتكون بتخطط لي منى في حاجه
فرح فتحت غرفة امل ودخلت امل كانت قاعده في السرير وبتتفرج علي التلفزيون
امل:_مش انتي يا حيوانه قال ليك لمن تجي داخلهه اي غرفة اضربي علي الباب ولا صح انتي ح تعرفي كيف وانتي جايه ليك من بلد وحمير وقطاطي
فرح:_ايواااااااااا ا تمامآ نفس البلد الكنتي بتعملي فيها في عمايل
امل بلعت ريقها قولي لي دايره شنو خلصيني
عايزه اعرف بتخطط لي بتي في شنو؟!
امل:_بتك م بتك انا م بتهمني وبعدين انا بتك دي طلعتها من دماغي خلاص عشان ترتاحو متوكل وعرف مصيروو واتزوجها وانا خلاص الموضوع بقي م بهمني
فرح:_ههههههه دي منو البتتكلم دي امل ال(..............) انا عارفاك كويس جيبي الجواك سريع
امل:_يعني لا كده عاجب لا كده عاجب ارجع اخرب عليها تاني عشان ترتاحي
يعني م ممكن مع الناس الجاهلين ديل م فاهمين حاجه واغبياء وبجو لي اسيادهم عشان يتحملو تمن عدم تعليمهم والغباء الكبير بتاعهم
فرح:_بقت كده مش؟!
كمان الليله اوعك تمسكيني ودي مشيتي عشان اكشف حقيقتك وم برتاح مالم اقولها لي كل الناس وعايزه تطلع
(عند المجهول صاحب الصوت)
هههههههه م عارفه يا سديم اني م بعمل كده عشان اوامرك لكن بجد البت تستاهل شديد
انا في البدايه بمشي علي تعليماتك لكن بعد الموضوع يتعمق تاني بي دور التاتش الخاص حقي😂
طريقه لا انتي ولا منى ولا متوكل م يفهموها دي جات كيف ولا باي طريقه خليكم كلكم جاهزين لي الانقلاب حقي البكون نتيجتو منى وثروة وحاجات تانيه
لقراءة جميع فصول الرواية من هنا