رواية ولنا في الحلال لقاء
الفصل التاسع عشر 19 الجزء الثاني
بقلم منى الهادي
فرح فتحت الباب وطلعت وناويه الليله خلاص حقيقه امل لازم تنكشف عشان تقتل القرور بتاعها دا هي حاولت تخليها تقعد في علبها بس امل م عايزه تجيبها لي البر يبقي بس حقيقتها تنكشف يا انتطردت يا كمان حصل ليها حاجه تانيه
لحقتها امل وبقت تعتزر منها عليك الله يا فرح بعد العمر دا كلو م تفضحيني تفتكري منظري ح يكون كيف؟!
فرح:_مش انا حزرتك وابيتي تسمعي خلاص ارجي الراجيك
امل جرتها ودخلتها الغرفه وقالت ليها خلاص اسفه والله تاني بمشي عديل بس حقيقتي خليها عندك استريني
فرح:_امممممممم طيب حاضر بس بشرط
امل:_قولي شرطك
فرح:_تبطلي تعملي حركات لي منى وتخليها تعيش في سلام بس والله لو عرفت مجرد عرفه انك اتعديتي علي بتي والله م اسكت ليك لو بقيتي خالقه نفسك ووقتها البير العميق المخبيه فيها سرك دي ح تبقي زير والناس كلها تشرب منو وتبقي علي كل لسان
امل:_لا لا خلاص حاضر
فرح:_خلاص اتفقنا يلا امشي جيبي لي شاااااي تجي تلقيني قاعده هنا
امل:_انااااااااااا؟!
فرح:_اي انتي خيالك قايله
امل:_خلي اكلم ليك ماريا تعملو ليك وتجيبو ليك في غرفتك
فرح:_هو يا ها انا قلتا ليكي ماشه غرفتي عاجباني غرفتك وشاشتك اكبر من الهناك عندي برنامج عايزه احضرو وانا عايزه اضوق شاهيك انتي امشي سريع وجيبيهو اشرب واطلع ليك م غرفتك وإلا والله اقعد لمن محمد يجي واقول ليهو الحقيقه حقتك بعدين اطلع
امل؛:_خلاص خلاص حاضر بتكون عندك بعد شويه وطلعت وهي متسرعه 😂
فرح قعدت في الكرسي وهي بتضحك قالت ليه انا م فكرت بلحاجه دي من زمان من اول م جينا البيت دا
بس يلا هسي بقدر اشغلها خدامه الكلبه اصبري لي مدام لميت فيها تاني م بتحل منها مالم يتصلح حالها او اخربها عليها بالمره 🤭
امل وهي ماشه بتنقنق انا القروية الخدامه تشغلني خدامه انا شااااي لي نفسي م بعملو خلي اعملو ليها هي
لا لازم القي لي طريقه اتخلص من المره دي وإلا هي البتخلص علي انا م صدقته فجأة يطلع لي زول عارف الحصل في الماضي
هوي يا امل لازم تتصرفي وإلا ح تخسري كل حاجه انتي فيها هسي!
_تفتكري يا تالين الولد ده في زول لازو علي؟!
تالين:_دي حاجه مؤكده م دايره ليها ذكاء يا شاطره
منى؛:_طيب تفتكري منو البكون عمل كده!؟!
تالين:_انتي عدائك كتير والحمد لله 😂
م علينا بس لو قدرتي تصلي لي الولد بتقدري تعرفي الحقيقه بالكامل
اها يخواني الحقيقه دي انا ببحث ليها ولا بنتظرها لحدي م تجيني في مكاني؟!
تالين:_طيب يازوله اسمعي انا بقول ليك شنو ونفذي بالحرف الواحد
متوكل قال راجع البيت بدري عشان يكلم منى بي موت عشه واكيد موضوع العشي ده لازم يتكنسل لي يوم تاني
ساق عربيو ورجع علي البيت
*عند يونس*
كان بفكر بس في ابرار والحاله الوصلت ليها والكسره الفي عيونها لمن شافها لو مهما حصل ح تبقي ابرار البت الوحيده الفي الحله دي كلها قلبو دقي ليها وكان من قلبو عايز يتزوجها بس برضو م قادر ينسي ليها مواقفها العملتها معاه في حين انو كان متمني يخفف عليها شويه
امل عملت الشاي وجابتو لي فرح وبقت تعاين ليها وفرح تعجبكم ولا هاميها امل تعاين ليها وهي إلا تشيل وتشفط في الشاي وبصوت عالي كمان الحركه الغياظه ديك 🤭
(عفيت منك يا فرح 😂)
امل امل كانت عايزه بس تهجم عليهت وتطلع روحها في يدها بس قالت في قلبها كل حاجه وليها وقتها رفعت راسها لقت فرح بتعاين ليها قالت ليها انا عارفه عقلك الوسخ يا امل اكيد مفكره تتخلصي مني صح؟!
اياك تفكري عشان انا عامله حسابي
امل بقت عامله كده 😳
قالت فرح دي اكيد ساحره 🤭
منى قالت لي تالين م عندي نفس لي عشى خلاص خلي اتصل لي متوكل اكلمو وقبل م تتصل ليهو الباب ضرب ودخل متوكل
*رساله لقلبي*
*آسفه لأني معقدة 💔*