رواية ولنا في الحلال لقاء
الفصل العشرون 20 الجزء الثاني
بقلم منى الهادي
متوكل جا داخل لقي تالين قاعده مع منى
متوكل قال لي تالين ازيك يا مجنونه!
كيف عامل واخبارك شنو؟
مالك اختفيتي الايام دي م شفتك من يوم الزفاف وانتي اول كنتي من بيتنا م بتطلعي يا كلبه
تالين قالت لي والله تقول شنو بس مشغوله مع المركز الايامات دي وانت عارف الايامات دي ايامات مناسبات وكدا وبعدين قلتا اطفر من وشك الواحد دا شويه 😂
قال ليها ايوه الله يكتر المناسبات ان شاء الله
قالت لي ان شاءلله يلا عندي عرائس منتظرني ح امشي يا منى!
على تواصل يا منى
منى قالت ليها كويس ان شاء الله بتصل عليكي يا تالين
تالين طلعت متوكل جا قعد جمب منى قال لها ما شاء الله بقيتي انتي وتالين اصحاب بسرعه
منى قالت ليهو تالين طيبه والله يا ريت كان اتعرفت عليها من زمان قال لها اي والله معك حق البت دي طيبه شديد بعرفها انا واهلي من زمان جداً وم حصل سمعنا منها كلمه كعبه نهائي الله يديها العافيه.
منى:_ان ان شاء الله يا متوكل بس انت قول لي مالك شكلك متغير كدا؟!
متوكل:_ الصراحه يا منى عندي ليكي خبر ما حلو بس م عارف اقوله ليكي كيف؟!
منى قالت ليهو كان قلبي حاسس من الصباح انو في حاجه دايره تحصل قول لي بسرعه خوفتني 🥺
متوكل:_الصراحه يا منى اتصلت علي يونس وكنتا بتكلم معاه وقال لي خالتك عشه اتوفت
منى:'عيونها رقرقت قالت ليهو انت جادي يا متوكل؟!
متوكل:_للأسف دا الحاصل
منى:_بقت تبكي
متوكل حضنها قال ليها انتي لسه عندك حنيه في قلبك اتجاه خالتك يا منى بعد كل العملتو فيكي في حياتك؟!
منى:_لو مهما حصل انا صح م قادره انسي انها ضيعت لي عمري بس هي خالتي في النهايه الله يسامحها ويرحمهاااا
متوكل:_سبحان الله قدر شنو قلبك طيب يا منى انتي بجد شخصيه عظيمه جدآ 🥺
منى:_الله يرحمك يا خالتي ان شاءلله
منى خلت متوكل ومشت عشان تقول الخبر دا لي فرح
*(عند امل)*
كانت قاعده مع زينب وبتتكلم معاها قالت ليها انا مليت من الحكايه دي م عارفه بس حاسه الموضوع في مكاناته تفتكري سديم م بدت تشتغل علي الموضوع ولا كيف؟!
زينب:_والله البت المجنونه دي م بعرفها بس مفترض ان شاءلله نشوف اعراض علي البت دي بس م شايفه عليها اي توتر ولا خوف
امل:_حقوو نخلي خطت سديم علي جنب ونبدأ نطهق منى وفرح في عيشتهم لحدي م يزهجوو
زينب:_فكره والله خلينا نفكر لينا في حاجه بس
امل بتفكر لحدي م لقت خطه قالت لي زينب انا لقيت خطه منى م بتقدر تنفد منها اسمعي بس
زينب قالت ليها قولي قولي
_منى مشت لمن وشها متغير دخلت علي فرح الغرفه واترمت في حضنها قالت ليها قالوا خالتي عشه اتوفت يا امي 🥺
فرح اتخلعت قالت ليها والله كضابه القال منو والكلام دا متين؟!
منى:_قال متوكل اتصل علي يونس ويونس حكي ليهو بكل حاجه برغم من انو هي م قصرت فيني بس بجد يا امي زعلت عليها شديد 😭
فرح:_مسكينه ياما عملت حاجات كعبه في الدنيا وماتت عليها الله يرحمها ويغفر ليها يارب 💔
منى:_ان شاءلله يا امي
فرح:_بس انتي غريبه عمري م افتكرتك ح تزعلي علي عشه دي لو ماتت او حصل ليها حاجه
منى:_ولا انا يا امي م بعرف ببكي عشان خالتي ولا عشان ماتت الخاله الضيعت لي طفولتي وكل احلامي الدنيا دي غريبه شديد يا امي منو كان فينا متخيل انو الدنيا توصلنا نحنا هنا ولا خالتي تموت بشكل دا!
فرح:_الدنيا دي غريبه يا منى اصلآ في ثانيه ودقيقه ممكن حياتك تتقلب راس علي عقب
منى:_صدقتي والله يا امي
*(عند المجهول)*
كان بتكلم مع سديم
اي كل حاجه تمام يا سديم انا مفكر اعمل حاجه اوقعها بيها واخليها متشوقه تشوفني
سديم:_لا الخطوه حقت انها تشوفك دي لسه عليها انت بس امشي بي الكلام القلتو ليك والامور ح تكون زي م عايزين واكتر
الصوت:_طيب تمام يلا سلام عندي بعض الأشغال اعملها وبعدين بليل بتصل لي صحبتنا
سديم:_هوي لا اوعك م تعمل كده ولا تتصل عليها بليل متوكل بكون قاعد والله إلا يسقط حجرك وحجري معاك
الصوت:_طيب تمام
*(سديم وابوها)*
حامد:_الحكايه دي طولت يا سديم م شايف اي جديد في الحكايه وانا داخل علي شغل جديد لو م عملتي حاجه سريع بدخل براس مال بسيط وانا مهما كان عايز اوسع
سديم؛:_دا كل همك يا ابوي؟!
حامد:_لا طبعآ سعادتك برضو بتهمني انتي ح تكوني مع متوكل
سديم:_مافي داعي لي التمثيل علي يا ابوي انا عارفك همك شغلك بس م تشيل هم زمن زياده بسيط كمان والامور بتظبط وبتوضح ليها صوره
(سندس كانت بتتكلم مع ابرار)
عليك الله يا ابرار انتي اتغيرتي بلفعل ولا عندك خطه في راسك عايزه تنفذيها؟!
ابرار:_خطه شنو بس يا سندس انا باقي لي منو بس قولي لي الحصل دا لازم يكسرني
سندس:_لا م مصدقه كده كده انتي كنتي عايزه تهربي علي المدينه وتخلي امك عشان تشوفي منى وتنتقمي منها معقوله يوم ودقيقه تغيرك كده
ابرار:_ يخسى عليك يا سندس افتكرتك صحبتي وفاهماني انا موت امي هداني خلاص وبقيت م بفكر في اي حاجه تاني غير اني اعتزر من منى واغير من نفسي لي الأحسن وبقت تبكي 😭
سندس حضنتها وقالت ليها معليش
مضي اليوم علي كده
لحدي م الصباح
بقت امل تعيط وتقول ضروني خلاص
*"هل تُعتبَر جريمَة عندما تقولُ لشخصٍ تُحبّهُ سيكونُ كلّ شيءٍ على ما يُرام وأنتَ تعلمُ أنّ كلّ شيءٍ على حافَّةِ الهاوية؟"*
لقراءة جميع فصول الرواية من هنا