رواية ولنا في الحلال لقاء
الفصل الواحد والعشرون 21 الجزء الثاني
بقلم منى الهادي
وووووووب يا امل انضريتي يا امل
(طبعآ كلهم موجودين في البيت بي محمد ومتوكل)
محمد:_مالك يا وليه خلعانة كده الله يطلع روحك يااااخ
متوكل:_دقيقه يا ابوي نفهم الحاصل بس
زينب:_(علي حسب الخطه )
مالك يا امل خير الحاصل عليك شنو؟!
(منى وفرح بس ساكتين وعايزين يعرفو امل مالها ومعاهم سوزان برضو واقفه وم عارفه حاجه لأنهم م دخلوها في خطتهم بس هي تلقائيا عارفه امها بتكون عامله ليها خطه عشان كده بتبتسم بي تحت 🤭 )
امل:_دهبي يا محمد دهبي اتسرق الليله فتحت الدرج عشان اشوفه لقيته نصو مافي معقول في بيتنا دا بقي في حراميه؟!
م حصل يوم في ان شاءلله جنيه اتسرق من البيت دا هسي يتسرق دهب بي الكميات دي؟!
محمد:_انتي مجنونه ولا شنو ياولية ده منو الفاضي يفتش في غرفتك عشان يلقي دهبك ويسرقو؟!
زينب:_الحكايه واضحه يا محمد م دايره ليها اتنين تلاته في الموضوع قبل كده م حصلت سرقه بس من في ناس جات البيت دا حصلت (وعاينت لي منى وفرح ولقتهم تلقائيا هم عاملين كده 😳)
انا بقول اي زول جا جديد في القصر دا يتفتش!
محمد:_نحنا ح نخون في بيناتنا ولا شنو يا امي دا كلام شنو؟!
زينب:_الدهب برضك م بسيط عشان نسكت عليهو وبعدين البسرق حاجه بسيطه بسرق الكتير وشوف هنا مافي سرقه حصلت قبل كده عندنا يبقي لازم يتخت لي الموضوع دا حد بي اي طريقه
متوكل:_انا شايفكم بترمو في الكلام يا امي وحبوبه وقاصدين زول قولوها بي صحيح العباره انتو شاكين في منى وخاله فرح مش؟!
امل:_والله الفي بطنه حرقص
متوكل:_زعل شديد من كلمة أمه
منى:_والله لو قاصدانا يا عمتي ارتاحي نحنا م بنسرق مد عيش خلي دهب شوفي دهبك ختيتيهو وين وبعدين تعالي اتكلمي وارمي اللوم علي الناس وبعدين لو كانت حاجه صغيره انا ممكن اسكت لكن تهمه وحقت سرقه مستحيل اسكت لو حتي بقي آخر لي يوم في البيت ده
فرح:_وانا مع منى في كلامها العايزين تقولو وضحوو عديل
سوزان:_والله امي م قالت وحده فيكم بس مدام فتحتو خشومكم والكلام حرقكم يبقي راس الصوت هبشكم هسي م اتحدد زول ليه إلا انتو الإتنين تتكلموا وتحتجو في حين نحنا برضو متهمين معاكم وفضلنا ساكتين!
فرح:_والله يا سوزان لو عاجبك الاتهام وساكته عليه دا بدل انك م عندك دم ولا هم ولا في حاجه بتحرقك عشان ابشع حاجه الزول يتهموه بي السرقه وبعدين لا ياستي حبوبتك حددت قالت ناس جداد والبيت دا مافي زول جديد فيهو غيري انا وبتي
محمد:_اقفلي علي النقاش دا يا امل وضاع خلاص ضاع يعملوا ليهو شنو؟!
زينب:_هي اقفلي شنو والله الليله إلا الدهب دا يطلع وانت يا محمد م بتقدر توقفني نهائي خليك عارف الليله دا دهب م حاجه رخيصه يطلع يعني يطلع
محمد:_ياخ م توجعوو لينا رسينا سااااي عايزين شنو انتو هسي عشان ننتهي من الموضوع دا؟!
زينب:_الغرف كلها تتفتش م نفرز ولا غرفه وكلنا ندخل في الغرفه ونفتشها مع بعض عشان م يحصل كده ولا كده وكلو علي المكشوف
*(فلاش باك)*
طبعآ امل اتفقت مع زينب تشيل جزو من دهبها وتدسو لي منى في غرفتها عشان متوكل ومحمد يتهموو منى بي السرقه ويطلعوها خاينه وممكن م يثقوو فيها تاني او يطلعوها برا البيت وفي الحالتين بنكون ضربنا ضربتنا تمامآ
زينب وافقت علي الخطه والزمن المنى مشت فيهو لي فرح داك امل شالت الدهب ومشت الغرفه واكيد متوكل كان قاعد في الغرفه لو متذكرين
امل خلتو دخل الحمام ودخلت دست الدهب في الدرج حق منى وقفلت عليهو وطلعت من هناك سريع قبل م اي زول يشوفها
وانتظرت لي صباح اليوم التاني عشان تعمل لي الموضوع توم وشمااار وحفظت زينب اي حاجه تقولها.
كلهم قالوو موافقين وح يمشوا يبدوا بي غرفة زينب بس منى وفرح ختو شرط انهم لو طلعوا بريئين ح يعملو الحاجه البشوفها مناسبه وقتها 😔
*(عند المجهول)*
في صوت تاني كان بتكلم معاه وبحزر فيهو
احسن تطلع من الموضوع ده وإلا صدقني مافي زول ح يدفع التمن غالي غيرك انت عارف متوكل نهائي م بجامل ولو زول كذب عليهو ح يلقي نتيجه وخيمه
المجهول:_متوكل متوكل متوكل انا الإسم دي بقيت اكرهه بشكل مبالغ فيه يااااخ دايما هو متقدم علي وبتشاف الافضل م عارف ليه هو فرق مني في شنو لمن يكون عندو قروش بلكميه دي وشغل وشركات واسره بتحبو ومرة زي منى هو م يستاهل كل ده انا البستاهل وخصوصاً منى انا بستاهلها مش هو
_بس هو المشي البلد وفتش علي منى ولحدي م لقاها م انت وبعدين القروش دي هو اتولد ولقي ابوه مليونير يعني م ليهو يد في حاجه
المجهول:_لا حتي لو فتشها انا بستحقها اكتر منه بي كتير انا بقدر اسعدها اكتر منو هو بكتير خالص
_بس م تنسي سديم مشغلك يعني م قالت ليك اقلب الخطه علي كيفك وغير فيها لو عرفت ح تنتقم منك انت بدل منى
المجهول:_ومنو القال ليك انا ح امشي علي هواها لا انا م تابع وانا في النهاية وافقت عشان منى عجبتني م عشان حاجه تانيه وبعدين سديم دي برضك عندي ليها ترتيب تاني خالص
_والله مخيرررر المهم انا حزرتك ابعد عن الحكايه دي بعد دا لسه م راح حاجه واسحب قواتك قبل م تتورط بالكامل وبعدين يبقي الانسحاب شبهه مستحيل عشان الفاس بتكون وقعت في الراس
المجهول:_نجوم السماء اقرب والعايزه انا بصل ليهو بصل ليهو لو كل الدنيا وقفت في وشي!؛
*(في البلد)*
ابرار كانت بتتكلم مع فاطمه
قالت ليها والله ياخاله مفكره خلاص أبدا انفذ وصية امي بس م عارفه ابدا من وين
فاطمه:_بس انا خايفه عليكي يا ابرار افترضي لا سمح الله حصل عليكي حاجه وقتها انا ح اعمل شنو لمن القي امك م تنسي انها وصتني عليك شديد
ابرار:_م تخافي ياخاله م بحصل لي اي حاجه انتي بس اديني خاطرك
فاطمه:_لا مستحيل اخليك تسافري براك ولو في سفر رجلي علي رجلك نفتش علي منى دي في المدينه تقولي ليها العايزه وبعدين نجي راجعين
ابرار:_بسسسسسس
فاطمه:_لا م بس ولا حاجتين خلاص الموضوع اتحسم م ممكن الوصية افرط فيها لو علي رقبتي
ابرار:_والله م عارفه اقول ليك شنو يا خاله
فاطمه:_قولي خيررررررر
ابرار:_طيب خيرررررررر
فاطمه:_بس في مشكله!
ابرار:_مشكلة شنو؟!
فاطمه:_ح نعرف من وين مكان منى في المدينه الكبيره دي؟!
ابرار:__انا عارفه زول ممكن يساعدنا وم نخسر نسأل ولا نتعب في تفتيش
فاطمه:_قولي سريع منو؟!
*(في القصر)*
كلنا دخلنا غرفه حبوبه زينب وبقينا نفتش إلا عم محمد كان واقف في باب الغرفه ومراقبنا حتي حبوبه بتفتش معانا قلبنا الغرفه فوق تحت م لقينا حاجه 🤔
طلعنا من الغرفه وبعدها مشينا غرفة سوزان وبرضك بي نفس الفهم قلبناها قلب وم لقينا اي حاجه
بعد جا دور غرفة فرح وبعدها ماريا وبرضك مافي حاجه محمد قال ليهم ياخ انا بقول نخلي الموضوع دا خلاص لأنو هسي تقريبا كل الغرف وم لقينا حاجه
زينب قالت لي أبداً انت بتقول في شنو من البدايه نحنا قلنا نتم الغرف يعني نتمها ولو م لقينها خلاص نقفل الموضوع وامل تستعوض الله في دهبها باقي غرفة متوكل ومنى وغرفتكم
محمد قال ليها بس
متوكل قاطع أبوه قال لي معليش يا ابوي خليهم يفتشو عشان نحنا م يكون علينا الشك برضو
محمد قال ليهم طيب خلصوني سريع وراي شغل كلهم مشووو غرفة منى عشان يبدو تفتيش ومحمد وراهم
*(عند سديم)*
ابوها كان بتكلم معاها
قال ليها انا م عايزك تكرهي امك بس حاسس بتحاول تعرف خطتك عشان تفشلها ليكي
سديم:_لا لا امي م بتعمل كده هي خلاص قالت لي انها معاي كيف هسي تفكر تفشل خطتي؟!
حامد،:_انا بعرف امك دي اكتر منك اسأليني منها انا العاشرتها عمري دا كلو قبلي م تتولدي بي مراحل طويله امك ممكن تظهر ليك انها معاك بس صدقيني م بتعمل غير الفي راسها والحاجه الشايفاها صح من وجهة نظرها هي
سديم:_اتاريها جات تقول لي وريني خطتك ومالك م وريتيني؟!
الحمد لله فضلت محتفظه بي الحكايه دي وإلا هسي كان ضيعت كل تعبي علي الفاضي م عارفه العاجبها في طيبتها دي شنو؟!
حامد:_المهم اعملي حسابك منها وم تقولي اي حاجه في قدامها تقدر توصلها لي خيط في خطتك
سديم:_اي تمام م بقول حاجه
*(عند ابرار)*
يونس يا خالتي
فاطمه:_يونس!؟!
ابرار:_اي يونس
فاطمه؛:_بس يونس عرفه شنو بي مكانات منى؟!
ابرار:_لو تتذكري لمن متوكل جا كان يونس هو المرافقو لحدي م مشي يعني مستحيل يكون يونس م عارف متوكل هناك ساكن وين؟!
فاطمه:_تصدقي معاك حق بكون قال ليه
ابرار:_بس في مشكله!
فاطمه:_مشكله بتاعت شنو؟!
ابرار؛:_يونس انتي عارفه قصتي معاه يعني مستحيل يقول لي وبفتكرني عايزه اتعدي علي منى تاني
فاطمه:_اي والله بس م عليك بمشي ليهو انا وان شاء الله بجي ومعاي معلومات مفيده
*(في القصر)*
الكل فتح باب الغرفه ودخل وكالعاده محمد واقف تاكل يدو في الباب الغرفه اتقلبت يمين شمال فوق تحت مافي ولا حاجه
وهنا كانت الصدمه 🤭😂
(زينب وامل بقوا عاملين كده 😳) 😳😳)
(منى وفرح الضحك لي الاضان 😂)
متوكل ارتاح نفسيآ بس م حبه يتكلم إلا بعد م يشوف ابوه يتكلم
نطت فرح قالت ليهم الحمد لله كده نحنا في السليم باقي آخر غرفه اللهي حقت أمل
كلهم ماشين وامل قربت تقول ليهم الدهب انا ختيتو في غرفه منى وفي الدولاب بالتحديد مشي وين؟! 😂
هسي كده امل بين نارين لو اترجع مشكله ولو اتسرق بلفعل مشكلتين 😂
بقت تعاين لي زينب وزينب تعاين ليها،،،،، المهم اتفتح باب الغرفه ودخلوا كلهم فرح قالت ليها عندك كم طقم انتي
امل:_عشره
فرح:_عندك عشره وقلتي اتسرق اتنين يعني باقي تمنية مش؟!
امل:_اااااي
فرح:_طيب وصفي لي مكانهم
امل فتحت ليها الدرج وفتحت صندوق قالت ليها انا بختهم هنا وم قاعده اطبل الصندوق عشان واثقه في الناس الفي بيتي بس م عارفه الحاصل شنو؟!
فرح:_زحتها بعيد وطلعت الصندوق ختتو في السرير وقدام عيون الكل وبقت تطلع في الاطقم وعدتهم تموو عشره 😳
كررتهم تلاته مرات عشان كلهم يتاكدو
ختتهم في السرير وقامت قالت لي محمد انا نفسي اعرف مرتك مشكلتها معانا شنو نحنا صح جينا من فقر بس عيونا مليانه 🥺
فرح ساقت منى وطلعت
وخلت فرح وزينب راسهم ح يتطرشق وامل بتقول في جواها ياربي مش الدهب انا ختيتو في غرفة منى الجابو غرفتي شنو؟؟
زينب بتقول في قلبها اكيد الغبيه دي م ختت الدهب ورمت نفسها ورمتني معاها الله ياخدك يا امل بغبائك ده وارتاح منك ومن وشك
متوكل بس بعاين لي امو وامل رفعت راسها لقت محمد الغضب واصل معاهو لي اخرو
*في الممر:_*
منى:_وااااي م مصدقه نفدنا من الحكايه افتكرت امل ختت الدهب في غرفتي
فرح:_ههههههه هي فعلاً ختتو في غرفتك
منى:'شنوووو
فرح:_والله زي م بقول ليكي كده
منى:_طيب وكيف بقي في غرفتها هي زاتها؟!
فرح:_بسبب العبد لله 😂
منى:_احكي لي احكي لي ههههههه
فرح طيب اسمعي!
*(فلاش باك)*
بليل فرح جات ماره بي الممر الفاصل بين غرفتها وغرفة زينب سمعت امل وزينب بتكلمو انهم ختو الدهب في غرفه منى والخطه كملت بس باقي الصباح يعملو ليها توم وشمار عشان يطلعو فرح ومنى من البيت
فرح من سمعت غضبت شديد اتسحبت شالت الدهب من غرفة منى لكن م تقدر توديهو غرفة امل في الوقت المتأخر دا عشان لو امل برا محمد جوه واكيد بحس عليها لو فتحت الغرفه
فرح خاطرت ومسكتو في غرفتها وصحت بدري وانتظرت بعد م امل تتفذ خطتها
خلت امل بدت وهي طوالي بعد الكل نزل تحت اتسحبت رجعت الدهب ونزلت تحت بسرعه
ولحسن حظها الصندوق فاتح م اخدت زمن طويل بس رمتهم وطلعت جري سريع
(عفيت منك يا فرح 😂)
منى:_حضنت فرح وباستها في يدها وااااي يا امي انقذتينا من بلوه كبيره
فرح:_الحمد لله سمعتهم وإلا هسي كان راكبين لينا لوري وراجعين علي البلد 😂
منى:_بس ليه م وريتيني اساعدك
فرح:_م كان في وقت نهائي قلت اشتغل برااااااي علي الموضوع
منى:_خليهم يتحملوو اصلآ انا قلت مستحيل يكونو ساكتين كل الفتره دي بدون م يعملوا حاجه
اتاريهم دي خطتهم الله ينتقم منهم نسوان كبار وم عاقلين لسه يعملوا في خططهم
فرح:_طول م امك قاعده م بحصل ليك حاجه والحاجه العايزه اقولها ليكي نفذيها معااااي بالحرف الواحد
منى:_بعد العملتيهو دا م انفذ إلا انا 😂
قولي قولي
*(في البلد)*
فاطمه لفحت توبها ومشت علي دكان يونس قالت ليهو السلام عليكم يا ولدي
يونس:_وعليكم السلام يا خاله اتفضلي اتفضلي
فاطمه:_عايزه منك بس طلب وبليز يعني م ترجعني سااااي لو بتعتبرني زي امك
يونس:_اكيد اكيد يا امي اتفضلي العايزه بديك ليهو
فاطمه:_عايزاك تقول لي متوكل وين ساكن في المدينه.
*(في القصر)*
متوكل كان بتكلم مع أمه ليه عايزه دائماً تصغيرني وتحرجيني قدام منى يا امي هي وامها
يعني معقول انا م قادر اوفر لي مرتي الأمان ولا أنتو قاصدين شنو؟!
نحنا ميه مره قلنا عايزين نعيش بسلام صراحه انا م اتوقعت منك حاجه زي دا يعني دهبك قاعد في مكانته وقلتي اتسرق عشان تطلعي مرتي وامها حراميه مش؟!
امل:_صدقني يا متوكل الدهب م لقيتو وعشان كده قلتا اتسرق وبعدين احتمال هم سرقوو ولمن عرفوو ح يتقبضوو رجعوا في مكانه
سوزان:_امل كبير يكون كلامك صح يا امي انت عارف يا متوكل امي م بتكذب ولا بتقول كلام م في مكانه
متوكل:_هس م اسمع صوتك يا سوزان عشان وعرش ربنا العظيم اطلع بروحك
سوزان:_بتهددني في قدام ابوي يعني؟! م سامع هو بقول في شنو يا ابوي؟!
زينب:_خلاص يا متوكل امك غلطت غلطت يعني نهاية الدنيا؟!
محمد:_عاين لي اموه ورفع حاجبه تفتكري دا غلط عادي بتسكت عليهو؟!
زينب:_لا شايفها كفرت يعني؟!
محمد:_شوفي يا امل انا مليت قدام اولادك ديل والله مليت وكرهت إلا اليوم العرستك فيهو ياااخ انا عملت شنو في حياتي عشان ربنا يبتليني بي مره زيك قولي لي بس!
شوفي هو قرار والله الليله تكسريهو م تعيشي ولا يوم معاااي في البيت دا
امل ومتوكل وزينب وسوزان عاملين كده 😳😳😳😳
واكتر زول امل ريقها نشف عديل 🤭
قالت لي قرار شنو؟!
وقبل م يفتح خشمه جات ماريا جاريه وبتقول ليه الحق يا استاذ متوكل
*لستُ إمرأة طبيعية*
*أنا مؤذية جداً ، ومشاعري دقيقة ومُتعبة*
*قد يحبّني شُجاعاً فقط....
لقراءة جميع فصول الرواية من هنا