رواية ولنا في الحلال لقاء
الفصل الثاني والعشرون 22 الجزء الثاني
بقلم منى الهادي
يونس قال لها حاضر يا خاله فاطمه بس انتي قولي لي عايزه تعرفي متوكل ساكن وين في المدينه لي شنو و عشان شنو؟!
فاطمه:_ بصراحه يا يونس يا ولدي ولا بدس منك عشه قبل ماتموت وصتني وقالت لي دايرة ابرار بتها تسافر المدينه وتفتش علي منى وتعتزر ليها منها
يونس:_ بس عايز اسالك سؤال يا خاله هسي انتي متاكده انه ابرار دي اتغيرت جد ولو شافت مني تاني ما بتحاول تأذيها او تعمل غلط في حقها؟!
لأنو ما تنسى اخر مره ابرار رفعت السكين علي منى ولو الله م ستر كان هسه منى في خبر كان انا صراحه ما عايزه اديكي عنوان ساي بدون اتأكد عشان بعدين ما ابقى السبب لو حصل ليها حاجه ساي انتي بتقدري تضمني منى ياخاله؟!
فاطمه:_ ابرار يا يونس موت امها هداها خلاص
انا ذاتي ما كنت مصدقه انها تغيرت لكن بعد ما قعدت معها و سندس برضو اتكلمت معها تقاعدت معها اتضح انها بجد اتغيرت وبعدين انت وريني متوكل ساكن وين وخلي الباقي على ضمانتي انا
يونس:_ متاكده على ضمانتك يا خاله فاطمه؟!
فاطمه:_ أيوه زي ما بقول ليك يا يونس على ضمانتي
وبعدين ابرار ما مسافره براها انا مسافره معها و جايه معها بس بنمشي انا وهي المدينه سوا نتلاقى مع منى تقول ليها الدايرة تقولي ليها وبعدين نجي راجعين
يونس؛:_طيب يا خاله متوكل ساكن في (...........)
فاطمه:_شكراً ليك يا ولدي م قصرت والله مع خالتك فاطمه أبداً أبداً
يونس:_العفو يا خاله م عملتا حاجه بس عليك الله خلي بالك
فاطمه:_ان شاءلله يا ولدي
يونس بعد م فاطمه مشت قال في قلبه معقول ابرار تكون اتغيرت؟!
يارب تكوني يا ابرار اتغيرتي خلاص وتخلصي الناس من الحقد الفي قلبك وترجعي تحبي الناس وتعملي ليهم قيمه وتخلي شوفت النفس!
محمد:_ يا ماريا مالك مخلوعه كدا؟! في شنو وبعدين منى وفرح مالهم؟!
جاوبيني سريعك!
قبل م ماريا تجاوب متوكل قام جاري نازل تحت عشان يشوف الحاصل شنو اصلآ هو م عندو صبر خلاص؛
محمد برضه نزل وساق امل وزينب في قدامه وجات بي وراهم ماريا وسوزان
متوكل عمل كده 😳
ده شنو ده ماشين وين؟!
ودي شنو الشنط دي؟!
منى:_والله زي م شايف يا استاذ متوكل راجعه البلد خلاص مستحيل اقعد تاني في البيت دا احتمال المره الجايه يتهمونا بي قضية قتلت عديل ونحنا م لينا يد في حاجه
متوكل:_اكيد بتهظري يا منى وبعدين دي قصه بسيطه م تكبريها عليكي الله اكتر من كده
محمد:_يخوانا المشاكل م بتتحل بي الطريقه دي انتو اصبروا شويه شوفو رد فعلآ علي البحصل مش طوالي تشيلو شنطكم وتقولو ماشين البلد
(فرح اتفقت مع منى انها ح تفضل ساكته سااااي وتخليها هي تتكلم وغير كده حفظتها اي حاجه يعني منى م بتخاف عليها وعشان برضو م يقولو فرح هي الحرشت منى 🤭)
منى:_. بعد اذنك يا عمي نحنا حراميه م ينفع نقعد معاكم عشان م نسرقكم
محمد:_وشي منك في الأرض انتي وامك والله يابتي م عارفه اقول ليكم شنو؟!
منى:_م تقول اي حاجه يا عمي انت كتر خيرك م قصرت معانا ووقفت معاااي كتير وانا ح افضل شايله ليك الجميل ده طول حياتي
وبعدين بيت امي فرح في البلد موجود ح نفتحو ونقعد فيهو يلا شكرآ ليكم كتير وقالت لي فرح يلا يا امي خلينا نمشي وشالوو الشنط وقالو ماشين
متوكل:_جري وقف ليهم في قدامهم قال لي منى بطلي ياااخ م ممكن تمشي وتسيبيني وخليك عارفه انا بطلع معاك لو طلعتي م تنسي لمن جيتي داخله قلت ليك م بنطلع من الباب دا إلا مع بعض ومافي واحد فينا يمشي ويسيب التاني 🥺
منى:_انا مقدره ليك يا متوكل لكن م ممكن قول لي انا ذنبي شنو عشان كل مره امك تخطط لي حاجه وتتهمني بيها انا وامي انا اتحملت كتير بس بعتزر منك اخر اتهام كان حار حتي لو كان بطريقه غير مباشرة 🥺
محمد:_تعالي راجعه يا منى
منى:_بس يا عمي
محمد قلت ليك تعالي راجعه
(فرح قالت ليها اسمعي كلام عمك يابتي وارجعي شوفيه عايز شنو؟!)
منى قالت ليها حااااضر
(فرح غمزت لي زينب وامل وهم خشوا في النار دي وطلعوا😂)
منى عملت نفسها بتبكي ومشت علي محمد قالت لي خير يا عمي؟!
محمد:_انتي بتثقي في عمك صح؟!
منى:_اكيد يا عمي بثق فيك بس انا منو البثق فيني؟!
متوكل:_انا يا منى بثق فيك وثقتي فيك م ليها حدود ولا يمكن في يوم اشك مجرد شك انك ح تعملي حاجه غلط
منى:_انا ممتنة ليك شديد يا متوكل علي ثقتك دي بس ثقتك إلا انت وعم محمد فينا في البيت بس مستحيل تعيشنا ولو م كان كل الفي البيت واثقين في بعض حياتهم ح تتحول لي جحيم وانا م عايزه الحياه هنا تتحول لي جحيم بسببي انا وامي عشان كده نحنا بنرجع وانتو رجعوو حياتكم زي م كانت من قبلينا
محمد:_عاين لي امل ووصف ليها علي منى قال ليها شايفه يا امل؟!
كل الحصل دا بسببك وانا مليون مره قلتا ليكي م عايزك تعملي مشاكل مع البت دي وانتي كنتي في كل مره تكسري كلامي وتمشي تعملي ليكي جريمه اكبر من القبليها انا اعمل معاك شنو بس؟!
قولي لي اعمل معاك شنو؟!
المهم الليله تحلي الموضوع العملتيهو دا يا تخلي منى وامها يتراجعوو عن قرارهم بلمشي يا انتي كمان لمي شنطتك وتلحقيهم ودا آخر قرار اتفضلي وريني ح تعملي شنو؟!
*(عند فاطمه)*
رجعت البيت لقت سندس وابرار واقفات ليها في قدام البيت
فاطمه:_بسم الله الموقفكم هنا شنو؟!
سندس:_والله يا امي كلمتها قلتا ليها خلينا ننتظرها جوه البيت هي ابت وقالت إلا تنتظرك هنا قلتا حرام اخليها براها عشان كده جيت وقفت معاها
ابرار:_م علينا يا خاله اها قولي لي قال ليك شنو اكيد من عرف اني عايزه العنوان رفض يديكي ليهو مش؟!
فاطمه:_لا والله اداني ليهو الولد ده ود حلال م رضي يكسفني
ابرار:_حضنت فاطمه قالت ليها شكراً ليك ياخاله والحمد لله يارب علي كل حاجه
اها قولي لي ح نمشي متين ياخالتي؟!
فاطمه:_دي م دايره تخطيط يا ابرار انتي عارفه العربات في حلتنا ماشات ليل علي نهار عشان كده بكره الصباح نمشي والأرض ضي عشان البلد م عارفين فيها حاجه
ابرار:_اي احسن برضوو
فاطمه:_وانتي يا سندس امشي اقعد مع حبوبتك لحدي م نحنا نجي
سندس: _حاضر يا امي مافي اي مشكله
فاطمه ساقتهم ودخلت بيهم البيت!؛،
متوكل:_كده بقوو علي اتنين دي في النهايه اموه لو مهما عملت وكمان منى مستحيل يتخلي عنها لأنو قاطع وعد علي نفسه يخليها مبسوطه
امل قالت خلاص الليله لو م عرفت اقنعهم محمد دا بطلقني بطلقني دي مشكله شنو دي بس الوقعتي فيها نفسك دي يا امل كان ياريتك وقفتي وانتظرتي خطط سديم تجيب نتيجه 🥺
زينب قالت وااااي الليله لو م عرفت تقنعهم ومحمد طلقها وعداها معاهم وهي اعترفت علي محمد ولا براعي لي اني اموه بطردني بطردني بس سجمك يا زينب بعد العمر دا بتمشي وين؟!
إلا كان تمشي دار العجزه 🥺
امل قالت استعنا علي الشقي بالله وعملت ليها دميعات ومشت علي منى قالت ليها والله م كان قصدي يابتي عليك الله سامحيني عارفه نفسي غلطانه بس صدقيني بجد بدون قصدي
منى:_انا م عايزاك تعتزري مني ولا فرحانه بي الحاجه دي بس جرحتيني يا عمتي امل بجد
امل:_انا اكبر منك وانا بقول ليك والله م كان قصدي وانتي كمان يا فرح سامحيني عليك الله عارفه نفسي غلطانه 🥺
منى رفعت راسها وعاينت لي متوكل لقت عيونو عايزه تدمع وكأنه بقول ليها سامحي امي واقعدي انتي وهي هنا م عايز اخسركم انتو الاتنين
(ومتوكل م عارف فرح اتفقت مع منى زمان وقالت ليها اكيد محمد بجيبهاتعتزر منك سامحيها وكده اعملي نفسك زي العملتي جميل لي متوكل بشييلو ليك العمر كله )
(فرح دي تستاهل تبقي كاتبة سيناريو 😂)
منى:_طيب عمتي انا م ح اطلع من البيت عشان م اخرب ليك بيتك مع عمي لأنو هو حلف بس م بقدر اضمن ليك ممكن انسي الحكايه دي متين؟!
امل قالت لي شكراً ليكي يابتي
فرح قالت ليها عملتي زينه العقل وهم الاتنين عاملين رجعوو لكن لسه زعلانين 😂
متوكل اتناول بس المفتاح وطلع وهو م شايف من الزعل 🥺
محمد قال ليها ان شاءلله الحصل دا يكون جاب ليك قلب يا ام قلب ميت بس والله والمره دي م بحلف ساااااي يطلع من زفتيك دا حاجه اطلقك وارميكي وانا م بحلف سااااي
وعاين لي اموه قال ليها برضك انتي م ناسيكي يا امي احسن انتو الاتنين تمشوا عديل وم تعملي نفسك م عندك خبر بي الحاصل عشان انا شفته نظراتكم العملتوها
وطلع وخلهم
زينب نفسي اعرف البت دي مخاويه جن ولا شنو يعني معقول يااااخ كل م نفكر نعمل حاجه في ثانيه ودقيقه تنقلب ضدنا؟!
امل:_انتي في الثانيه ولا الدقيقه وانا في اخر فرصه لي انا لو محمد طلقني بقبل وين وكمان بعد الحصل دا عداوتي مع منى ذادت ولازم هي التطلع مش انا
سوزان:_المهم اعملي حسابك يا امي عشان ابوي جاب اخرو شديد
امل:_انا لو م ابوك كان دخلت عليها وجبت كرشها ارض ارض هي والحربويه المعاها دي بس انا متأكدة الحصل دا من فرح منى م بتعمل دا كلو
زينب:_كده خلينا نشوف خطة سديم كم يوم لو مافي نتيجه نشوف لينا حاجه تانيه لكن من بعيد بعيد
_سوزان اتصلت علي سديم وقالت ليها علي كل الحاصل
سديم: $خليها امك عجبني ليها يعني هي م واثقه فيني ولا م واثقه في خطتي؟!
سوزان:_انا كلمت امي قلتا ليها م تتصرفي من راسك بس هي م بتسمع كلامي نهائي
سديم:_والله تسمع م تسمع ابوك ختها عند حدها وان شاء الله تجيب ليها قلب
*_عند منى*
كانت بتضحك مع فرح
قالت ليها م شفتي شكلها بقي كيف😂😂😂😂😂؟؟
فرح:_وحياتك م شفتي ليها حاجه عندي ليها رسمات زي الرسمات والضربات قاضيه بس خليها تعمل العايزه وبعدين استمتع بي العندي علي راحتي
منى:_العندك؟!
فرح؛:_م عليك م تهتمي بس بعد اليوم متوكل ح يعمل ليك ألف حساب خوف من خسارتك
منى:_والله م صعبان علي إلا متوكل دا ربنا ابتلاه بي أم يا أعوذ بالله منها
فرح:_خليها لي يا عدلتها لي يا أما كمان اتبرو منها كلهم وارتاحو من حركاتها
منى:_هههههههههه
بالمساء:_
المجهول اتصل علي منى وعلي حسب اتفاقها مع تالين انها تجاريه في الكلام
الو
منى:_يعني انت مصر تتصل لي؟!
المجهول:_اي مصر م زهجت ولا بزهج لأنو الزول م بزهج من نفسه!
منى:_طيب اسألك سؤال؟
المجهول:_اممممممم سؤال شنو ؟!
منى:_وريني بس اسمك
المجهول:_هههههههههه بتعرفي اي حاجه في الوقت المناسب وبعدين وقتها ح تشوفيني عديل مش اسمي
منى:_طيب م خايف اكون حكيت لي متوكل؟!
المجهول:_لا لو كان وريتيهو كان عرفت
منى:_بس دي حاجه بيني وبين زوجي ح تعرفها كيف يعني؟!
المجهول:_انا قريب شديد منك وم ح تقدري تشوفيني وفي نفس الوقت بعيد منك
منى:'انت ناوي تجنني؟!
المجهول:'لا انا م عايز حاجه تحصل ليك عايزك لي
منى:_طيب روجلتك بتسمح ليك تطلق مره من راجلها عشان تتزوجها انت؟!
المجهول:_مفتكره ح تستعطفيني؟!
منى::_بس البتعمل فيهو دا حراااااااام
المجهول :_م انتي البتحددي لي الحلال والحرام
بس برافو عليك في الحصل الليله ده عندكم في البيت مع انك صعبتي علي الحكايه اكتر وخليتي متوكل يثق فيك اكتر ويتعاطف معاك اكتر بس م تفرحي كتير
منى:_😳😳😳😳😳
*أتساءل كيف هو شكل قلبه، و كيف تتسابق أضلعه في احتضان ذاك القلب بين قفصها الصدريّ،* شخص مثله يحتاج *لأن يوضع كلّه في قفص و ليس قلبه فقط!*
*(لأجل متوكل 😍)..
لقراءة جميع فصول الرواية من هنا