رواية ولنا في الحلال لقاء
الفصل الثالث والعشرون 23 الجزء الثاني
بقلم منى الهادي
منى:_
دقيقه دقيقه الحكي ليك بي امور بيتي منو؟!
وعن الحصل الليله ده بي التحديد!
انا م فاهمه حاجه وزهجت من الحكايه دي خلصني وقول لي انت منو؟
المجهول:_ههههههه عشان انا قلت ليك مافي حاجه عن حياتك م عارفها بس انتي م عايزه تصدقيني نهاااائي ومستهينه بي ومفكره انك ح تلعبي علي لا لا يا ماما
انا مافي حاجه عنك م عارفها ومافي معلومه ح تطلع مني بدون رضااااي حتي لو الدنيا دي كلها اجتمعت عشان كده خليكي جاهزه واقتنعي اني انا نصيبك مفهوم؟؟
عشان يعني بعدين الصدمه م تكون حاااااره عليك وتكوني في بيتي وقدام عيوني وقاعده تبكي!
لا انا عايز اشوفك بعدين ورده مفتحه قدام عيوني زي م كنتي مع متوكل
منى:_طيب اسألك سؤال؟
المجهول:_اهاااااا
منى:_انا ذنبي شنو في الحكايه دي؟
قول لي!
انا بحب متوكل ومستحيل احب زول غيروا عشان تكون عارف
المجهول:_م انتي البتحددي ياعسسسل انا البحدد وانا قلتا بتحبيني يعني تحبيني
وانا قلتا بقلعك من متوكل يعني بقلعك
وانا قلتا بعلم علي متوكل يبقي متوكل لازم يتعلم علي
منتهي خلاص
منى:_هي انت مفتكر نفسك شنو؟
اشيل واساير فيك وم داير تقتنع وانا اخلاقي ضيقه خليك عارف
وشوف الكلام ال م ذي كلامك ده انا ومتوكل في احلامك تشوفني متشاكلين
وبت البلد هي مسكينه بس لمن تصل حدها ممكن تقلب ليك حياتك يا ود المدينه
المجهول:_ههههههه عجبتيني عجبتيني
اي اطلعي من دور الاستدراج العامله نفسك ح تستدرجيني ليهو دا ظهري انيابك يا قطه
منى:_طيب اعمل حسابك انو انا م اي قطه وانيابي سامه لو خربشتك ح تقول عليكي السلام يا دنيا
*(عند فرح)*
قالت صح نسيت امل النقوم نمشي ليها نتموضع شويه عشان الملل عايز يقتلني 🤭
فرح طلعت من غرفتها لقت امل ماشه في الممر قالت ليها دايره اتكلم معاكي
امل:_لا معليش طالعه م عندي زمن بعدين لمن ارجع تعالي قولي العايزه تقولي
فرح:_قلت ليك ارجعي وإلا لو خليتك تطلعي بترجعي وتلقي الناس كلهم عارفين حقيقتك وتنطردتي من البيت ده وتبقي طول عمرك في برا الدايراها دي
امل:_طيب اتفضلي قولي عايزه مني شنو؟!
فرح:_انا قلت ليك م تعملي حاجه تانيه لي منى صح ولا لا؟
امل:_صح
فرح:_يعني كسرتي كلامك لي ووعدك صح ولا لا
امل:_صح
فرح:_والبكسر الوعد لازم يتعاقب صح ولا لا؟
امل:_حلصيني ياااااخ
فرح:_وطي صوتك وم ترفعي علي م تنسي انا ستك بسبب الكنتي بتعملي فيهو زمان داك تحبي اقولو ليك بتفصيل الممل؟!
امل:_انتي ح تفضلي تزليني كده لمتين؟!
فرح:_لحدي م الله يهديكي وتبطلي تعملي الشين مع الناس وتعامليهم من فوق وانتي في الاصل في الماضي م تسوي حاجه
امل:_اااااااوف الله يطولك ياروح
فرح:_بتقولي لي انا اوف وامور الزهجانين دي كويس الليله محمد جاك زول اصلآ كرهانك وتلقاه مستحملك عشان عيالك لمن يعرف إلا يدفعك التمن غالي
امل:_عايزاني اعمل شنو ومن الآخر
فرح:_متأكدة ح تعملي البقولو ليكي؟!
امل:_اااااي يااااااخ
فرح:_انتي مش اتهمتي منى بي انها سرقت طقمين حقات دهب وهي م ليها يد في الموضوع ودي كانت خطه منك؟!
امل:_للأسف اها وتاني
فرح:_تقومي زي الشاطره تشيلي نفس الطقمين وتمشي توريهم لي راجلك ومتوكل بعدين تديهم لي منى معاها كلمه آسفه وشعور بالندم
امل:_شنوووووووو؟!
ادي دهبي لي منى انتي جنيتي خايف نجوم السماء اقرب ليكي يا فرح
فرح:_خلاص بين معاي انتي اخترتي شنو يبقي اطلعي ومع سلامه لي الأبد يا امل عندك لحدي العشاء بعدين ومشت وخلتها
منى شافت متوكل من طلع م جا
قالت تتصل ليهو وتطيب خاطرو بي كلمتين
اتصلت عليه اخد كم جرس بعدين ردى
متوكل:_اي يا حبيبي
منى:_وين انت يا متوكل من طلعت م جيت تاني خير حاصل حاجه؟!
متوكل:_صراحه يا منى م بدس عليك الحصل قبيل ده طلع نفسي من كل حاجه وم عارفه امي دي اعمب ليها شنو عشان تتقبلك وتحبك
منى:_دا كل الشاغل بالك يا متوكل؟!
متوكل؛:_طبعاً هو انا عندي اهم منك يا منى اكيد دا الشاغل بالي وشاغلني انا كلي
منى:_طيب لو قلت ليك يكفي حبك انت لي بس با متوكل انا وانت م عايزين غير بعض والحمد لله ربنا قسمنا لي بعض يعني المشاكل البسيطة دي بنتخطها مع بعض وعلاقتني كل م ليها بتقوي
متوكل:_يعني انتي م زعلانه من امي يا منى؟!
منى:_ارجع البيت بس حبيبي ارجع انا امك م بزعل منها نهائي وبعتبرها زي امي واكتر ارجع لي بس
متوكل:_دقيقه دقيقه حبيبي؟!
يابختك يا متوكل اول مره تقوليها لي وتكوني قاصداها 😂
وارجع لي الله يستر م يغمي علي في العربيه قبل م الحق ارجع ليك 🤭
منى:_استغفرالله تعال تعال 😂
متوكل:_حالآ
*(عند سديم)*
انت غبي القال ليك منو تقول ليها انك عارف الحصل معاها الليله الصباح هسي بتكون خليت في حسابات كتير جات في راسها انا مش حزرتك وقلت ليك م بقبل اي غلط وانك لازم تعمل حسابك في اي حاجه بتقولها؟!
المجهول:_المهم اني كنتا عايز ارعبها مني اكتر واحسسها اني موجود معاها في كل زمان ومكان
سديم:_شوف هنا انا وثقت فيك اياك تمارس معاي غبائك دا ودي اول واخر مرة م تقول حاجه انا م طلبتها وحاجه م قلتا ليك قولها م القي خشمك بتخافف وجاري عشان يتكلم بيها
المجهول:_لو م عاجبك شغلي خلاص خليهو
سديم:_لو م عاجبني شغلك م كان جبتك بس كمان اعمل حسااااابك احسن انت م تنسى انا عارفك منى عجبتك وهردت مصارينك م تخليني اجيب واحد تاني يخطفها منك وخلاص
المجهول:_طيب طيب خلاص ريحيني هسي انا عندي شغل يلا سلام
سديم بعد قفلت معاه المتخلف دا عليك الله اصبر بعد م تنجزي لي العايزه والله اقتلك وارتاح منك
*(عند منى)*
م قدرت امسك نفسي والله يا تالين 🥺
تالين:_انا قلت ليكي جاريهو م قلتا ليك هدديهو هسي ح يفكر يعمل حاجه جديده غير الراسم ليها نهائي لأنو ح يقول البت دي م ساهلهه ويكثف الجرعه
منى:_والله م عارفه الجاني عملتو وبعدين م شفتي هو كان بستفذني كيف لدرجه مبالغه عديل
تالين:_حتي ولو يا منى حتي ولو
منى:_انا بقيت الليلةم بنوم وعايشه في قلق طول الزمن متوكل بدأ يلاحظ لي اني م علي طبيعتي
تالين:_لا اوعك يا منى اعملي حاجه الهيهو بيها م تخلي يحس انك م علي طبيعتك نهائي
منى:_اي انا قلت كده برضو
تالين:_المهم راسك الصغير دا م تخلي يفكر من عندو بدون م تتناقشي معاي مفهوم؟!
منى:_تماااااااام 🥺
تالين:_يلا طيري عندي شغل ولمن بكره اجيك نفكر مع بعض
منى'_حااااضر 🙄
*(عند المجهول)*
كان بتكلم مع المعاهو
انا سديم تتكلم معاي بطريقه دي انا بقتلها بس واخلي الخطه كلها ملكي اعمل العايزه لازول يديني اوامر لا يتحكم ويتنرفز فيني
_يازول استهدي بالله بدل خطه تقلبها جريمه قتل اعمل نفسك معاها وبوراها اعمل الحاجه العايزها
المجهول:_ياااااخ انت م شفتها مستفزه كيف ؟!
_عارف عارف بس برضو منى تستاهل تخليك تتحمل
المجهول:_اصلآ مافي حاجه قاطعه قلبي ومصبراني علي الحكايه دي غير حبيبتي منى 🥺
_متوكل جا داخل وعامل كده 😍
ماشي ساااااي
منى مدت ليها يدها اقيف اقيف عارفه حركاتك انا 🤭
متوكل:_احمدي ربك م انشليت ليك جابوني ليك جنازه يااااخ انا منتظرك من زمان تفتحي خشيمك السمح ده وتقولي لي كلمه عديله 🥺
منى:_طيب تعال اقعد
قعدت متوكل في السرير وهي قعدت قصادو
شوف يامتوكل عايزه اقول ليك حاجه يمكن اول حاجه تسمعها
متوكل:_قولي انا متمني اسمعك من زمان 😘
منى:_انت مفتكر انو بنات الحلهه بس هم المفكرنك بطل احلامهم؟!
انا حلمت اكون مرتك من يومك الدافعت فيهو لي عند خالتك داك 🥺
حسيتك الراجل الوحيد البتناسب حياتي الراجل البحميني وببقي لي سند يخفف علي جروحي
وفضلت ادعي انك تبقي من نصيبي يشهد علي الكريم 🥺
حبيتك اكتر من نفسي
حبيتك لمن دافعت لي
وحبيتك اكتر لمن تتصدر لي اي حاجه بتخصني
حبيتك لمن حاولت تفرحني
اي م تعاين لي كده بحبك يا متوكل 🥺😍
متوكل:_ياااااااه يا منى عندي زمن كتير منتظر بس اسمع الكلام دا
انا شايفك الدنيا يا منى والله شايفك دنيتي 🌍🥺
منى:_يلا انا عايزك في حياتي طول العمر اياك تفكر تبعد عني لو مهما كان السبب خليك عارف منى بتحب متوكل وبس 😍
متوكل:_انتي هبله ابعد عن منو والله انا معاك لحدي الموت 🥺
وبعدين تعالي هنا هو انتي زمن كنتي بتموتي فيني حركاتك دي شنو؟! 😂
منى:_متوكل م تخليني اندم اني قلت ليك الفي قلبك 🙂🙄
متوكل:_خلاص خلاص يازوله 🤭
منى:_انا نازله لي امي تحت وانت شويه وانزل عشان العشا
متوكل:_ده شنو يامنى؟!
منى:_شنووو؟!
متوكل:_بس قلت ليك ده شنو؟
منى:_بسم الله الرحمن الرحيم مالك يامتوكل جنيت انت ولا شنو
متوكل:_بيك وحياتك 😉
لا بس م ينفع تنزلي بدون م تدي بابا حضن 😂
منى م اشتغلت بي نزلت وهي بتهلفط في الكلام ومتوكل بضحك عليها 🤭
منى:_امي امسيتي كيف
فرح:_والله امك امورها سمحه سماحة اسكتي بس مجهزه ليك حاجه بتجبني لو عرفتيها يعني مفاجأة مفاجأة سوأ كانت كده ولا كده 😂
منى:_وااااي قولي لي عملتي شنو شوقتيني عارفاكي انا 😂
فرح:_يختي ورح انزلي نتعشى تحت وبتعرفي كل حاجه 🤭
منى:_سمح ورح والله متشوقه شوق 😂.
*أنت مُستثنى من جميع قواعدي وحواجزي و وحدك إِستطعت أن تصل لمكانٍ لا يستطيِعُ وصوله شخصٌ أخر....
لقراءة جميع فصول الرواية من هنا