رواية ولنا في الحلال لقاء
الفصل الرابع والعشرون 24 الجزء الثاني
بقلم منى الهادي
كلهم نزلو علي الهووول تحت قعدو علي الصفره (متوكل محمد امل زينب سوزان منى وفرح)
فرح كانت مراقبه امل وامل برضو نفس الحاجه
ومنى متابعه فرح عايزه تعرف هي ناويه علي شنو بس متأكده انها ح تعمل حاجه ظابطه شديد 🤭
فرح قالت شكلها امل دي م ناويه تجيبها لي البر وتنفذ الكلام القلتو ليها عشان كده المره دي بكشفها بكشفها عشان تاني اشوف هي م تسمع كلامي كيف؟؛
عاينت لي امل وبعدين دايره تفتح خشمها طوالي امل قاطعتها دايره اقول ليكم حاجه يخوانا
محمد:_حاجه شنو!؟!
ولا في مشكله تانيه ناويه ليها
امل:_لا م ناويه علي اي مشكله يا محمد وعاينت لي منى قالت ليها صح انتي خليتي المشية بس لسه انتي زعلانه مني وانا م عايزاكي تفضلي زعلانه مني عشان كده دايره اقدم ليك حاجه
منى قالت لها حاجه شنو الدايره تقدميها لي يا عمتي انا م دايره منك اي حاجه
امل:_لا عليك الله م تكسفيني عشان م احس بي الذنب اكتر من كده ممكن
وعاينت لي محمد بعد اذنك يا محمد دايره ادي منى الطقمين حقيني عشان اكفر عن غلطي
محمد:_تكوني عملتي فايده وعشان تاني تقدري تلمي لسانك دا
امل طلعت الطقمين في علبه ومدتهم لي منى ومنى عامله كده 😳
وفرح غمزت لي منى
منى طوالي وقع ليها القصه الكانت قاصداها فرح قربت تفكها ضحكه بس مسكت نفسها تاني 🤭
منى:_لا ياعمتي امل انتي اتهمتينا انا وامي والموضوع خلص خلاص مافي داعي تاني نفتحو من جديد
محمد:_شيليهم وخلصينا يابتي م فيها حاجه وبعدين هي دايره تعتزر ليكي بطريقه دي
متوكل قال ليها ااااي شيليهم يا منى هي بس امي عايزه تعتزر منك م اكتر وطريقتها مناسبه جداً
امل كان نفسها تلم في فرح دي ضرب بس تاني كتمتها وقالت ان شاءلله منى م ترضي تشيلهم
دايره ترجع العلبه فرح عملت لي منى حركه بي وشها طوالي منى مدت يدها شالت العلبه
جرتها من امل قالت ليها كنتا م عايزه اشيليها لكن مدام انتي وكلكم شايفين اني اشيلها حاضر بشيلهم عشان اثبت ليك اني م زعلانه منك
(امل يخوانا قربت تبكي 😂)
(عند سديم)
كانت بتتكلم مع ابوها قالت ليهو انا كنتا في خطوه مؤجلها لكن لمن الحكايه بقت كده لازم اسرع فيها عشان الموضوع دا يخلص في يوم وليله
حامد:_خطة شنو المؤجلها قوليها لي مش نحنا متفقين م ندس حاجه من بعض؟!
(عزة كانت بتتصنت ليهم وعايزه تعرف هم ح يعملوا شنو عشان لو في خطر علي منى تلحق توريها)
سديم:_اي م بنخبي حاجه علي بعض يا ابوي بس برضو خليني افكر فيها عديل وبجي اوريك
حامد:_المهم عايز اقول ليك اني دخلت مناقصة وختيت فيها كل املاكي ولو نجحت ببقي منافس كبير لي محمد ولو فشلت موضوعي في السوق انتهي خلاص
سديم:_ليه تخاطر مخاطرة كبيره كده يا ابوي؟!
انت المناقصة دي واثق منها ولا خلاص ختيت حياتنا كلها في كفه م كان تستعجل يااااخ وتشوفني انا لي النهايه ح اعمل شنووو؟!
حامد:_وقتها انا م فكرت وبعدين تعبت من فتافيت القروش البتجيبها الشركه دي عايز امسك مليارات خلاص لأنو محمد م احسن مني
سديم:_برضو انت اتسرعت يا ابوي شديد اتسرعت ونحنا لسه م ضامنين اي حاجه
*(في البلد)*
فاطمه جهزت كل المحتاجه لي مدة يومين وابرار كذلك جهزت كل حاجاتها وسندس مشت لي حبوبتها تنوم معاها هناك عشان فاطمه وابرار من الصباح ح يتحركو علي المدينه
*(في غرفة فرح)*
منى كانت بتتكلم مع فرح قالت ليها واي يا امي طبعا ما صدقت الحصل قدامي تحت ده 😂
وانتي يعني كنتي قاصده الحاجه دي؟!
فرح قالت ليها وقايله انتي قصدي شنو؟!
قلت ليك في مفاجاه ليك يا ستي ياهم نفس الطقمين الاتهموك انك سرقتهم رجعتهم ليك بس برضو برضي ستهم 😂
خليها علمتها حاجه عمرها م تنساها
منى:_ ههه والله يا امي انتي م بتنقدري هسي تاني عمتي امل لو داير تعمل لي حاجه ح تحسب ليكي الف حساب قبل ما تفكر انها تاذيني بشيء 🤭
فرح:_ انا يا منى يوم قلت ليكي اني بحميكي ما كنت بتكلم في الفاضي فعلا عنيت حاجه انا قلتها عشان كدا اي زول يفكر انه يجي في قدامك او ياذيك في حاجه ما في زول بتصدي ليهو غيري
من حضنتها و قالت ليها الله يخليك لي يا امي فرح 😍
فرح قالت ليها ويخليك لي يا قلبي💚
(عند سديم )
اتصلت للمجهول وقالت ليهو خلاص شكلها الحكايه لو قلنا نعمل فيه حبه حبه لسه ح تاخد زمن كتير قبل م تنتهي لكن خليني اضرب ضربتي القااضيه هسه وينتهي كل حاجه انا مليت من القصه دي كلها
المجهول قال ليها طيب وريني عايزه اعمل شنو؟!
سديم:_ح نتصل لي متوكل ونشككو في منى
المجهول:_شنووووووو.؟!
سديم:_اي زي م قلت ليك انت اتصل لي منى وانا بتصل لي متوكل وبغير صوتي
المجهول:_طيب زي م تحبي يا سديم
_تالين جات لي منى قالت ليها متوكل وين؟!
منى:_طلع هسي
تالين:_طيب انتي اتصلي ليهو وقولي ليهو تعال راجع
منى:_ليه يا تالين؟!
تالين:_نحنا مافي في يدينا حاجة غير نحكي ليهو بي الحصل لانه متوكل لو اعرف بعدين حتى لو انتي ما عندك يد في الحكايه بطلعك كذابه وخاينه عشان كدا انا بقول نحكي ليه اقول حاجه من طقطق لسلام عليكم وخليهو هو يتصرف انا الحكايه دي مهما دقيت فيها ودقيت فيها ما لقيت ليها حل غير انه متوكل يعرف
منى:_ وااااي يا تالين انا خايفه من متوكل شديد 🥺😭
تفتكري ما بزعل مني؟!
تالين:_ لا ما بزعل منك ولا حاجه وبعدين انتي لو م ورتيهو يا بعدين بزعل منك وقتها بكون عنده الحق انه يزعل لأنك م وريتيهو حاجه مهمه زي دي
عليكي الله اتصلي قبل ما يبعد خليه يجي ونحكي ليهو اي حاجه ونخلص من الحكايه دي
منى قالت ليها طيب الله يستر ان شاء الله ورفعت التلفون وجابت رقم متوكل و اتصلت عليه وبعد كم جرس رد عليها قال ليها خير يا منى في حاجه حصلت حاجه قالت ليهو يا متوكل تعال راجع البيت انا دايرك في موضوع ضروري شديد
متوكل قال ليها طيب يا منى هسه بجيك
منى قالت ليها يا تالين مدام قلتي انه نقول لي متوكل برضو امي لازم تعرف لانه اصلا انا ما قاعده ادس منها اي حاجه
تالين ب قالت ليها طيب ما في مشكله هسه امشي غرفه امك وناديها خليها تيجي وانا احكي لها الموضوع سوا مع متوكل
منى قالت ليها طيب
ومشت نادت فرح
ومتوكل جا
تالين قالت لي متوكل انا عايز احكي ليك حاجه لكن اوعدني انك تمسك اعصابك لحدي ما نعرف الحقيقه ونحل المشكله من جذورها متوكل قال ليها خير يا تالين في حاجه
فرح برضو كانت ح تموت وتعرف
تالين حكت لي متوكل اي حاجه هو و فرح متوكل عصب شديد قال لي منى مالك يا حيوانه م حكيتي لي بي حاجه يعني كنتي منتظره لحدي م الفاس تقع في الراس بعدين توريني ولا كنتي منتظره انا بعد اشك فيك بعدين توريني جيبي تلفونك ده متوكل شال تلفون منى وجاب الرقم ومهما حاول فيهو م عرفو
لكن طلع التلفون وسجل الرقم
فرح حضنت منى وطبطبت عليها بس الشك برضو م فارقها في زول وانتو عارفو كويس اللهو امل بس منتظره تتأكد هو منو وبعدين تاكلو بي أسنانه
(سديم عملت غلطت عمرها)
عملت برنامج تغير الصوت و اتصلت لي متوكل
متوكل شاف الرقم غريب فتح الخط قال الو بزهج
سديم:_ عايزه اقول ليك حاجه ممكن تصدمك بس الحاجه من فاعل خير
متوكل فتح السماعه حاجة شنو؟!
سديم:_مرتك بتخونك مع واحد ولو م مصدقني راقبها بتعرف الحقيقه وقفلت علي كده
متوكل ضحك قال معناته دي عصابه ونحنا م عارفين بس خليهم والله اندمهم كلهم
وقبل م متوكل يفتح خشمو تاني تلفون منى اتصل وكان في يد متوكل متوكل رفع لي منى التلفون قال ليها دا هو؟
منى قالت ليهو ااااي
قال ليها ردي وافتحي السماعه
منى ردت وفتحت السماعه
منى:_الو
المجهول:_اذيك ياحبيبتي مشتاق ليك وقررت اجيب معاك من الآخر
متوكل مسك التلفون وقفلو قال يوسف 😳😳😳😳.