رواية ولنا في الحلال لقاء
الفصل الاول 1
بقلم منى الهادي
_ياخالتي ليه بتعملي فيني كدة عليك الله خليني البس وامشي مع ابرار وبعد اجي بشتغل ليك شغل البيت العايزه
_كان تمشي وكان تجي م بعرسك ولا بعاين ليك م شايفه ابرار بتي دي سمحه كيف يخليها هي ويعاين ليك انتي؟!
هوي يابت امشي غسلي العده ديك ونضفي الحوش م تأملي في عرس ولا انك تطلعي من البلد دي انتي حدك البيت والورود وشغل البيت وحلب الغنم وبالكتير تعرسي ليك واحد شغال مويه وحق اليوم بجيبو بي الجلاله
_ياخالتي ليه بتعملي فيني كدة؟
ليه بتكسري مقاديفي بطريقه دي ياااااخ حرام عليك
_يابت تحرم عيشتك قومي طيري من قدامي كمان م باقي غير تقعدي في قدامي وتتناقشي معاااااي،،،، عارفاك ح تموتي وتمشي تخلي العريس يشوفك لكن كان تموتي م بخليك شفتي السمااا دي مش بعيده؟! كان تضربي راسك بيها م بتطلعي امشي اعملي القلتوو ليك
_جات ابرار داخله لابسه ليها فستان وعامله ليها مكياج مبالغ فيهو وقالت لي خالتي طالعه كيف يا امي مش احلا وحده في الحله دي؟!
خالتي قالت ليها هو في احلااا منك تستاهلي كل خير يابتي امشي سااااي وواثقه بختارك انتي عشان مافي منك اتنين
ابرار عاينت لي بطرف عينها وقالت لي امها ادعي لي يا امي عشان الناس الحاقدين والحاسدين كتير الله يطلعني من البلد دي واغور ليها من وشها
خالتي قالت ليها طول م امك عايشه م تاكلي هم امشي سااااي عشان م تتأخري بنات الحله بسبقوك والولد بشوف وحده وبقول عجبتو وكده بتروح عليك
ابرار قالت ليها اي والله معاك حق يلا مع سلامه وقامت جاااااريه
_بقيت اعاين لي خالتي بكل كسرة نفس كان نفسي امشي والولد يختارني عشان اطلع اغور من البلد دي واغور من الذل والهوان دا كنتي مستعده اعمل اي حاجه بس اطلع من البلد دي ومن ظلم خالتي بس الظروف واقفه ضدي دايمآ
خالتي قالت لي م تقومي تطيري تغسلي العدة العفنت دي قمتااا وانا بتمني الموت عشان أخلص!
هاااااااي
انا منى عمري 18 سنه ابوي وامي متوفين من وانا عمري تسعه سنوات م عندي لا اخوات ولا اخوان وحده بس انا قاعده مع خالتي عشة م عندي زول غيرها عشان كدة خالتي مستغله الفرصه من زمن كنا صغار دايمآ بتهني وبتعاملني كأني خدامه دايمآ الشغل الكتير بكون واقع علي انا اغسل واكوي واردي وحلب واعمل كل حاجه وخالتي وبتها يتحاومن من بيت لي بيت ونهايه اليوم يجن يلقن الأكل جاهز
يااااخ زهجت وقرفت
ابرار بتعاملني كأني خدامه عند امها تشتري الملابس وتكشح لي قديمها لمن مشرط اشيلهم واخيطهم والبسهم متطره عشان م عندي زول يجيب لي حاجه
انا حلوه وشديد كمان بس خالتي دايمآ بتكسر مقاديفي وفي الحقيقه انا احلااا من ابرار احتمال عشان كده هي بتكرهني والنسوان بقولن لي خالتي منى بت اختك دي احلي وحده في الحله دي وهي بتقول ليهم لا بتي ابرار أحلى منها.
_في وحده من اكبر الاسر جات من العاصمه عشان ولدهم يختار ليهو عروس من بلدنا ويسفرها معاهو المدينه دا كان شرط ابوو الولد ولدو الكبير لازم يختار ليهو عروس من البلد
ونزلو في بيتهم طبعاً بيتهم سمح سماحة مبالغه عديل
ومن جوا البنات في الحله كلهم بقوا يتنفضوو واي وحده طلعت احلا ملابسها وهسي ماشات عشان الولد يشوفهن وانا زاتي نفسي امشي والله من ضمن البنات ديل كلهن احتمال الله يجعل لي النصيب انا بس زي م عارفين خالتي واقفه لي شوكة حوت؛
*من جانب تاني؛:_*
*متوكل*
شاب طويل اسمر وحلو
درس تقانة معلومات
عمرو 28 سنه
الولد الكبير لي وحده من أكبر الأسر.
بحب أبوه وبسمع كلامو ومستعد يدخل في النار عشان يرضيهو
قاعد فوق ومعاه حبوبتو
قالت ليهو مالك يامتوكل شكلك زعلان!
متوكل:_انا عايز أرضي ابوي يا حبوبه لكن كمان حكايه العرس دي متردد فيها شديد يااااخ
_لا م تتردد وبعدين لو مافي وحده عجبتك بتكلم مع ابوك
متوكل:_الله يستر يا حبوبه خلينا نشوف البحصل شنو!.
_مشيت بقيت اغسل في العدة تاني قلتا هوي يا منى إلا انتي تقعدي في الغسيل والمكشاشه والبنات هناك بلبسن وبتروجن
ختيت في راسي خلاص انا ح امشي ح امشي ويحصل اليحصل لو لبست وعملت زي البنات خالتي بتشوفني لكن الفح لي توب بس واقوم نفضت يدي من العدة وجريت اتناولت لي توب لا نضيف لا وسخان ومكرمش شويه لفحتو وجيت طالعه وختيت في راسي خطهه قلت انفذها.....
لقراءة جميع فصول الرواية من هنا