رواية زواج من أجل التحليل
الفصل الواحد والعشرون 21
بقلم ريري
جهان: واي لقيت فساتين في الفيس رهيبات وبي سعر حلو شديد
هبة: والله انا الفيس دا لي الان م عرفت ليهو
جهان: وانا عندي شنو غيرك تعالي اعلمك تدخلي القروبات دي كيف وتتابعي الصفحات كيف
هبة: ارح لمن ديل يجو
وبقيت تلعم فيني استخدم الفيس كيف
معاذ: هوي ي زفت انت لسه م مليت كرشك دي
عبدالله: لالا الحمدلله بس لقيت عصير فروالة ولا منقه م بقول لا
عماد: ي سجم انجز لانو بعد دا بقوم عليك
عبدالله: كدا ازعل وم اقول ليكم الحاصل
معاذ: انا من البداية ناوي عليك
عماد:ياخ انتو الاتنين خلاص وانت اتكلم احسن م اصلح ليك وشك دا
عبدالله: الا وشي دا م معانا
معاذ: احكي
عبدالله :اول حاجة بعد انت اتصلت لي اتصل لي احمد واتكلم معاي مسافه وقال هو في البيت وداير زول لي العربية وقلت ليهو بشوف ليك زبون وعرفت انو فلس وبدا يبيع في عفش البيت وعرفت انو م طالع من البيت الا بكرا قلت استقل الوضع وامشي لمن انتو تجو يمكن يجيب معاي وضربت لي عامر يمشي معا وقلت ليهو انا بدخل اول بعدين يدخل هو وفعلا لقيت احمد دا في عالم تاني م جايب خبر لي الدنيا سلمت عليهو قعدت بعد م اشرت لي عامر يقعد في حته م يشوفو فيها احمد وبديت اتكلم معاهو
وفتح لينا التسجيل
عبدالله: الخبر شنو
احمد: هههههه م في خبر بس صاحبك ود الذين شال مني هبة بس والله م اخليهو يتهني
عبدالله: ياخ شيل البت دي من راسك اصلا م بتحبها انت
احمد: ولا عايز احبها اصلا انا م بحب بس بحب اعذبهم بس زواج من اجل التحليل بقلمي ريري
عبدالله: ههههه بس هي واحدة بس
احمد: القال ليك منو
عبدالله:كيف يعني
احمد: ههههههاي انت بقيت اتنين مالك
عبدالله: ي زول انا واحد اتنين كيف
احمد: والله اتنين لالا بقيت تلاته هههههه
عبدالله : المهم م قلت لي كم واحدة عرفتها قبل هبة
احمد: م متاكد كم بس اكتر اتنين عذبتهم هبة ونهاد
عبدالله: نهاد مش دي قريبة عماد
احمد: اي ياها علي فكرة كانت بتحبني شديد بس انا انسان سادي بحب اعذب وم بحب زول هنهههههه عماد حذرها مني بس م اقتنعت لحدي م خليتها تجن هههههههاي
عبدالله: عملت ليها شنو
احمد: استدرجتها وخليتها تثق فيني ثقة عمياء وطلبت منها تجي البيت تشوف امي وتتعرف عليها وهي لانها صغيرة وم كانت عارفة الموضوع م كان صعب وافقت وجات البيت وانا اصلا كنت جايب مراة عشان تمثل انها امي وفعلا اقتنعت وقعدت مع المرة لحدي م انا جيت ودخلت وخليت المراة تتخارج واغتصبتها بي اسوا طريقة لي درجة انها بقت م عارفة تقول حرف غير انها تصرخ وتقول ابعد عني هههههههاي م استحملت العذاب الشافتو ضربتها لمن جسمها كلو بقي يجيب دم واغمي عليها كم مرة كان نفسي اصور لي عماد ههههههاي عشان يشوفو عذبت اختو كيف وبعدها تعبت ودخلوها المستشفي وانتحرت كان نفسي تطول اكتر عشان تتعذب اكتر بس يلا حصل خير
عبدالله: وبعد ماتت ضميرك م انبك
احمد: ضمير شنو دا اصلا م عندي هههههه
عبدالله: وهبة زواج من اجل التحليل بقلم ريري
احمد: هبة دي رفضتني عشان كدا عذبتها بس انا كنت عايز اكمل حياتي معاها بس هي رفضتني عشان كدا اغريت ابوها الطماع دا وعذبتها وكنت عايز استمر بس عماد الكلب خرب علي
عبدالله: حاسي بيك م تمام مالك الليله
احمد: هههههاي انا ههههههه لالا انا تمام ي صاحبي لمن غلط اقول ليك شي انا حاسي اني طاير اديك تطير معاي
عبدالله: تديني شنو
احمد: انت عايز شنو بنقو عرقي حبوب بدرة اي فهم انا عندي بس الصنف النضيف منتهي
عبدالله: ي زول وجبت الحاجات دي من وين جبتها
احمد: ي زول انا ديلر قديم
عبدالله: ي زول
احمد: والله هسي بعد يومين عندي بضاعه ماشي استلمها في الشعبي بس لو لقيت مشتري لي العربية
عبدالله: ايوا
احمد: اها ي زولي اديك شنو
عبدالله: انا م داير انت عارفني غير سجارة حمراء م بشرب شي
احمد: ههههههه والله الشفع بقو يشربو البتقو ويشمو البدرة وانت في سجارة حمراء
عبدالله: م داير كدي انا عندي مشوار بتصل بكرا لو لقيت ليك مشتري
وانتهي التسجيل
معاذ: دا اثبت لي جريمتو البشعة
عماد: لالا العملية البعد يومين دي ح تكون نهايتو بس لازم نشوف ليهو مشتري
عبدالله: وعندنا يوم واحد بس عشان نلقي مشتري
معاذ: جاتني فكرة ....