
رواية زواج من أجل التحليل
الفصل التاسع 9
بقلم ريري
المهم بتاع الركشة طاير وانا اشيل واقول ليهو زيد السرعةواحمد يشيل ويضرب في البوري وانا خلاص ال فيني كملت بس اتذكرت رقم عماد وقلت لي بتاع الركشة عليك الله اديني تلفونك اضرب لي راجلي مدة لي التلفون تكبت رقم عماد بعد تعب مسافه حتي رد لي
عماد: الو
هبة: واي ي عماد الحقني احمد ماشي وراي وعايز يضبحني واشيل واكورك وابكي
عماد: هبة انتي وين ومعاك منو
هبة : راكبة ركشة وقربت من البيت
عماد :انا قدام البيت انتي وين بالظبط
هبة : م عارفة والخط قطع لقيت التلفون قطع وشغالة ي رب م يحصلني ي رب
كنت واقف مع العمال بنزلو في الغرفه تلفوني ضرب كنت م عايز ارد بعدين طلعت قلت ارد كان رقم غريب فتحت الخط وجاني صوت بت بتكورك وبتقول لي الحقني ي عماد بعد قالت احمد وركزت مع الصوت عرفت انو دي هبة سالتها هي وين قالت قريبة من البيت وفجاءة الخط قطع انا بقيت مقلق واقف قدام الباب ومرات امشي لي بداية الشارع الصبر قلبني واضرب في التلفون بس مغلق وانا واقف شفت ركشة قبل تقيف جريت عليها نزلت منها هبة وجات جراية علي وبتاع الركشة برضو نزل وشفت احمد وقف عربيتو وجا جاري وراها وقفتها وراي واتكلمت معاهو
عماد: عايز شنو ي احمد
احمد: عماد اطلع منها عندي كلام مع الزفتة دي
عماد: لالا كلامك معاي انا م هي وقبلت علي هبة ادخلي البيت واقفلي الباب عليك
احمد: عماد ي زول انت شغلتك فيها شنو
عماد: م رديت عليهو انتظرت لمن هبة دخلت البيت وقبلت عليهو شغلتي بيها انها مرتي
احمد: انت صدقت ولا شنو كلها شهر ولا شهرين وح تتطلقو
عماد: القال ليك منو ح اطلق
احمد: كيف
عماد: عديل انا عرستها لانو عايز اعرسها وعشان احرق قلبك مع انو عارف انو م بتحبها بس حب التملك م بخليك
احمد: دا م كان الاتفاق
عماد: اصلا م كان في اتفاق بس انت كنت وسيلة اصل بيها لي هدفي ويلا من هنا ولو تاني اتعرضت لي مرتي م بحصل خير
احمد مشي لانو عارف م بقدر علي شلت الحاجات من بتاع الركشة ودخلت البيت ودخلت الحاجات مع العمال هبة كانت جو الغرفة دخلت عليها لقيت الدموع دي عشرة عشرة قربت منها واتكلمت معاها
عماد: ي هبة انا اسف انك اتعرضتي لي موقف زي دا اوعدك م ح يحصل تاني
هبة : مشي
عماد:اي وم ح يتعرض ليك
هبة: شكرا ليك انا كنت خايفة شديد
عماد: طال م انا معاك اوع تخافي
هبة: حاضر
عماد: جبتي شنو من السوق
هبة: دقيقة اوريك....