رواية زواج من أجل التحليل
الفصل الثالث 3
بقلم ريري
معاذ : مالك ي احمد م علي بعضك
احمد: والله ي معاذ طلقت هبة
عبدالله: كيف نحن امس م كنا معاك
عبدالرحيم: م تقول عشان الموقف الامس
معاذ: تكون م جادي والله
احمد: اي والله زعلتني شديد مع اني كلمتها انو انا جاي معاي ضيوف
عبدالرحيم: ياخ يمكن تكون تعبانة ونحن اهل بيت م كان في داعي تتطلق مرتك ساي
عبدالله : امشي رجع مرتك ي زول
احمد: مافي طريقة رجعه
عبدالله: وليه يعني
معاذ: دي كانت الطلقة التالتة
عبدالرحيم: الله يهديك بس ي احمد
احمد: بفكر في طريقه ارجع بيها هبة
معاذ: تاني مافي طريقة رجعه
احمد: لالا لازم هبة ترجع لي
عبدالرحيم:البسمعك يقول من قصة الحب الكانت بينكم
احمد: اي م بحبها بس مستحيل اخليها تعيش مبسوطة
عماد: وليه ان شاء الله
احمد: اوووو عماد والله انا افتكرتك نومت
عماد: صاحي وسامعك
عبدالله: انا عندي ليك حل
احمد: اها قول
عبدالله: تخليها تتزوج وبعد شهر ولا كم شهر تتطلق وترجع تعرسها
احمد: ياخ م فكرت فيها نهائي بس لازم زول مضمون م يطمع فيها
عبدالرحيم: هوي دا زواج حرام اوعك تعمل كدا
معاذ: عبدالله انت زول م عاقل نهائي وعارف الاخ م عندو عقل اصلا
احمد: م عارف ليك زول مضمون ي عبدالله
عبدالرحيم: والله انت م جادي
احمد: جادي المهم هبة ترجع لي
عماد: طيب انا بعرسا ليك
احمد: والله ي عماد
معاذ: صمت دهرا نطق كفرا
عماد : اي
عبدالرحيم: عماد بطل الجن احمد معروف مجنون لكن انت م اتوقعتها منك
احمد: انتو اطلعو منها
عبدالرحيم: انا ماشي
معاذ: سوقني معاك
وطلعو معاذ وعبدالرحيم وعبدالله قعد عشان يعرف البحصل شنو اتفقو علي التفاصيل وكل واحد مشي علي بيتو
احمد عمرو 29 سنه مهندس مدني كان شعال في السعودية بس خلي الشغل اول م اتزوج هبة
معاذ: 28 سنه صاحب عماد ويعتيرو الاتنين زي الاخوان
عبد الرحيم صاحب معاذ واحمد عمرو29 سنه يعتبر شيخ الشله
عبدالله صاحبهم برضو 28 سنه بس مجنون حبتين وعندو افكار فظيعه
عماد 29سنه صاحبهم برضو بس م بحب احمد لي اسباب ح نعرفها مع الرواية طويل اسمراني عندو عضلات م شاء الله شغال في ورشة بتاعت سيارات حقتو اهلو متوفين عايش براهو كان عايش مع خالتو بعد دخل الجامعه خالتو سافرت برا السودان بقي شغال وبقرا
رجعت البيت وانا عارف معاذ زعلان مني بس ح ارضيهو بس اخلص من موضوع العرس دا فتحت الباب دخلت الموتر بتاعي عندي بيت دي الحاجه....