رواية زواج من أجل التحليل
الفصل الثاني 2
بقلم ريري
الجيران سمعو ضربو في الباب والكواريك بتاعتنا جو طلعو وشلت الا شبشبي وبقيت مارقة من بيت العذاب والجحيم
اعرفكم بي نفسي اسمي هبة امي سمتني هبة الله لانو كان نفسها في بت انا اكبر واحدة في البيت عمري ٢٠ سنه ابوي كان عايز ولد عشان كدا زعل لمن انا جيت بت وبقي يعاملني كعب لحدي م امي جابت اخوي انور اخر دلع وحب واي حاجة نفسو فيها بجيبها ليهو وانا لو شافني ساي يسمعني اكعب كلام امي بس الكانت بتحبني بس بعد جا انور بقت زي ابوي وتاني جابت توام خباب. ومهاب انا بقي وجودي بس لي الشغل غير كدا م عندي اي اهمية
كنت مبسوطة اضحك براي اي زول يشوفني يقول مجنونه بس م شغالة بي زول وصلت البيت وقفت شلت نفس قبل المعركة ال ح ادخل عليها دقيت الباب فتح لي مهاب عمرو15 سنه
مهاب: عملتي شنو
هبة: كيف
مهاب: راجلك ضرب لي ابوي وقال انك قليلة ادب وم محترمة وصغرتيهو قدام الناس وهو طلقك
هبة: ايوا
مهاب : ايوا شنو ابوي ح يطلع روحك وحالف عليك
هبة: عادي وين الجديد زح كدا خليني ادخل
ودخلت طبعا مهاب علاقتي معاهو حلوة شديد م زي الطير الاتنين ديلك وقفت في باب البرندة تبوي اول م شافني جاي علي يضربني اول كنت بخاف بس بعد العشتو مع احمد بقيت م برمش اصلا خلي ابكي واعمل شي جسمي اتعود علي الضرب ابوي بعد كان جاي يضربني وقف لمن شافني م عملت ردت فعل واصلا وشي كان ظاهر انو في زول ضربني سالني
ابوي : دا شنو ال في وشك دا
هبة: ولا شي
ابوي : كيف ولا شي دا منو العمل فيك كدا
هبة: اها قصدك اثار الضرب ال في وشي دي لالا عادي م تشغل بالك يومين وتختفي
ابوي: كيف يعني
هبة: عديل اصلا متعودة بس المرة دي احمد تقل يدو شوية
ابوي: احمد قاعد يضربك
هبة: يعني هو م قال ليك دا فيها ضرب وخنق وحاجات كتيرة
ابوي: انتي عملت شنو عشان يضربك كدا
هبة : انا تعبانة وعايزة انوم
ودخلت منهم وسمعت ابوي بتكلم مع امي انو مافي طريقة يرجعني بيها لي احمد تاني وكدا المصاريف والحاجات ح تقيف دموعي نزلت يعني ابوي بعد عرف انو احمد بضربني برضو عايز يرجعني ليهو بس الحمدلله مافي طريقة تاني ارجع ليهو بيها حياتي اخيرا ح ترجع زي زمان دخلت شلت جلباب من حقات امي ودخلت الحمام استحميت وغسلت شعري تمام وجيت سرحتو واتمسحت ومشيت المطبخ جبت لي اكل وقعدت قدام الشاشه مع مهاب وخباب و انور اصلا كان مافي صايع كالعادة من مسلسل لي مسلسل واضحك ولا هواضحك ولا همي وامي وابوي يدخلو يمرقو زي المات ليهم زول بس م مهم المهم اني ارتحت من احمد امي نادتني مشيت ليها في المطبخ
امي : تعالي ي عملي الاسود وعملتي شنو لمن راجلك طلقك
هبة: ولا شي بس انا مليت من الاهانة والضرب والعذاب واصلا مافي سبب يخليني اتحمل دا كلو
امي: ي بت خافي الله راجلك دا الف واحدة تتمنهو
هبة: ضحكت وقلت ليها الكلام بتقولي فيهو لانو م حصل يوم ابوي ضربك ولاحصل يوم ابوي نبذك ولا حصل يوم ابوي منع عنك الاكل والشراب حاجه م عشتيها م تتكلمي عنها واذا انتو م عايزين منو قالو ليك اني بت كنتي اجهضتني بدل العذاب دا امي ضربتني كف وقالت لي
امي: ليهو حق راجلك يضربك بي سبب لسانك الطويل وقلت ادبك م غلطان عليك هسي ارتحتي الناس يقولو بتكم طلقهو بي التلاته في سنتين تاني البعرسك منو
هبة: وانا اصلا حاجه اسمها عرس دي م عايزاها
امي: يعني عايزة تقعدي علي قلبنا العمر كلو
هبه: م مشكلتي انتو اهلي تتحملوني بس
امي: ي بت اتكلمي بي ادب
هبة : بي ادب ولا من غير ادب كلو واحد عندكم
امي: غوري من وشي سريع
هبة : اصلا ماشة وطلعت طوالي مشيت الغرفة الكانت بتاعتي لقيت عملهو مخزن فتحتها وبديت ارتب فيها من الليله ح تكون حياتي كلها فيها لحدي م ادخل القبر قلت كدا وانا م عارفة القدر داسي لي شنو اشتغلت فيها نضافة بي الساعات لمن الزمن فات سمعت الباب فتح عاينت لقيتو دا انور جاي داخل البيت عاين لي وسالني
انور: جيتي متين
هبة: قبيل
انور : غريبة بايت عندنا راجلك وين
هبة: م وصلك الخبر م طلقوني
انور: احسن وابوي استقبل الخبر كيف
هبة: جاط حبة وسكت يعمل شنو تاني م فيهاطريقة رجعة
انور: اصلا راجلك دا م عاجبني ودخل خلني واقفة اول مرة انور يتكلم معاي قدر دا اصلا هو في حالو وانا في حالي دخلت نومت طوالي من التعب...