رواية ولنا في الحلال لقاء
الفصل الثالث 3 الجزء الثاني
بقلم منى الهادي
متوكل:_هي بسم الله مالك يا منى 😂😂😂
منى:_تسمي كديس قول لي سديم دي منو الاختك كارهاني بي سببها دي؟! 🥺
متوكل:_سديم دي خطيبتي 🤭
منى:_قامت قعدت في نص السرير وقالت ليهو هي وتاني هي لمن انت خاطب نان بدور بي شنو تعلقني معاك وتخطفني
متوكل:_اخطفك؟!
منى:_عيونها رقرقت اي تخطفني خطفتتي من حلتي ليهم حق سوازن وامك يكرهوني
اوب عليك يامنى
انضريتي يامنى
م كان يومك يا منى
فرحتي علي الفاضي يا منى
متوكل:_ههههههه طيب روقي كده
منى:_م بروق ولا بروق خليت خطيبتك وجيتني ودمرتني جاي تقول لي روقي اصلآ كنتا شاكه فيك
متوكل:_لا حوله ولا قوة الا بالله العلي العظيم
شوفي ياحبيبتي!
سديم دي صحبة سوزان اختي من زمان شديد وانا م كنتا عارف انو سوزان وامي عايزني اتزوجها،،، فبقو يعرفوني عليها علي اساس انا احبها وكده،،، م اغش عليك البت حلوه 😂
بس م احلى منك ياجميل 😍
المهم انا م قدرت اتقبلها وخليتها وجيت البلد عشان اشوف لي وحده كويسه واتزوجها ووقتها طلعت انت ياقمررررر في وشي بعد فقدت الأمل
وبس ياستي سوزان وامي زعلانيين عشان اتخطيت ريهم واتزوجتك
منى:_😍 كان كدي خلاص قلبي ياداب ارتاح امشي نوم
متوكل:_ههههههه ان شاءلله دايما مرتاح قلبك بس قبل م اقول ليك اي حاجه عايزك تعرفي انو هنا ح تواجهك صعوبات وكتير شديد بس انا م عايزك تخافي عارفه ليه؟!
عشان انا جنبك وسندك ولو حصلت اي مشكله نحلها مع بعض ونخلي الأمور تجري زي م هي عليه
منى:_ختت راسها في المخده وقالت لي مدام انت قاعد انا م بفكر في اي مشاكل وغمضت عيونها وهي مبتسمه 😌☺️
متوكل بقي يعاين ليها قال البت دي غريبة بطريقه عجيبه حاجه كده مزيج بين الحلو والحامض تخليك تحبها غصب عنك حتي وانت م فاهم كلامها او تصرفاتها
انا عايز اعوضها
وبعوضهااا.
*(في غرفه أمل)*
سوزان جات داخله بسرعه وحضنت امها
امي امي
امل:_بسم الله ترميني يابت مالك فرحانه كده فرحيني معاك
سوزان:_سديم سامحتني يا امي قالت لي هي مستعده تساعدنا عشان نتخلص من القرويه ديك
امل:_فرحتيني والله بكلامك دا انا كنتا شايله هم من الموضوع بس بعد م وافقت تاني خلاص نقدر نشتغل علي الموضوع
سوزان:_ااااااي يا امي
*_(من جانب آخر)*
_انتي جنيتي يا سديم اتفاق شنو البتتفقيهو مع امل وبتها عشان تطفشي مرت ولدها هسي عايزه تقنعيني لو هو زمان قبل م يعرس م فكر فيكي يفكر فيكي هسي بعد م اختار البت ديك واتزوجها؟!
سديم:_ياخ يا امي خليني اعمل الفي راسي وبعدين انا سوزان مخططه ليها ولسه قلبي شايل نحوتها بس هي وعدتني تخلي يتزوجني وبعدين معقول انتي يا امي تخليني اخلي سنيني الضيعتهم كلهم وانا منتظره بس متوكل يعاين لي ولا يديني كلمه حلوه
وبعدين انتي نفسك مفترض تكوني معانا عشان انتي برضو كنتي دايره لي متوكل شديد
عزه:_طيب افترضي م حصل مش بتكوني خسرتي تاني وقتك في الفاضي؟!
سديم:_عليك الله اتفائلي خير يا امي يااااخ وم تكسري مقاديفي وبعدين هو انا بقول ليك عايزه اخطط براي بقول ليك سوزان وخالتو امل معاي وبعدين لو انتي كمان معاي الموضوع ح يكون افضل
عزه:_طيب عايزاني اكون معاك كيف امشي اشحد متوكل اقول ليهو عليك الله طلق مرتك وتعال عرس بتي ولا شنو؟!
سديم:_ياخ وبعدين مع التريقه حقتك دي يا امي لا م تعملي كده بس عايزاك تشجعيني وم تكبتيني
عزه:_طيب ح امسك لي رايه واقيف وراك عشان ترتاحي
*(في القصر )*
*الصباح*
متوكل صحي وبقي مراغب منى،، منى صحت وشافت متوكل كان بعاين ليها
قالت ليهو وااااي خلعتني مالك بتعاين لي زي ده من صباح ربنا
متوكل:_ههههههه صباح الخير
منى:_صباح النور بي ابتسامه
متوكل:_طيب يلا صحصحي وادخلي الحمام القدامك ده بتلاقي كل حاجه محتاجه ليها
منى:_سمح النقوم ندخل نشوف
منى دخلت الحمام بعد م متوكل فتحو ليها لأنهم م عرفت كيف تفتحوا 😂
بقت تعاين يمين وشمال وتمسك ده وتفك ده وتقول هسي دا بتعمل بيهو شنو ودا لشنو
الحاجات كلها م عرفتها بقت بس تخبط من راسها البصيب يصيب والبخيب يخيب 😂
_متوكل نزل تحت لقاهم كلهم قاعدين في الصفره (هنود ومصرين بس بفطرو من الصباح وبعدين بشربو الشاي واي واحد بعد كده بشوف هو ماشي وين ولا عايز يعمل شنو؟!🤭)
المهم كلهم كأنو قاعدين عدا فرح ومنى وهو
متوكل:_صباح الخيررررر
كلهم ساكتين الظاهر زعلانين من متوكل بس متوكل م اهتم كتير بي الموضوع
محمد قال ليهو صباح الخير وين مرتك
متوكل:_بتجهز نفسها ونازله
محمد:_طيب
متوكل:_وين الخاله فرح ليه م نزلت تفطر معانا
محمد قال ليهو رسلت ليها ماريا ديك ياها نازله معاها
فرح نزلت قالت ليهم كيفين اصبحتو يا جماعه
امل وسوزان ضحكو وكتمو الضحكه عشان محمد م يقلب عليهم
ومحمد حمر ليهم نظام اقفلو خشومكم ديل خلاص
متوكل:_صباح الخير يا خاله اتفصلي افطري معانا
فرح:_نان فطور شنو من الصباح عاد م بالغتو انتو يا الاغنياء نحنا في البلد بنفطر الساعه اتناشر وزي الزمن ده بنشرب شاي اللبن المقنن
امل:_انتي قلتيها البلد ودي م البلد افهمي كده
متوكل:_خلاص يا امي انتي عارفه في تغيرات حصلت في حياتهم وم بالساهل يتاقلمو يعني لازم نصبر معاهم وحبه حبه كلوا بسلك
فرح:_هي يا اللخت زي م قال ليك الولد السمح ده بنتاقلم نحنا وبعدين زحي لي كده من حبي ليكي عايزه اقعد جنبك
امل:_اسمي أمل اخت دي عندك هناك في البلد
محمد:_امل انا م عايز نقاشات مفهوم؟!
امل:_بس عاينت لييييي
(منى جات نازله لابسه ليها جلباب كاري في الأرض وتوب في نص الجلباب وشكلها صراحه بيش 😂😂😂🤭)
منى:_كيف اصبحتو يا جماعه
سوزان وامل وزينب فكو الضحكه ومحمد كتمها ومتوكل ضحك ليها في وشها بس وحاتكم منى ولا هببت كتير اشترت دماغها وجرت ليها كرسي وقعدت 😂💔
منى قعدت جمب متوكل
متوكل جراها قال ليها ده شنو اللبسه ده ههههههه مش انا قلت ليك في ملابس في الدولاب البسي منهم؟!
منى:_هي ملابسي دي مالها عيبيها لي تراااا انا م بدور اموركم دي يا الاغنياء وبعدين دي شنو الوليمه العاملنها دي وحات الله الصفره دي تأكل ناس حلتنا كلها وتفضل خاتنها انتو بس الخمسه انفار؟!
متوكل:_ههههههه قل هو الله احد قولي ماشاء الله عشان م تجيبي اجلنا من بطونا ساااااي 😂
منى:_ هي نان مفكرني سحارة؟!
عيني ملانه اني والله
متوكل؛:_خلاص خلاص اكلي ههههههه
منى شافتهم اي واحد ماسك شوكه وسكينه وباكل في الصحن القدامه شافت فرح قالت تعمل زيها لقت فرح ذاتها بتعاين في الصحانا وم عارفه تعمل شنو 😂🤭
هوي يا منى م تحرجي نفسك احسن حاولي اعملي زيهم وقلت كده وخمشت الشوكه والسكين كل شويه مره الشوكه تقع ومره السكين شويه كده الصحن ذاتو لقيتو في الأرض اتكسر حتت وكلهم عاملين كده😳😳😳😳
امل:_قلت ليكم البت دي م بت مدن واحسن ليها قريتها الكانت قاعده فيها دي م صدقتوني وقلتو المجنونه دي بتقول في شنووو؟!
زينب:_ومين سمعك بس نقول شنو محمد ومتوكل اسياد البيت وهم الصارفين علينا عشان كده إلا نمشي بي امرهم حتي لو م رضيانين
سوزان؛:_دي حكمت ربنا يا حبوبه حسبي الله بس
_بعد سمعتهم عيوني رغرغت والخجل داير يقتلني عديل نزلتا تحت عشان الم القزاز
ودموعي في عيوني
متوكل:_يخوانا دا كلام شنو دا انتو عارفين منى م قاصده حاجه وبعدين ليه تكلف نفسها من اليوم اكلي بي يدك وانا نفسي باكل معاك بي يدي لحدي م تتعلمي تستخدمي الشوكه والسكين ولو م اتعلمتي ذاتو انا م هاميني كتير
امل:_كمان داير تتخلف زيها مش؟!
محمد:_امل انا ساكت وم داير اغلط معاك قدام عيالك بس صبري ليهو حدود
المهم لميت القزاز ورفعت راسي فوق الصفره لقيت فرح شالت صحن الدجاج ختتو قدامها ومشمقه لي الضراع وواقعه فيهو اكل وكلهم بعاينو ليها 😳😳😳😳😳
*يأخذ قلبي وبعض من روحي في كل مره يقيف فيها إلا جانبي 💜*
لقراءة جميع فصول الرواية من هنا