رواية ولنا في الحلال لقاء
الفصل الرابع 4 الجزء الثاني
بقلم منى الهادي
_وااااااع زول يمسك خالتي فرح دي 🥺
بقيت اقرص فيها براحه يا خاله براحه
والله تقول اول مره تشوف اكل في حياتها يخوانا فضحتني علي فضيحتي العملتها والله قربت ادخل في جيبي حق جلبابي 😂
فرح:_م تقرصني يا منى الأكل دا كلو خاتنو عشان يتاكل ولا عشان يترمي وبعدين خليني اكل براحتي
كلهم بضحكو
متوكل قال لي خليها 😂
شكلها جيعانه والواحد مننا لمن يكون جيعان م بفكر بس بكون هاميهو ياكل 😂
سكته لي شويتين وقلتا بتقيف بس خالتي فرح عندها بلاعه يخوانا إلا اسوقها اوديها الدكتور يعرف الفي بطنها دي بطن ولا بلاعه 😂💔
شويه وخالتي فرح بشكت سنونها وورك الفرخه في يدها وبتقول لينا م تاكلو ههههه مركزين معاي ليه؟
معليش انا بس لمن بكون باكل م بنتبه اكلو عليكم الله
(حسيت خالتي فرح ست البيت ونحنا الضيوف عندها اقسم بالله قوة العين العندها م عرضت علي في زول 😂)
مسكتها جريتها قلت ليها ناكل شنو ياخاله الطبق كلو اكلتي
فرح:_حاسدني في الجداد الاكلتو دا انتي عارفه انا ال م بخليني اسمن شنو؟!
عشان الناس بتعاين لي في اللقمه 💔
معليش يا خاله اكلي تمي اكلك
امل قالت ليهم استأذن انا
محمد قال ليها اقعدي هنا عايزكم كلكم في موضوع مهم
كلنا فتحنا خشومنا عشان نشوف الموضوع المهم 🙂☺️
*(في البلد)*
واااااي يا جنبتي انا ضعتا خلاص
(الصوت دا طلع من ابرار كانت بتكنس في الحوش وفجأة وقفت وبقت تكورك)
عشه:_جات جاريه بسم الله يابت مالك كوركتي كدي انا قلتا حاصلة عليك حاجه!
ابرار:_يعني كل دا وم حاصل علي حاجه؟!
انا حاصل علي وحاصل علي ياخ كرهته حياتي دي عديل انا شغل البيت دا م قدرو ورمت المكنسه
عشة:_اها بدوري يكنس ليكي منو قولي لي!
عارفاني عندي الرطوبه وم بقدر علي الدنقير
ابرار:_خلاص شوفي ليك طريقه ان شاءلله تاجري ليك بت تجي تكنس ليك انا الإستاد دا كلو والله لا بقدر عليهو صباح ومسا ولا بقدر
عشه:_هوي يابت اجيب قروش بت تكنس من وين هو انا بصرف علي نفسي وعليكي بي العافيه بفرقيع الفول تقولي لي جيبي ليك بت؟!
وبعدين الشغل بعمل ليك شنو منى دي كانت بتكنس صباح ومسااا ونهار وتجيب المويه وتغسل العده وتعمل الأكل انتي هسي تقولي إلا المكنسه م قادره ليها؟!
ابرار:_هو انا بتغارنيني بي الكلبه ديك منى براحتها لو كانت هالكه نفسها انا حتي بسببها صحباتي خلني وم باقي لي غير سندس وحتي سندس بقت تتكلم معاي من تحت ضرسها بس مجبوره عشان م عندي زول غيرها امشي ليهو وهسي معاكي سلامه ماشه لي سندس وانتي اتصرفي مع الوساخه دي
وطلعت وخلتها وهي بتنادي ليها
يا ابرار
يابت يا ابرار
ابرار م اشتغلت بيها وكملت لبس توبها في الشارع
عشه:_م عرفت تعمل شنو مسكت المكنسه وبقت تكنس وكل دقيقه ترفع راسها تتنفس وتاني تعمل كده قعدت في الأرض وختت يدها في راسهااا
*(بيت ناس سديم)*
هوي يا حامد خلي بتك تتنازل عن الحاجه الفي راسها دي اتكلم معاها انت وقول ليها متوكل دا خلاص عرس عرس عشان بتك مجنونه ولو ختت حاجه في راسها م بتخليها غير لمن تتحصل عليها
حامد:_كان مشغول في اللابتوب وم مديها اهميه كتيره قال ليها طيب م تتزوجو أنتي مالك؟!
خليها تعمل العايزه بس تتزوج ود رجل الأعمال داك لو مشت في الحرام عشان الموضوع يتم م عندي مانع بس المهم تعرس الولد داك والزمن داك بمشي لي ابوه وبتكلم معاه بكل عين قويه وبقول ليهو يساعدني في الشركه بتاعتي وغير كده سديم بت ابوها وانا واثق انها بتمهد ليييييي الجوو
عزه:_واااااااااااااااااي ياراجل
اعمل فيك شنو؟
اقتلك ولا انتحر بيك؟!
يعني م عندك اي مشكله بس بتك تعرس ليك الراجل البجيب ملاين
ياخ انا والله م عارفه المصبرني عليك شنو
حامد:_اتكلم بلا مبالاه طيب لو كارهاني كده خلي اطلقك وامشي شوفي ليك شغله تانيه غيري انا وبتي
عزه:_والله كارهاك كره العمي بس اقول شنو
صابره عليك عشان بتي
بس اتاكد اني وصلت اخري جدآ
وم بتحمل اكتر من كده بس برضو بصبر لمن اشوف نهايتك
حامد:_اطلعي برا واقفلي الباب دا عندي شغل مهم واياك تعترضي طريق البت خليها تعمل العايزه
عزه طلعت وبقت تصفق بي يديها لا حوله ولا قوة إلا بالله العلي العظيم وحسبي الله ونعم الوكيل في دا راجل واب
*(في القصر)*
زينب:_خير يا محمد داير تقول لينا شنو؟!
محمد:_عايز اقول ليكم بعد بكره ح نعمل حفله لي منى ومتوكل ح يكون عزومه كامله ونهايتها زفاف
منى:_عملت كده 😳😳😳😳
متوكل ضحك عليها
زينب دايره تموت من الحاصل بس م تقدر تتكلم
سوزان شرقت لمن عيونها حمرت وقالت في قلبها وااااي سديم بتقتلتي خلاص انا م صدقت هي هدت ووافقت تمشي معاي في الخطه
امل:_ومالك مستعجل كده يا محمد
محمد:_مستعجل شنو انتو عارفين من البلد قلت ليكم انا بعمل عزومه وزفاف لي متوكل وبعزم كل الناس المشهوره وليها صيت في المجتمع
متوكل شغال يغمز لي منى سااااي ومن تتبسم
امل شافت منى بتتبسم الموضوع حرقها قالت لي م شايف انو استعجلت والحكايه محتاجه ترتيبات؟!
محمد:_القال ليك منو اني م رتبت لي الحكايه؟!
انا حجزت الصاله حتي من قبل م نمشي البلد وكل حاجه ميه ميه وكروت الدعوه هسي بتكون بتتوزع يعني م عليكم غير تجهزو وتمشو الصاله وانتي يا منى فستانك اتحجز بكره شوفيهو وامشي الكوفير بي المره
امل:_م شايف انك كان لازم تاخد رأينا !؟!
محمد:_انا م باخد رأي زول الكلام اتقال وح يتنفذ يلا اشوفكم بعدين وقبل م يقوم عاين لي متوكل قال ليهو موافق
متوكل مد ليهو يدو مع ابتسامه ميه ميه
محمد ابتسم وطلع
وزينب وامل وسوزان شغالين نقه وفرح اتبسطت لي ممنى ورجعن تاكل تاني
(فرح دي اكتر زول فاهم الدنيا صح بس الليله بتتبعج من الأكل😂)
منى كل مره تعاين تلاقي متوكل بعاين ليهم مبتسم طوالي تنزل راسها
سوزان قالت لي امها وحبوبتها بصوت واطي ورحكم فوق نتناقش في الكارثه دي
قامو طلعوا معاها
متوكل قال لي منى عايز اقول ليك حاجه وساقها وطلع معاها فوق وفرح قاعد تشرب ليها في عصير واترعت وقالت الحمد لله بصوت عالي
عاجبكم الحصل دا؟!
لا لا شوفو ليكم حل والله سديم لو شافتهم م ترحمني 🥺😔💔
زينب:_محمد دا برغم من انو ولدي بس عارض يااااااخ
امل:_نفسي اعرف اتوحمتي علي شنو ياعمتي لمن كنتي حامل بي ولدك ده
سوزان انتو في شنو وانا في شنو
امل:_يابت م تصبري لينا نفكر معاك يااااخ كرهتيناااا مالك نحنا نفسنا م عافين دا حصل كيف
زينب:_بقول ليك شنو يا سوزان كلمي سديم وفهميها براحه انو ابوك هو القال كده ونحنا م ينفع نقول لا بس نشتغل ليها تحت تحت
سوزان:_اصلآ مافي في يدي حاجه غير اكلمها واحاول اقنعها بي الحاصل يلا خلي امشي اتكلم معاها 🥺
_مبسوطه يا منى
منى؛:_هي هو انت جبتني هنا عشان تسألني السؤال ده؟!
متوكل:_منى بطلي عليك الله خليك جاده المره دي وقولي لي مبسوطه؟!
منى:_وهو في زول يشوف ضحكتك يتسأل السؤال ده؟!
متوكل:_ههههههههه صلاة النبي احسن مش دا الكلام القلتو ليك وقلتي م فاهمه حاجه؟!
منى:_والله الصراحه الجمله عجبتني وحفظتها هههههههههه
متوكل:_عيونك حلوين بليز عايني لي بس شويه لحظه بس
منى:_بري والله بخجل انا يلا انا نازله لي خاله فرح تحت 😍
منى عايزه تنزل متوكل لحقها ومسكها من يدها
منى شويه وتموت 😂
بقت تتلبك عا عاي عايز مني شنو؟! 🥺
متوكل:_عايزك انتي وم عايز غيرك
منى؛:_هو بطل قلة آدب اصلآ انا عارفك مستقل 🥺
فكني
متوكل:_بفكك بس بشرط
منى:_شنو؟ 🥺
مبسوطه انك ح تتزفي لي؟!
حصل يوم اتخيلتي انا اكون من نصيبك؟!
صراحه انا م اتوقعت ولا اتخيلت السكر دا يكون نصيبي
منى دنقرت وخجلت قالت ليهو شوف انا م بقول ليك حاجه بس عايزك تعرف انك كنت حلمي خلتو سرح في الكلمه وبقي يتبسم وهي اتفكت منو وجرت 😂
*ما بال قلبي يخفق هكذا،،،، لا هذا ليس بحب ولا سيكون يومآ هكذا،،،، هذا عشق ممزوج بعمر بحالهه 😍💜*
منى وهي نازله في السلم مسكت يدها ورفعتها وشافت مكان متوكل كان ماسكها وبقت تتبسم
وقالت فعلآ ابتديت اشوف شعاع السعاده هو الحب ده اتاريهو حلو لي الدرجه دي يحليلي كنتا محرومه 😂💔
*وعندما يخفق قلبك أول خفقه يصبح المحبوب بمثابة حياة 💜*
*(في بيت ناس سديم)*
عزه:_جات لقت سديم قاعده وسرحانه قالت ليها م عندك جامعه الليله؟!
سديم:_لا م عندي يا امي
عزه:_طيب عايزه اتكلم معاك في موضوع يقلب امك
سديم:_صراحه يا امي م تقولي انا قليله ادب بس بصدفه سمعت كلامك مع ابوي يعني تلقائيا عارفه الموضوع الحابه تتكلمي معاي فيهو
عزه:_ولسة مصره وم عايزه تتراجعي عن الفي راسك؟!
سديم:_لا ح اخرب بيت القروية ديك يعني ح اخربو
عزه:_ح تخربي بيت بت ح م شفتيها عشان انانيتك؟!
سديم:_هي اخدت حبيبي يا امي متوكل م بخلي ليها وعليك الله لو عندك كلمه بتفيدني في الموضوع قوليها م عندك خلاص اسكتي علي كده
عزه:_الله يستر من شرك الشايفه فيكي دا انا امك وبقول ليك من قمتي م حصل شفت شر في عيونك او حقد لي زول زي الشايفه هسي دا
سديم:_اي يا امي شفتي الدنيا دي مستعده احرقها عشان متوكل
(طبعآ سديم عندها مرض نفسي اسمو متوكل ومن زمان شديد 😂😂)
سوزان دخلت غرفتها وقفلتها عليها وجابت رقم سديم واترددت بس لازم تتصل وتقول ليها قبل م تصل الدعوه لي ابوها وتعرف منو وبعدين جنونها تقوم
(نجي الحلقة الجاي نشوف رد فعل سديم إتجاه الحاجه دي شنو؟!)
.
.
.
.
.
.
.
.
*اريد أن نجلس سويًا في شُرفةمنزِل صغير ودافئ،*
*بعد أن أفلَح في إقناعك أن الحياة معي ستكون جَميلة لأني أجيد تحضير الشاي*
*ولدي كثير من الكلام المعسول عن مفاتنك وعن عيناك القاتلة بتحديد.....!*