الفصل التاسع عشر 19
بقلم مجهول
بعد اسبوع كده نون بدت تتأقلم ...
عمر كان مافي وخالد بيجي احيانآ بس م قاعد يلاقيها نهائي..
عمر جا البيت وشكلو كان عندو رحله علميه ...سلم ع مرة عمو و بتها ...
ولما عرف انها شغاله في بيتهم اتكيف ...
و بس بقي يخطط ينتقم من الحاقده دي كيف ويطردها من بيتو طرده الكلاب😏...
عمر سرق من هناء سلسل عشان يورط نون ...
و سبحان الله ربك رب الخير طلع السلسل الشالو بشبه لحد كبير السلسل الختتو آمال لي نون.! بس حق نون قديم ...
عمر نفذ الخطه ...
والصباح هناء قفدت السلسال ...
وطوالي شكت في نون!
هناء : يا نون ! ي بت ! 😠
نون جات جاريه : نعم ي ست هناء !؟
هناء : عندي سلسل دهبي مفقود م شفتيهو !؟
نون اتذكرت طوالي السلسل الادتو ليها آمال ...نون حاولت انو تقنع نفسها انو آمال ما كان قصدها تورطها بالسرقه "
نون : لالا م شوفتو ..بس بفتشو ليك وان شاء الله حيتلقي ..
هناء : غيرك انتي مافي زول بينضف ...بتمني تلقيهو لانو غالي علي كتير ..
نون : م تشيلي هم ..
نون بدت تفتش عن السلسله بس م لقتها ..
في اثناء ماهي بتبحث عمر جاها : المشردة كيفك 😉..
نون م ردت ولا عاينت ليهو والحركه غاظتو شديد !😤
عمر : م تردي اااي ..لكن ببقي ليك حار بعدين..😏
والسلسله م حتلقيها ..وبدل تمشي الشارع حتمشي السجن ..
نون عرفت انو دا عمر الشال السلسل ..
نون : حتستفيد شنو انت هسع !🙄😒
عمر : دا انتقام بسيط للعملتيهو اليوم دأك..
نون : انت في والله في ..والله م بظلم زول .
عمر ابتسم وقال : لو عايزه تطلعي من العذاب دا كلو ؛انتي عارفه تعملي شنو
نون فهمت تفكيرو الوسخ ...: شوقك والله ..بس انا م كده..يلا خم سفنجتك وفحط من هنا
عمر ضحك شديد وقال : حلوه خم سفنجتك دي 😂😂...يلا ي حلو نتلاقي ف السجن ..
عمر مشي وخلا نون محتارة م عارفه تعمل شنو
نون دعت دعوة ( اللهم اجعل كيدهم في نحرهم ) يلا دي كانت بتريحها شديد وبتحلها من مشاكل كتيرة ..
المساء بعد ختت العشاء في السفرة كان في هناء وابو خالد واختهم ..وعمر وحبوبتهم صفيه ..
هناء : بعد العشاء عايزاك ي نون كويس!؟
نون قلبها دقه وقالت : حاضر ..
نون بس ماسكه دعوتها دي ...وم فكتها نهائي ..
طوالي جاتها فكرة حتقدر تطلع نفسها من الورطه دي ..
هناء نادت نون ..لما جات
كانو كلهم قاعدين ..
عمر يتبسم ساي وخالد شاغل نفسو بي تلفونو ..
هناء : اها لقيتيهو !؟
نون قالت بكل ثقة : اي لقيتو ..وبالرغم من انو هي م لقتو بس قالت انها لقتو
عمر قلع عيونو لانو عارف انو السلسل معاهو ...
فكيف نون تقول انو لقتو !؟😳
نون دخلت يدها في جيبها وطلعت حاجه خلت عمر يقوم من كرسيهو...😰....