الفصل العشرون 20 والواحد والعشرون 21
بقلم مجهول
نون: هدا السلسل ..لقيتو تحت سريرك ي مدام! +
هناء ': بس انا فتشته تحت السرير وم كان في اي حاجه!
نون : انتي طلبتي مني افتشو ليك وهدا لقيتو ..
عمر طوالي من وقف قام جري علي غرفتو عشان يفتش السلسل ...
وقت مشي مكان دساهو لقي السلسل قاعد! 😳
عمر اتخلع وبدا يعرق وهو بتسآئل ': ي ربي المجنونه دي لقت السلسل داك وين !؟ هو اصلآ بشبه دا !
عمر فكر وفكر وآخيرآ وصل لي قناعه انو نون اشترت سلسل مذور .يعني فالصو ..عشان تتخارج من ورطتها دي'
عمر رجع ليهم ولقي نون لمت عدة العشاء و ودتها المطبخ ..طوالي لحقها ..عمر كان غضبان قام خنقها طوالي وهو بقول : احكي ي جن انتي لقيتي السلسل وين !
نون خافت صرخت فيهو انو يفكها ..طوالي هناء ابو خالد و وخالد جو جارين المطبخ ..
نون بقت تكره خالد لانو المواقف الحصلت دي كلها كان خالد بتفرج بس بدون ما يتدخل ..
هناء : ف شنو ي عمر فك البت!
عمر : البت دي محتاله لازم تطرديها من البيت !
هناء : بس هي م عملت شي وشغلها نضيف وعاجبني !
عمر طلع السلسل من جيبو وسط زهول الحضور : عايني هنا ..انا الشلته السلسل عشان تقولي انها حراميه وتطرديها بس م اتوقعته انو هي تجيب واحد زيو علي اساس انو دأ هو !
هناء طلعت السلسل الجأبتو نون و شالت السلسل التاني من عمر ...هناء قلعت عيونها ..
وبدت تتمتم ..: خ خ خلاص ي جماعه الزمن فات بكره نتكلم..
وانتي ي نون لو عايزه تتمي العده هسه تميها ولو عايزه تتميها بكره كمان ممكن ..شوفي البريحك
قالت الكلام دأ واتجهت علي غرفتها...
هناء بالها انشغل...كيف سلسل ندى يظهر بعد السنين دي كلها !!! كان وين
هناء شكت بي انو نون بتعرف شي عن ندى ..
بس م متاكده بالضبط كده الحاصل شنو ..
نون تمت عدتها ...خالد جا عشان يشرب مويه : لو سمحتي عايز كبايه مويه ...
نون : التلاجه جمبك تمام !؟ صح خدامه بس العايزه اعملو بعملو بي مزأجي
خالد ما علق علي كلامها وبس براهو شال كبايه و شرب براهو ..
نون كانت طالعه بس مسك يدها ع اساس م تمشي ..
نون لصقت فيهو كف جامد وقالت بغضب : يدك دي م حترجع ليك المرة الجأيه التقرر فيها تمد يدك تلمسني !
خالد ؛ : معليش كنت عايز اتكلم معاك وخشمي ملان مويه وانتي كنتي عايزه تمشي..اضطريت اعمل كده!
نون : دي مشكلتك تمام !
نون طلعت ماشه علي غرفتها ..وهي ماشه شافت هناء طلعت من غرفه كده ودقست خلتها مفتوحه..
و كانت الغرفة دي بتاعت المرحومه ندى.. نون جرت و
دخلت الغرفه عشان تاخد انطباع عام عنها ...
وقت دخلت اتفاجأت... غرفة نوم كبيرة...
وفي سرير دبل وبي فوقو صورة مره جميله جمال مبالغه ... مره بيضاء و شعرها اسود و طويل
شعرها مسدول وجاي بي كتفها وفي لمعة في عيونه...
نون اعجبت بيها كتير وبقت تبحلق فيها باعجاب..ما حست بي نفسها و هي بتفك شعرها و جابتو بي نفس نفس طريقة المره
بالرغم من انو شعر نون م طويل زي حق المره بس كان بي نفس الاتجاه...
نون م شعرت بي روحها الا وقت هناء نهرتها:انتي الدخلك هنا شنو !
نون وقت لفتت لي هناء هناء صرخت واتخلعت ...
نون م عرفت.الحصل شنو ...
هناء شافت آخيرآ شبه نون بي ندى الفي الصورة !
نون بقت نسخة مصغرة من ندى....
خالد جا جاري وشاف امو مخلوعه وهي بتأشر علي نون! +
خالد كمان أتفاجأ لما شاف نون وصورة مرت عمو ندى..كان بيناتهم شبه عجيب!
.......
من وقت ندي ماتت وهي منتحرة ...راجلها علم الدين قام كبر الصورة وبرزها وعلقها في الغرفه ....
وقفلها وما كان في زول بدخل الغرفه غيرو ...
ومن وقت مات الغرفه م اتفتحت الا هسع...
عشان كده ملامح ندي اتمحت ...و بدت تتنسي ...
نون وقت اعجبت بي الصورة قامت قررت تبقي نفسها زيها ... و فكت شعرها عشان يبقى زي الفي الصورة
......هناء : اطلعي سريع من هنا ! الغرفه دي تاني م تدخليها نهائي!
نون خافت وبدت تبكي
خالد : لو سمحتي ي نون اطلعي ...
نون طلعت بسرعة وهي بتبكي...
وكانت بتسأل روحها... لشنو هناء كوركت فيها!
هناء عرفت انو نون وراها قصه...
خافت الفي بالها يكون صاح !
هناء دخلت غرفتها ...وقررت تفتح القلاده ...
لما فتحتها لقت صورة علم الدين ! بس صورة ندي مافي
صورتو كانت معالمها م واضحه بس هناء عرفتها لانو علم الدين لما سافر مرة من المرات لي ايطأليا جأب لي مرتو ومرت اخوهو نفس القلادتين ..
هناء جرت لي نون عشان تسألها لقت القلاده وين ...
نون قالت ليها تحت سريرك
هناء : انتي كذابه ! لقيتيها وين !
نون ..: انا م كذابه..دي ادتني ليها آمال
قالت لما لقوني زمان وانا طفله انو القلاده دي كانت معاي
(خالد كان واقف وسمع اي حاجه)
خالد : ولشنو م حكيتي !
نون : لانو انا كمان م صدقتها ..كنت متاكده انها سرقتها و ادتني عشان اتورط !ا
خالد اتحرق وقال : انتي نهائي م حتبفي زي الناس ! عمرو التشرد م حيطلع منك ولا من قلبك💔..
هناء عاينت لي خالد و اتوجعت كتير..
اما نون اتأثرت شديد... و طلعت من الغرفة 💔
هناء م اتكلمت ..بس مشت غرفتها وقفلت الباب..
خالد طلع من البيت ...و كان متأثر بالكلام القالو...
وهو سايق عربيتو كان بفكر بالقالو لي نون
خالد ندم ندم شديد ...واتمني الارض تنشق وتبلعو
هناء بدت تشك انو في علاقه بين نون وندي...
وكل ما التفكير يجيها انو نون بت ندي بتطرد الفكره من راسها ...
لانها متاكده ميه في الميه انو بت ندي ماتت زمااان وانو ندي كمان ميته...
...ي ربي انتي لاعبه زمان ياتو لعبه ي هناء!؟...؟